ကန့်သတ်ခံနေရတဲ့ လိင်စိတ် ခံယူမှု ကွဲပြားသူများ

ကန့်သတ်ခံနေရတဲ့ လိင်စိတ် ခံယူမှု ကွဲပြားသူများ
August 3, 2017 Asian Fame

1:49 pm
ကန့်သတ်ခံနေရတဲ့ လိင်စိတ် ခံယူမှု ကွဲပြားသူများ
20525507_1508651409178819_959962640214716414_n

ညပိုင်းမှာ မန္တလေး ကျုံးဘေးကို အပန်းဖြေ၊ လမ်းလျှောက်၊ လေညင်းခံ၊ စကားပြော တွေ့ဆုံဖို့ ရည်ရွယ်ချက်တွေ နဲ့ ရောက်လာသူတွေ အများအပြား ရှိသလို ညဥ့်ငှက် တချို့နဲ့ သူတို့ရဲ့ဖောက်သည် တချို့လည်း ရှိတတ်ပါတယ် (ဓာတ်ပုံ – ထက်ထက်)

လိင်စိတ်ခံယူမှု ကွဲပြားသူတွေဟာ အလုပ်အကိုင်ရဖို့ ပိုခက်ခဲတယ်၊  ပုံစံမျိုးစုံနဲ့ အကြမ်းဖက်တာကို လည်း ရင်ဆိုင်ရတတ်တယ် လို့ သိရ ပါတယ်

ထက်ထက်

ညနေခင်းလေနုအေး တိုက်ခတ်နေပြီး သာသာယာယာ ရှိတဲ့ မန္တလေးမြို့ကျုံးနံဘေး သစ်ပင်အောက် အမှောင်ရိပ်မှာ နီနီက သူငယ်ချင်း တချို့နဲ့အတူ ရှိနေပါတယ်။ နီနီလို့ သူ့ကိုယ်သူ မိတ်ဆက်ပေမယ့် ဒါက သူ့နာမည်ရင်းတော့ မဟုတ်ပါဘူး။

သွယ်လျတဲ့ ကိုယ်နေဟန်ထားနဲ့  အရပ်ငါးပေခွဲ ဝန်းကျင် ရှိတဲ့ နီနီကကျွန်မကို စကားပြောဖို့ လမ်းမီးတိုင် မှိန်မှိန်အောက် ဝင်လာချိန် မှာတော့ ဆံပင်ပုံစံရဲ့ ပံ့ပိုးမှုကြောင့် ဗွီပုံသွယ်ကျနေတဲ့ သူ့မျက်နှာမှာ ထင်ပေါ် သွယ်စင်းတဲ့ နှာတံ ၊ နှုတ်ခမ်း ကျယ်ကျယ်၊ အပြုံးချိုချို တို့ ကိုတွေ့ရပါတယ်။ သူဘယ်လိုပဲ မိန်းမဆန်ပါစေ၊ အများကတော့ သူ့ကို သူသိပ်ပြီးနှစ်သက်မှု မရှိတဲ့ဝေါဟာရဖြစ်တဲ့ မိန်းမလျာလို့ ဆိုကြ ပါတယ်။

သူ့ရဲ့ အလုပ်အကိုင် ကတော့ လိင်လုပ်သား သို့မဟုတ် ပြည့်တန်ဆာပါပဲ၊ နီနီတို့လောကမှာတော့ ကမ်းလှမ်းချက် လို့ အဓိပ္ပာယ်ရတဲ့ အင်္ဂလိပ် စကားလုံး offer (အော်ဖာ) ကိုပိုပြီး သုံးကြပါတယ်။

“သူများလို တန်းတူနေချင်တယ်၊ စားဖို့သောက်ဖို့လည်း လိုတဲ့အခါ ကျတော့ အော်ဖာဆင်းဖြစ်တယ်” လို့ တစ်ညတာ သို့မဟုတ် တစ်ခဏ တာပျော်ပါးဖို့ လာခေါ်မယ့် ဖောက်သည် ကိုစောင့်နေတဲ့ နီနီကပြောပါတယ်။

နီနီ တို့လိုယောကျာ်း ကမိန်းမလို ပြုမူပြောဆို၊ ဝတ်စားနေထိုင် သူတွေရဲ့ခံယူ ဖြစ်တည်မှုကို မိသားစုအတွင်း က လက်မခံနိုင်ကြတဲ့ အတွက် အိမ်မှာ ဖိအားပေး ဆုံးမတာမျိုး ကြုံကြရပါတယ်၊ ဒါကို မခံနိုင်လို့ မိသားစုနဲ့ ဝေးရာ ရောက်လာတဲ့အခါ မှာလည်း လူ့ အဖွဲ့အစည်း ကနေရာမပေးတဲ့အတွက် အများနည်းတူ အလုပ်အကိုင် ရဖို့ ခက်ခဲလှပါတယ်။

