အကူအညီလိုနေသော ‘ကူညီပါရစေ’

အကူအညီလိုနေသော ‘ကူညီပါရစေ’
February 22, 2017 Asian Fame

4:11 pm
အကူအညီလိုနေသော ‘ကူညီပါရစေ’

အယ်ဒီတာအာဘော်

ဒီမိုကရေစီ အုပ်ချုပ်ရေးစနစ်တစ်ရပ်ကို ကျင့်သုံးအကောင်အထည်ဖော်ရာတွင် နိုင်ငံတော် တည်ငြိမ်ရေးနှင့် ရပ်ရွာအေးချမ်းသာ ယာရေးတို့အတွက် တရားဥပဒေ စိုးမိုးရေးသည် မရှိမဖြစ်လိုအပ်သည်။ ထို့နည်းတူစွာပင် တရားဥပဒေစိုးမိုးရေးအတွက် မြန်မာနိုင်ငံ ရဲတပ်ဖွဲ့စွမ်းဆောင်ရည်မြင့်မားနေရန် မဖြစ်မနေလိုအပ်သည်။ ပြည်သူ တို့ အားကိုးအားထားရသော ရဲတပ်ဖွဲ့ဖြစ်ဖို့လိုသည်။

   လတ်တလောအခြေအနေတွင် နိုင်ငံအတွင်းနေရာဒေသ အတော်များများ၌ လူသတ်မှုများ၊ မူးယစ်ဆေးဝါးရောင်းဝယ်ဖောက်ကားမှုများ၊ ခိုးဆိုးလုယက်မှုများ၊ အနိုင်အထက်ကျင့်မှုများ၊ သက်ငယ်မုဒိမ်း အစရှိသည့် မင်းမဲ့စရိုက်ဆန်ဆန် အမှု အခင်းများသည် နေ့လယ်နေ့ခင်း မရှောင် လူစည်ကားသည့်နေရာပင်မရှောင် ဖြစ်ပေါ်နေကြသည်ကို ထောက်ရှုခြင်းအားဖြင့် ရဲတပ်ဖွဲ့၏ မှုခင်းကြိုတင် ကာကွယ်မှုအပိုင်း၊ အမှုအခင်းဖြစ်ပွားစဉ် တုံ့ပြန်ဆောင်ရွက်မှုအပိုင်းနှင့် မှုခင်း ဖြစ်ပွားပြီးနောက်ပိုင်း ရဲလုပ်ငန်းများဆောင်ရွက်ရာတွင် လိုအပ်ချက်များ ရှိနေသေး ကြောင်း ပေါ်လွင်စေပါသည်။

ရဲတပ်ဖွဲ့ကို အဆင့်မြှင့်တင်ရာတွင် အင်အားတောင့်တင်းရေး၊ ခေတ်မီရေးနှင့် လေ့ကျင့်ရေးအပိုင်းဟူ၍ အဓိကအပိုင်းကြီး ၃ ပိုင်းကို အခြေခံကျကျ ပြုပြင်ရန် လိုအပ်သည်။

အင်အားတောင့်တင်းရေးအပိုင်းတွင် ပြည်ထဲရေးဝန်ကြီးဌာနက အခါအား လျော်စွာထုတ်ပြန်သော စာရင်းဇယားများအရ မြန်မာနိုင်ငံ တွင် ရဲတပ်ဖွဲ့ဝင် အင်အား ရှစ်သောင်းခန့်ရှိရာ မြန်မာနိုင်ငံလူဦးရေနှင့် နှိုင်းယှဉ်ပါက ရဲတပ်ဖွဲ့ဝင် တစ်ဦးလျှင် ပြည်သူ ၆ဝဝ ကျော်ခန့်ကို တာဝန်ယူနေရသည့်သဘော ဖြစ်သည်။ ရန်ကုန်၊ မန္တလေးမြို့များကဲ့သို့ လူဦးရေထူထပ်သည့် မြို့ကြီးများတွင် ပြည်သူ ၈ဝဝ ကျော်ခန့်ကို တာဝန်ယူနေရသည်ဖြစ်ရာ အင်အားလိုအပ်ချက်ရှိနေသည်မှာ ထင်ရှားသည်။

