အညာသူတွေ ဦးဆောင်တဲ့ ရိုးရာလက်မှုပညာ ဈေးကွက်

အညာသူတွေ ဦးဆောင်တဲ့ ရိုးရာလက်မှုပညာ ဈေးကွက်
June 5, 2017 Asian Fame

10:42 am
အညာသူတွေ ဦးဆောင်တဲ့ ရိုးရာလက်မှုပညာ ဈေးကွက်

YatKanအညာဒေသ ရက်ကန်းထည်ကို ခိုင်မာတဲ့ဈေးကွက်ရောက်တဲ့ အထိ အမျိုးသမီးတွေက စီစဉ်နေပါတယ်

မကွေးတိုင်းဒေသကြီး ပခုက္ကူမြို့နယ်၊ ချိုင်ကျေးရွာထဲက အိမ်တစ်အိမ်မှာ ၃၅ နှစ်ဝန်းကျင် အမျိုးသမီး တစ်ဦးရက်ကန်း ခတ်နေပြီး ရက်ကန်းစင်ပေါ်မှာတော့ ပုံပေါ်စပြုလာတဲ့ ရောင်စုံချည်ထည်ကိုတွေ့ရပါတယ်။

သူကတော့ အလုပ်နှစ်ခု လုပ်ကိုင်တဲ့ ကလေးနှစ်ယောက် မိခင်မတူးတူး ဖြစ်ပါတယ်။ မနက် ၈ နာရီဝန်းကျင် အထိ အကြော်ရောင်း ပြီးတဲ့ အခါ နောက်တိုးအလုပ်ဖြစ်တဲ့ ရက်ကန်းစင်ကိုပြေးရသူပါ။

“အရင်က တစ်လသုံးသောင်းလောက် ပဲရတယ်။ အခုကတော့ တစ်လကို တစ်သိန်းလောက်ရတယ်။ အကြော်ရောင်းတဲ့ လုပ်ငန်းလည်း မပျက်ဘူး၊ လုပ်ငန်းနှစ်ခုလုပ်ရတော့ ဝင်ငွေနှစ်ခုရတယ်” လို့ မတူးတူးက ရက်ကန်းစင်မှာ ခန္ဓာကိုယ်ကို အချက်ကျကျ လှုပ်ရှား ရင်းပြောပြ ပါတယ်။

မတူးတူးတို့ဒေသ မှာကာလ အတန်ကြာ ရက်ကန်းခတ်သံ ခပ်တိုးတိုး ထွက်ခဲ့ပြီးအခုမှ အသံကျယ်ကျယ် ပြန်ထွက် လာတာပါ။ ဒေသ ထွက် ရက်ကန်းထည်တွေ နာမည်ကျော်ခဲ့ပြီး ကချင်ရိုးရာ အဝတ်အထည်များ ပါရက်လုပ်နိုင်တဲ့ အနေအထား ကနေဈေးကွက် ပျက်ပြယ် ၊ ရောင်းဈေးထိုးကျ၊ ပြည်ပ အဝတ်အထည် မျိုးစုံ ဝင်ရောက်လာတာ တို့ကြောင့် ရက်ကန်းထည် ထွက်ရှိမှု ရပ်တန့်လုနီးပါး ဖြစ်ခဲ့ရတာပါ။

အကူအညီပေးရေး အဖွဲ့တွေနဲ့ ချိတ်ဆက်ပြီး လုပ်ကိုင်တာ အရှိန် ရလာတာကြောင့်သားစဉ်မြေးဆက် လက်ဆင့်ကမ်းလာတဲ့ လက်မှုပညာ ရက်ကန်း လုပ်ငန်းကိုတွင်တွင် ကျယ်ကျယ် ပြန်လည် လုပ်ကိုင်နေကြပါပြီ။ ရိုးရာရက်ကန်းထည်၊ ချည်ထည်တွေ ကိုဈေးကွက်သစ် ထိုးဖောက်နိုင်ပါပြီ ၊ဈေးကွက်ရောက်ရှိရေးမှာ ပါဝင်ဦးစီးနေတာ ကတော့ ဒေသခံ အမျိုးသမီးတွေ ကိုယ်တိုင် ပဲ ဖြစ်ပါတယ်။

အမျိုးသမီးဦးဆောင်မှု

ပုဂံ၊ ညောင်ဦး ၊ပခုက္ကူ၊မြိုင်မြို့နယ် ဒေသခံတွေ ကိုထိတွေ့ထားတဲ့ ပြည်တွင်း နဲ့ နိုင်ငံတကာ အကူအညီပေးရေး အဖွဲ့များထဲ က Action Aid အဖွဲ့ဟာ တိမ်မြုပ်နေတဲ့ ရက်ကန်း၊ စက်ချုပ်၊ ကြိမ်ထည် လုပ်ငန်းတွေ ပြန်လည် ဖော်ထုတ်ဖို့ ၂ဝ၁၃ ခုနှစ်က စတင်ပြီး ကြိုးစား ခဲ့ပါတယ်။

