အစိုးရ သူနာပြုသင်တန်းကျောင်းများတွင် သင်ရိုးသစ်များ ဖြင့် သင်ကြားတော့မည်

အစိုးရ သူနာပြုသင်တန်းကျောင်းများတွင် သင်ရိုးသစ်များ ဖြင့် သင်ကြားတော့မည်
March 16, 2017 Asian Fame

3:11 pm
အစိုးရ သူနာပြုသင်တန်းကျောင်းများတွင် သင်ရိုးသစ်များ ဖြင့် သင်ကြားတော့မည်

Nurse

စိုင်းလမင်း
နေပြည်တော်၊ မတ်လ ၁ဝ

တစ်နိုင်ငံလုးံရှိ အစိုးရသူနာပြုသင်တန်းကျောင်းများတွင် ဧပြီလမှစကာ သင်ရိုးသစ်များဖြင့် သင်ကြားပေးသွားမည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက ပြောသည်။

နေပြည်တော်ရှိ The Lake Garden ဟိုတယ်တွင် မတ်လ ဒုတိယပတ်အတွင်း ပြုလုပ်ခဲ့သော အစားအသောက်ဘေးအန္တရာယ်ကင်းရှင်းရေးဆိုင်ရာ အမျိုးသားအဆင့် အလုပ်ရုံဆွေးနွေးပွဲတွင် ၎င်းက ထိုသို့ ပြောကြားခဲ့ခြင်း ဖြစ်သည်။ ထိုသင်ရိုးညွှန်တမ်းအသစ်တွင် သူနာပြုများအတွက် အဆင့်မြင့်အင်္ဂလိပ်စာပါ သင်ကြားပေးမည်ဖြစ်ကြောင်း၊ သင်တန်းသုံးနှစ် ပြီး၍ ပြည်ပတွင်သွားရောက်အလုပ်လုပ်လိုပါက အင်္ဂလိပ်စာပါ တတ်ကျွမ်းစေရန် ရည်ရွယ်သင်ကြားပေးခြင်း ဖြစ်ကြောင်း ၎င်းကပြောသည်။

သို့သော် သင်ရိုးသစ်များတွင် မည်သည့်အကြောင်းအရာများပါဝင် မည်ဆိုသည်ကိုမူ ဝန်ကြီးက အသေးစိတ်ပြောကြားခဲ့ခြင်းမရှိပေ။ ထို့အပြင် တစ်နိုင်ငံလုံးရှိ သူနာပြုသင်တန်းကျောင်းများတွင် သူနာပြုများအတွက် ကျန်းမာရေးလေ့ကျင့်စက်များလည်း တပ်ဆင်ပေးထားကြောင်း ဝန်ကြီးက ပြောသည်။ ”တစ်စုံကို ၈ သိန်းရှိတယ်။ အဲ့ဒါတွေကို သုံးခုကနေ၊ ငါးခုအထိ သင်တန်းကျောင်းအကုန်တပ်ဆင်ပေးဖို့ ပြောထားတယ်။ သူတို့ကျန်းမာဖို့ကလည်း လိုသေးတယ်လေ”ဟု ၎င်းက ပြောသည်။ မြန်မာတစ်နိုင်ငံလုံးတွင် အစိုးရသူနာပြုသင်တန်းကျောင်း ၅ဝ ကျော်ရှိသည်။ ယမန်နှစ် နှစ်ကုန်တွင် ထုတ်ပြန်ထားသော စာရင်းအရ ကျန်းမာရေးနှင့်အားကစားဝန်ကြီးဌာန၊ ကုသရေးဦးစီးဌာနတွင် လက် ရှိ သူနာပြုခွင့်ပြုဦးရေပေါင်း ၂၁၄ဝ၇ ဦးရှိပြီး ခန့်ထားဦးရေ ၁ဝ၁၉၅ ဦးရှိကြောင်း သိရသည်။

Comments (0)

Leave a reply

Your email address will not be published. Required fields are marked *

*