”တစ်မျိုးက ဘာမှမပြောင်းလဲဘူး၊ အရင်အတိုင်းပဲဆိုတဲ့ အုပ်စု။ နောက်တစ်အုပ်စုက နှစ်ပေါင်း ၅ဝ ကျော် အရှုပ်ထုပ်ကို ရှင်းနေရတဲ့ တစ်နှစ်သား ပြည်နယ်အစိုးရကို ငါတို့တွေ သည်းခံပြီးတော့စောင့်ရမယ်ဆိုတဲ့အုပ်စု။ နောက်တစ်အုပ်စုက ဒီမိုကရေစီ အစိုးရက ပြည်သူတွေရဲ့ လိုအပ်ချက်ကို ချက်ချင်းဖြည့်ပေးလိမ့်မယ်…”

”တစ်မျိုးက ဘာမှမပြောင်းလဲဘူး၊ အရင်အတိုင်းပဲဆိုတဲ့ အုပ်စု။ နောက်တစ်အုပ်စုက နှစ်ပေါင်း ၅ဝ ကျော် အရှုပ်ထုပ်ကို ရှင်းနေရတဲ့ တစ်နှစ်သား ပြည်နယ်အစိုးရကို ငါတို့တွေ သည်းခံပြီးတော့စောင့်ရမယ်ဆိုတဲ့အုပ်စု။ နောက်တစ်အုပ်စုက ဒီမိုကရေစီ အစိုးရက ပြည်သူတွေရဲ့ လိုအပ်ချက်ကို ချက်ချင်းဖြည့်ပေးလိမ့်မယ်…”
March 8, 2017 Asian Fame

12:17 pm
”တစ်မျိုးက ဘာမှမပြောင်းလဲဘူး၊ အရင်အတိုင်းပဲဆိုတဲ့ အုပ်စု။ နောက်တစ်အုပ်စုက နှစ်ပေါင်း ၅ဝ ကျော် အရှုပ်ထုပ်ကို ရှင်းနေရတဲ့ တစ်နှစ်သား ပြည်နယ်အစိုးရကို ငါတို့တွေ သည်းခံပြီးတော့စောင့်ရမယ်ဆိုတဲ့အုပ်စု။ နောက်တစ်အုပ်စုက ဒီမိုကရေစီ အစိုးရက ပြည်သူတွေရဲ့ လိုအပ်ချက်ကို ချက်ချင်းဖြည့်ပေးလိမ့်မယ်…”

6

မြန်မာနိုင်ငံရှိ တိုင်းဒေသကြီး နှင့် ပြည်နယ်လွှတ်တော်တို့၏ တစ်နှစ်တာသက်တမ်းအတွင်း ဆောင်ရွက်မှုများကို သက်ဆိုင်ရာ လွှတ်တော် ကိုယ်စားလှယ်များနှင့် တွေ့ဆုံမေးမြန်း၍ အပတ်စဉ်တင်ဆက်လာခဲ့ရာ၊ ယခုအပတ်တွင်မတော့ မြန်မာနိုင်ငံ၏ အဓိကကျသော ပြည်နယ် တစ်ခုဖြစ်သည့် ချင်းပြည်နယ်လွှတ်တော်၏ ဆောင်ရွက်ချက်များနှင့်ပတ်သက်၍ ချင်းပြည်နယ် ပလက်ဝမြို့နယ် အမှတ်(၂)မဲဆန္ဒနယ်မှ ပြည်နယ်လွှတ်တော်ကိုယ်စားလှယ် ဦးပြေမင်းအား တွေ့ဆုံမေးမြန်းခဲ့ခြင်းကို တင်ပြထားပါသည်။

ချင်းပြည်နယ် ပလက်ဝမြို့နယ် မဲဆန္ဒနယ်အမှတ်(၂) ပြည်နယ်လွှတ်တော်ကိုယ်စားလှယ် ဦးပြေမင်း နှင့် တွေ့ဆုံခြင်း