ပိုဆိုးတာကတော့ သူတို့ဟာ မတူကွဲပြားတဲ့ အနေအထားကြောင့် ပုံစံမျိုးစုံနဲ့ အကြမ်းဖက် ခံရတာ ကိုရင်ဆိုင်နေ ရတယ် လို့ ပြောကြ ပါတယ်။

20525848_1508651415845485_5002606079063668627_n

ညပိုင်းမှာ မန္တလေး ကျုံးဘေးကို အပန်းဖြေ၊ လမ်းလျှောက်၊ လေညင်းခံ၊ စကားပြော တွေ့ဆုံဖို့ ရည်ရွယ်ချက်တွေ နဲ့ ရောက်လာ သူတွေ အများအပြား ရှိသလို ညဥ့်ငှက် တချို့နဲ့ သူတို့ရဲ့ဖောက်သည် တချို့လည်း ရှိတတ်ပါတယ် (ဓာတ်ပုံ – ထက်ထက်)

မွေးရာပါ ဖြစ်တည်မှု

နီနီတို့လို မိန်းမဆန်ဆန် နေထိုင်သူတွေဟာ နတ်ကတော်၊ အလှဖန်တီးရှင်၊ လိင်လုပ်သားစတဲ့ အသက်မွေးကြောင်း လုပ်ငန်းတွေ အတွင်းမှာ သာကျင်လည်ရလေ့ ရှိပါတယ်။ ဒါတွေဟာ တမင်ဖန်တီးထားတာ မဟုတ်ပေမယ့် လူအဖွဲ့အစည်း က အလုပ်အကိုင် ကန့် သတ်ပေးထားသလို ဖြစ်နေပါတယ်။

လူတစ်ယောက် ရဲ့ ယောကျာ်း၊ မိန်းမ ခံယူဖြစ်တည်မှု အပေါ်မူတည်ပြီး ခန္ဓာကိုယ်၊ စိတ်ဓာတ်ပိုင်း ဆိုင်ရာ၊ တိုးတက် ဖွံ့ဖြိုးမယ့် လမ်းကြောင်း တစ်ခုခုကိုအနှောင့်အယှက် ဖြစ်အောင်၊ ထိခိုက်အောင်၊ နာကျင်အောင် လုပ်တဲ့ လုပ်ရပ်တွေ ဟာ ကျား မ အခြေပြု အကြမ်းဖက်မှုပဲ လို့ လူ့အခွင့်အရေး အဖွဲ့တွေက သတ်မှတ်ကြပါတယ်။

အကြမ်းဖက်မှုတွေဟာ မိသားစုအတွင်းမှာ အစပြုတာ မျိုးလည်း ဖြစ်လေ့ ရှိတယ်လို့ လိင်စိတ်ခံယူမှု ကွဲပြားသူတွေ နဲ့ပတ်သက်ပြီးစစ်တမ်းကောက်နေတဲ့Colors Rainbow အဖွဲမှ အစီစဉ်ဒါရိုက်တာ ကိုလှမြတ်ထွန်းကပြောပါတယ်။

“တစ်ယောက်ဆိုရင် အသက် ၄နှစ်လောက်မှာ သူ့ကိုယ်သူ မိန်းကလေး ဆိုတာကို သိနေပြီ၊ ဆိုတော့ မိန်းကလေး လိုနေထိုင်ပြုမူတယ်၊ ဒါကို အဖေဖြစ်သူက လက်မခံနိုင်တော့ သူ့ကိုခြေထောက်က ကိုင်ပြီးနံရံ နဲ့ လွှဲရိုက်တာ ခံခဲ့ရတယ်” လို့ ကိုလှမြတ်ထွန်း ကပြောပြ ပါတယ်။

စာသင်ကျောင်းမှာ ဆိုရင်လည်းဆရာ၊ ဆရာမတချို့က အများရှေ့မှာ မကြာခဏ အရှက်ခွဲ၊ အပြစ်ပေးခြင်း၊ ကျောင်းသား အချင်းချင်း အနိုင်ကျင့်တတ်ခြင်း တို့ကြောင့် ကျောင်းထွက်ကြသူတွေ ရှိနေတယ်လို့ Colors Rainbow အဖွဲ့က လိင်စိတ် ခံယူမှု ကွဲပြားသူတွေကို အခြေခံ ပြီးပြုစုထားတဲ့ အနိုင်ကျင့်ခံအဖြစ်မှ အပြောင်းအလဲကိုကူညီဆောင်ကျဉ်းသူများအဖြစ်သို့ ဆိုတဲ့ အစီရင်ခံစာ မှာဖော်ပြ ထားပါတယ်။

