“လူနာရှင်တွေနဲ့ဖြစ်တာမဟုတ်ပါဘူး၊ ယာဉ်မောင်းနဲ့စဖြစ်တာပါ”ဟု မန္တလေးအထွေထွေရောဂါကုဆေးရုံကြီး ရှင်း

“လူနာရှင်တွေနဲ့ဖြစ်တာမဟုတ်ပါဘူး၊ ယာဉ်မောင်းနဲ့စဖြစ်တာပါ”ဟု မန္တလေးအထွေထွေရောဂါကုဆေးရုံကြီး ရှင်း
October 10, 2017 Fame Asian

5:20 pm
“လူနာရှင်တွေနဲ့ဖြစ်တာမဟုတ်ပါဘူး၊ ယာဉ်မောင်းနဲ့စဖြစ်တာပါ”ဟု မန္တလေးအထွေထွေရောဂါကုဆေးရုံကြီး ရှင်း
22406343_1583045678424375_4446759318076738429_n

မန္တလေး၊အောက်တိုဘာ၁၀

လူမှုကွန်ရက်မှာပျံ့နှံ့ခဲ့တဲ့ မန္တလေးအထွေထွေရောဂါကုဆေးရုံကြီး အရေးပေါ်လက်ခံကုသဆောင်ရှေ့ပြဿနာဟာ ဧည့်ကြိုနဲ့လူနာရှင်စကားများ ရန်ဖြစ်ကြတဲ့ ပြဿနာမဟုတ်ဘဲ ယာဉ်ရွှေ့ပေးဖို့အတွက် ယာဉ်မောင်းအားပြောဆိုရာမှာ စဖြစ်ခဲ့တဲ့ပြဿနာသာဖြစ်တယ်လို့ ဆေးရုံကြီးတာဝန်ရှိသူတွေ ပြောစကားအရသိရပါတယ်။

“ဆေးရုံရောက်စကတည်းက လူနာကသေဆုံးနေပြီးသားပါ၊ လူနာရှင်တွေက ဆရာဝန်ကိုကားပေါ်လာကြည့်ပေးဖို့ခေါ်တယ်၊ ဒီအချိန်မှာ အခြားအရေး ပေါ်လူနာတွေလုပ်ပေးနေရလို့မအားကြဘူး၊ ဒါကိုသိတဲ့ဝန်ထမ်းတွေက လူနာကိုကားပေါ်ကချပေး နောက်မှာလည်းအခြားလူနာတင်ယာဉ်တွေဝင်လာ နေတယ်၊ ကားရွှေ့ပေးဖို့ပြောတာကနေ စကားများကြတာပါ၊ လူနာရှင်တွေနဲ့ဖြစ်တာမဟုတ်ပါဘူး၊ ယာဉ်မောင်းနဲ့စဖြစ်တာပါ” လို့ ဆေးရုံကြီးတာဝန်ရှိ အကြီးအကဲတစ်ဦးကပြောပါတယ်။

အောက်တိုဘာ ၈ ရက်ည ၈ နာရီအချိန်ခန့်က မန္တလေးအထွေထွေရောဂါကုဆေးရုံကြီး အရေးပေါ်လက်ခံကုသဆောင်ရှေ့မှာ ဧည့်ကြိုဝန်ထမ်းနှစ်ဦးနဲ့ လူနာရှင်တို့ စကားများရန်ဖြစ်နေကြတာကို တစ်စုံတစ်ယောက်က ဗီဒီယိုရိုက်ကူးပြီး လူမှုကွန်ရက်စာမျက်နှာပေါ်တင်လိုက်တာမှာ ဧည့်ကြို ၀န်ထမ်းနှစ်ဦးရဲ့ ဟန်ပန်အမူအယာပြောစကားတွေကြောင့် ကြည့်ရှုသူအများစုက ဝေဖန်မှုတွေပြင်းထန်ခဲ့ပါတယ်

ဝေဖန်မှုတွေမှာ ၀န်ထမ်းနှစ်ဦးအား အလုပ်မှထုတ်ပယ်သင့်တယ်ဆိုတာတွေပါပြီး ဆေးရုံအပေါ်ထင်ယောင်ထင်မှားဖြစ်စေတာတွေလည်းပါလာတဲ့ အတွက် ယမန်နေ့အောက်တိုဘာ ၉ ရက်ညနေ ၆ နာရီအချိန်မှာတော့ ဆေးရုံတာဝန်ရှိအကြီးအကဲတွေကိုယ်တိုင် ဒီပြဿနာအပေါ် သတင်းထောက် တွေနဲ့တွေ့ဆုံရှင်းလင်းခဲ့ပါတယ်။

အရေးပေါ်ဌာနဆီသယ်ဆောင်လာတဲ့လူနာဟာ မန္တလေး ပုသိမ်ကြီးမြို့နယ်မှ ကျောက်မိုင်းခွဲရင်းထိခိုက်ဒဏ်ရာရှိခဲ့တာဖြစ်ပြီး သယ်ဆောင်လာစဉ်မှာပဲ လမ်းမှာအသက်သေဆုံးပြီးဖြစ်တယ်လို့သိရပါတယ်။

“အမြင့်ပေ ၅၀ လောက်ရှိတဲ့ကျောက်တောင်ပေါ်က ပြုတ်ကျတာဆိုတော့ ဒဏ်ရာတွေလည်းရထားတယ်၊ အာရုံကြောစနစ်ကိုသွားထိတယ်၊ ချက်ခြင်းသေနိုင်တဲ့ဒဏ်ရာပါ၊ လာကတည်းကအသက်ရှင်ဖို့မရှိဘူး၊ လမ်းမှာကတည်းက သေဆုံးနေတယ်ထင်တယ်လို့ လူနာကိုလိုက်ပို့တဲ့သူတွေထဲက တစ်ယောက်ကပြောတယ်၊ ဧည့်ကြိုဝန်ထမ်းနဲ့စကားများနေလို့ ဆေးကုမပေးလို့သေတာမဟုတ်ဘူး၊ ဒါကို လူနာရှင်တွေဘက်ကလည်း လက်ခံထားတယ်” လို့လည်း အဆိုပါတာဝန်ရှိသူကဆိုပါတယ်။

ဒီပြဿနာအပေါ် ဆေးရုံတာဝန်ရှိသူတွေဘက်က စုံစမ်းစစ်ဆေးမှုတွေလုပ်ဆောင်ခဲ့ပြီး ၀န်ထမ်းစည်းမျဉ်းစည်းကမ်းအရအလုပ်နဲ့ပြုမူပြောဆိုမှုလွဲမှားခဲ့တဲ့အဆိုပါဝန်ထမ်းနှစ်ဦးအား ၀န်ထမ်းစည်းမျဉ်းစည်းကမ်းအတိုင်း ဆက်လက်ဆောင်ရွက်ဖို့ရှိတယ်လို့သိရပြီး အလုပ်မှထုတ်ပယ်ခြင်းမထုတ်ပယ်ခြင်းကို တော့ သက်ဆိုင်ရာဝန်ကြီးဌာနတာဝန်ရှိသူတွေကသာဆုံးဖြတ်ရမှာဖြစ်တယ်လို့ ၄င်းကပြောပါတယ်။

စောထွေး

 

Comments (0)

Leave a reply

Your email address will not be published. Required fields are marked *

*