12:13 pm
တိုင်းပြည် ဖွံ့ဖြိုး တိုးတက်ခြင်း အမှန်ကို ရလိုလျှင် လူတွေကို လွတ်လပ်စွာ တွေးခေါ် မြော်မြင်ခွင့်ပေး ပါဟု တိန့်ရှောင်ဖိန်က ဆိုသည်။ ဖွံ့ဖြိုးမှု ဆိုသည်နှင့် လွတ်လပ်မှု ရှိရန် လိုအပ်ကြောင်းနှင့် ဖွံ့ဖြိုးမှု နှင့် လွတ်လပ်မှုကို ထပ်တူပြုနိုင်မှသာ အောင်မြင်မှုကို ရလိမ့်မည်ဟု ဆိုပါသည်။ အချို့ကမူ လွတ်လပ်မှုဟု ဆိုလိုက်လျှင် မီဒီယာများ ကိုသာ ပြေးမြင်တတ်ကြပြီး အမှန်မှာ လွတ်လပ်မှုဟူသည် လူထုတစ်ရပ်လုံး နှင့်ပါ အကျုံးဝင် သက်ဆိုင်သည်။ လွတ်လပ်မှုအတွက် ကာလ အဆက်ဆက် တော်လှန်ခဲ့သူတွေ ရှိသည်။ ယင်းလွတ်လပ်မှု အတွက်ပင် အဆင့်ဆင့် ပြုပြင် ပြောင်းလဲမှု လုပ်ခဲ့ကြ သူတွေလည်း ရှိသည်။ တော် လှန်သူတွေက အားလုံးကို စွန့်လွှတ်၍ အနစ်နာခံ ကြိုးပမ်းခဲ့ မှုမျိုးကို ဖော်ကျူး တတ်ကြပြီး ပြု ပြင်ပြောင်းလဲသူတွေကမူ တီထွင်မှုပြု၍ စွန့်စားရခြင်း မျိုးကို ရည်ညွှန်း တတ် ကြသည်။ တကယ်တော့ ၂၁ ရာစုအစောပိုင်း လွတ်လပ်စွာ တွေးခေါ်ခွင့်နှင့် ထုတ်ဖော် ပြောဆိုခွင့် ရှိရေးအ တွက် ကြိုးပမ်းမှုကာလ၌ တော်လှန်သူရော၊ ပြုပြင်ပြောင်းလဲသူ တို့ကိုပါ အရေးပါခဲ့သူများ အဖြစ် တွေ့မြင်ကြရ သည်။ အဘယ်ကြောင့် ဆိုသော် တော်လှန်သူတွေက ယုံ ကြည် မှု အတွက် ရဲရဲဝံ့ဝံ့ တိုက်ပွဲဆင်နွှဲ ခဲ့ကြသကဲ့သို့ ပြုပြင်ပြောင်းလဲ လိုသူတွေ ကလည်း ပြောင်းလဲမှုအ တွက် စွန့်စားကြိုးပမ်း အကောင် အထည် ဖော်ခဲ့ကြ၍ ဖြစ်သည်။ ၂ဝ၁၆ ခုနှစ် အရောက်တွင်မူ တော်လှန်သူတွေက တစ်ပန်းသာ သွားသည်။ ပြုပြင်ပြောင်းလဲ သူတို့ အရေးနိမ့် ခဲ့သည်။ သို့သော်ပြဿ နာမှာ ယင်းအချိန်မှ စသည်။ တစ်နည်းဆိုရ သော် တော်လှန်သူတွေ က တိုက်ပွဲဝင်ရန်သာ စိတ်အား ထက်သန်ခဲ့ပြီး တိုက်ပွဲလွန်ကာလ ပြုပြင်ပြောင်းလဲရေး ကဏ္ဍကို သေ ချာစွာ စဉ်းစားစီမံရန် အားမသန်ခဲ့ခြင်းဖြစ်သည်။ မယုံကြည် မထင် မှတ်သည့်ကြားက တော်လှန်ရေး တိုက်ပွဲသည် နေ့ချင်း ညချင်း ပြီးဆုံးတတ်သကဲ့ သို့ အောင်မြင်ကြောင်း သို့မဟုတ် ရှုံးနိမ့်ကြောင်း ထင်ရှား ပြဆိုနိုင်သော်လည်း ပြုပြင်ပြောင်း လဲရေးမှာမူ ယင်းသို့ လက်ဆုပ် လက်ကိုင်ပြရန် မလွယ်ကူနိုင်ခြင်း ကို အလေး မမူခဲ့ခြင်းကြောင့် လည်း ဖြစ်သည်။ တစ်ဖန် လွတ်လပ်မှု ဟူသော အတွေးအမြင် အ ပေါ် တော်လှန်သူနှင့် ပြုပြင်ပြောင်း လဲသူ ဟူသော လူတန်းစား နှစ်ရပ် အကြား ကြီးစွာ ကွာဟသည့် အမြင်သဘော တရားရှိခဲ့ ခြင်းကြောင့်လည်း ဖြစ်တန်ရာသည်။ ယင်းကြောင့် ဖြစ်ပေါ် လာသည့် နောက်ရလဒ်ဆိုး တစ်ခုမှာ လွတ်လပ်မှု အတွက် ပြုပြင်ပြောင်းလဲရေး လုပ်ငန်းများ၏ အရှိန် အဟုန် ရပ်တန့် သွား