ရေကြောင်းခရီး လုံခြုံရေး မနှေးအမြန် ဂရုစိုက်ပေး

ရေကြောင်းခရီး လုံခြုံရေး မနှေးအမြန် ဂရုစိုက်ပေး
May 4, 2017 Asian Fame

5:16 pm
ရေကြောင်းခရီး လုံခြုံရေး မနှေးအမြန် ဂရုစိုက်ပေး

myanmar now (1)

ရေကြောင်းသွား ခရီးသည်ယာဉ်များ မတော်တဆမှုဖြစ်ပွားခြင်း မရှိစေရေးအတွက် အထူးကြပ်မတ်ပေးရန် လိုအပ်သည်ဟု မကြာသေးခင်က ပုသိမ်မြို့ စက်လှေနစ် မြုပ်မှုတွင် သေဆုံးသွားသူတို့၏ မိသားစုဝင်များ၊ ဒေသခံများက အစိုးရကို တိုက်တွန်းလိုက်သည်။

ဧပြီ ၇ ရက်နေ့ ညက ပုသိမ် မြို့ကြက်တန်း ကူးတို့ဆိပ်အနီး ကျောက်တင်သင်္ဘောနှင့် တိုက်မိ သည့် ‘ငွေကြယ်ပွင့်’ စက်လှေနစ် မြုပ်မှုတွင် သေဆုံးသည့် ခရီးသည် အရေအတွက်မှာ ၃ဝ အထိရှိရာ အာဏာပိုင်တို့က ကျန်ရစ်သူ မိသား စုဝင်များကို ထောက်ပံ့ငွေပေးအပ် ခြင်း၊ သေဆုံးသွားသူများအတွက် အသက်အာမခံကြေး ထုတ်ပေးနိုင် ရန် ဆောင်ရွက်ခြင်းများ ပြုလုပ်ပေးနေသည်။ သေဆုံးသွားသူ အသက် ၁ဝ နှစ်အရွယ် ခရီးသည်တစ်ဦး၏ အဒေါ်ဖြစ်သူ ဒေါ်ယဉ်ကြည်က ရေကြောင်းသွားလာမှု လုံခြုံရေး အတွက် အာဏာပိုင်တို့ ပုံမှန်ကြပ်မတ် ဆောင်ရွက်သင့်သည်ဟု ဆိုသည်။

”အစိုးရတို့ လွှတ်တော်တို့ဆိုတာ(မတော်တဆမှု) မဖြစ်ခင်တုန်းကတော့ ဂရုစိုက်ရကောင်းမှန်းမသိ ဘူး။ ဖြစ်လာတော့မှ ဂရုစိုက်တယ်။ ခုဆို ပြည်သူ့လွှတ်တော်၊ အမျိုး သားလွှတ်တော်၊ ဒေသလွှတ်တော်၊ အစိုးရအဖွဲ့တို့ ခဏခဏလာတယ်။ နစ်နာကြေး လာလာပေးတယ်။ ကျွန်မကလည်း အသက်ထက် ဘယ်ဟာ တန်ဖိုးရှိလဲဆိုတာကိုပဲ မေးချင်တယ်”ဟု ဒေါ်ယဉ်ကြည်က ပြောသည်။

သေဆုံးသူခရီးသည် ဒေါ်ညို ရင်၏ မောင်ဖြစ်သူ ဦးရွှေအေးက လည်း လျော်ကြေးငွေ လက်ခံရ ခြင်းအတွက် စိတ်မသက်မသာဖြစ် ရသည်ဟု ဆိုသည်။”ပေးလို့သာယူရတာ၊ စိတ်ထဲ မှာ ဘယ်ကောင်းမလဲ၊ လူတစ် ယောက်ဆုံးရှုံးမှုဆိုတာ တန်ဖိုးမှ ဖြတ်လို့မှ မရတာ။ တတ်နိုင်ရင်တော့ တာဝန်ရှိသူတွေက ရေယာဉ်တွေနဲ့ ရေယာဉ်မောင်းသူတွေ ပေါ့ပေါ့ဆ ဆ မလုပ်အောင် တာဝန်ယူပေးပါ” ဟု ဦးရွှေအေးက တိုက်တွန်း လိုက်သည်။

myanmar now (3)

