အိမ်မွေး တိရစ္ဆာန်တို့၏ နွေရာသီတွင် အတွေ့ရများသော ကျန်းမာရေး ပြဿနာများ

အိမ်မွေး တိရစ္ဆာန်တို့၏ နွေရာသီတွင် အတွေ့ရများသော ကျန်းမာရေး ပြဿနာများ
March 24, 2017 Asian Fame

1:27 pm
အိမ်မွေး တိရစ္ဆာန်တို့၏ နွေရာသီတွင် အတွေ့ရများသော ကျန်းမာရေး ပြဿနာများ

Dr-Khin-San-Maw-Articleနွေရာသီ၏ နေ့လယ်ခင်း တစ်ခုဖြစ်သည်။ သစ်ပင်ကြီးတို့၏ အရိပ်က လေးဖက်လေးတန် အုံ့ဆိုင်း ထားသောကြောင့် များစွာ မပူ လှ သော်လည်း နေ့အပူချိန် မြင့်တက် လာမှုကို သိသိသာသာ ခံစားလာ ရပါသည်။

ဆေးခန်းရှေ့သို့ ကားတစ်စီး ဆိုက်ရောက်လာသည်။ ကားတံခါး ဖွင့်လိုက်သည် နှင့် ခွေးတစ်ကောင် ၏ ခက်ခဲလှသော အသက်ရှူသံကို အတိုင်းသား ကြားနေရသည်။ ပွေ့ ချီလာသော ခွေးကို လှမ်းကြည့် လိုက်ရာ Pug Dog အမျိုးအစား ဖြစ်နေသည်။ သူ့ခန္ဓာကိုယ်က ရှိသင့် ရှိထိုက်သော အနေအထား ထက် ပိုမိုလွန်ကဲပြီး အဝလွန်နေ ကြောင်း သတိထားမိပါသည်။ သူ၏ အသက်ရှူသံမှာ ပြင်းထန် လွန်းပြီး ပါးစပ် မှ သွားရည်များစွာ ကျနေသည်။ အသက်ရှူ လိုက်တိုင်း နှာခေါင်းထဲမှ အဖြူရောင်အမြှုပ် များ ထွက်လာ၏။

ဆေးကုစားပွဲပေါ် တင်လိုက် သောPug Dog ၏ ခန္ဓာကိုယ်ကို လက်နှင့် စမ်းသပ်လိုက်သောအခါ ခြစ်ခြစ်တောက် ပူနေသည်။ Heat Stroke ခေါ် အပူရှပ်ခြင်း (သို့မ ဟုတ်) အပူကြီးခြင်း။

မြို့ပြတွင် အိမ်မွေးတိရစ္ဆာန် များကို ဆေးကုသသော အခါ၌ ကူး စက်ရောဂါများ၊ မတော်တဆ ထိ ခိုက်ဒဏ်ရာရခြင်းများ၊ အခြား သော ကျန်းမာရေး ပြဿနာများ ရှိသကဲ့သို့ ရာသီဥတု အပြောင်းအလဲ ပေါ်လိုက်၍ နွေရာသီ ရောဂါများ၊ မိုးတွင်းရောဂါ များ၊ ဆောင်း တွင်း ရောဂါ များလည်း တွေ့ကြုံရတတ် ပေသည်။

နွေရာသီတွင် အတွေ့ရများ သော ကျန်းမာရေး ပြဿနာ များကို သိရှိထားခြင်းဖြင့် မိမိတို့၏ အိမ် မွေးတိရစ္ဆာန် များအား ယခုလို ပူပြင်း ခြောက်သွေ့သော ရာသီဥတု၌ ကျန်းမာရေး မထိခိုက်အောင် စောင့် ရှောက်နိုင်လိမ့်မည် ဖြစ်ပါသည်။

နွေရာသီတွင် ဖြစ်လေ့ဖြစ်ထ ရှိသော ရောဂါများအနက် အများ ဆုံးတွေ့ရတတ်သည့် ပြဿနာ တစ်ခုမှာ Heat Stroke  ခေါ် အပူရှပ် ခြင်းပင် ဖြစ်ပါသည်။