ကျေးရွာပေါင်း ၁၃၄ ရွာကဒေသခံ ၂,၅ဝဝဝန်းကျင်ကို လိုအပ်တဲ့ သင်တန်းတွေ၊ ကုန်ကြမ်းတွေ ပေးအပ်ထောက်ပံ့ပြီးပြီ၊ ကုန်ချော အတွက် ဈေးကွက် လည်း ဖော်ဆောင်ထားတယ် လို့ ဒီအဖွဲ့ရဲ့စီမံချက် တစ်ခုဖြစ်တဲ့ လူမူစီးပွား ဖွံ့ဖြိုးမူ ကွန်ရက်မှ စီစဉ်ညှိနှိုင်းရေးမှူး မမေသဉ္ဖာကျော်စိုး ကပြောပါတယ်။

ရက်ကန်းထည်တွေ ဟာနိုင်ငံခြားသားတွေ၊ လူလတ်တန်းစားတွေ ကြားမှာ ရေပန်းစားနေတယ်၊ ၂ဝ၁၆ တစ်နှစ်လုံး ရောင်းရငွေက သိန်း ၇ဝဝကျော် ရှိတယ် လို့လည်းသူကရှင်းပြပါတယ်။

“ရိုးရာ ဆိုတာက ကျွန်မတို့ ထိန်းသိမ်းနေ သရွေ့လွယ်လွယ် နဲ့ပျောက်ကွယ်သွားမယ့် အရာမဟုတ်ဘူး၊ အမြဲတမ်း ရှိနေဦးမှာပဲ” လို့ မမေသဉ္ဖာကျော်စိုး ကဆိုပါတယ်။

စီမံချက်အရ အမျိုးသမီး လက်မှု ပညာကုန် ထုတ်လုပ်သူများ အသင်းကိုလည်း ဖွဲ့စည်းထားပါတယ်၊ အသင်းဝင် ၇ဝဝ ဝန်းကျင် ရှိပါတယ်၊ ဦးဆောင်သူတွေ ကလည်း အမျိုးသမီးတွေပါပဲ။

နိုင်ငံတကာ စီမံကိန်း တစ်ခုဖြစ်တဲ့ အသက်မွေး ဝမ်းကျောင်းမှုနှင့် စားနပ်ရိက္ခာ ဖူလုံရေးရန်ပုံငွေ အဖွဲရဲ့ ၂ဝ၁၅နှစ်ပတ်လည် အစီရင်ခံ စာမှာတော့ ဒီလုပ်ငန်းရဲ့ အရောင်း တိုးတက်မှုနှုန်းက ၂၁ ရာခိုင်နှုန်း ရှိတယ်လို့ ဆိုထားပါတယ်။ ဒါဟာ၂ဝ၁၅ ခုနှစ် ရေဘေး ကျရောက်မှု၊ ရွေးကောက်ပွဲ ကာလကြောင့် ခရီးသွား လုပ်ငန်း ကျဆင်းမှု ဆိုတဲ့ အခြေအနေတွေ အောက်မှာ ဖြစ်ထွန်းခဲ့တဲ့ တိုးတက်မှုလို့ ဆိုပါတယ်။

ထွက်ကုန်ဈေးကွက် ရောက်ရှိရေး လုပ်ငန်းမှာ အမျိုးသမီးတွေ ပါဝင်တယ်၊ ဒီစီမံချက်ကနေ “ကလေးသူငယ် စောင့်ရှောက်မှု၊ ဥပဒေရေး ရာ အကူအညီ၊ နိုင်ငံသား စိစစ်ရေး ကတ်ရရှိရေး”လိုမျိုး ခါတိုင်းလက်လှမ်း မမီကြတဲ့ ဝန်ဆောင်မှုတွေ ပေးသွားမယ်လို့ အစီရင်ခံစာက ဆိုပါတယ်။

yatkan1ဝယ်ယူခြင်းဖြင့် ကူညီမှု

ကွန်ရက်ရဲ့ စီမံချက်ထဲမှာ M-Boutikဆိုတဲ့ ရိုးရာ လက်မှုပစ္စည်းဆိုင် လည်းပါဝင် ပါတယ်။ ဒီဆိုင် ကိုညောင်ဦးမြို့ မှာတွေ့ရမှာပါ။ ဆိုင် တံဆိပ်နဲ့ ထုတ်လုပ် ထား တာတွေ ကို ရန်ကုန်၊ မန္တလေး၊ ညောင်ရွှေ အစရှိတဲ့ ဒေသတွေက ဟိုတယ်၊ လက်မှု ပစ္စည်းဆိုင်တွေ ကမှာ ယူကြပါတယ်။

