အခင်အမင်မပျက် ထိန်းသိမ်းဆောင်ရွက်ကြစေ (အယ်ဒီတာ့အာဘော်)

အခင်အမင်မပျက် ထိန်းသိမ်းဆောင်ရွက်ကြစေ (အယ်ဒီတာ့အာဘော်)
May 24, 2017 Asian Fame

2:22 pm
အခင်အမင်မပျက် ထိန်းသိမ်းဆောင်ရွက်ကြစေ (အယ်ဒီတာ့အာဘော်)

ယနေ့ ကျင်းပပြုလုပ်မည့် ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ ဒုတိယ အစည်းအဝေးကို ကြိုဆိုထောက်ခံပါကြောင်းနှင့် ငြိမ်းချမ်းရေးလုပ်ငန်းစဉ်များ တစ်စထက်တစ်စ ပိုမိုတိုးတက်ကာ အောင်မြင်မှုများရရှိပါစေကြောင်း ဦးစွာ ဆုတောင်းမေတ္တာ ပို့သအပ်ပါသည်။ နိုင်ငံတစ်နိုင်ငံဘက်စုံဖွံ့ဖြိုးတိုးတက်လာရန် ငြိမ်းချမ်းရေးသည် မရှိမဖြစ်လိုအပ်သောအရာဖြစ်ရာ ငြိမ်းချမ်းအောင်ကြိုးပမ်း နေကြသူများကို ထောက်ခံကြိုဆိုရမည်သာ ဖြစ်သည်။

ထိုသို့ဆောင်ရွက်ရာတွင် ငြိမ်းချမ်းရေးလုပ်ငန်းစဉ်တွင် ပါဝင်သူများအားလုံး စိတ်ရှည်သည်းခံကြဖို့လိုသည်။ နိုင်ငံတော်နှင့် ပြည်သူတို့ရေရှည်အကျိုးဖြစ်ထွန်းစေရေးရှေးရှုကာ အမြော်အမြင်ကြီးကြီးဆောင်ရွက်ကြစေလိုသည်။ ဤနေရာတွင် သတိပြု သင့်သည့်အချက်တစ်ခုမှာ နိုင်ငံတကာငြိမ်းချမ်းရေးဆောင်ရွက်သူများ၊ ပဋိပက္ခချုပ် ငြိမ်းရေးကြိုးပမ်းကြသူများ၏ နိုင်ငံတကာဖြစ်စဉ်များစွာပေါ်အခြေခံသော အယူအဆ ဖြစ်သည်။

ယင်းတို့၏အယူအဆမှာ ပြည်သူနှင့်အစိုးရကြား ဖြစ်ပေါ်သောပဋိပက္ခကြောင့် ပေါ်ပေါက်လာသော လက်နက်ကိုင်တော်လှန်ရေးမှာ Intervention ခေါ် ကြားဝင်စေ့စပ်ရေး၊ Negotiation ခေါ် နှစ်ဖက်စေ့စပ်ညှိနှိုင်းခြင်းနည်းလမ်းများဖြင့် ပြေလည်နိုင်သော်လည်း လူမျိုးစု၊ နယ်မြေဒေသ၊ ကိုးကွယ်ယုံကြည်မှုနောက်ခံတို့ကြောင့် ဖြစ်ပေါ်သော လက်နက်ကိုင်တော်လှန်ရေးမှာ အထက်ပါစေ့စပ်ကြားဝင်ရေးနည်းလမ်းများဖြင့် ရေရှည်တည်တံ့သော ငြိမ်းချမ်းရေးမရနိုင်၊ Reconciliation Process ခေါ် နှစ်ဖက်သင့်မြတ်ရေးလုပ်ငန်းစဉ်များဆောင်ရွက်ရာတွင်ပင် ဆယ်စုနှစ်များစွာ အချိန်ယူရတတ်သည်ဟူ၍ဖြစ်သည်။ မြန်မာ့ပြည်တွင်းစစ်သည် အကြောင်းအရာ နောက်ခံစုံသည်၊ ကာလလည်းရှည်ကြာခဲ့ပြီဖြစ်သည့်အတွက် ငြိမ်းချမ်းရေးတွင် စိတ်ရှည်ဖို့လိုသည်၊ အချိန်ယူဖို့လိုသည်။

ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံ၏အကြိုအဖြစ် မေလ ၁၂ ရက် နေ့တွင် ကျင်းပသော ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အစည်းအဝေးတွင် မူဝါဒအဆိုပြုချက် ၁ဝ ချက်ကိုချမှတ်ခဲ့ပြီး ယင်းတို့ကို ယခုငြိမ်းချမ်းရေးညီလာခံတွင်တင်သွင်းပြီး ညီလာခံတက်ရောက်လာကြသူများ အားလုံး ညှိနှိုင်းတိုင်ပင်ဆွေးနွေးကာ အတည်ပြုဆုံးဖြတ်ကြမည်ဖြစ်ကြောင်းလည်း သိရသည်။

