လွယ်သလား ခက်သလား ရန်ကုန်ကျောင်းကား

လွယ်သလား ခက်သလား ရန်ကုန်ကျောင်းကား
May 16, 2017 Asian Fame

4:03 pm
လွယ်သလား ခက်သလား ရန်ကုန်ကျောင်းကား

ရန်ကုန်တိုင်းဒေသကြီးအစိုးရအဖွဲ့၏ စီမံဆောင်ရွက်မှုဖြင့် ယခုလာမည့် ၂ဝ၁၇ -၂ဝ၁၈ စာသင်နှစ်အတွင်း ရန်ကုန်တိုင်းဒေသကြီးအတွင်းရှိ မြို့နယ်များမှ အခြေခံ ပညာကျောင်းပေါင်း (၂၆)ကျောင်းတွင် ကျောင်းကားစနစ်ကို စတင်အကောင်အထည် ဖော်တော့မည်ဖြစ်ကြောင်း သိရှိရပါသည်။ ရည်ရွယ်ချက်မှာ တတ်နိုင်သူများက ကျောင်းသားတစ်ဦး ကားတစ်စီးနှုန်းဖြင့် ကြိုပို့နေမှုကြောင့်ဖြစ်ပေါ်နေသော ကျောင်းဆင်း ကျောင်းတက်ချိန် ယာဉ်ကြောကျပ်တည်းမှုလျော့ပါးစေရန်နှင့် ကျောင်းသားများ ကျောင်းကားများဖြင့် စနစ်တကျကျောင်းတက်နိုင်ရေးဖြစ်သည်ဟု ဆိုပါသည်။

တစ်ဆက်တည်းဆိုသလိုပင် သက်ဆိုင်ရာကျောင်းအုပ်ကြီးများက မိဘများထံသို့ အဆိုပါသတင်းစကားကို ထပ်ဆင့်ရှင်းလင်းပြောကြားရာတွင် ကျောင်းသားမိဘ အတော်များများက အဆိုပါကျောင်းကားစနစ်ကို သဘောမတူကြကြောင်းလည်း သိရှိရပါသည်။ သဘောမတူကြသည့် အဓိကအကြောင်းအရင်းမှာ ယုံကြည်မှု မရှိကြ၍ ဖြစ်ကြောင်း သုံးသပ်ရပါသည်။ မိမိတို့၏ရင်နှစ်သည်းချာကလေးများကို တင်ပေး လိုက်ရန်မှာ ကျောင်းကားအပေါ်နှင့် ကျောင်းကား သယ်ယူပို့ဆောင်မည့်စနစ်ကို မိဘများအနေဖြင့် ယုံကြည်မှုအပြည့်အဝရှိနေရန် လိုအပ်ပါသည်။ ကျောင်းကား စနစ်သည် YBS ကဲ့သို့ အမှားမခံပါ။ အစမ်းသပ် မခံပါ။ အကြောင်းမှာ YBS စီးနင်းသူများသည် မိမိကိုယ်ကိုထိန်းကျောင်းနိုင်သော အရွယ်ရောက်ပြီးသူများဖြစ်ပြီး ယခု စီးနင်းမည့်သူများမှာ ကျောင်းသား အရွယ်ကလေးငယ်များသာဖြစ်ကြသောကြောင့် ဖြစ်ပါသည်။

ဤနေရာတွင် ယခုလည်း ဖယ်ရီကားတွေနှင့်သွားနေတာပဲဟု ပြောစရာရှိပါသည်။ ဖယ်ရီစနစ်သည် ကျောင်းကားစနစ်နှင့် မတူပါ။ ကျောင်းကြိုပို့လုပ်ကြသည့် လုပ်ငန်းရှင်များက ကျောင်းသားရရှိရေးအပြိုင်အဆိုင်ဝန်ဆောင်မှုပေး ဆောင်ရွက် နေကြရသည်။ ဖယ်ရီကားများကိုကောင်းသည်ထက်ကောင်းအောင် အဆင့်မြှင့်ကြ ရသည်။ ကျောင်းသားများစိတ်ချမ်းသာမှုရှိအောင်၊ မိုးလုံလေလုံဖြစ်အောင်၊ မိမိ ကျောင်းသားမကျန်ခဲ့ရအောင်၊ အချိန်မီရောက်အောင် မိဘလက်ထဲမှကလေးကို မိဘ လက်ထဲအိမ်ရှေ့ရောက်သည်အထိ ကြိုပို့ဝန်ဆောင်မှုပေးကြရပါသည်။ ထိုသို့ဆောင်ရွက် ပေးသည့်အတွက် မိဘများယုံကြည်မှုရှိပြီး ဝန်ဆောင်ခ လစဉ်ကျပ်သုံးသောင်းကျော် မှ သိန်းချီကျသည်အထိ ပေးရပါသည်။ ရန်ကုန်တိုင်းဒေသကြီးက စီမံဆောင်ရွက်မည့် ကျောင်းကားစနစ်သည် မည်သို့သောစနစ်ဖြစ်ပါသနည်းဟု မိဘများသိလိုသည်မှာ မဆန်းလှပါ။ သိလိုသည်များတိတိပပမသိရဘဲ အဘယ်မှာယုံကြည်မှု ရှိနိုင်ပါမည် နည်း။ မိမိတို့၏ရင်နှစ်သည်းချာများကို မည်သို့သောမိဘမျိုးက မည်သို့သော စိတ်မျိုး နှင့် လွယ်လွယ်ကူကူ ထည့်ပေးလိုက်ပါမည်နည်း။

