ယခု ကြားဖြတ်ရွေးကောက်ပွဲတွင် မဲဆန္ဒနယ်တစ်ခုချင်းစီအလိုက်အသုံးပြုသည့် ကုန်ကျစရိတ် ပြီးခဲ့သည့် အထွေထွေရွေးကောက်ပွဲကထက် နှစ်ဆမက ပိုများနေ

ယခု ကြားဖြတ်ရွေးကောက်ပွဲတွင် မဲဆန္ဒနယ်တစ်ခုချင်းစီအလိုက်အသုံးပြုသည့် ကုန်ကျစရိတ် ပြီးခဲ့သည့် အထွေထွေရွေးကောက်ပွဲကထက် နှစ်ဆမက ပိုများနေ
April 5, 2017 Asian Fame

10:37 am
ယခု ကြားဖြတ်ရွေးကောက်ပွဲတွင် မဲဆန္ဒနယ်တစ်ခုချင်းစီအလိုက်အသုံးပြုသည့် ကုန်ကျစရိတ် ပြီးခဲ့သည့် အထွေထွေရွေးကောက်ပွဲကထက် နှစ်ဆမက ပိုများနေ

ele

PNews
နေပြည်တော်၊ ဧပြီ ၄

လစ်လပ်သွားသော လွှတ်တော်ကိုယ်စားလှယ် ၁၉ နေရာအတွက် ကျင်းပသည့်ကြားဖြတ်ရွေးကောက်ပွဲ ကုန်ကျစရိတ်သည် မြန်မာငွေကျပ် ၁ ဒသမ ၆ ဘီလျံကျော် ရှိသည်ဟု ပြည်ထောင်စုရွေးကောက်ပွဲကော်မရှင်က သတင်းထုတ်ပြန်သည်။ ယခု ကြားဖြတ်ရွေးကောက်ပွဲအတွက် ကုန်ကျငွေကို လစ်လပ်မဲဆန္ဒနယ်မြေ ၁၉နေရာနှင့် အချိုး ချကြည့်ပါက မဲဆန္ဒနယ်တစ်ခုလျှင် ပျမ်းမျှကုန်ကျငွေ ၈၄ သန်းဖြစ် နေသည်ကို တွေ့ရသည်။ ထိုပမာဏသည် ပြီးခဲ့သည့် အထွေထွေ ရွေးကောက်ပွဲကထက် ပိုမို များပြားနေသည့် ပမာဏ ဖြစ်သည်။

ပြီးခဲ့သည့် ၂ဝ၁၅ အထွေထွေ ရွေးကောက်ပွဲတွင် မဲဆန္ဒနယ် ၁၁၇၁ နေရာအတွက် စုစုပေါင်းကုန်ကျငွေကျပ်၃၇ ဘီလျံကျော်ကို ပြည်ထောင်စုရွေးကောက်ပွဲကော် မရှင်ကသုံးခဲ့သည်။ ယင်းကုန်ကျငွေနှင့် အထက်ပါ မဲဆန္ဒနယ်များတွင် ကုန်ကျငွေကို အချိုးချကြည့်ပါက မဲဆန္ဒနယ်တစ်ခုလျှင် နိုင်ငံတော်က ငွေကျပ် ၃၁ သန်းသာ အသုံးပြုခဲ့သည်ကို တွေ့ ရမည် ဖြစ်သည်။ ကော်မရှင် အတွင်းရေးမှူး ဦးတင်ထွန်းက ယခုကြားဖြတ်အ တွက်ကုန်ကျစရိတ်သည် မဲစာရင်း ပြုစုခြင်းအတွက်ကုန်ကျငွေ၊ မဲရုံသုံး ပစ္စည်းကုန်ကျစရိတ်၊ မဲစာရွက်ရိုက် နှိပ်ခ၊ သယ်ယူပို့ဆောင်ခများစသည်တို့ ပါဝင်သည်ဟု ပြောသည်။