မန္တလေးကျုံးဘေးမှာ ကျက်စားတတ်တဲ့ ­နီနီရဲ့ အတွေ့အကြုံမှာတော့ မိသားစုက သူယောက်ျားလေး အဝတ်အစားနဲ့ မိန်းကလေး စိတ်ဖြစ်နေတာ ပြဿနာကြီး မဟုတ်ပေမယ့် ပထွေးဖြစ်သူ နဲ့တော့ သူအဆင်မပြေခဲ့ပါဘူး။ နယ်မြို့လေး တစ်ခုမှာ အထက် တန်းအောင်တဲ့ အချိန် တက္ကသိုလ် ဆက်တက်ဖို့ အခြေအနေမပေး၊ ပထွေးဖြစ်သူ နဲ့ စကားများတာကြောင့် အိမ်က ထွက်ပြေးရင်း မန္တလေးကို ရောက်လာခဲ့တာပါ။

20525785_1508651392512154_4985347584404639798_n

သြဂုတ်လ ၁ ရက်နေ့က တွေ့ရတဲ့ မန္တလေးကျုံးဘေး တစ်နေရာ (ဓာတ်ပုံ – စိုးရာဇာထွန်း)

ကျွန်မနဲ့တွေ့တဲ့ အချိန်မှာ အသက် ၂၈နှစ် ရှိနေပြီဖြစ်တဲ့ နီနီက မန္တလေးကို သူရောက်နေတာ ၁၀နှစ်ကျော်ပြီ လို့ ဆိုပါတယ်။ မန္တလေးရောက်လာချိန် မှာတော့ အလုပ်အကိုင်ရဖို့ ခက်ခဲတာတွေကြောင့် လိင်အဖျော်ဖြေခံ လုပ်သားအဖြစ် ကိုရောက်ရှိရတယ် လို့ သိရပါတယ်။

အသက်မွေး ဝမ်းကြောင်း လုပ်ငန်း အကန့်အသတ်ရှိတဲ့ နီနီတို့လို ယောကျာ်းကနေ မိန်းမအဖြစ် ဝတ်စားနေထိုင် သူတွေ အများ ဆုံးရောက်လာတဲ့ လမ်းကြောင်းက ပြည့်တန်ဆာ အလုပ်ပါပဲ။

ပြည့်တန်ဆာ လောကထဲ တွန်းပို့ ခံရသလို ဖြစ်နေတယ် လို့ မန္တလေး LGBT (လိင်စိတ်ခံယူမှု ကွဲပြားသူများ) ကွန်ရက်ရဲ့ အဓိက ဆက်သွယ်ဆောင်ရွက်သူ တစ်ဦးဖြစ်တဲ့ ကိုဂန္တဝင်က သုံးသပ်ပါတယ်။

“အလုပ် သွားလျှောက်တဲ့ အခါ လုပ်ငန်းရှင်တွေက မင်းဒီပုံစံ နဲ့မရဘူး၊ ဒီအလုပ်ကို လိုချင်တယ် ဆိုရင် ဆံပင်တွေ ညှပ်ခဲ့၊ ယောက်ျား လိုဝတ်ခဲ့ ဆိုတာမျိုး လုပ်ပါတယ်”လို့ ကိုဂန္တဝင် ကပြောပါတယ်။

ဒီလိုဖြစ်ရပ်တွေကို သာမန်လို့မြင်ပြီး ကျော်သွားနေကြပေမယ့်၊ လူတစ်ယောက်ရဲ့ ကျားမ ခံယူဖြစ်တည်မှု အပေါ် မူတည်ပြီး အလုပ်ပေးဖို့ ငြင်းဆန်ခြင်းဟာ အဲဒီလူကို စီးပွားရေးအရ၊ အသက်မွေး ဝမ်းကျောင်းအရ အကြမ်းဖက်ခြင်း ဖြစ်တယ်လို့ လူ့အခွင့် အရေးသမားတွေက သတ်မှတ်ပါတယ်။

