ဆေးခါးကြီးတဲ့လား

ဆေးခါးကြီးတဲ့လား
March 23, 2017 Asian Fame

10:34 am
ဆေးခါးကြီးတဲ့လား

PCPopular Choice ဆိုသည်က ပေါ်ပြူလာနယူးစ်၏ ရွေးချယ်မှုဟူသည်ထက် တစ်ပတ် အတွင်းဖြစ်ခဲ့သော ထူးခြားမှုများ အနက်  အများပြည်သူ စာဖတ်သူတို့ အတွက် အရေးပါသော၊ အများပြည်သူ အပေါ် အသက်ရောက်ဆုံး ဖြစ်စေသော အကောင်းအဆိုး တစ်စုံ တစ်ရာ ကို လုပ်ဆောင်ခဲ့သော လူပုဂ္ဂိုလ်ဖြစ်စေ၊ အဖြစ်အပျက် တစ်ခုခု ကိုဖြစ်စေ၊ တီထွင် ဆန်းသစ်မှု သို့မဟုတ် လူသုံးကုန်ပစ္စည်း တစ်ခုခု ကိုဖြစ်စေ ပေါ်ပြူလာ အဖြစ်ဆုံးဟု ယူဆသည့် အကြောင်းကို ရွေးချယ် တင်ဆက်ခြင်းဖြစ်ပါသည်။

တစ်ပတ်အတွင်း ဖြစ်ပွားခဲ့သည်တို့မှ ကောက်နုတ် တင်ဆက်ခြင်းဖြစ်ရာ စာဖတ်သူတို့၏ အကြိုက်နှင့် ကွဲလွဲကောင်း ကွဲလွဲနိုင်သော် လည်း ထိုကွဲလွဲမှုသည်ပင်  မတူညီသော အမြင်များကို သုံးသပ်နိုင်သည် ဖြစ်၍ အသိဥာဏ်နှင့် ရှုထောင့်များ သုံးသပ်နိုင်မှု ပိုမို ကျယ်ပြန့် လာစေရန်လည်း ရည်ရွယ်ပါသည်။  အထူးသဖြင့်မူ ပေါ်ပြူလာ နယူးစ်၏ စာဖတ်ပရိသတ်တို့ အတွက် ရင်းနှီးရ သော အချိန်နှင့် ငွေကြေး အကျိုးမဲ့ မဖြစ်စေဘဲ တစ်ပတ်အတွင်း ထူးခြားမှုတို့ကို သိမ်းဆည်း မှတ်တမ်းပြုနိုင် ရန် ဖော်ပြခြင်းဖြစ်ပါသည်။

သံလွင်တံတား(ချောင်းဆုံ)၊ ဗိုလ်ချုပ်အောင်ဆန်းတံတား၊ မိကွန် ချမ်း စသည့် အခေါ်အဝေါ်များဆို လျှင် အားလုံး သိရှိပြီးဖြစ်မည်။အားလုံး သိလောက်အောင်လည်း ယင်းအမည်နာမ များက လတ်တ လော အုတ်အော်သောင်းတင်း နာ မည်ကြီး နေသောကြောင့်ပင်။

အဆိုပါကိစ္စများ အစပြုရာနေ ရာကို တင်ပြရလျှင် ဒုတိယအကြိမ် မြောက်ပြည်သူ့ လွှတ်တော် စတုတ္ထ ပုံမှန် အစည်းအဝေး ဖေဖော်ဝါရီ ၂၈ ရက်နေ့ အစီအစဉ်တွင် ဖြစ် သည်။

မွန်ပြည်နယ် ပေါင်မြို့နယ် NLD ပြည်သူ့လွှတ်တော်ကိုယ်စား လှယ် ဒေါ်မိကွန်ချမ်းက  မွန်ပြည် နယ် မော်လမြိုင် မြို့နယ်နှင့် ချောင်း ဆုံမြို့နယ် ကို သွယ်တန်းထားသော သံလွင်တံတား (ချောင်းဆုံ)ကို ဗိုလ် ချုပ်အောင်ဆန်း တံတားအဖြစ် သတ်မှတ်ရန် လွှတ်တော်သို့ အဆို တင်သွင်းခဲ့သောကြောင့် ဖြစ်သည်။