ယင်းငွေကို ကော်မရှင်က ရန်ကုန်တိုင်းအတွင်းက လစ်လပ်မဲဆန္ဒ နယ် ၅နေရာ၊ ရှမ်းပြည်နယ်အတွင်း က လစ်လပ်မဲဆန္ဒနယ် ၈ နေရာ၊ စစ်ကိုင်း၊ ပဲခူး၊ မွန်နှင့် ရခိုင်ဒေသ တို့က လစ်လပ်မဲဆန္ဒနယ် ၁နေရာ တို့အတွက် မျှဝေအသုံးပြုခဲ့သည်။ ယင်းအပေါ် ဦးတင်ထွန်းက ”ကျွန်တော့်ဆီမှာ အချက်အလက် မရှိတော့ ခုမပြောနိုင်သေးဘူး” ဟု Popular News ကို ပြောသည်။ ယခု လစ်လပ်မဲဆန္ဒနယ် ၁၉ ခုရှိ မဲပေးခွင့်ရသည့် ဦးရေသည် ပြီးခဲ့သည့် အထွေထွေရွေးကောက် ပွဲကာလက ယင်းမဲဆန္ဒနယ် ဦးရေထက်ကွာခြားမှု သိပ်မရှိသလို၊ မဲ ရုံအရေအတွက်မှာလည်း သိသာသည့် ကွာဟမှု မရှိပေ။ ကယားပြည်နယ် ရွေးကောက်ပွဲအရာရှိ ဦးကျော်ဆန်းဝင်းက ”ပြည်ထောင်စု ရွေးကောက်ပွဲ သတင်းထုတ်ပြန်ရေးကို မေးတာ အကောင်းဆုံးပါ” ဟု ပြောသည်။

ရွေးကောက်ပွဲ စောင့်ကြည့် လေ့လာသူ PACE ရွေးကောက်ပွဲ လေ့လာစောင့်ကြည့်ရေးအဖွဲ့ ပရိုဂရမ်မန်နေဂျာ ဦးဟန်စိုးထွန်းက ကြားဖြတ်ရွေးကောက်ပွဲအတွင်း မဲ ရုံများ မဲရုံသုံးပစ္စည်းများ ပြည့်စုံနေသည်ကိုတွေ့ရကြောင်း ပြောသည်။ ”အထွေထွေတုန်းကတော့ မင်မရှိတာတို့၊ တခြားလိုအပ်ချက်ရှိတာတွေရှိခဲ့တယ်” ဟု ၎င်းက ပြောသည်။ ပဲခူးတိုင်းအတွင်း လစ်လပ် အမျိုးသားလွှတ်တော်ကိုယ်စား လှယ်အမှတ် (၄) အတွက် ကြားဖြတ် ရွေးကောက်ပွဲ ပြုလုပ်ရာတွင် ကုန်ကျသည့် ကုန်ကျစရိတ်က ယခင် အထွေထွေရွေးကောက်ပွဲ အတွင်း ထိုနေရာအတွက် ကုန်ကျသည့် စရိတ်ထက် ပိုများသည်ဟု ပဲခူးတိုင်းရွေးကောက်ပွဲအရာရှိ ဦးအောင်ကျော်မိုးက Popular News ကို ပြောပြသည်။ ”တစ်အိမ်တက်ဆင်း မဲစာရင်း ကောက်တာတွေလည်း ပါတာပေါ့ဗျာ။ အရင်က အဲဒီလိုမလုပ်ဘူးလေ” ဟု သူက ပြောသည်။ ညောင်လေးပင်နှင့် ကျောက်တံခါး နှစ်မြို့အတွင်း တစ်အိမ်တက်ဆင်း မဲစာရင်းကောက်ခြင်းလုပ်ငန်းတစ်ခုတည်းနှင့်ပင် သိန်း ၅ဝဝ ကျော် ကုန်ကျခဲ့သည်ဟု ဦးအောင်ကျော်မိုးက Popular News ကို ရှင်းပြသည်။

Comments (0)

Leave a reply

Your email address will not be published. Required fields are marked *

*