၁။ အပူကြီးခြင်း၊ အပူရှပ်ခြင်း

အပူကြီးခြင်း၊ ကိုယ်အပူချိန် မြင့်တက်ခြင်း ဆိုသည်မှာ ခွေး၊ ကြောင်တို့၏ ပုံမှန်ကိုယ် အပူချိန် ထက် များစွာမြင့်တက် နေခြင်းကို ဆိုလို သည်။ သူတို့၏ ပုံမှန်ကိုယ် အပူချိန်မှာ ၁ဝဝ-၁ဝ၁ံF အတွင်း ဖြစ်သော်လည်း ၁ဝ၃ံ F (၃၉ံ F) သည် ပုံမှန်မဟုတ်တော့ပေ။

ကိုယ်အပူချိန် မြင့်တက်လာ လျှင် ခန္ဓာကိုယ်ရှိ အပူချိန်ထိန်း ညှိပေးသော စနစ်က ပုံမှန်အနေ အထားဖြစ်အောင် ထိန်းညှိပေး သည်။ သို့သော် ထိန်းညှိနိုင်သည့် ဘောင်ကို ကျော်လွန် သွားသောအ ခါ အပူကြီးခြင်း၊ အပူရှပ်ခြင်းတို့ ဖြစ်လာသည်။

အချို့ပိုင်ရှင်များက ခွေးများ ကို ကားပေါ်တင်ပြီး တစ်နေကုန် လည်ပတ် သွားလာလေ့ ရှိကြသည်။ အချို့က နေပူကျဲကျဲမှာ ကားကို ရပ်ထားပြီး ကားထဲမှာ ခွေးကို အချိန် ကြာမြင့်စွာ ထားခဲ့သောအခါ ထိုအခြေအနေမျိုး ကြုံရတတ်ပါ သည်။ ခန္ဓာကိုယ် အပူချိန်သည် ၁ဝ၆ံF ကျော်လွန်သွားလျှင် ကိုယ် တွင်းအင်္ဂါတို့၏ လုပ်ငန်းဆောင် တာများကို ထိခိုက်စေနိုင်ပါသည်။ အပူကြီးခြင်း သို့မဟုတ် အပူရှပ် ခြင်းသည် ခွေးများမှာ ပိုမိုဖြစ်ပွား တတ်သည်။ အထူးသဖြင့် အမွေး ရှည်သော ခွေးများ၊ နှာတံတိုသော ခွေးအမျိုးအစားများ၊ မျက်နှာပြား ပြီး နှုတ်သီးတိုသော Pug ကဲ့သို့ သောခွေးများမှာ ပိုမိုတွေ့ရသည်။ အပူကြီးခြင်းသည် အသက်အရွယ် မရွေး ဖြစ်ပွား တတ်သော်လည်း အသက်ကြီးသော ခွေးများထက် အသက် ငယ်ရွယ်သော ခွေးများမှာ ပိုမိုဖြစ်တတ်သည်။

ရောဂါလက္ခဏာများအနေနှင့်-
– မောပန်းခြင်း
– ခန္ဓာကိုယ်ရေဓာတ်ဆုံးရှုံးခြင်း
– သွားရည်များစွာ ကျခြင်း
– ကိုယ်အပူချိန်မြင့်တက်ခြင်း (၁ဝ၃ံF ထက်မြင့်ခြင်း)
– သွားဖုံးများနီရဲနေခြင်း
– ဆီးအနည်းငယ်သာသွားခြင်း
– ဆီးမထွက်ခြင်း
– ရုတ်တရက် ကျောက်ကပ် ထိ ခိုက်ခြင်း
– နှလုံးခုန်နှုန်းမြန်ခြင်း/မမှန်ခြင်း
– သွေးထိတ်လန့်ခြင်း
– နှလုံးခုန်ရပ်တန့်ခြင်း
– အသက်ရှူရပ်ခြင်း
– အဆုတ်ထဲမှာ ချွဲများ ပြည့် လာခြင်း
– သွေးမတိတ်ခြင်း
– သွေးအန်ခြင်း
– ဝမ်းသွားသောအခါ သွေးပါခြင်း
– ဝမ်းအမည်းများ သွားခြင်း
– သွေးခြည်ဥသော နေရာများ တွေ့ခြင်း
– ကြွက်သားများ တုန်ယင်ခြင်း
– အကြောဆွဲ၍တက်ခြင်း
– လမ်းမလျှောက်နိုင်ခြင်း
– သတိလစ်မေ့မျောခြင်းတို့ ဖြစ်ကြ သည်။