နိုင်ငံတကာမှာလည်း ကျောင်းကားစနစ်ကိုသုံးနေတာပဲဟုလည်း ထပ်မံပြောကြား နိုင်ပါသည်။ နိုင်ငံတကာသည် နိုင်ငံတကာဖြစ်၍ မြန်မာသည် မြန်မာဖြစ်ပါသည်။ နိုင်ငံတကာတွင် ကျောင်းကားများအတွက် သီးခြားချမှတ်ထားသော စံချိန်စံညွှန်းများ ရှိပါသည်။ ဥပမာအားဖြင့် ကျောင်းကားသည် အလွယ်တကူဘေးတိုက်လဲသွားခြင်း မဖြစ်ရန် လေးလံသောအလေးချိန်ရှိရပါသည်။ အသုံးများသောကားများနှင့် မတော် တဆမှုဖြစ်ပါက ကလေးများထိခိုက်မှုမရှိစေရန် ပုံမှန်ထက်အနည်းငယ်မြင့်သော ကိုယ်ထည်ရှိရပါသည်။ ဘေးတိုက်ယာဉ်တိုက်မှုမှကာကွယ်ရန် အထူးတည်ဆောက် ထားရပါသည်။ စသည်ဖြင့် လိုက်ပါစီးနင်းသော ကလေးများအတွက် လုံခြုံမှုရှိစေရန် စနစ်တကျ ဥပဒေပြဋ္ဌာန်းဆောင်ရွက်ထားပါသည်။ ယာဉ်မောင်းကိုလည်း သီးခြား ကန့်သတ်ချက်များနှင့် အထူးစိစစ်ခန့်ထားသည့်အပြင် အချို့နိုင်ငံများတွင် စိတ်အခြေ အနေကိုပါ စစ်ဆေးပါသည်။ အခြားယာဉ်မောင်းသူများကလည်း ကျောင်းကားများကို ဦးစားပေးမောင်းနှင်ကြပါသည်။ ထို့အတွက်ကြောင့် ကျောင်းကားများဖြင့် ကလေးကို ပို့ဆောင်ခြင်းသည် အခြားနည်းဖြင့်ပို့ဆောင်ခြင်းထက် ၆ ဆ၊ ၈ ဆ စသည်ဖြင့် ပိုမိုလုံခြုံမှုရှိကြောင်း စစ်တမ်းများရှိပါသည်။ ရန်ကုန်တိုင်းဒေသကြီးအစိုးရက စီမံသည့် ကျောင်းကားသည် မည်သို့စီမံထားပါသနည်း။

မည်သူမျှကျောင်းသို့ အိမ်စီးကားနှင့်မပို့ရဟုဆိုလျှင် နိုင်ငံတော်၏ နိုင်ငံရေးအရ၊ စီးပွားရေးအရ စသည်ဖြင့် လုံခြုံရေးအရအရေးပါသူများ၏ မိသားစုဝင်များ၊ ကျန်းမာ ရေးချို့တဲ့သူများ၊ မသန်စွမ်းသူများအတွက်ရောြ>ွခင်းချက်များရှိပါသလား စသည်ဖြင့် မေးခွန်းများစွာရှိနေပါသည်။ အချုပ်အားဖြင့်ဆိုရသော် ကျောင်းကားစနစ်ကို သတိကြီးကြီးကိုင်တွယ်စေလိုသည်၊ ဘက်စုံထောင့်စုံကစဉ်းစားစေချင်သည်။ ပညာရှင်များ၊ မိဘများနှင့်ဆွေးနွေး ညှိနှိုင်း စေလိုသည်။ ပြီးမှ တစ်ဆင့်ပြီး တစ်ဆင့်စနစ်တကျ အကောင်အထည်ဖော်စေလိုသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*