မူးယစ်ဆေး အကြောထဲထိုးသွင်းသူဦးရေ ၈၃၀၀၀ခန့်ရှိနေ

မူးယစ်ဆေး အကြောထဲထိုးသွင်းသူဦးရေ ၈၃၀၀၀ခန့်ရှိနေ
December 7, 2017 Fame Asian

3:00 pm
မူးယစ်ဆေး အကြောထဲထိုးသွင်းသူဦးရေ ၈၃၀၀၀ခန့်ရှိနေ

muuyiit

ရန်ကုန်၊ဒီဇင်ဘာ ၇

မြန်မာနိုင်ငံမှာ မူးယစ်ဆေး အကြောထဲထိုးသွင်းသူဦးရေ ဟာ ခန့်မှန်းတွက်ချက်မှုများအရ ၈၃၀၀၀ခန့်ရှိတယ်လို့ ကျန်းမာရေးနဲ့အားကစားဝန်ကြီးဌာန ဆေးသုတေသနဦးစီဌာနညွှန်ကြားရေးမှူးချုပ်က ပြောပါတယ်။

အစိုးရအနေနဲ့ ၂၀၁၇ခုနှစ်ဇွန်လအထိ မူးယစ်ဆေး အကြောထဲထိုးသွင်းသူများထဲမှ ၁၂၈၀၀ကျော်ကို မူးယစ်ဆေးအစားထိုး မက်သဒုန်းဆေးကျွေးခြင်းလုပ်ငန်းများ ဆောင်ရွက်လျှက်ရှိနေတယ်လို့ ဆေးသုတေသနဦးစီဌာနညွှန်ကြားရေးမှူးချုပ်က ဆက်ပြောပါတယ်။

”အာရှ-ပစိဖိတ်ဒေသတွင်းနိုင်ငံများအကြား ရှေ့ပြေးနိုင်ငံတစ်ခုအဖြစ်ဦးဆောင်လျှက်ရှိနေပါတယ်”လို့ ညွှန်ကြားရေးမှူးချုပ်က မြန်မာနိုင်ငံရဲ့ မက်သဒုန်းဆေးကျွေးနေမှု ဆောင်ရွက်ချက်ကို ရှင်းပြပါတယ်။

မြန်မာရဲ့ မက်သဒုန်းဆေးကျွေးနေမှု အခြေအနေဟာ မူးယစ်ဆေး အကြောထဲထိုးသွင်းသူဦးရေ ရဲ့ ၁၅ဒသမ၄ရာခိုင်နှုန်း ရှိနေပါတယ်။

မြန်မာနိုင်ငံမူးယစ်ဆေးဝါးသုံးစွဲသူများကွန်ရက်ဥက္ကဌ ဦးကျော်သူကတော့ အစိုးရအနေနဲ့ မက်သဒုန်းဆေးစားကျွေးမှုကို အခုထက်ပိုပြီး ပိုတိုးတက်အောင်ဆောင်ရွက်ပေးစေလိုတယ်လို့ ပြောပါတယ်။

၂၀၁၆ခုနှစ် စစ်တမ်းတွေအရ HIV ပိုးကူးစက်ခံရတဲ့ လူသစ် ၁၁၀၀၀ခန့်ထဲမှာ မူးယစ်ဆေးထိုးသွင်းသူအုပ်စုက ၂၉ရာခိုင်နှုန်း ပါဝင်နေတယ်လို့ ကျန်းမာရေးနဲ့အားကစားဝန်ကြီးဌာန က ပြောဆိုထားပါတယ်။

ဒါ့ကြောင့် အစိုးရက နိုင်ငံတွင်းမှာရှိတဲ့ မူးယစ်ဆေး အကြောထဲထိုးသွင်းသူများကြား HIV ပိုးကူးစက်ခံရမှုလျှော့ချရေးအတွက် တစ်ခါသုံးဆေးထိုးအပ်/ဆေးထိုးပြွန်ဖြန့်ဝေ တာတွေကို လုပ်ဆောင်ပေးနေတယ်လို့ သိရပါတယ်။

မင်းသုအောင်

Comments (0)

Leave a reply

Your email address will not be published. Required fields are marked *

*