နဂိုမူလကတည်းက နှလုံးရော ဂါအခံရှိသူများ၊ အဆုတ်နှင့် နှလုံး အားနည်းသူများ၊ အဝလွန်သော ခွေးများ၊ အမွေးထူ ထဲသော ခွေး များမှာ အခြေအနေ ပိုမိုဆိုးရွား တတ်သည်။

၂၊ ခြေဖဝါးများ အပူလောင်ခြင်း

ရာသီဥတု ပူပြင်းခြောက်သွေ့ သော နွေရာသီတွင် ခွေးကို အိမ် ၏ ပြင်ပမှာ အချိန်ကြာမြင့်စွာ လမ်းလျှောက်ခိုင်းခြင်း၊ ကတ္တရာ လမ်းပေါ်မှာ လျှောက်ခိုင်းခြင်းသည် ခွေးကို ခြေပူလောင်စေလိမ့်မည်။ ရောဂါလက္ခဏာ များအနေနှင့်-

– ခြေထော့နင်းထော့နင်းဖြစ်လာခြင်း
– လမ်းလျှောက်ခိုင်းလျှင် မလျှောက် လိုခြင်း
-ခြေဖဝါးကို စစ်ဆေးကြည့်လျှင် နီရဲနေခြင်း
– အရည်ကြည်ဖုများ တွေ့ရခြင်း
– ခြေဖဝါးကို လျှာနှင့် မကြာခဏ လျက်ခြင်း၊ ကိုက်ဝါးခြင်းတို့ကို တွေ့ရမည်။ အချို့က ခွေး၏ ခြေ ၄ ချောင်းမှာ ဖိနပ်ဝတ်ပေးပြီး သွားလာကြသည်။ ထိုပြဿနာကို ကာကွယ်ရန် မနက်စောစော သို့ မဟုတ် ညနေဘက် နေအေးမှ လမ်းလျှောက်ခိုင်းပါ။

၃။ ခန္ဓာကိုယ် ရေဓာတ်ဆုံးရှုံးခြင်း

ပူပြင်းသောရာသီတွင် ခန္ဓာ ကိုယ်ရေဓာတ် ဆုံးရှုံးခြင်းသည် တွေ့ရများသော အခြေအနေ တစ် ရပ်ဖြစ်သည်။ ခန္ဓာကိုယ် ရေဓာတ် ဆုံးရှုံးခြင်းသည် ရေနှင့်အတူ ဆို ဒီယမ်၊ ပိုတက်စီယမ် စသော ဓာတ် ဆားများပါ လျော့နည်းဆုံးရှုံးခြင်း ဖြစ်သည်။

ရောဂါဖြစ်ရသော အကြောင်း များမှာ-
– အော့အန်ခြင်း၊ အဆက်မပြတ် အော့အန်ခြင်း
– အဖျားတက်ခြင်း
– အစာအမစားခြင်း
– ရေမသောက်ခြင်း
– ဝမ်းပျက် ဝမ်းလျှောခြင်း တို့ ကြောင့်ဖြစ်သည်။ ဤအခြေအနေ သည် ချက်ချင်း ကုသမှုလိုအပ် သော ကျန်းမာရေးပြဿနာ တစ်ခု ဖြစ်သည်။

၎။ Leptospirosis

ဤရောဂါသည် Leptospirosis ခေါ် ဘက်တီးရီးယားကြောင့် ဖြစ် ပွားရသည်။ နွေရာသီတွင် ရေ တွင်းရေကန်တို့ ရေခန်းခြောက် တတ်သည်။ အခြား တိရစ္ဆာန်တို့ ကျင်ကြီး၊ ကျင်ငယ် စွန့်ထားသော ရေအိုင်ထဲမှ ရေကို သောက်မိပါ က အိမ်မွေး တိရစ္ဆာန်များကို ရော ဂါပိုး ကူးစက်နိုင်သည်။ ရောဂါ
လက္ခဏာများမှာ-
– အဖျားတက်ခြင်း
– အဆစ်နာခြင်း၊ ခန္ဓာကိုယ်နာ ကျင်ခြင်း
– အော့အန်ခြင်း
– အထွေထွေအားနည်းခြင်း
– မျက်ရည်ကျခြင်း
– နှာရည်ကျခြင်း
– ဝမ်းပျက်ဝမ်းလျှောခြင်း

