တက္ကသိုလ်ဆရာ/မများ အခမဲ့ကျန်းမာရေးစောင့်ရှောက်ခွင့် အပါအ၀င် အချက်ငါးချက်ရရှိရေး – UTA နှင့်လွှတ်တော် ၊ ပညာရေးဝန်ကြီးဌာနတို့ ဆွေးနွေးမည်

တက္ကသိုလ်ဆရာ/မများ အခမဲ့ကျန်းမာရေးစောင့်ရှောက်ခွင့် အပါအ၀င် အချက်ငါးချက်ရရှိရေး – UTA နှင့်လွှတ်တော် ၊ ပညာရေးဝန်ကြီးဌာနတို့ ဆွေးနွေးမည်
August 1, 2017 Fame Asian

3:23 pm
တက္ကသိုလ်ဆရာ/မများ အခမဲ့ကျန်းမာရေးစောင့်ရှောက်ခွင့် အပါအ၀င် အချက်ငါးချက်ရရှိရေး – UTA နှင့်လွှတ်တော် ၊ ပညာရေးဝန်ကြီးဌာနတို့ ဆွေးနွေးမည်

20430154_1553122421413158_7399200031700255643_n

(ရန်ကုန်၊သြဂုတ် ၁)

အငြိမ်းစား တက္ကသိုလ် ဆရာ/မ များအပါအ၀င် တက္ကသိုလ်ဆရာ/မများအားလုံးအခမဲ့ကျန်းမာရေးစောင့်ရှောက်ခွင့်ရရှိရေး အပါ အ၀င် တောင်းဆို ထားသည့် အချက်ငါးချက် ကိစ္စအတွက် လာမည့် သြဂုတ် ၃ ရက်နေ့တွင် တက္ကသိုလ်ဆရာ၊ ဆရာမများ အသင်း(UTA) နှင့် ပြည်သူ့လွှတ်တော် ပညာရေးမြှင့်တင်မှုကော်မတီ ၊ ပညာရေးဝန်ကြီးဌာနတို့ တွေ့ဆုံဆွေးနွေးမည် ဟုသိရသည်။

အဆိုပါတွေ့ဆုံမှုကို နေပြည်တော် တွင်ပြုလုပ်မည်ဖြစ်ပြီး တွေ့ဆုံမှုမှ တက္ကသိုလ်ဆရာ၊ ဆရာမများ အသင်း(UTA)တောင်းဆို ထားသော အချက်များ ရရှိ /မရှိ သိရှိရမည်ဖြစ်ကြောင်း UTAမှဦးဆောင်ကိုယ်စားပြုကော်မတီဝင် ဦးလှိုင်တင့်ကပြောသည်။

 

UTAမှ တောင်းဆိုထားသော ငါးချက်မှာ ဆရာသမဂ္ဂရုံးခန်းများဖွင့်ခွင့်ရရေး ၊ တက္ကသိုလ်အားလုံးတွင် ဆရာသမဂ္ဂများ အလျင် အမြန်ပေါ်ပေါက်ရေး ၊ အငြိမ်းစား ဆရာ/မ များ အပါအ၀င် ဆရာ/မ များအားလုံးအခမဲ့ ကျန်းမာရေးစောင့်ရှောက်ခွင့်ရရှိရေး ၊ တက္ကသိုလ် အဆင့်နှင့်လျော် ညီသည့် လူမှုဖူလုံရေးနှင့်အခြားအလုပ်သမားအခွင့်အရေးများ ရရှိရေး ၊ ရာထူးတိုး နယ်ပြောင်း မူဝါဒနှင့် ပတ်သတ်ပြီး ပြန်လည်သုံးသပ်ရေး စသည့် အချက်များဖြစ်သည်။

အဆိုပါ အချက်များနှင့် ပတ်သတ်၍ ဆွေးနွေးကြမည် ဖြစ်ပြီး အဆိုပါ သြဂုတ် ၃ ရက်နေ့မှာပင် အဖြေ ထွက်မည်ဖြစ်ကြောင်း ဦးလှိုင်တင့်က ဆိုသည်။

“ဆရာတို့ဇွန်လ ၁၆၊၁၇မှာ တက္ကသိုလ်ပေါင်း ၂၇ခုတွေ့ဆုံပြီး အချက် ငါးချက်ဆွေးနွေးတာပေါ့။ ဆရာ၊ဆရာမတွေရဲ့ ကျန်းမာရေး၊ လူမှုဖူလုံရေး၊ ဆရာသမဂ္ဂတွေ ပေါ်ပေါက်ရေး တို့ကိုဆွေးနွေးဖြစ်တယ်။ ဒါကို အစိုးရထံတင်ပြပြီးတောင်းဆို တာပါ။ သက်ဆိုင်ရာ ဌာနတွေကို မရမချင်းတောင်းဆိုသွားမှာပါ “ဟု ၎င်း က ပြောသည်။

တက္ကသိုလ်ဆရာ ၊ဆရာမများ အသင်း(UTA) အနေဖြင့် တောင်းဆို ထားသောအချက်များအတွက် အမျိုးသား လွှတ်တော် ပြည် တွင်းပြည်ပ အလုပ်သမားရေးရာကော်မတီနှင့် လည်း ထပ်မံတွေ့ဆုံ သွားမည်ဖြစ်ကြောင်း သိရသည်။ နောင်တွင် ကျန်းမာရေး ၀န်ကြီး ဌာနနှင့် ပါတွေ့ဆုံသွားမည်ဖြစ်ကြောင်း သိရသည်။

သီဟ

Comments (0)

Leave a reply

Your email address will not be published. Required fields are marked *

*