အခုဆိုရင် ဒုတိယအကြိမ်ချင်းပြည် နယ်လွှတ်တော် တစ်နှစ်ပြည့်မြောက် သွားပြီဖြစ်သလို ပြည်နယ်အစိုးရ သစ်ရဲ့သက်တမ်းဟာလည်း တစ်နှစ် ပြည့်တော့မှာဖြစ်ပါတယ်။ ပြည် နယ်လွှတ်တော် ကိုယ်စားလှယ်တစ် ဦးအနေနဲ့ လက်ရှိ လွှတ်တော်နဲ့ လက်ရှိ အစိုးရရဲ့ ဆောင်ရွက်ချက် တွေအပေါ် အားရကျေနပ်မှုရှိပါသလား။

ဒုတိယအကြိမ် ချင်းပြည်နယ် လွှတ်တော်ဟာ တစ်နှစ်ဆိုတဲ့ အချိန် အတိုင်းအတာလေးမှာ ပြည်သူလူ ထု အကျိုးရှိစေမယ့် အလုပ်တွေကို အတတ်နိုင်ဆုံး ဆောင်ရွက်ပေးနိုင် ခဲ့တာကို တွေ့ရှိခဲ့ရပါတယ်။ ချင်း ပြည်နယ်က မြို့နယ် ၉ မြို့နယ် ဖွံ့ ဖြိုးတိုးတက်ဖို့အတွက် အဓိက အ ရေးပါတဲ့ စည်ပင်သာယာရေးဥပ ဒေကို လွှတ်တော်က ပြဋ္ဌာန်းပေး နိုင်ခဲ့ပါတယ်။ အဲဒီလို ပြဋ္ဌာန်းပေး နိုင်ခဲ့တဲ့အတွက် မြို့နယ် ၉ မြို့နယ် မှာ ဒီမိုကရေစီနည်းလမ်းတကျ ရွေးချယ်တင်မြှောက်ခံ စည်ပင်သာ ယာရေးကော်မတီအဖွဲ့ဝင်တွေ ရှိ လာမှာဖြစ်ပါတယ်။ ဒါက သိသာ တဲ့ ဆောင်ရွက်ချက်တစ်မျိုးပါ။ နောက်ဆောင်ရွက်ချက်တစ်ခုက တော့ ၂ဝ၁၇-၂ဝ၁၈ ဘဏ္ဍာနှစ်ရဲ့ အသုံးစရိတ်ပါ။ ပြည်နယ်အစိုးရ ရဲ့ တင်ပြလာမှုကို လွှတ်တော်ကိုယ် စားလှယ်များက အောက်ခြေအထိ ကွင်းဆင်း စစ်ဆေးပြီး အတည်ပြု ပေးနိုင်ခဲ့တဲ့လုပ်ရပ်ကိုလည်း လွှတ် တော်က ဆောင်ရွက်နိုင်ခဲ့တယ်။ ဒါ့အပြင် ပြည်နယ်မှာ လိုအပ်ချက် တစ်ခုဖြစ်တဲ့ လွှတ်တော်အဆောက် အအုံ ပေါ်ထွန်းလာစေဖို့ လွှတ်တော် က ဆောင်ရွက်ပေးနိုင်ခဲ့တယ်။ ဒါ တွေဟာ ဒုတိယအကြိမ် ချင်းပြည် နယ်လွှတ်တော်အတွင်း ထူးခြားတဲ့ ဖြစ်စဉ်တွေပါပဲ။ အားရကျေနပ်မှု ရှိသလားလို့ မေးထားတော့ အား ရကျေနပ်မှု အပြည့်အဝရှိတယ်လို့ တော့ မဖြေကြားလိုပါဘူး။ ဘာဖြစ် လို့လဲဆိုတော့ အခုက ဒီမိုကရေစီ ခြေလှမ်းကို လှမ်းနေကြတုန်းပဲရှိပါ သေးတယ်။