ကယ်ဆယ်ရေးလုပ်ငန်း

အမှောင်ထုအတွင်း ကျောက် တင်သင်္ဘောနှင့် တိုက်မိခါနီးတွင် ငွေကြယ်ပွင့်စက်လှေက ရုတ်တ ရက် ရှောင်တိမ်းနိုင်ခြင်း မရှိခဲ့ဟု အသက်ရှင်ကျန်ရစ်သူ ခရီးသည် တစ်ဦးဖြစ်သည့် ဦးညီညီအောင်က ပြောသည်။ ”၆ နာရီ ၄ဝ မိနစ်မှာ ကျွန် တော်တို့စက်လှေ စထွက်တယ်။ သိပ်မကြာဘူး၊ ၃ မိနစ် လောက်ပဲ ကြာတယ်၊ အဲဒီအချိန် ကျောက် တင်တဲ့သင်္ဘောက ခုတ်မောင်းလာတာ ကျွန်တော်တို့လည်း အနီး ရောက်မှမြင်တယ်”ဟု ဦးညီညီ အောင်က ရှင်းပြသည်။

မြို့ပေါ်ရှိ လူမှုကူညီရေးအဖွဲ့ အစည်းများ ရောက်ရှိလာချိန်အထိ ရှာဖွေကယ်ဆယ်ရန် ပဲ့ထောင်စက် လှေများ ချက်ချင်းမစီစဉ်နိုင်ခြင်း ကြောင့် သေဆုံးသူအရေအတွက် ကို မြင့်တက်စေခဲ့ကြောင်း မျက်မြင် သက်သေများက သုံးသပ်သည်။ ခရီးသည်တင် ရေယာဉ်များ တွင် ကယ်ဆယ်ရေးပစ္စည်း လုံ လောက်မှု ရှိ မရှိ စစ်ဆေးရန် အာ ဏာပိုင်တို့တွင် တာဝန်ရှိသည်ဟု ဒေသခံတစ်ဦးဖြစ်သည့် ကိုလေ ပြည်အောင်က ပြောသည်။

”ဆလိုက်မီးတွေ မရှိဘဲ လက် နှိပ်ဓာတ်မီးတွေနဲ့ ရှာဖွေကယ်ဆယ် နေရတာကိုက စိတ်ပျက်စရာပါ။ နောက်မှ ဘေးကသင်္ဘောတွေ မီး ထွန်းပေးလို့။ ဌာနတစ်ခုအနေနဲ့ ကယ်ဆယ်ရေးပစ္စည်းတွေ လုံ လောက်မှုမရှိရင် အထက်ကို တင် ပြသင့်တယ်”ဟု ကိုလေပြည်အောင်က ဆိုသည်။ အရေးပေါ် ကူညီကြသူများ ထဲတွင် ကယ်ဆယ်ရေးလုပ်ငန်းနှင့် ပတ်သက်ပြီး သင်တန်းတက် လေ့ လာထားသူ အနည်းငယ်သာပါဝင် ကြောင်း ကယ်ဆယ်ရေးလုပ်ငန်း များ ဆောင်ရွက်ခဲ့သူ ကိုမြင့်ဌေးက ပြောသည်။

”ရပ်ရွာအခြေပြု ကယ်ဆယ် ရေးအဖွဲ့အစည်းတွေ၊ စနစ်တကျနဲ့ သင်တန်းတွေ လုပ်ထားတဲ့ ကယ်ဆယ်ရေးအဖွဲ့အစည်းတွေက (ချက် ချင်း) ရောက်မလာဘူး။ ငါးဖမ်း သင်္ဘောတစ်စင်းရယ်၊ ကူးတို့လှေ တွေရယ် ကယ်လို့ ကျန်တဲ့သူတွေက ရှင်တာ”ဟု ကိုမြင့်ဌေးက ပြော သည်။တိုက်မိကြသည့် ယာဉ်နှစ်စင်းတွင် အချက်ပြမီး၊ ဆလိုက်မီး မပြည့်စုံခြင်းသည်လည်း မတော် တဆမှု ပေါ်ပေါက်ခဲ့ရသည့် အဓိ ကအကြောင်းရင်းများတွင် ပါဝင် နေသည်။ ပုသိမ်မြို့ ဒေသခံတစ်ဦးဖြစ်သည့် ကိုမြင့်စိုးက ရေကြောင်းအာဏာပိုင်အဖွဲ့အစည်းတို့ စစ်ဆေးကြီးကြပ်မှု လျော့နည်းခဲ့ကြောင်း ဝေဖန်လိုက်သည်။