အဆိုပါ ကိစ္စနှင့် ပတ်သက်၍ လွှတ်တော်ကိုယ်စားလှယ် များကြား သဘောထားကွဲလွဲမှု ပေါင်းစုံ ဖြစ် ပေါ်ခဲ့ပြီး မတ်လ ၁၄ ရက်နေ့ တွင် ပြည်သူ့လွှတ်တော်၌  မဲခွဲဆုံးဖြတ် ၍ NLD လွှတ်တော် ကိုယ်စားလှယ် များ၏ထောက်ခံမှုဖြင့်  သံလွင်တံ တား (ချောင်းဆုံ)မှာ ဗိုလ်ချုပ်အောင် ဆန်းတံတား အဖြစ် အမည်ပြောင်း သွားခဲ့သည်။

ဒုတိယအကြိမ်မြောက် ပြည် သူ့လွှတ်တော် စတုတ္ထ ပုံမှန်အစည်း အဝေးမှာ ဝေဖန်သံ ပေါင်းစုံဖြင့် ပင် ပြီးဆုံး သွားခဲ့တော့သည်။

သံလွင်တံတား (ချောင်းဆုံ)မှာ လည်း ဗိုလ်ချုပ်အောင်ဆန်းတံတား အဖြစ် အမည်ပြောင်းသွားခဲ့ပြီ ဖြစ် သည်။ သို့သော် မပြီးဆုံးသေး သည့် အရာ များစွာကား ကျန်ရှိသေး၏။ လက်ရှိဖြစ်ပွားနေသလို ဆက်လက် ၍လည်း ဖြစ်ပွားနိုင်သေးသည့် အ နေအထားတွင် ရှိနေသည်။

တံတားအမည် ပြောင်းလဲရေး နှင့် ပတ်သက်၍  ဒေါ်မိကွန်ချမ်း အဆိုတင်ခဲ့ပြီး ၂ ရက်အကြာ မတ်လ ၂ ရက်နေ့တွင် မွန်ပြည်နယ် ချောင်းဆုံ ဒေသခံ ၃ဝဝဝ ခန့်က ဗိုလ်ချုပ်အောင်ဆန်း တံတားအဖြစ် အမည် မပြောင်းလဲရန် ဆန္ဒထုတ် ဖော်ခဲ့ကြသည်။ ယင်းနောက် နိုင်ငံ ရေးပါတီအချို့၊ နိုင်ငံအင်းအားစု အဖွဲ့အချို့၊ ဒေသခံများ၏ကန့်ကွက် မှု အသီးသီးကြား ထဲတွင် မတ်လ  ၁၄ ရက်နေ့ လွှတ်တော် က တံတား အမည်ကို ဗိုလ်ချုပ်အောင်ဆန်း တံတားအဖြစ် အတည်ပြုပြောင်းလဲ ခဲ့ပြန်သည်။

မတ်လ ၁၉ ရက်နေ့တွင်  မော် လမြိုင်မြို့၌ မွန် တိုင်းရင်းသားများ နှင့်ဒေသခံများ စုစုပေါင်း အင်အား ထောင်ချီ၍ ကန့်ကွက်ကြောင်း ဆန္ဒ ထုတ်ဖော်ပြီး ဆက်လက် ကန့်ကွက် သွားမည်ဖြစ်ကြောင်း ပြောဆိုပြန် သည်။ လက်ရှိတွင်လည်း နိုင်ငံ ရေး အင်အားစု အသီးသီးက တံတား အမည်ပြောင်းလိုက်ခြင်း ကိစ္စအ ပေါ် ကန့်ကွက်ကြောင်း ကြေညာ ချက်များ ထုတ်ပြန်လျက်ရှိသည်။

မြန်မာကျပ်ငွေ ၆ဝ ဘီလျံ (အမေရိကန် ဒေါ်လာ ၄၄ သန်း)ခန့် ကုန်ကျသည့်  သံလွင်မြစ်ကူး (ချောင်းဆုံ) တံတားမှာ အရှည်မီ တာ ငါးရာ ကျော်ရှိပြီး ၂ လမ်းသွား ဆောက်လုပ်ထားသည့် တံတား တစ်ခုဖြစ်သည်။

