ထိုင်းရောက် မြန်မာများ နိုဝင်ဘာလအထိ ဝန်ဆောင်ခအခမဲ့ဖြင့် ငွေလွှဲနိုင်ပြီ

ထိုင်းရောက် မြန်မာများ နိုဝင်ဘာလအထိ ဝန်ဆောင်ခအခမဲ့ဖြင့် ငွေလွှဲနိုင်ပြီ
May 31, 2017 Asian Fame

3:17 pm
ထိုင်းရောက် မြန်မာများ နိုဝင်ဘာလအထိ ဝန်ဆောင်ခအခမဲ့ဖြင့် ငွေလွှဲနိုင်ပြီ

MZW
ရန်ကုန်၊ မေ ၂၉

ထိုင်း-မြန်မာ ငွေလွှဲကတ်ဝန် ဆောင်မှုအသစ်စတင်ခြင်းအထိမ်းအမှတ်အဖြစ် ယခုနှစ် နိုဝင်ဘာ ၁၅ ရက်နေ့အထိ ငွေလွှဲဝန်ဆောင်ခ ကောက်ခံမည်မဟုတ်ဘဲ အကြိမ်ရေ အကန့်အသတ်မရှိ ငွေလွှဲနိုင်မည်ဖြစ်ကြောင်း ကမ္ဘောဇဘဏ်က သတင်းထုတ်ပြန်သည်။

ထိုင်းရောက် မြန်မာလုပ်သား များအတွက် ငွေလွှဲကတ်ဝန်ဆောင်မှုအသစ်ကို ထိုင်းနိုင်ငံရှိ Kasikor ဘဏ် (KBank) နှင့် ကမ္ဘောဇဘဏ်တုိ့ ပူးပေါင်းလုပ် ဆောင်ခြင်းဖြစ်ပြီး ထိုင်းရောက် မြန်မာနိုင်ငံသား ၄ သန်းအတွက် မြန်ဆန်စိတ်ချစွာ ငွေလွှဲနိုင်ရေး လုပ်ဆောင်ပေးခြင်း ဖြစ်ကြောင်း သိရသည်။ မြန်မာရွှေ့ပြောင်း အလုပ်သမားများအနေနှင့် ထိုင်းနိုင်ငံမှ ထုတ်ပေးထားသော ကတ်များနှင့် ထိုင်းနိုင်ငံတစ်ဝန်းရှိ KBank ATM စက်များမှ တစ်ဆင့် ဘားကုတ်အား စကန်ဖတ်စစ်ဆေးခြင်း ဖြင့် လက်ခံအကောင့်တစ်ခု ဆီသို့ တစ်နေ့တာအတွင်း တစ်ကြိမ်နှုန်း ဖြင့် ထိုင်းဘတ်ငွေ ၁ဝဝဝဝဝ အထိ (မြန်မာကျပ် ၃၉ဝဝဝဝဝ ဝန်းကျင်) ငွေလွှဲနိုင်ပြီဖြစ်ကြောင်း၊ မြန်မာနိုင်ငံအတွင်းမှ လက်ခံရရှိ သူများသည်လည်း ငွေကြေးများကို မြန်မာကျပ်အဖြစ် ကမ္ဘောဇဘဏ်ခွဲ ၄၆ဝ ကျော်နှင့် တစ်နိုင်ငံလုံးတွင် ရှိသော ကမ္ဘောဇဘဏ် ATM စက် အလုံး ၉၃ဝ တွင် နေ့ချင်းထုတ်ယူနိုင် ပြီဖြစ်ကြောင်း ကမ္ဘောဇဘဏ်မှ သိရသည်။

ကမ္ဘောဇဘဏ်၏ International Banking Divison မှ အုပ်ချုပ်မှုဒါရိုက်တာ ဦးဝင်းလွင်က ”ခုလိုအထူးအစီအစဉ်ကြောင့် ထိုင်းနိုင်ငံမှာရှိတဲ့ မြန်မာလုပ်သားဟာ တရားမဝင်တဲ့ငွေလွှဲဝန် ဆောင်မှုတွေအစား လွယ်ကူပြီး တရားဝင်တဲ့စနစ်ကို အသုံးပြုနိုင်တော့မှာဖြစ်ပါတယ်။ ဒါဟာ ရေရှည်မှာ နိုင်ငံအတွက် ပွင့်လင်းမြင်သာမှုရှိပြီး ယုံကြည်စိတ်ချရတဲ့ ခေတ်သစ်ငွေကြေးစနစ်မှတ် ကျောက်တစ်ခုအဖြစ် ထင်ကျန်နေမှာပါ” ဟု ပြောသည်။ နိုဝင်ဘာ ၁၅ အထိငွေလွှဲခ ကောက်ခံမည် မဟုတ်သော်လည်း ယင်းကာလအပြီးတွင်မူ ငွေလွှဲမှု တစ်ကြိမ်လျှင် ထိုင်းဘတ်ငွေ ၂ဝဝ ကောက်ခံသွားမည်ဟု သိရသည်။ ထိုင်းရောက် မြန်မာများအနေ နှင့် ထိုင်းနိုင်ငံရှိ K Bank ဘဏ်ခွဲတိုင်းတွင် Myanmar Remit Card မိ (မြန်မာငွေလွှဲကတ်) အားလျှောက်ထားနိုင်ပြီး အသေးစိတ်သိလိုပါက +၉၅ ၁ ၂၃ဝ ၇၁၆ဝ-၆၁-၆၂-၆၃-၆၄ သို့ဖုန်းခေါ်ဆို၍ မေးမြန်းနိုင် ကြောင်း သိရသည်။

Comments (0)

Leave a reply

Your email address will not be published. Required fields are marked *

*