ဒီတော့ အားရကျေနပ် လောက်တဲ့ ကြီးကြီးမားမားလုပ်ရပ် ကြီးတွေ မလုပ်နိုင်သေးဘူး။ သို့ သော်လည်းပဲ ကြိုးစားပြီးဆောင် ရွက်နေတယ်လို့ ပြောနိုင်တဲ့ အခြေ အနေပဲ ရှိပါသေးတယ်။ အခုလက် ရှိ ပြည်နယ်အစိုးရ၊ သူ့ကို ယခင် ချင်းပြည်နယ် အစိုးရနဲ့ နှိုင်းယှဉ်ပြီး ပြောရရင် လူထုနဲ့ ထိတွေ့မှုအပိုင်း၊ ပွင့်လင်းမြင်သာမှုအပိုင်းဘက်မှာ တော့ တော်တော်အလေးသာနေ တာကိုတွေ့ရတယ်။ သူလည်း တော် တော်လုပ်တယ်။ သို့သော်လည်းပဲ ချင်းပြည်နယ်ဟာ အခြားသောပြည် နယ်တွေနဲ့ မတူတဲ့အကြောင်းအရာ တွေရှိတယ်။ အထူးသဖြင့် တောင် ပေါ်ဒေသဖြစ်တယ်။ ဒီတော့ သွား လာမှုအပိုင်းမှာ ခက်ခဲမှုတွေရှိတယ်။ ပြည်မမှာလို ရွှတ်ခနဲ ရွှတ်ခနဲသွား လို့မရပါဘူး။ ဒီတော့ ပြည်နယ် အစိုးရဟာ နေရာစုံကို ထောင့်စေ့ အကွက်စေ့ မကြီးကြပ်နိုင်ဘူး။ ဒီ တော့ လစ်ဟာမှုလေးတွေတော့ ရှိ နေတယ်။ ဒါကတော့ ကြီးကြပ်မှု အပိုင်းပေါ့။ လုပ်ဆောင်ချက်နဲ့ပတ် သက်ပြီးတော့ ပြောရရင် ဖွံ့ဖြိုးရေး အပိုင်းကိုတော့ တော်တော်လေး လုပ်တာကို တွေ့ရတယ်။ ရှေ့လာ မယ့်နှစ်တွေမှာလည်း အထူးသဖြင့် လမ်းပန်းဆက်သွယ်ရေးနဲ့ ပတ်သက် ပြီး ပြည်နယ်အစိုးရက အားထည့် ထားတာ တွေ့ရတယ်။ နိဂုံးချုပ် ပြောရရင်တော့ ပြည်နယ်အစိုးရ အပေါ် အားရမှုရှိပေမယ့် ကြီးမား တဲ့ အားရမှုမျိုးကိုတော့ ပြည်နယ် အစိုးရက မပေးနိုင်ဘူး။

ဟုတ်ကဲ့။ လွှတ်တော်ကိုယ်စားလှယ် တစ်ဦးအနေနဲ့ ကိုယ့်ရဲ့ မဲဆန္ဒနယ် ထဲကို ကွင်းဆင်းတဲ့အခါမှာ ပြည် သူတွေက လက်ရှိ ပြည်နယ်အစိုးရ အပေါ် ဘယ်လိုမြင်လဲ။ လွှတ်တော် အပေါ်ရော အားရရဲ့လား စသဖြင့် မေးခွန်းတွေ မေးဖူးလား။ မေးခဲ့တယ် ဆိုရင် သူတို့က ဘယ်လိုဖြေခဲ့ကြလဲ။

