11:57 am
လာမည့် ဧပြီလ ၁ ရက်နေ့တွင် NLD အစိုးရတာဝန်ယူခဲ့သည်မှာ တစ်နှစ်တင်းတင်း ပြည့်မြောက်မည်ဖြစ်သည်။ တစ်နှစ်တာ နိုင်ငံတော်တာဝန်ယူကြစဉ် ကာလအတွင်း ကဏ္ဍအသီးသီးတွင် ပြောင်းလဲတိုးတက်မှုများရှိလာသလို မပြောင်းမလဲဖြစ်နေသည်များလည်း ရှိနေဆဲဖြစ်သည်။ အောင်မြင်မှုများရှိသလို စိန်ခေါ်မှုများ ကိုလည်းရင်ဆိုင်နေရဆဲဖြစ်သည်။
နိုင်ငံရေးကဏ္ဍတွင် နိုင်ငံတကာဆက်ဆံရေးနှင့်ပတ်သက်၍ အရှေ့ဘက်ယိမ်း သောမူဝါဒကို အချိန်ကာလကြာမြင့်စွာကျင့်သုံးခဲ့ရာမှ အနောက်နိုင်ငံများနှင့် ဆက်ဆံရေး ပိုမိုကောင်းမွန်သော NLD အစိုးရတက်လာသောအခါ အရှေ့နိုင်ငံများ နှင့်လည်း မိတ်ဝတ်မပျက်ဆက်ဆံနေရသလို အနောက်အုပ်စုနိုင်ငံများနှင့်လည်း ဆက်ဆံရေးကဏ္ဍအသစ်ဖွင့်လှစ်နေရသည်ဖြစ်ရာ အတော်ပင်သတိကြီးကြီး ဆောင်ရွက်နေသည်ကို တွေ့ရသည်။ တစ်ချိန်တည်းမှာပင် နိုင်ငံတကာမှလည်း မြန်မာနိုင်ငံ ကို စောင့်ကြည့်နေသည့်အခြေအနေမျိုး တွေ့ရသည်။
ပြည်တွင်းတွင်မူ အစိုးရအပေါ် နိုင်ငံရေးအရ ဖိအားကျရောက်မှုအတော်ပင်နည်းပါးပြီး လူထုထောက်ခံမှုရှိသောအစိုးရပီပီ အုပ်ချုပ်ရေးလုပ်ငန်းများကို အတော်အတန်သော အရွေ့တစ်ခုရောက်သည်အထိ ဆောင်ရွက်နိုင်ခဲ့သည်ကိုတွေ့ ရသည်။ ကန့်ကွက်မှု၊ ဆန္ဒထုတ်ဖေါ်မှုအချို့ရှိခဲ့သော်လည်း ညှိနှိုင်းပြေလည်ခဲ့သည်သာ အများစုဖြစ်ကြောင်း တွေ့ရသည်။ ထူးခြားမှုမှာ ကာလအတော်ကြာအောင် ပဋိပက္ခအသွင်ဆောင်သည့် ဆက်ဆံ ရေးမျိုးရှိခဲ့သည့် တပ်မတော်နှင့် NLD အစိုးရကြားဆက်ဆံရေးမှာ အများမျှော်မှန်းထားသည်ထက် ပိုမိုကောင်းမွန်သောဆက်ဆံရေးတစ်ရပ်ကို ထူထောင်ထား နိုင်သည့်အတွက်မူ NLD အစိုးရခေါင်းဆောင်များနှင့် တပ်မတော်ခေါင်းဆောင်များကို အသိအမှတ်ပြုရမည်ဖြစ်သည်။
စီးပွားရေးကဏ္ဍတွင်မူ နိုင်ငံတကာရင်းနှီးမြှုပ်နှံမှုများ မျှော်မှန်းထားသလောက် ဝင်ရောက်လာမှုမရှိဘဲ ယမန်နှစ်ကထက် ၃ဝ ရာခိုင်နှုန်းခန့် ကျဆင်းသွားခဲ့သလို ငွေကြေးဖောင်းပွမှု၊ ကုန်ဈေးနှုန်းကြီးမြင့်မှု၊ အလုပ်အကိုင်ရှားပါးမှုများကိုလည်း ရင်ဆိုင်နေရဆဲဖြစ်သည်။ ဤသို့ဖြစ်ပေါ်နေခြင်းမှာ အစိုးရ၏စီမံခန့်ခွဲမှုအားနည်းချက် တစ်ခုတည်းကြောင့်မဟုတ်ဘဲ အခြေခံအဆောက်အအုံ မပြည့်စုံမှု၊ အစိုးရမူဝါဒ အပြောင်းအလဲ၊ ဥပဒေလိုအပ်ချက်များ၊ နိုင်ငံတကာနှင့် ဒေသတွင်းနိုင်ငံများ၏ စီး ပွားရေးအခြေအနေနှင့်ဂယက်ရိုက်မှုများ စသည့်အချက်အလက်များစွာပေါ်တွင် တည်မှီနေသေးရာ တာဝန်ရှိသူများအနေနှင့် မိမိနိုင်ငံအခြေအနေနှင့်ကိုက်ညီပြီး နိုင်ငံသူ နိုင်ငံသားများရေရှည်အကျိုးဖြစ်ထွန်းစေမည့် တိကျအသေးစိတ်သော မူဝါဒ များ ချမှတ်အကောင်အထည်ဖော်ရမည့်အပြင် နိုင်ငံတကာမှ ရင်းနှီးမြှုပ်နှံသူများ အကျိုးဖြစ်ထွန်းပြီး အာမခံချက်ရှိစေမည့် စီးပွားရေးပတ်ဝန်းကျင်ကောင်းတစ်ခု ဖြစ်ရန်လည်း ယခုထက်ပိုမို အားထုတ်ရဦးမည်ဖြစ်သည်။
ပြည်တွင်းငြိမ်းချမ်းရေးကဏ္ဍသည် NLD အစိုးရတက်လာလျှင်လာချင်းပင် ဦးစားပေးအလေးဂရုပြုဆောင်ရွက်ခဲ့သောကဏ္ဍဖြစ်သည်။ အားလုံးပါဝင်သော ၂၁ ပင်လုံညီလာခံကြီးကိုကျင်းပကာ အမျိုးသားပြန်လည်သင့်မြတ်ရေးနှင့် ပြည်တွင်း ငြိမ်းချမ်းရေးအတွက် ကြိုးပမ်းခဲ့သော်လည်း ထင်သလောက်ခရီးမပေါက်ဘဲ ရှေ့မတိုး နောက်မဆုတ် အခြေအနေမျိုးတွင်သာရှိပြီး မြန်မာနိုင်ငံအရှေ့ဘက်နှင့် အရှေ့ မြောက်ဘက်ဒေသများတွင် တိုက်ပွဲများ ယခင်ကထက်ပင် ပိုပြင်းထန် များပြားလာ သည်ကို တွေ့ရသည်။ လက်ရှိအချိန်အထိ အစိုးရအနေဖြင့် စိတ်ရှည်သည်းခံကာ ငြိမ်းချမ်းရေးကို NCA လမ်းကြောင်းမှ ဝင်ရောက်လာနိုင်ရေး ဖိတ်ခေါ်နေဆဲ ကြိုးပမ်းနေဆဲအခြေအနေမျိုးတွင်သာ ရှိသေးသည်။
အများပြည်သူလုံခြုံရေးနှင့် တရာဥပဒေစိုးမိုးရေးအပိုင်းတွင်လည်း လူသတ်မှုများ၊ မူးယစ်ဆေးဝါးမှုများနှင့်တကွ စီးပွားရေးကျပ်တည်းမှုနှင့် အလုပ်အကိုင်ရှားပါးမှု၏ နောက်ဆက်တွဲဖြစ်သော ခိုး၊ ဆိုး၊ နှိုက် လုယက်မှုများသည် နေ့လယ်နေ့ခင်း လူစည်ကားရာအရပ်များတွင်ပါ ဖြစ်ပေါ်လျက်ရှိရာ အများပြည်သူ လုံခြုံရေးနှင့် တရားဥပဒေစိုးမိုးရေးကို တာဝန်ယူထားရသူများနှင့် စီမံခန့်ခွဲမှုအပေါ် မေးခွန်းထုတ် စရာများနေသည့်အခြေအနေမျိုးဖြစ်သည်။ တာဝန်ရှိသူများဘက်တွင် လူအင်အား၊ နည်းပညာအသုံးချနိုင်မှု၊ ငွေကြေးသုံးစွဲမှုအကန့်အသတ် စသည့်အခက်အခဲများ ရှိမည်မှန်သော်လည်း ယခုထက်ပိုမို အလေးပေးဆောင်ရွက်သင့်ကြောင်း ဖော်ပြလိုသည်။ အချုပ်အားဖြင့်ဆိုရသော် NLD အစိုးရအနေဖြင့် တစ်နှစ်တာကာအတွင်း မိမိတို့၏ ဆောင်ရွက်မှုများထဲမှ အားနည်းချက်၊ အားသာချက်များကို အခြေအနေမှန်အတိုင်း မှန်မှန်ကန်ကန်သုံးသပ်ကာ လာမည့်နှစ်တွင် ပိုမိုကောင်းမွန်ပြည့်စုံသော အစီအမံများဖြင့် ဆောင်ရွက်နိုင်ပါစေကြောင်း တိုက်တွန်းရေးသား ဖော်ပြအပ်ပါသည်။
အယ်ဒီတာ