20597369_1508651445845482_6215253455042068914_nနာမည်ကျော်ပုဒ်မ ၃၇၇ 

ယောကျာ်းကနေ မိန်းမအဖြစ် ဝတ်စားနေထိုင်သူတွေဟာ လူတွေကြားမှာ ပေါ်ပေါ်လွင်လွင် ဖြစ်နေတတ်တာကြောင့် လိင်ပိုင်း၊စိတ်ပိုင်း၊ ရုပ်ပိုင်းဆိုင်ရာ အကြမ်းဖက်ခံ ရမှုတွေရှိလာတယ်၊  ဒီလိုလူတွေအပေါ်  အကြမ်းဖက်မှုတွေရဲ့ ၇၆ရာခိုင်နှုန်းကို ရဲတွေက ကျူးလွန် တာဖြစ်ကြောင်းလေ့လာတွေ့ရှိရတယ်လို့  Colors Rainbow အဖွဲ့ရဲ့ တာဝန်ရှိသူ တစ်ဦးဖြစ်တဲ့ ကိုလှမြတ်ထွန်း ကပြောပါတယ်။

အမျိုးသမီးအဖြစ် ခံယူနေထိုင်သူတွေကို အရေးယူတဲ့အခါ ပြစ်မှု ဆိုင်ရာဥပဒေ ပုဒ်မ၃၇၇ကို အသုံးပြုတယ်လို့ ဆိုပါတယ်။

“ဓမ္မတာနှင့် ဆန့်ကျင်သော ကာမစပ်ယှက်မှုကိုပြုလျှင် ထိုသူကို တစ်သက်တစ်ကျွန်း ဒဏ်ဖြစ်စေ၊ ဆယ်နှစ် အထိထောင်ဒဏ် တစ်မျိုးမျိုးကိုဖြစ်စေချမှတ်ရမည့်အပြင် ငွေဒဏ်လည်းချမှတ်နိုင်သည်” လို့ ပုဒ်မ ၃၇၇ မှာပြဋ္ဌာန်းထားတာပါ။

သူတို့အဖွဲ့က ထုတ်ပြန်တဲ့ အစီရင်ခံစာမှာတော့ ဂေးတွေကို ပုဒ်မ၃၇၇နဲ့ အရေးယူတာထက် ခြိမ်းခြောက်ငွေ ညှစ်တာတွေ သာ အများဆုံးဖြစ်နေတယ်လို့ ဆိုထားပါတယ်။  ရဲအရေးပိုင်တဲ့မှောင်ရိပ်ခိုမှု လိုမျိုးဥပဒေတွေ သုံးပြီးဖမ်းဆီး ကြပြီးတော့ ငွေညှစ် တာဟာလည်း အဖြစ်များတဲ့ ကိစ္စတစ်ခုဖြစ်တယ်လို့ ဆိုပါတယ်။

“မာမီ”လို့ ခေါ်တာကို ပိုနှစ်သက်ပြီး “အခြောက်” လို့ ခေါ်တာကို လက်မခံချင်တဲ့ နီနီကတော့ သူဟာ မန္တလေး တိုင်းဒေသ ကြီး၊ ပြည်ကြီးတံခွန် ရဲစခန်းမှာ၂၀၁၆ခုနှစ် အတွင်းက အနိုင်ကျင့်ခံရ၊ ငွေညစ်ခံရတယ်လို့ ဆိုပါတယ်။

“အော်ဖာ လိုက်တဲ့အခါ ရဲတွေကထောင်ဖမ်းပြီးတော့ ပိုက်ဆံတောင်းတာတွေ ရှိတယ်၊ ရိုက်ပြီးတော့ လည်းပိုက်ဆံတောင်းတယ်”လို့ နီနီ ကပြောပါတယ်။

ပြည်ကြီးတံခွန် ရဲစခန်းကတော့   နီနီပြောပြတဲ့ဖြစ်စဉ်၊ ကိုလှမြတ်ထွန်း တို့ရဲ့ အစီရင်ခံစာပါ စွပ်စွဲချက်တို့ကိုလက်မခံပါဘူး။

“ကျွန်တော်တို့ဆီမှာ အခြောက်မို့လို့နှိပ်ကွပ်ပြီး ဖမ်းတာမျိုးတော့ မရှိပါဘူး။ ဖမ်းရင် တရားဝင်ဖမ်း၊ တရားဝင် အမှုဖွင့်တာမျိုး ပဲရှိပါတယ်။ ရိုက်တာ၊ နှက်တာ၊ ငွေညှစ်တာမျိုး မရှိပါဘူး။ လိင်လုပ်သား လုပ်ခဲ့မယ် ဆိုရင်တော့ ပြစ်မှုဆိုင်ရာ ဥပဒေပုဒ်မ ၃၇၇ နဲ့ငြိမှာပေါ့” လို့ ပြည်ကြီး တံခွန်ရဲစခန်း အရာရှိတစ်ဦးကဇူလိုင်၂၇ရက်နေ့မှာပြောပါတယ်။

