လူမှုဖူလုံရေး အာမခံလုပ်သားအင်အား စစ်တမ်းကောက်မည်

လူမှုဖူလုံရေး အာမခံလုပ်သားအင်အား စစ်တမ်းကောက်မည်
March 29, 2017 Asian Fame

4:57 pm
လူမှုဖူလုံရေး အာမခံလုပ်သားအင်အား စစ်တမ်းကောက်မည်

ရဲလွင်
ရန်ကုန်၊ မတ် ၂၇

အိမ်ရာစီမံကိန်းအပါအဝင် အခြားသော အလုပ်သမားခံစားခွင့်ရ ရှိရေးများ ဆောင်ရွက်ရန် လူမှုဖူ လုံရေး အာမခံလုပ်သားအင်အား စစ်တမ်းကို မကြာမီစတင်ကောက် ယူသွားမည်ဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာနမှ သိရသည်။

မြန်မာနိုင်ငံ၏ လူမှုဖူလုံရေး အာမခံစနစ် ၆မျိုးတွင် ၃ မျိုးကိုသာ အကောင်အထည်ဖော် ဆောင်ရွက် နိုင်သေးပြီး အလုပ်လုပ်ကိုင်နိုင်စွမ်း မရှိမှု အကျိုးခံစားခွင့်၊ သက်ပြည့် အငြိမ်းစား အကျိုးခံစားခွင့်နှင့် ကျန်ရစ်သူအကျိုးခံစားခွင့် စသည်တို့ကို အကောင်အထည်ဖော်နိုင် ခြင်းမရှိသေးပေ။ ထို့အပြင်အလုပ် လက်မဲ့အကျိုးခံစားခွင့်၊ အလုပ်သ မားများအတွက် အိမ်ရာစီမံကိန်း ဆောင်ရွက်ရန်စသည့် ကိစ္စများအတွက် လိုအပ်သော အချက်အလက် များသိရှိရန် ယခုစစ်တမ်းကိုကောက် ယူရခြင်းဖြစ်ကြောင်း အဆိုပါဝန်ကြီးဌာနမှတာဝန်ရှိသူတစ်ဦးကပြောသည်။

”စီမံကိန်းလုပ်ချင်လို့ စစ်တမ်း ကောက်တာပါ။ လောလောဆယ် တော့ စစ်တမ်းအတွက် ကုန်ကျမှု ငွေကြေးတွက်ချက် စိစစ်နေပါတယ်။ အရင်တစ်ခေါက်ထွက်ထားတဲ့ လုပ် သားအင်အား စစ်တမ်းလောက် တော့ အသေးစိတ်မကျဘူး။ အခု စစ်တမ်းက အလုပ်သမားတွေရဲ့ လူမှုဖူလုံရေးအကျိုးခံစားခွင့်တွေ အတွက် သီးသန့်လုပ်တာဖြစ်ပါတယ်” ဟု ၎င်းက ဆိုသည်။

ယင်းစစ်တမ်းကို ကောက်ယူခြင်းဖြင့် အလုပ်သမားများလက်ရှိရ ရှိနေသော လုပ်ခလစာနှုန်းအခြေအနေ၊ လူမှုဖူလုံရေး အာမခံစိစစ် ရေးကတ်ပြား (Smart Card) ထုတ် ပေးရန် ကျန်ရှိမှုကိစ္စများကိုသိရှိမည်ဖြစ်ကြောင်း၊ ယင်းအပြင်အချို့အလုပ်သမားများမှာ လူမှုဖူလုံရေး အာခံကြေးကို တစ်လုံးတစ်ခဲတည်း ခံစားလိုသူများရှိသကဲ့သို့ လစဉ်ခံ စားလိုသူများလည်း ရှိသောကြောင့် စစ်တမ်းအရ ယင်းအခြေအနေများ အားလုံးကိုသိရှိရမည်ဖြစ်ကြောင်း၊ စစ်တမ်းတွင် ကာယလုပ်သား၊ ဥာဏလုပ်သားအားလုံးကို ထည့်သွင်း ကောက်ယူသွားမည်ဖြစ်ကြောင်း ဝန်ကြီးဌာန မှသိရသည်။ လက်ရှိတွင် အလုပ်သမားဝန် ကြီးဌာနမှ အလုပ်သမားဆေးရုံ ၃ ရုံ၊ လူမှုဖူလုံရေးဆေးခန်း ၉၆ ခုတို့ ဖြင့် အလုပ်သမားများအား လူမှု ဖူလုံရေး ဝန်ဆောင်မှုပေးလျက် ရှိသည်။

Comments (0)

Leave a reply

Your email address will not be published. Required fields are marked *

*