အဆိုပါ တံတားအမည်ပေး ကင်မွန်းတပ်ပြဿနာမှာ ယခုမှ စတင်ဖြစ်ပွားသည် မဟုတ်။ ယခင် မွန်ဝန်ကြီးချုပ် ဦးမင်းမင်းဦး လက် ထက်က တည်းက စတင်ဖြစ်ပွားခဲ့ သည့်ကိစ္စဖြစ်ပြီး ဦးမင်းမင်းဦး ဝန် ကြီးချုပ် ရာထူးမှ နုတ်ထွက်ရခြင်းအ ကြောင်းအရင်း များထဲတွင် အဆိုပါ တံတား ကိစ္စမှာလည်း အကြောင်း အရာတစ်ရပ် အဖြစ် ပါဝင်ကြောင်း ကာယကံရှင်က ဆိုထားသည်။

တံတားအမည် ပြောင်းခြင်းအ ပေါ် ကန့်ကွက် ဆန္ဒထုတ်ဖော်မှုများ နှင့်ပတ်သက်၍ မွန်ဝန်ကြီးချုပ် အ သစ် ဒေါက်တာ အေးဇံက  တံတား ကိစ္စကို ခုတုံး လုပ်၍ နိုင်ငံ အရေး အရ အမြတ်ထုတ်ဖို့ မကြိုးစားစေလိုကြောင်း ဗီအိုအေ သတင်းဌာန မှတစ်ဆင့် ဆိုထား သည်။ ပြဿနာ မှာ ကြာလေ ပိုကြီးလေဖြစ်နေသည်။

ပြည်သူ့လွှတ်တော် တွင် ဆန္ဒမဲ ခွဲဆုံးဖြတ်မှု ရလဒ်များကို ကြည့်ပါ က တံတား အမည်ပေးခြင်း ကိစ္စကို တပ်မတော်သား လွှတ်တော် ကိုယ်စားလှယ်များ ကန့်ကွက် ကြသည်။ ပြည်ခိုင်ဖြိုး အမတ်များ ကန့်ကွက် ကြသည်။ တိုင်းရင်းသား အမတ်အ ချို့ကန့်ကွက်၍ တိုင်းရင်းသား အ မတ် အများစု ကြားနေကြသည်။ NLD အမတ်များ ထောက်ခံကြ သည်။ စသဖြင့် ခန့်မှန်း၍ရနိုင်သည်။

ပထမ အကြိမ် လွှတ်တော်၊ ဒုတိ ယအကြိမ်လွှတ်တော် သက်တမ်း နှစ်ဆက် အတွင်း စံချိန်တင်စွာနှင့်ပင် ထူးထူးခြားခြား တံတား အမည်ပေး ခြင်းကိစ္စ လွှတ်တော် အတွင်း ပထမ ဦးဆုံး မဲခွဲပြီး တိုင်းရင်းသား အစု အဖွဲ့များနှင့် အစိုးရ အဖွဲ့ကြား ကြီး စွာ သဘောထားကွဲလွဲ ငြင်းခုံကြ ခြင်းဖြစ်သည်။ မူအားဖြင့်ဆိုရသော် လွှတ်တော်သည် တံတား အမည်ပေး ခြင်းကိစ္စ မဲခွဲရန်နေရာ မဟုတ် ။ ပြည် နယ် အစိုးရအဖွဲ့နှင့် ပြည်ထောင်စု အစိုးရ အဖွဲ့က ဆောင်ရွက်ရန်သာ ဖြစ်ပြီး လွှတ်တော်က ထိန်းကျောင်း သွားရန် သာ ဖြစ် သည်။

တံတားအမည်သည် ဗိုလ်ချုပ် အောင်ဆန်း တံတားဖြစ်စေ၊ သံ လွင်တံတား(ချောင်းဆုံ) ဖြစ်စေ၊ ရာမညဖြစ်စေ အရေးမကြီးဟု မဆို လိုသော်လည်း အရေးကြီးသည့် အ ရာလည်း မဟုတ်ပြန်ပေ။

၂ဝ၁၅ ရွေးကောက်ပွဲတွင် NLD ပါတီသည် မွန်ပြည်နယ်တွင် နေရာ အများစု အနိုင်ရခဲ့သည်။ မွန်ပြည်နယ် လွှတ်တော်ကို ထိန်း ချုပ်နိုင်ခဲ့သည်။ တစ်နည်းအား ဖြင့် ဆိုရသော် မွန်လူမျိုးများ၏ ထောက်ခံဆန္ဒမဲကို ရရှိခဲ့သည်ဟု ဆိုလိုရင်း ဖြစ်သည်။ သို့သော် ယခု မိမိဆန္ဒ သဘောထားဖြင့် တင်ခဲ့ သည့် အစိုးရကို အခြားအရေးကြီး သည့် အကြောင်းအရာ မဟုတ် သော တံတားအမည်ပေးခြင်း ကိစ္စ အတွက် မိမိတို့က ဆန္ဒပြန်လည် ထုတ်ဖော် ကန့်ကွက်ရ ခြင်းကိစ္စမှာ  အနည်းငယ်ဖြင့် လွဲ မှားနေပြီဟု ဆိုရမည်ဖြစ်သည်။

မကြာမီတွင်လည်း ကြားဖြတ် ရွေးကောက်ပွဲ ရှိနေရာ မွန်ပြည်နယ် ချောင်းဆုံ လစ်လပ် မဲဆန္ဒနယ်နေရာ အတွက် NLD ပါတီအနေဖြင့် ရလဒ် မှန်းဆရန် ခက်ခဲသွားပြီဖြစ် သည်။

ယင်းအပြင်  အမျိုးသားပြန် လည် ရင်ကြားစေ့ရေးကို ဦးတည် သွားနေသည့် အစိုးရ အတွက် ကောင်းမွန်သည့် ပုံရိပ်တစ်ခု အဖြစ် သတ်မှတ်၍ ရနိုင်မည် မဟုတ်ပေ။ အစိုးရတစ်ခု အနေဖြင့် မိမိတို့ဆောင် ရွက်သည့် ကိစ္စတိုင်းသည် သမိုင်း မှတ်တိုင်များ အဖြစ် ကျန် ရှိနေခဲ့ မည်ကို သတိထားရန် လိုအပ်လှပေ သည်။

တစ်ဖက်မှ ကြည့်ပါကလည်း နှစ်ပေါင်း ၇ဝ နီးပါး ပြည်တွင်းစစ် ဒဏ်၊ စစ်အုပ်ချုပ်ရေး လက်အောက် မှ ရုန်းထွက်လာ သည့် နိုင်ငံ ယိုင်နဲ့နဲ့ ဖြစ်သည်နှင့် အညီ တစ်နိုင်ငံလုံး တွင် ကျန်းမာရေး၊ စီးပွားရေး၊ ပညာ ရေး၊ ကုန်ဈေးနှုန်း စသည့် အကြောင်း အရာပေါင်းစုံ တို့မှာ အားနည်းနာ မကျန်းဖြစ်လျက်ရှိသည်။ ကြိုးစား ရုန်းကန်နေရသော အချိန်လည်း ဖြစ်သည်။

ယင်းအချိန်တွင် တံတားအမည် ပေးခြင်းကိစ္စ တစ်ခုအတွက်နှင့် ပြည် သူနှင့် အစိုးရ၊ လွှတ်တော်ကြား အ ငြင်းပွားစေသည့် ကိစ္စမှာ လွှတ်တော် အမတ်များ တိုင်းပြည် အတွက် အ တည်ပြုရန်၊ ဆွေးနွေးရန်  အရေး ကြီး လုပ်ငန်းတာဝန် များမရှိခြင်း ကြောင့်လား ဟူသော ဝေဖန်မှုကို ဖြစ်ပေါ်စေသည်။ မိမိတို့ လုပ်ရပ် သည် အာဏာရှင်ဆန် မဆန် ပြန် လည် သုံးသပ်သင့်ကြောင်း စသဖြင့် လည်း ဝေဖန်မှုပေါင်း များစွာကိုပါ ဖြစ်ပေါ်စေသေးသည်။