မူဝါဒအဆိုပြုချက် ၁ဝ ချက်တွင် ဖက်ဒရယ်စနစ်တွင် အခြေခံရမည့်မူများ၊ အချုပ်အခြာအာဏာကျင့်သုံးမှု၊ တန်းတူရေး၊ ကိုယ်ပိုင်ပြဋ္ဌာန်းခွင့်၊ ဖက်ဒရယ် ပြည် ထောင်စုမူ၊ နိုင်ငံရေးနှင့် ဘာသာရေး၊ ပါတီစုံဒီမိုကရေစီစနစ်၊ ဆက်လက်ဆွေး နွေးရမည့်ခေါင်းစဉ်များ စသည့်အချက်များနှင့်ပတ်သက်သည့် တင်သွင်းချက်များ ပါဝင်သည်။

ထိုသို့သဘောတူညီ တင်သွင်းမည့်အထဲတွင် ‘တိုင်းဒေသကြီး၊ ပြည်နယ်များ၏ ဖွဲ့စည်းပုံအခြေခံဥပဒေရေးဆွဲခြင်း’ နှင့် ‘ပြည်ထောင်စုတပ်မတော်’ ဟူသောအချက် နှစ်ချက်သည် စိတ်ဝင်စားဖို့အထူးကောင်းသည်။ တိုင်းဒေသကြီး၊ ပြည်နယ်များ၏ ဖွဲ့ စည်းပုံအခြေခံဥပဒေရေးဆွဲကြရာတွင် Supreme Law of The Land ဟုခေါ်အပ် သော ၂ဝဝ၈ ဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့် ကိုက်ညီအောင်ရေး ဆွဲရမည်ဖြစ်ရာ ၂ဝဝ၈ ဖွဲ့စည်းပုံသည် ဖက်ဒရယ်စနစ်အတွက် အဆင်သင့်ဖြစ်ပါရဲ့ လား၊ အကယ်၍အဆင်သင့်မဖြစ်ဟုဆိုလျှင် ဖွဲ့စည်းပုံအခြေခံဥပဒေကိုအရင်ပြင်ဆင်ပြီးမှ ရေးဆွဲကြပါမည်လား၊ တပ်မတော်၏သဘောထားက မည်သို့နည်း၊ သို့တည်းမဟုတ် မည်သို့လုပ်ပါမည်နည်း၊ တိုင်းဒေသကြီး၊ ပြည်နယ်များ၏ ဖွဲ့စည်းပုံအခြေခံဥပဒေ ရေးဆွဲကြရာတွင် မည်သည့်အချက်များကိုအခြေခံကြပါမည်နည်း စသည် စသည်ဖြင့် စိတ်ဝင်စားစရာ မေးခွန်းများစွာ အဆင့်များစွာရှိနေသည်။

အလားတူပင် ပြည်ထောင်စုတပ်မတော် ဖွဲ့စည်းရေးတွင်လည်း နှစ်ရှည်လများ တစ်ဖက်နှင့်တစ်ဖက် ပစ်ခတ်တိုက်ခိုက်လာကြသူများ၊ လတ်တလောအခြေအနေတွင် အပစ်ရပ်ဖို့ပင် ခက်ကြသူတို့အား မည်သို့တစ်ပေါင်းတစ်စည်းတည်းဖွဲ့စည်းကြမည်နည်း။ နှစ်ရှည်လများ လက်နက်ကိုင်ခဲ့ကြသူများကို သာမန်အရပ်သူအရပ်သားများအဖြစ် ရပ်တည်နိုင်ရေး မည်သို့စီမံဆောင်ရွက်ကြမည်နည်း စသည်ဖြင့် မေးခွန်းများစွာ ဆွေးနွေးရမည့်အကြောင်းအရာများစွာ ရှိနေသည်။

အမှန်တကယ်ဆွေးနွေးကြသည့် အခါတွင်လည်း အတော်ပင်ကျယ်ပြန့်ပြီး အချိန် ယူကာ အဆင့်ဆင့်ဆောင်ရွက်ကြရမည့်သဘောရှိရာ အပြန်အလှန်ဆွေးနွေးငြင်းခုန် ကြပြီး ဘုံသဘောတူညီချက်များထုတ်ယူကာ အခင်အမင်မပျက် ဆောင်ရွက်ကြစေ လိုသည်။ ပဋိပက္ခကို ဦးတည်သွားမှုမျိုးမဖြစ်စေရန် ပါဝင်သူအားလုံးက ထိန်းသိမ်း ဆောင်ရွက်ကြစေလိုကြောင်း တိုက်တွန်းရေးသားဖော်ပြအပ်ပါသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*