ပြစ်မှုကျူးလွန်ဖို့ အနေအထားရှိတယ်လို့ ယူဆ ရရင်ဘယ်သူ့ကို မဆို တည်ဆဲဥပဒေတွေ အတိုင်း လိုအပ်သလို ထိန်းသိမ်း စစ်ဆေးရတာ ကတော့ ဥပဒေစိုးမိုးရေးအရလုပ်ဆောင်ခြင်းဖြစ်တယ်လို့  သူက ဆိုပါတယ်။

20621983_1508651482512145_4453456806349008938_n

အများနည်းတူ

မိန်းကလေးဆိုရင်  သိမ်သိမ်မွေ့မွေ့၊ လှလှပပနေရမယ်၊ အိမ်ထောင်မှုလုပ် သိမ်းထုတ်သေချာစေ ရမယ်၊ ယောကျာ်းလေး ဆိုရင်လည်း ကျားကျားယားယားနေရမယ်၊ အိမ်ထောင်ဦးစီးဖြစ်တယ် စသဖြင့်ခွဲခြား သတ်မှတ် ပုံသွင်းထားတာတွေကြောင့် လှပလိုတဲ့၊ သိမ်မွေ့ တတ်တဲ့  ယောကျာ်းလေး များဟာ ပြစ်တင် ရှုတ်ချခံရတယ်၊  ယောကျာ်းလေးလို ဝတ်စားဆင်ယင်တဲ့  မိန်းကလေး များ လည်းလှောင်ပြောင် ခံရ၊ ခွဲခြား ဆက်ဆံခံကြရတယ်လို့ မန္တလေး LGBT ကွန်ရက်ရဲ့ တာဝန်ရှိသူ တစ်ဦးဖြစ်တဲ့ ကိုဂန္တဝင်ကဆိုပါတယ်။

LGBT လို့ ခေါ်ကြတဲ့ လိင်စိတ် ခံယူမှုကွဲပြား သူတွေဟာ လူ့အခွင့်အရေးတွေကို ပဲတောင်းဆိုနေ တာဖြစ်ကြောင်း ကိုဂန္တဝင် ကပြောပါတယ်။

“သာမန်ယောကျာ်း မိန်းမတွေလည်း လက်ထပ်ကြတယ်၊ ယဉ်ကျေးမှုမှာ ပါဝင်တယ်၊ လူမှုရေးမှာ ပါဝင်တယ်၊ ပညာသင်ခွင့်တွေ ရတယ်၊ အလုပ်အကိုင်တွေ ရတယ်။ LGBTတွေလည်း အဲ့ဒီလို အခွင့်အရေးတွေပဲတောင်းတာပါ၊ ပိုတောင်းတာမရှိပါဘူး” လို့ ကိုဂန္တဝင်က ဆိုပါတယ်။

လူ့အခွင့်အရေး၊ လူနည်းစု အခွင့်အရေးတွေ ဖော်ဆောင်တဲ့ အစိုးရဟာ LGBTတွေ ရဲ့အရေးကို လည်း ထည့်သွင်း စဉ်းစားပေးဖို့ လိုတယ် ဆိုတာကတော့ သူတို့ရဲ့ လိုလားချက်ပါပဲ။

မန္တလေးကျုံးဘေးမှာ ရှိတတ်တဲ့ နီနီကလည်း လူတစ်ယောက် ရဲ့ယောကျာ်း၊ မိန်းမ အဖြစ် ခံယူချက်ပေါ် မူတည်ပြီး အလုပ် အကိုင် ငြင်းပယ်ခံရ ၊ခွဲခြား ဆက်ဆံခံရ၊ ဥပဒေ အကာကွယ် မရရှိတာတွေဟာ ဒီမိုကရေစီ စံနှုန်းနဲ့ မကိုက်ညီဘူးလို့ ယူဆပါတယ်။

“ဒီမိုကရေစီ ရတဲ့နိင်ငံမှာ သူများပစ္စည်းကို ခိုးတာလည်း မဟုတ်ဘူး၊ ဆန့်ကျင်ဘက်လိင် လိုပြောင်းလဲ ဝတ်ဆင်နေ ထိုင်သူတွေ လည်း အများနည်းတူသွားလာလှုပ်ရှားပိုင်ခွင့်ရှိပါတယ်”လို့ နီနီကပြောလိုက်ပါတယ်။     ။

ထက်ထက် ( Myanmar Nows )

Comments (0)

Leave a reply

Your email address will not be published. Required fields are marked *

*