နေပြည်တော် တည်ဆောက်ရေးတွင် သိမ်းဆည်းခံခဲ့ရသည့် လယ်ယာမြေများအတွက် လျော်ကြေးငွေ(၃၉)သန်းကျော်ပေးအပ်

နေပြည်တော် တည်ဆောက်ရေးတွင် သိမ်းဆည်းခံခဲ့ရသည့် လယ်ယာမြေများအတွက် လျော်ကြေးငွေ(၃၉)သန်းကျော်ပေးအပ်
October 27, 2017 Fame Asian

3:13 pm
နေပြည်တော် တည်ဆောက်ရေးတွင် သိမ်းဆည်းခံခဲ့ရသည့် လယ်ယာမြေများအတွက် လျော်ကြေးငွေ(၃၉)သန်းကျော်ပေးအပ်

22852053_1584570051586954_3158677442106404502_n

နေပြည်တော် အောက်တိုဘာ (၂၇)

နေပြည်တော်တည်ဆောက်ရေး လုပ်ငန်းများအတွက် သိမ်းဆည်းခံခဲ့ရသည့် လယ်မြေ၊ယာမြေနှင့်သစ်တောကျူးမြေများအတွက် (၂၀၀၆)ခုနှစ်မှ စတင် စီစစ်ပေးလျော်ခဲ့ရာ ယခုဘဏ္ဍာနှစ်အတွက် သိမ်းဆည်းခံမြေ ၃၈.၄၄ ဧကအတွက် သီးနှံလျော်ကြေးပါ အပါအဝင် ငွေကျပ် ၃၉.၃၀၅ သန်းကို တောင်သူ(၁၅)ဦးအား ယနေ့ပေးအပ်ခဲ့သည်။

“ယနေ့ပေးအပ်မည့် နစ်နာမှုထောက်ပံ့ကြေးငွေဟာ နိုင်ငံတော်ဘဏ္ဍာငွေမှတောင်းခံပေးအပ်ခြင်းဖြစ်ပြီး မိမိတို့ဘဝတစ်သက်လုံးအတွက်လုံလောက်မှုမရှိနိုင်သော်လည်း မိသားစုအတွက် တစ်ဖက် တစ်လမ်းမှ အထောက်အပံ့ရလိမ့်မည်ဟု ယုံကြည်ပါကြောင်း”ဟု နေပြည်တော်ကောင်စီ ဥက္ကဌဒေါက်တာမျိုးအောင်က ပြောကြားခဲ့သည်။

ယခင်က လယ်မြေ(၁)ဧကကို ကျပ်သုံးသိန်းခွဲ၊ယာ မြေ(၁)ဧကကို နှစ်သိန်းခွဲ၊သစ်တောမြေ(၁)ဧကကိုနှစ်သိန်းနှင့်သစ်တောယာမြေ(၁)ဧကကို တစ်သိန်းနှုန်းလျော်ကြေးပေးအပ်ခဲ့သည်။

ယခုဘဏ္ဍာနှစ် အတွက်လျော်ကြေးကို လယ်ယာမြေသီးသန့်လျော်ကြေးပေးရန်နိုင်ငံတော်မှငွေကျပ်သန်း(၁၀၀)ခွင့်ပြုထားပြီး(၁)ဧက လျှင် (၁၀)သိန်းနှုန်းဖြင့် တွက်ချက်လျော်ကြေးပေးခဲ့ကြောင်းသိရသည်။

“လျော်ကြေးပေးဖို့စိစစ်တဲ့နေရာမှာ တစ်ချို့နေရာလေးတွေမှာမြေယာစီမံခန့်ခွဲရေးကော်မတီအနေနဲ့ အငြင်းပွားမှုလေးတွေအတွက် အခက်အခဲလေးတွေရှိနေပါတယ်၊ဒီနှစ်ဘက်ဂျက်မကုန်ခင် စိစစ်ပြီးလျော်ကြေးပေးဖို့ ဆက်လုပ်သွားမှာပါ” ဟု နေပြည်တော်စည်ပင်သာယာရေးကော်မတီဝင် ဦးမင်းသူကဆိုသည်။

လက်ရှိအစိုးရ လက်ထက်တွင် နေပြည်တော်ကော်စီနယ်မြေအတွင်းရှိသိမ်းဆည်းခံမြေ အမျိုးမျိုးတို့အတွက် နိုင်ငံတော်ရံပုံငွေမှ ကျပ်သန်း(၉၀၀)ကျော် လျော်ကြေးပေးအပ်ပြီးဖြစ်ကြောင်း နေပြည်တော် ကောင်စီမှထုတ်ပြန်ခဲ့သည်။

အောင်ပြည့်စုံ

Comments (0)

Leave a reply

Your email address will not be published. Required fields are marked *

*