ချည်ထည် အဝတ်အစား ၊ခေါင်းအုံးစွပ်၊  ဆိုဖာစွပ်၊ လွယ်အိတ် အစရှိတဲ့ လက်လုပ် ပစ္စည်းတွေ မှာကြတဲ့အခါ ၆ဝ ရာခိုင်နူန်း စရံငွေ ယူပြီး လက်ခံတယ်၊ ဒီငွေကို ကုန်ကြမ်း ဝယ်ရာမှာ သုံးတယ်၊  ရသမျှ အမြတ်ဟာ ထုတ်လုပ်သူ တို့ရဲ့ လုပ်အားခ ပါပဲလို့ ကွန်ရက်ရဲ့စီစဉ် ညှိနှိုင်းရေးမှူး မမေသဉ္ဖာကျော်စိုး ကပြောပါတယ်။

စီမံကိန်းကို၂ဝ၁၉ ခုနှစ်အထိ တိုးချဲ့လုပ်ကိုင်ပြီးရင် အမျိုးသမီး လက်မှုပညာ ကုန်ထုတ်လုပ်သူများ အသင်းလက်ထဲ လုပ်ငန်းစဉ်ကြီး တစ်ခုလုံး လွှဲပြောင်းပေးမယ်၊ ဒေသခံတွေ ကိုယ်တိုင် ရပ်တည်နိုင်ဖို့ သင်ကြားမှုပိုင်း အပါအဝင် လိုတဲ့ အကူအညီ ကိုလည်း Action Aid က ဆက်ပေးသွားမယ် လို့သိရပါတယ်။

ကျေးလက်ဒေသ အမျိုးသမီးအများအပြားဟာ ဝင်ငွေ မရှိကြပါဘူး၊ အသက်မွေး ဝမ်းကျောင်း သင်တန်း ၊အလုပ်အကိုင် ဖန်တီးမှု အကူအညီတွေ ရပြီးရင်တော့ သူတို့ ဝင်ငွေရ လမ်းပေါ်လာပါပြီ။ သူတို့ရဲ့ ထုတ်ကုန်တွေ ကိုဝယ်ယူ အားပေးခြင်းဟာ လည်း အမျိုးသမီးတွေ ဝင်ငွေရရေးကို အားပေးထောက်ခံရာ ရောက်သလိုသူတို့နဲ့ သူတို့ရဲ့မိသားစုများ ဘဝတိုးတက်ရေး ကိုတိုက်ရိုက် လုပ်ကိုင်ပေးရာ ရောက်ပါတယ်လို့ အကူအညီပေးရေး အဖွဲ့တွေက ထောက်ပြပါတယ်။

မြိုင်မြို့နယ် ကျစ်တီးကျေးမှာ ထန်းလျက်ကြို၊ ထင်းခွေ ၊ပေါင်းနုတ် စတဲ့ အလုပ်စုံ လုပ်ကိုင်သူ ဒေါ်ဌေးကြွယ် ဟာနေ့စဉ် ဝင်ငွေ ၄ဝဝ ကျော်ကျော် သာရှိခဲ့ပါတယ်။ အခုတော့ အထည်ချုပ် အိမ်တွင်းမှုလုပ်ငန်းက သူ့အတွက်ဝင်ငွေ ၄,ဝဝဝ ဝန်းကျင် နေ့စဉ် ဖန်တီးပေးနေ ပါပြီ။

“အရင်တုန်း ကလိုတော့ စားဖို့သောက်ဖို့ မပူရတော့ဘူးပေါ့” လို့ ဒေါ်ဌေးကြွယ်ကဆိုပါတယ်။

ဒေသခံ လူငယ်အများစု ဟာရန်ကုန်၊ မကွေးစတဲ့မြို့ကြီးများအပြင် အိမ်နီးချင်းနိုင်ငံတွေ အထိသွားရောက် လုပ်ကိုင်နေ ကြတာပါ။  ကျေး လက်ဒေသ အလုပ်အကိုင် ဖန်တီးပေးတဲ့ အစီအစဉ်တွေက လူငယ်တွေ နေရပ်စွန့်ခွာ တာကိုလျှော့ ချပေးနိုင်တယ် လို့ ဒေါ်ဌေးကြွယ် ကရှင်းပြပါတယ်။

ဈေးကွက်ချဲ့ထွင်မှု

ဒေသခံရက်ကန်းသမား အများစုကကုန်ကြမ်း ကိုနီးစပ်ရာဆိုင်တွေ မှာဝယ်ကြပြီး ရက်ကန်းထည် ထွက်လာရင် အဲဒီဆိုင်တွေမှာ ပဲ ပြန် သွင်းကြတဲ့ အတွက် ဝင်ငွေနည်းပါးခဲ့ပါတယ်။