ခြင်း ဖြစ်သည်။ တော်လှန်သူအ ချို့အနေဖြင့် လက်ရှိ အခြေအနေကို အပြီးသတ် အောင်ပွဲဟု အထင်ရှိကြသည်။ တစ်ဖန် တော်လှန်သူမှ အ မှန်တကယ် အုပ်ချုပ်သူ ဖြစ်လာသောအခါ လွတ်လပ်မှုသည် ရန်သူ လော သို့မဟုတ် အုပ်ချုပ်သူ၏ စီမံမှုနှင့် မူဝါဒကို ထိပါးသော အန္တရာယ်လောဟု ထင်မြင် လာမှုမျိုးက နဂို ရှိရင်းစွဲ ယုံကြည်မှုကို ပြောင်းပြန် ဖြစ်သွားစေဟန် ရှိပြန်သည်။ ထို စိုးရိမ်ပူ ပန်မှုမှာ ပုဂ္ဂလိက မီဒီယာများ အထိပါ အကျိုး သက်ရောက်သွား ခဲ့သည်။ အမှန်တော့ ပြုပြင်ပြောင်းလဲ ရေးသမားများ၏ လွတ်လပ်မှု အပေါ် အမြင်မှာ ဥပဒေနှင့် မဆန့်ကျင်သော၊ ဘာသာ၊ ယဉ်ကျေးမှု နှင့် ရိုးရာဓလေ့ စရိုက်ကို လျစ်လျူ မရှုသော လွတ်လပ်မှု ကိုသာ ဆိုလိုကြောင်း အထင်အရှား ပြဆို ထားပြီး ဖြစ်သည်။ ယင်းအမြင် အရပင် ပြုပြင်ရန်၊ စွန့်ဦးတီထွင်ရန် လိုအပ်သော Broadcast Media Sector အတွက် ဥပ ဒေ၊ Broadcast Media Sector ထက် လူထုကိုပိုမို အကျိုး ဖြစ်ထွန်းစေ မည့် Public Services Media၊ လူ ထုတစ်ရပ်လုံး အချိန်နှင့်အညီ ရ သင့်သည့် သတင်း အချက်အလက် ဆိုင်ရာ Access to Information ဥပဒေနှင့်တကွ နိုင်ငံတကာ နှင့် ရင်ပေါင်တန်းနိုင်သော အစိုးရပုံစံ Open Government Partnership (OGP) မျိုးဖြစ်ရန် စသည့်အစ ပျိုးထား သော အခြေခံ အုတ်မြစ်တွေ ကို တွေ့မြင်နိုင်သည်။ ယနေ့ကာလသည် ယင်းလုပ်ငန်းများကို လူထုအတွက် အမြန်ဆုံး အမှန်တကယ် ရှေ့ တိုးဆောင်ရွက်ရန် အချိန် အခါကောင်းလည်း ဖြစ်နေသည်။ လွတ်လပ်မှု အတွက် တော်လှန်သူ တို့၏ စွန့်လွှတ်မှု၊ အနစ်နာခံ မှု၊ ပြင်းပြသော ယုံကြည်မှုနှင့် စိတ်ဓာတ်ခိုင်မာမှု တို့ကို လူထုက အထူး မျှော်လင့် အားထားကြ သည်။ သို့သော် တစ်ဖက်တွင်လည်း မျက်မှောက် အချိန်သည်တော်လှန်ရေး တိုက်ပွဲဝင်ရန် အ ချိန် မဟုတ်တော့ဘဲ ပြုပြင်ပြောင်း လဲရေးအတွက် အမှန်တကယ် စွန့် စား တီထွင်မှု ပြုရမည့်ကာလ ဖြစ်သကဲ့သို့ လူထုအသိဥာဏ် ဖွံ့ဖြိုးရေးအတွက် လွတ်လပ်မှုကို မြှင့် တင်ပေးရန် အထူး လိုအပ်သော အချိန်ဖြစ်ကြောင်း ကို တော်လှန်သူတို့ သတိမူမိကြသင့်သည်။ ထို့ ကြောင့် လူထု၏ လွတ်လပ်မှုမြှင့် တင်ပေးရန် စွန့်လွှတ် စွန့်စားဝံ့ သော ၊ တာဝန်ခံ ဦးဆောင်မှု ပြု တတ်သော ခေါင်းဆောင်ကောင်း များ ပေါ်ထွက်ရန်လည်း လိုအပ်သည်။ မည်သို့ဆိုစေ တော်လှန်ခဲ့သူ များ အနေဖြင့် နိုင်ငံ့ လွတ်လပ်မှုနှင့် ဖွံ့ဖြိုးမှု တိုးတက် တည်တံ့ခိုင်မာရေး အတွက် ရှေ့ဆက်၍အောင်မြင်စွာ လျှောက်လှမ်းနိုင်ကြပါစေကြောင်း ဆု မွန်ကောင်းတောင်း လိုက်ရပါသည်။
ရဲရင့်တင့်ဆွေ