ရခိုင်အမျိုးသားပါတီမှ ပြည်သူ့လွှတ်တော်ကိုယ်စားလှယ် တင်သွင်းသည့် ရခိုင်အရေးနှင့်ပတ်သတ်သည့် အဆို ကန့်ကွက်သူများ၍ မှတ်တမ်းအဖြစ်သာတင်ခဲ့ရ

ရခိုင်အမျိုးသားပါတီမှ ပြည်သူ့လွှတ်တော်ကိုယ်စားလှယ် တင်သွင်းသည့် ရခိုင်အရေးနှင့်ပတ်သတ်သည့် အဆို ကန့်ကွက်သူများ၍ မှတ်တမ်းအဖြစ်သာတင်ခဲ့ရ
February 20, 2018 Fame Asian

2:16 pm
ရခိုင်အမျိုးသားပါတီမှ ပြည်သူ့လွှတ်တော်ကိုယ်စားလှယ် တင်သွင်းသည့် ရခိုင်အရေးနှင့်ပတ်သတ်သည့် အဆို ကန့်ကွက်သူများ၍ မှတ်တမ်းအဖြစ်သာတင်ခဲ့ရ

28056200_1723804517681823_322407398032189762_n

နေပြည်တော်၊ဖေဖော်ဝါရီ ၂၀

ဘူးသီးတောင် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးအောင်သောင်းရွှေ တင်သွင်းသည့် ရခိုင်အရေးနှင့်ပတ်သတ်သည့် အဆို မှာ ယနေ့ကျင်းပသည့် လွှတ်တော်အတွင်း ကန့်ကွက်သူများသဖြင့် မှတ်တမ်းအဖြစ်သာ ထားရှိခဲ့ရသည်။

ဦးအောင်သောင်းရွှေ တင်သွင်းသည့် အဆိုအပြည့်အစုံမှာ “ရခိုင်ပြည်နယ်၊ မြောက်ပိုင်း ဒေသတွင် နိုင်ငံတော်၏ အချုပ်အခြာ အာဏာနှင့် နယ်မြေတည်တံ့ခိုင်မြဲရေး အတွက် လည်းကောင်း ၊ ဒေသခံ ဌာနေတိုင်းရင်းသားတို့၏ အသက်အိုးအိမ်၊ ထာဝရလုံခြုံမှုရှိသော လူမှုဘ၀ကို ထူထောင်နိုင်ရန် ဒေသခံတိုင်းရင်းသားတို့၏ လိုအပ်ချက် များကို ရေတိုရေရှည် စီမံကိန်းများ ပွင့်လင်း မြင်သာစွာ ချမှတ်၍ ထိရောက်သော အကောင် အထည်ဖော် ဆောင် ရွက်မှုများ ကို ပြုလုပ်ပေးရန် နိုင်ငံတော်အစိုးရအား တိုက်တွန်းကြောင်း” အဆိုဖြစ်သည်။

ယင်းအဆိုကို တပ်မတော်သားလွှတ်တော်ကိုယ်စားလှယ် ၂ဦးအပါအ၀င် လွှတ်တော်ကိုယ်စားလှယ် ၁၇ဦးတို့က အဆိုနှင့်ပတ်သတ်ပြီး ဆွေးနွေးခဲ့ကြသည်။

ပြည်ထောင်စုအစိုးရအဖွဲ့ကိုယ်စား ပြည်ထောင်စုဝန်ကြီးဒေါက်တာဝင်းမြတ်အေးက အဆိုနှင့်ပတ်သတ်ပြီး ဆွေးနွေးရာ တွင် ရခိုင်အရေးသည် မြန်မာနိုင်ငံ၏ အရေးဖြစ်ပြီး၊ရခိုင်အရေးကို ဆောင်ရွက်ရာတွင် တစ်နိုင်ငံလုံး၏ အရေးကဲ့သို့ သတိကြီးစွာထားပြီးကိုင်တွယ် ဆောင်ရွက်နေသဖြင့် အဆိုကို မှတ်တမ်းအဖြစ်သာ ထားရှိသင့်ကြောင်း သဘောထားမှတ်ချက်ပြုခဲ့သည်။

ပြည်ထောင်စုအစိုးရအဖွဲ့ ၏ သဘောထားမှတ်ချက်အပေါ် အဆိုတင်သွင်းသူက မဲခွဲဆုံးဖြတ်ခြင်းဖြင့် လွှတ်တော်၏ အဆုံးအဖြတ်ရယူလိုပါကြောင်း တင်ပြခဲ့သဖြင့် လွှတ်တော်ဥက္ကဌ က မဲခွဲဆုံးဖြတ်ခဲ့ရာ ထောက်ခံမဲ ၆၇မဲ ၊ကန့်ကွက်မဲ ၃၀၄မဲကြားနေ၁မဲဖြင့် အဆို ရှုံးနိမ့်သွားသည်။

အဆိုရှုံးနိမ့်သွားသည့်အပေါ် ဦးအောင်သောင်းရွှေက ”ရခိုင်အရေးကို လုပ်နေပါတယ်။ဆောင်ရွက်နေပါတယ်ဆိုရင် အဆိုကို မှတ်တမ်းမတင်ခိုင်းဘဲ အတည်ပြုပေးလိုက်ရမှာပေါ့။ဘာဖြစ်လို့ မှတ်တမ်းတင်ခိုင်းရတာလဲ။ထိထိရောက်ရောက်မလုပ်ပေးချင်လို့လားလို့ မေးခွန်းထုတ်ချင်တယ်”ဟု Popular News ကို ပြောသည်။

စိုင်းလမင်း

Comments (0)

Leave a reply

Your email address will not be published. Required fields are marked *

*