ကျွန်တော် အဲဒီမေးခွန်းတွေ မေးခဲ့ဖူးပါတယ်။ သူတို့ကလည်း ဖြေခဲ့ကြတယ်။ ရရှိလာတဲ့ အဖြေ တွေကို စုပြီး အမျိုးအစားခွဲလိုက် ရင် ၃ မျိုးထွက်တယ်။ တစ်မျိုးက ဘာမှမပြောင်းလဲဘူး။ အရင်အ တိုင်းပဲဆိုတဲ့ အုပ်စုက တစ်အုပ်စု။ နောက်တစ်အုပ်စုက နှစ်ပေါင်း ၅ဝ ကျော် အရှုပ်ထုပ်ကို ရှင်းနေရတဲ့ တစ်နှစ်သားပြည်နယ်အစိုးရ၊ ဒီ တော့ ငါတို့တွေ သည်းခံပြီးတော့ စောင့်ရမယ်ဆိုတဲ့ အုပ်စုက တစ် အုပ်စု၊ နောက်တစ်အုပ်စုက ဒီမိုက ရေစီစနစ်မှာ ဘာတောင်းဆိုဆို ရ တယ်။ ဒီမိုကရေစီအစိုးရက ပြည် သူတွေရဲ့လိုအပ်ချက်ကို ချက်ချင်း ဖြည့်ပေးလိမ့်မယ်။ ကဲ … အခု ဒီမိုကရေစီရပြီ။ ဘာလုပ်ပေးနိုင် လဲ။ ဘာမှလဲ လုပ်ပေးနိုင်တာလည်း မဟုတ်ဘူးဆိုတဲ့အုပ်စုက တစ်အုပ် စု။ ဒီလိုမျိုးတွေ သွားတွေ့ရတယ်။ ဒီမိုကရေစီခေတ်မှာ ကွဲပြားတဲ့ အ မြင်တွေအားလုံးကို လက်ခံပေးရ မှာ ဖြစ်ပါတယ်။ လွှတ်တော်ပိုင်းက ရော၊ အစိုးရပိုင်းကရော ပြည်သူ တွေကျေနပ်လောက်အောင် လုပ် ရမယ့်တာဝန်တွေ ရှိကြတော့ ကျေ နပ်နိုင်အောင်ပဲ ကြိုးစားဆောင်ရွက် ပေးရကြမှာပါ။

ပြည်နယ်အစိုးရဘက်က ချင်းပြည် နယ်အတွင်းက ပြည်သူတွေ တအံ့ တသြဖြစ်စေမယ့် လုပ်ရပ်တစ်ခုခု ကို လုပ်ပေးနိုင်ခဲ့တာမျိုးကို လွှတ် တော်ကိုယ်စားလှယ် တစ်ဦးအနေနဲ့ တွေ့ခဲ့ရပါသလား။

အမှန်အတိုင်းပြောရရင် အခု ချိန်ထိတော့ မတွေ့ရသေးဘူး။ ဒါ ပေမယ့်လည်းပဲ ဖလမ်းလေယာဉ် ကွင်း လုပ်မယ့်ကိစ္စ။ နောက်တစ်ခု ပြည်နယ်အတွင်းမှာ ရေအားလျှပ် စစ်စီမံကိန်း ၂ ခု လုပ်မယ့်ကိစ္စတွေ။ ဒါတွေကိုတော့ ပြည်နယ်အစိုးရက အကောင်အထည် ဖော်နေတယ်။ အောင်မြင်အောင်လည်း ကြိုးစား နေတယ်။ ဒါဟာ ပြည်နယ်အတွက် တော့ အပြောင်းအလဲတွေပါပဲ။ ဒီ ကိစ္စတွေအပေါ်မှာ ပြည်သူတွေက ကြိုဆိုကြတယ်။

ဒုတိယအကြိမ် ချင်းပြည်နယ်လွှတ် တော်အတွင်း လွှတ်တော်ကိုယ်စား လှယ်များရဲ့ ပူးပေါင်းဆောင်ရွက်မှု အခြေအနေကို သိပါရစေ။

ကျွန်တော်တို့ ချင်းပြည်နယ် ဟာ မြို့နယ် ၉ မြို့နယ်ရှိပါတယ်။ ဒီတော့ ရွေးကောက်ခံ ပြည်နယ် လွှတ်တော်ကိုယ်စားလှယ် အရေ အတွက်ဟာ ၁၈ ယောက်ပဲရှိပါ တယ်။ အဲဒီ ၁၈ ယောက်ထဲမှာ ကျွန်တော်တို့ အမျိုးသားဒီမိုကရေ စီအဖွဲ့ချုပ်က ၁၃ ဦး၊ ပြည်ခိုင်ဖြိုး က ၃ ဦး၊ ဇိုမီးအဖွဲ့ချုပ်က ၂ ဦး ဖြစ်ပါတယ်။ တပ်မတော်သားလွှတ် တော်ကိုယ်စားလှယ်ကတော့ ၆ ဦး ပါ။ လွှတ်တော်ဥက္ကဋ္ဌအပါအဝင် စုစုပေါင်း လွှတ်တော်ကိုယ်စားလှယ် ၂၄ ဦးဟာ လွှတ်တော်ထဲမှာ ညီညီ ညွတ်ညွတ် ရှိနေပါတယ်။ ပူးပေါင်း ဆောင်ရွက်မှုတွေလည်း လုပ်နေ ကြပါတယ်။