”ရေကြောင်းဥပဒေဆိုတာ စာအုပ်ထဲမှာရှိပြီး တင်းကျပ်မှုတွေ မလုပ်ဆောင်ကြလို့ ငဝန်မြစ်ထဲမှာ စည်းကမ်းမဲ့ မောင်းနေကြတာ။ ဒါကို တာဝန်ရှိသူတွေလည်း မကြီးကြပ်နိုင်ခဲ့ဘူး”ဟု ကိုမြင့်စိုးက ပြောသည်။ မတော်တဆမှုတွင် အမျိုးသား ၇ ဦး၊ အမျိုး သမီး ၂၃ ဦး သေဆုံးခဲ့သည်။ သေဆုံးသူ များထဲတွင် အသက် ၄ နှစ် မှ ၁၇ နှစ်အ တွင်းရှိ ကလေး ၇ ဦးလည်း ပါဝင်သည်။ မြစ်ချောင်း ပေါများ ပြီး ပင်လယ်ကမ်းရိုးတန်း ရှည်လျားသော မြန်မာ နိုင်ငံတွင် ခရီးသည်တင် ရေယာဉ်မတော်တဆဖြစ်ပွားမှုကို မကြာခဏ ကြုံတွေ့ရလေ့ ရှိသည်။ ၂ဝ၁၆ အောက်တိုဘာလ လယ်ပိုင်း ချင်းတွင်းမြစ်အတွင်း ဝန်ပိုတင် မောင်းနှင်သည့် အောင်စိုးမိုးကျော် အမြန်ရေယာဉ် နစ်မြုပ်မှုတွင်လည်း ခရီးသည် ၈ဝ ထက်မနည်း သေဆုံးခဲ့သည်။ နိုင်ငံ အများအပြားတွင် ဆုံးရှုံးမှုကြီးမားသည့် သင်္ဘောမတော် တဆမှုဖြစ်ပွားပါက တာဝန်ကြီးကြီးမားမားယူထားသူက နုတ်ထွက်ပြီး တာဝန်ယူမှု၊ တာဝန်ခံမှုကို ပြသကြကြောင်း သတင်းများတွင် တွေ့ရသည်။

တိုင်းအစိုးရအဖွဲ့၏ ဆောင်ရွက်ချက်

ပုသိမ်မြို့ မတော်တဆမှုဖြစ် စဉ်တွင် ကယ်ဆယ်ရေးလုပ်ငန်းအ တွက် ဆလိုက်မီးအသုံးပြုခြင်း နှောင့် နှေးခဲ့ရသည်ဟု တိုင်းအစိုးရအဖွဲ့မှ လမ်းပန်းဆက်သွယ်ရေးဝန်ကြီး ဦးဝင်းဌေးက ပြောသည်။ ”ဆလိုက်မီးတွေက ရုတ်တ ရက်တော့ ချက်ချင်းကြီးတော့ မထိုး နိုင်ဘူး။ ပြောလိုက်တဲ့ အခါမှာ တော့ ဆလိုက်တွေ ထိုးကြပါတယ်။ ဟိုဘက်ကမ်းမှာရှိတဲ့ သင်္ဘောရော၊ ဒီဘက်ကမ်းမှာ ရှိတဲ့ သင်္ဘောရော မီးထိုးပေးကြပါတယ်”ဟု ဦးဝင်းဌေးက ရှင်းပြသည်။

ငွေကြယ်ပွင့် ရေယာဉ် တိမ်းမှောက်ပြီးနောက်ပိုင်း ဧရာဝတီတိုင်းဒေသကြီးအစိုးရ အဖွဲ့က ရေကြောင်းသွားယာဉ်များ မတော်တဆမှု မဖြစ်ပွားစေရန် ကြိုတင် ကာကွယ်ရေးလုပ်ငန်းများအ တွက် စီစဉ်လုပ်ဆောင်နေသည်ဟု ဝန်ကြီးက ဆိုသည်။ ”ရေကြောင်းရဲတို့၊ ဆိပ်ကမ်း က တာဝန်ရှိသူတွေပါ ခေါ်ယူပြီး နောင်တစ်ချိန်မှာ ဒီလိုမျိုး အခြေ အနေပေါ်လာခဲ့ရင် ဘယ်လိုဆက်သွယ်၊ ဆောင်ရွက်မလဲဆိုတာကို ကော်မတီတစ်ရပ်ဖွဲ့ပြီး ဆောင် ရွက်နေတယ်”ဟု ဦးဝင်းဌေးက ပြောသည်။ ။

မျိုးမင်းပိုင်

Comments (0)

Leave a reply

Your email address will not be published. Required fields are marked *

*