ဗိုလ်ချုပ်အောင်ဆန်းကို ဂုဏ် ပြုသောအားဖြင့်ဟု ဆိုသော်လည်း ယခု သံလွင်တံတား (ချောင်းဆုံ)သည် တိုင်းရင်းသား နယ်မြေတစ်ခု ဖြစ်သော မွန်ပြည်နယ် အတွင်းရှိ သောတံတား တစ်စင်း ဖြစ်သည်။ ဗိုလ်ချုပ်အောင်ဆန်း လွတ်လပ်ရေး ယူပေးခဲ့သော ဒေသ များတွင် မွန် ပြည်နယ်လည်း ပါသည်ဟု ဆိုလျှင် ရပြန်သော်လည်း ဗိုလ်ချုပ်အောင် ဆန်းတံတား ဖြစ်ခြင်း မဖြစ်ခြင်း ထက် တိုင်းရင်းသား စည်းလုံးညီ ညွတ်မှု အထိခိုက် မခံရေးသည် အ ဓိကဖြစ်သည်။  တံတား အမည်သတ် မှတ်သည့်ကိစ္စနှင့်ပတ်သက်၍ အ စိုးရအနေဖြင့် နောက်ကွယ်တွင် မည်သည့် အကြောင်းအရင်း ရှိသည် ကို ထုတ်ဖော်ပြောဆိုခြင်း မရှိ၊ အ များလည်းမသိရ။

လက်တွေ့တွင် အစိုးရကျေး ဇူးတရား သိတတ်မှု ပြယုဂ်၊ နိုင်ငံ တော်၏ လွတ်လပ်ရေးဖခင်ကိုချစ် သောပြယုဂ် တို့က သိသာထင်ရှား ပါသည်ဟု ဆိုလျှင်လည်း မငြင်းသာ ပါ။ သို့သော် ကန့်ကွက်မှုပေါင်း များစွာကြား  တံတားနာမည်အဖြစ် အတင်းအဓမ္မ ခံယူလိုက်ရသော  ဗိုလ်ချုပ်အောင်ဆန်း အနေဖြင့် တံ တားဖွင့်ပွဲနေ့တွင် မည်သည့် မျက် နှာထားဖြင့်ကြည့်နေမည်ကို မတွေး တတ် …။

အလားတူ တံတားဖွင့်ပွဲနေ့ မတိုင်ခင် နှင့် ဖွင့်ပွဲနေ့တို့တွင် ဆက် လက်ဆင့်ပွား လာနိုင်သည့် ကန့် ကွက်ဆန္ဒပြမှုများ အပေါ်လည်း မတွေးဝံ့ပေ။

မြန်မာနိုင်ငံ၏လွတ်လပ်ရေး ဖခင် ဗိုလ်ချုပ်အောင်ဆန်း ရှိပါက  မည်ကဲ့သို့ မှတ်ချက်ပြုမည်ကို မသိ ရှိရသော်လည်း NLD ပါတီ၏ထိပ် ပိုင်းခေါင်းဆောင် တစ်ဦးဖြစ်သူ ဦး ဝင်းထိန်က တံတား အမည်ပေးခြင်း ကိစ္စအပေါ် ‘ဆေးခါးကြီးတိုက် သည်’ဟု သဘောထားရန် ပြော သည်။

မည်သည့်ရောဂါဘယ အတွက် ဆေးခါးကြီးတိုက်ပြီး မည်သည့် ဝေဒနာ ပျောက်ကင်းမည်၊ မပျောက် ကင်းမည်၊ ဆေးခါးကြီး နာမည်နှင့် အညီ ဆေးစွမ်းထက်မည်၊ မထက် မည်ကို မသိသော်လည်း ပြည်သူ များကတော့ ခါးနေမည်မှာ အမှန် ပင်ဖြစ်သည် …။

ရဲလွင်

Comments (0)

Leave a reply

Your email address will not be published. Required fields are marked *

*