ရန်ကုန်တိုင်းရှိ ညောင်နှစ်ပင် သင်တန်းကျောင်း ဧရိယာတွင် မြန်မာနှင့် ကိုရီးယား ပူးပေါင်း၍ စီမံကိန်း လုပ်မည်

ရန်ကုန်တိုင်းရှိ ညောင်နှစ်ပင် သင်တန်းကျောင်း ဧရိယာတွင် မြန်မာနှင့် ကိုရီးယား ပူးပေါင်း၍ စီမံကိန်း လုပ်မည်
June 29, 2017 Asian Fame

2:31 pm
ရန်ကုန်တိုင်းရှိ ညောင်နှစ်ပင် သင်တန်းကျောင်း ဧရိယာတွင် မြန်မာနှင့် ကိုရီးယား ပူးပေါင်း၍ စီမံကိန်း လုပ်မည်

(နေပြည်တော် ၊ ဇွန် ၂၉)

 ရန်ကုန်တိုင်းဒေသကြီး ၊ လှည်းကူးမြို့နယ် ၊ ညောင်နှစ်ပင် သင်တန်းကျောင်း မြေဧရိယာ ၆၀၀ဧကပေါ်တွင် စီမံကိန်း တစ်ခုကို ကိုရီးယား သမ္မတနိုင်ငံနဲ့ ပူးပေါင်းကာ အကောင်အထည်ဖော် ဆောင်ရွက်သွားမည်ဟု ဆောက်လုပ်ရေး ဝန်ကြီးဌာန ဒုတိယဝန်ကြီးဦးကျော်လင်း က ပြောပါတယ်။ ထိုစီမံကိန်းမှာ စက်မှုလက်မှု လုပ်ငန်း ၊ သုတေသနနှင့် ဖွံ့ဖြိုးရေးစင်တာ ၊ သတင်းကျောင်း ၊ အိမ်ရာ ၊ စီးပွားရေးဆိုင်ရာ အဆောက်အအုံတို့ ပါဝင်မည်ဖြစ်ကြောင်း သိရသည်။။

“စီမံကိန်း ရဲ့ဖြစ်တန်စွမ်း အခြေအနေ အသေးစိတ် လေ့လာရေး အတွက် ပြည်ထောင်စု အစိုးရအဖွဲ့ရဲ့ ခွင့်ပြုချက်နဲ့ ကိုရီးယား သမ္မတနိုင်ငံ အစိုးရရဲ့ Land& Housing Corporation နဲ့ စတင်ဆောင်ရွက်ဖို့ စီမံထားပြီးဖြစ်တယ်”ဟု ဒုဝန်ကြီးက ဆိုသည်။

ဇွန်လ ၂၉ရက်နေ့က ကျင်းပသည့် အမျိုးသား လွှတ်တော် အစည်းအဝေးတွင် ကချင်ပြည်နယ် မဲဆန္ဒနယ် အမှတ်၁၁မှ ဒေါက်တာခွန်ဝင်းသောင်း မေးမြန်းသော “ရန်ကုန်တိုင်း ဒေသကြီး ၊ လှည်းကူးမြို့နယ် အတွင်းရှိ ညောင်နှစ်ပင် ဒေသတဝိုက်ရှိ ဇုန်များအနက် ဇုန် ၃ဧရိယာ အတွင်းပါရှိတဲ့ ၂၀၀၈ခုနှစ် ၊ ဖွဲ့စည်းပုံ အခြေခံဥပဒေ ဖြစ်ထွန်းပေါ်ပေါက်ရာ အဆောက်အဦး မြေနေရာအား အကျိုးရှိအောင် မည်သို့ဆောင်ရွက်မည် ကို သိရှိလိုခြင်းနှင့် စပ်လျဉ်းသည့်”မေးခွန်းကို ဒုဝန်ကြီးက အထက်ပါ အတိုင်းဖြေကြားခဲ့ခြင်း ဖြစ်သည်။

အဆိုပါ စီမံကိန်းကို ဆောင်ရွက်ခြင်းကြောင့် လှည်းကူးဒေသ ဖွံ့ဖြိုးပြီး ၊ ရန်ကုန်တိုင်းဒေသကြီးလည်း ဖွံ့ဖြိုး တိုးတက်လာရန် အထောက်အကူပြုကြောင်း ၊ နိုင်ငံတော် အတွက် အခွန်ငွေများလည်း ရရှိလာနိုင်သလို အလုပ်အကိုင် အခွင့်အလမ်းများလည်း ရရှိလာနိုင်မည်ဟု ယုံကြည်ကြောင်း ၎င်းက ဆက်ပြောခဲ့သည်။

SLM

Comments (0)

Leave a reply

Your email address will not be published. Required fields are marked *

*