လွှတ်တော်ကိုယ်စားလှယ်တွေရဲ့ မေးမြန်းမှု တွေကို ပြည်နယ်အစိုးရ က လွှတ်တော်ထဲလာဖြေတဲ့အခါ အဲဒီအဖြေစကားတွေနဲ့ ပတ်သက် ပြီး လွှတ်တော်ကိုယ်စားလှယ်တွေ ဘက်က မကျေနပ်လို့ တုံ့ပြန်တာ မျိုးတွေ ရှိပါသလား။

တချို့သော အဖြေတွေကို မကျေနပ်ကြတဲ့အတွက် ဆိုလိုတာ က သဘောမကျတဲ့အတွက် ထပ် ဆင့်မေးခွန်းမေးမြန်းတာမျိုးတွေ လုပ်ကြတာတော့ ရှိပါတယ်။ ပြည် နယ်အစိုးရဘက်ကလည်း ဖြေသင့် သလောက်တော့ ဖြေတာပေါ့။ တစ်ခါတလေ မေးတဲ့မေးခွန်းက တခြား၊ ဖြေတဲ့အဖြေက တခြား။ ဒီလိုတွေလည်း ရှိပါတယ်။

ချင်းပြည်နယ်က ပြည်နယ်တွေထဲ အဆင်းရဲဆုံး ပြည်နယ်တစ်ခုဖြစ်နေ ပါတယ်။ ဒီထဲကနေ လွတ်မြောက် ဖို့၊ ရုန်းထွက်သွားနိုင်ဖို့ ဘာတွေများ လိုအပ်နေပါသလဲ။ ဘာတွေရရင် ရုန်းထွက်သွားနိုင်မယ်လို့ ထင်ပါ သလဲ။

ကျွန်တော်တို့ပြည်နယ်ဟာ ဖွံ့ဖြိုးမှု နောက်ကျပါတယ်။ တစ် ဆက်တည်းမှာပဲ ပြည်ထောင်စု အစိုးရက သူ့ရဲ့အသုံးစရိတ်တွေကို လျှော့ချတယ်။ အဲဒီအခါမှာ ကျွန် တော်တို့ ပြည်နယ်အတွက် ထောက် ပံ့တဲ့ အသုံးစရိတ်ကလည်း အလို လိုလျော့သွားတယ်။ ကျွန်တော်တို့ ပြည်နယ်ဖွံ့ဖြိုးတိုးတက်ဖို့အတွက် အဓိကလုပ်ပေးရမှာက လမ်းပန်း ဆက်သွယ်ရေးပဲ။ ခုထက်ပိုပြီး ကောင်းအောင်၊ အလုပ်အကိုင်အ ခွင့်အလမ်းတွေ ရရှိအောင် ဒါတွေ ကို လုပ်ပေးသင့်ပါတယ်။ နောက်ပြီး ပညာရေး၊ ကျန်းမာရေးတွေကို ဆောင်ရွက်ပေးသင့်ပါတယ်။ ပြည် ထောင်စုအစိုးရအဖွဲ့က ပြည်နယ် ဖွံ့ဖြိုးတိုးတက်ဖို့အတွက် ရန်ပုံငွေ ပံ့ပိုးပေးမှုတွေလည်း လုပ်သင့်ပါ တယ်။

ဟုတ်ကဲ့။ အခုလို ဖြေပေးတာ ကျေးဇူးတင်ပါတယ်။

မင်းသုအောင် တွေ့ဆုံမေးမြန်းသည်

Comments (0)

Leave a reply

Your email address will not be published. Required fields are marked *

*