လိုအပ်တဲ့ သင်တန်းတက်ပြီးတဲ့ နောက်မှာတော့ ပိုမိုအမြင်ကျယ်လာပါပြီ။  ကွန်ရက်က အဆင့်ဆင့် တာဝန်ယူ လုပ်ကိုင် သွားတာဖြစ် လို့ ဈေးကွက် အတွက်လည်း စိတ်မပူရပါဘူး ။ပေးတဲ့ ဒီဇိုင်းကို အရည်အသွေး ပြည့်မီအောင် ရက်လုပ်ပေးနိုင်မယ် ဆိုရင် လုပ်အားခ ချည်းသက်သက် တစ်နေ့ ၄,ဝဝဝ ဝန်းကျင် ရနိုင်ပါတယ်။ ဒါကကျေးလက်ဒေသ အတွက် မနည်းတဲ့ ငွေကြေး ပမာဏပါပဲ။ ကုန်ကြမ်း ဝယ်ဖို့ ငွေစိုက်ထုတ် ပေးထားတဲ့ အစီအစဉ်ကြောင့် အရင်းအနှီး အတွက် ပူစရာ မလိုတာကလည်း အားသာချက်ပါ။

အပ်ထည်တွေ ပုံကျလာတဲ့အခါ သတ်မှတ်ချိန် အတိုင်းပြီးစီးဖို့ စုစုဝေးဝေး လုပ်ကိုင်ကြရတာမျိုး အတွက် နေရာထိုင်ခင်း၊ လုပ်ငန်းသုံး ပစ္စည်း မလုံလောက်တဲ့ အခက်အခဲများကတော့ ရှိနေတုန်းပဲလို့ အမျိုးသမီးလက်မှု ပညာကုန် ထုတ်လုပ်သူများ အသင်းရဲ့ဥက္ကဋ္ဌ မမော်မော်လွင် ကဆိုပါတယ်။

ပူးပေါင်း ဆောင်ရွက်ရာမှာ ချုပ်ရိုးချုပ်သားသေသပ်မူ၊ အချိန်မီ ပြီးစီးမှုတို့နဲ့ ပတ်သက်တဲ့ အားနည်းချက်တွေ ရှိနေတာမျိုး ကိုတော့ ဖြေ ရှင်း ရဦးမယ်လို့ ကျစ်တီးကျေးရွာသူဥက္ကဋ္ဌက ဆိုပါတယ်။ အကူအညီပေးအဖွဲ့ရဲ့ ဝန်းရံမှု မရှိရင် ဈေးကွက် တိုးချဲ့ရေး ခက်ခဲ မှာကို မမော်မော်လွင် ကစိုးရိမ်နေပါတယ်။

“ဈေးကွက် ကိုတော့ ထိုးဖောက်ကြည့်ချင်တယ်။ ရန်ကုန်ကနေ လှမ်းမေးနေတာတွေတော့ ရှိနေတယ်။ အဖွဲ့နဲ့က လည်းပြန် တိုင်ပင်နေ ရတယ်။ သူတို့က လုပ်ရဲရင်တော့ ကျွန်မတို့လည်းရှေ့ကသွားရဲတယ်”လို့ အသင်း ဥက္ကဋ္ဌမမော်မော်လွင် ကဆိုပါတယ်။

ချိုင်ကျေးရွာထဲက ရက်ကန်းသံညံနေတဲ့ အိမ်လေးထဲမှာတော့ အကြော်သည် မတူးတူး ကအားကြိုးမာန်တက် ရက်ကန်း ရက်နေဆဲပါ။ ကြုံရာကျပန်း လုပ်ကိုင်တဲ့ အမျိုးသားရဲ့ဝင်ငွေကိုပဲ အားထားရတဲ့ ဘဝကနေ လွတ်မြောက်လာပါပြီ။ မတူးတူးရဲ့ လစဉ်ဝင်ငွေ တစ်သိန်း နီးပါး ဖြစ်လာတဲ့ အတွက်မိသားစုမှာငွေပိုငွေလျှံ ရှိလာသလို သူ့သားနှစ်ယောက် အတွက် စိတ်ကူးထား တာလေးတွေ လည်း အကောင် အထည်ဖော်ဖို့ နီးစပ်လာပါပြီ။

“ကျွန်မပိုက်ဆံလေးတွေ စုထားတယ်၊ ဒီသားလေးတွေ ကိုရှင်ပြုပေးရအောင်လို့။ တော်တော်လည်း စုနိုင်နေပြီ” လို့ မတူးတူးက သားနှစ်ယောက် ကို ပြုံးကြည့်ရင်း ပြောလိုက်ပါတယ်။     ။

အောင်ငြိမ်းချမ်း (Myanmar Now)

 

Comments (0)

Leave a reply

Your email address will not be published. Required fields are marked *

*