အင်အားတောင့်တင်းရေးအပိုင်းတွင် လူအင်အားသာမက ဓနအင်အားပါ တောင့်တင်းရန်လိုသည်။ တပ်ဖွဲ့ဝင်များ၏ လစာ၊ စရိတ်၊   နေရေးထိုင်ရေး အပါအဝင် ရဲတပ်ဖွဲ့၏ တရားဥပဒေစိုးမိုးရေးလုပ်ငန်းများ၊ မှုခင်းကြိုတင် ကာကွယ်ရေးလုပ်ငန်းများ၊ အခြားရဲလုပ်ငန်း ဆိုင်ရာအခြေခံအဆောက်အအုံများ ပြည့်စုံလာစေရေးအတွက် ငွေကြေးလိုသည်။ဘတ်ဂျက်တိုးမြှင့်လျာထားသည့်အထဲတွင် ပြည်ထဲရေးသည် ဦးစားပေးအဆင့်ထဲတွင် ပါသင့်သည်။

ယနေ့ခေတ်သည် နည်းပညာခေတ်ဖြစ်သည်။ ပြစ်မှုကျူးလွန်သူတို့က အဆင့်မြင့်နည်းပညာများကို အသုံးချပြီး ပြစ်မှုကျူးလွန် လာကြ သည်။ ထိုသူတို့ကို ကာကွယ်တားဆီးဖို့အတွက် ထိုသူတို့ထက် ပိုမိုခေတ်မီသော အဆင့်မြင့်နည်း ပညာများကို ရဲတပ်ဖွဲ့ကပိုင်ဆိုင်ဖို့ လိုသည်။ နည်းပညာရှင် လူသားအရင်းအမြစ် များလိုသည်။ သမားရိုးကျ နည်းများဖြင့်မရနိုင်တော့၊ တစ်နိုင်ငံလုံးကိုလွှမ်းခြုံနိုင်သော ဏကဘူငခှနခကမငအပ နြအတသမု မျိုးကို တည်ဆောက်ထားဖို့လိုအပ်သည်။

မည်မျှပင် ရုပ်ဝတ္ထုပစ္စည်းများခေတ်မီနေစေကာမူ ထိုခေတ်မီပစ္စည်းများကို ကျွမ်းကျင်ပိုင်နိုင်စွာ အသုံးမချနိုင်လျှင်လည်း အချည်းအနှီး ပင်ဖြစ်သည်။ သို့ဖြစ်ရာ တပ်ဖွဲ့ဝင်တစ်ဦးချင်းစီသည် မိမိတာဝန်ယူရသည့် ရဲလုပ်ငန်းအသီးသီးတွင် ကျွမ်း ကျင်မှုရှိစေရန် မပြတ်လေ့ ကျင့်နေဖို့လိုသည်။ လေ့ကျင့်နိုင်ဖို့အခြေအနေ ပေးရန်လို သည်။

အချုပ်အားဖြင့်ဆိုသော် ဒီမိုကရေစီအုပ်ချုပ်ရေးစနစ်ကို အထောက်အကူပြုရန် အတွက် ရဲတပ်ဖွဲ့သည် အင်အားတောင့်တင်းဖို့၊ ခေတ် မီဖို့၊ မပြတ်လေ့ကျင့်ပြီး ပြည်သူလူထုအတွက် ၂၄ နာရီအသင့်ဖြစ်နေဖို့လိုသည်။ လတ်တလော အခြေ အနေတွင်မူ ”ကူညီပါရစေ” တို့ကိုယ်တိုင် အကူအညီလိုနေသော အခြေအနေမျိုးတွင် သာရှိနေသေးကြောင်း ဝေဖန်ထောက်ပြလိုသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*