ရေဝပ်နေသော၊ ရေစီးဆင်းမှု မရှိသော ရေကန်၊ ရေအိုင်များထဲ မှာ မိမိ၏ခွေး ရေမကူးစေရန် တားဆီးပါ။ ထိုနေရာများတွင် Leptospira Bacteria များစွာ ရှိ နေတတ်သည်။

၅။ ဓာတ်မတည့်သော ယားယံမှု များ

ခွေးများသည် နွေရာသီတွင် ပေါများလှသော သန်းများ၊ လှေး များ၊ မြက်ပင်များ၊ အခြားအပင် များကြောင့် ဓာတ် မတည့်သော ယားယံမှုများ ဖြစ်ပွားတတ်သည်။ မိမိ၏ခွေးသည် သူ့ခန္ဓာကိုယ်တစ် နေရာရာကို လျှာနှင့်လျက်ခြင်း၊ သွားနှင့်ကိုက်ခြင်း စသော အပြု အမူများကို ပြုလုပ်နေပါက တိရ စ္ဆာန် ဆေးကုဆရာဝန်ထံ အမြန်ဆုံး ပြသပါ။

၆။ ကပ်ပါးကောင်များ

ခန္ဓာပြင်ပ ကပ်ပါးကောင်များ ဖြစ်ကြသည့် သန်းများ၊ လှေးများ၊ မွှားများတို့သည် ဆောင်းနှင့် နွေ ရာသီကဲ့သို့ ခြောက်သွေ့သော ကာလ များ မှာ များစွာ တွေ့ရှိရ တတ်သည်။ ထိုကပ်ပါးကောင်များ ကြောင့် မိမိ၏ ခွေးကြောင်တို့မှာ Flea Allergic Dermatitis ဟုခေါ် သော အရေပြား ရောင်ရမ်းမှုနှင့် မွှားမှ တစ်ဆင့် ကူးစက်တတ်သော ရောဂါများလည်း ဖြစ်ပွားတတ် ပေသည်။

သတိပြုရန်မှာ ခွေး၊ ကြောင် တို့၏ ခန္ဓာကိုယ်ပေါ်ရှိ သန်းများ၊ လှေးများ၊ မွှားများကို ရှင်းလင်း နှိမ်နင်းခြင်းနှင့် သူတို့ နေထိုင်ရာ ပတ်ဝန်းကျင်ရှိ သန်းများ၊ လှေး များ၊ မွှားများကို ရှင်းလင်းနှိမ်နင်း ခြင်းဟူ၍ လုပ်ငန်းနှစ်ပိုင်းပါဝင် ကြောင်း သိရှိထားဖို့ လိုပါသည် ။ ခွေး၊ ကြောင် တို့၏ ခန္ဓာကိုယ်ပေါ် မှ ပြင်ပ ကပ်ပါးကောင်များကိုသာ နှိမ်နင်းလျှင် ပတ်ဝန်းကျင်မှာ ဘဝ စက်ဝန်း လည်နေသော ပြင် ပကပ် ပါးကောင်များက တစ်ဖန် ပြန် လည်စွဲကပ်တတ်သည်။

ရောဂါ လက္ခဏာများကို သိရှိ ထားခြင်းဖြင့် မည်သည့် အခြေအနေ သည် ချက်ချင်း ဆေးကုသမှု ခံယူ သင့်သည်ဟု မှန်ကန်စွာ ဆုံးဖြတ် နိုင် သည့်အပြင် မိမိ၏ အိမ်မွေး အချစ်တော်များအား နွေရာသီ ရောဂါများ၏ အန္တရာယ်မကျ ရောက်အောင် ကာကွယ် တားဆီး နိုင်ကြောင်း အကြံပြုတင်ပြလိုက် ပါသည်။

ဒေါက်တာ ခင်စန်းမော်

Comments (0)

Leave a reply

Your email address will not be published. Required fields are marked *

*