နောင်အရေး စိတ်အေးကြချင်ရင်

နောင်အရေး စိတ်အေးကြချင်ရင်
February 3, 2017 Asian Fame

4:52 pm
နောင်အရေး စိတ်အေးကြချင်ရင်

Ye Yint Tint Swe copy

လူကြီးများရဲ့ အမြင်

လက်ရှိ ကျွန်တော်က ကုမ္ပဏီ ဝန်ထမ်းတစ်ဦးပါ။ မနေ့ညက ကုမ္ပဏီမှာ ဘန်ကောက်က ပြန် ရောက်လာတဲ့ CEO က အစည်း အဝေး တစ်ခုလုပ်ပါတယ်။ အဲဒီအ စည်းအဝေးမှာ အသက် ၆ဝ တန်း အရွယ် CEO  က ”ကျွန်တော် ဘန် ကောက်မှာ လုပ်ငန်းနဲ့ပတ်သက်တဲ့ ပုဂ္ဂိုလ်အချို့နဲ့ တွေ့ဆုံခဲ့ပါတယ်။ သူတို့ CEO  ဆိုတဲ့ ထိုင်းလူမျိုးဆိုရင် အသက် ၄ဝ လောက်ပဲ ရှိပါသေး တယ်။ လက်ထောက်နှစ်ယောက် ကလည်း အသက် ၃ဝ စွန်းစွန်းအ ရွယ်တွေပါပဲ။ သူတို့ရဲ့ ပြောပုံဆိုပုံ တွေးခေါ်ပုံနဲ့ အကွက်မြင်မှုတွေက တော့ နိုင်ငံတကာထိပ်တန်း စီးပွား ရေးပုဂ္ဂိုလ်တွေလိုပါပဲ။ ဒါကိုတွေ့ရ တော့ ကျွန်တော်တို့နိုင်ငံရဲ့ အနေ အထားနဲ့ လူ့အရင်းအမြစ် ဖွံ့ဖြိုး တိုးတက်မှုအတွက် တကယ်စိတ် မကောင်းဖြစ်မိတယ်” လို့ ဆိုပါ တယ်။ အသက် ၇ဝ တန်းအရွယ် ရှိနေပြီဖြစ်တဲ့ ကုမ္ပဏီရဲ့ GM ကတော့ ”နိုင်ငံရဲ့လက်ရှိ အသက် ၄ဝ၊ ၅ဝ အရွယ်တွေကိုတော့ တွန်း အားပေးမျှော်လင့်ဖို့ဆိုတာ မဖြစ် နိုင်တော့ပါဘူး။ အခု လွတ်လပ်မှုနဲ့ အတူ ဖွံ့ဖြိုးလာမယ့် အသက် ၂ဝ အရွယ် မျိုးဆက်ကျရင် အဲဒီလိုပြန် ဖြစ်လာမယ်လို့ မျှော်မှန်းပါတယ်” ဆိုပြီး သူ့အမြင်ကို ပြောပါတယ်။

အစိုးရရဲ့ ကြိုးပမ်းမှု

ကနေ့မနက် နိုင်ငံပိုင်သတင်း စာဖတ်တဲ့ အချိန်မှာတော့ မျက်နှာ ဖုံးသတင်းမှာ ကလေးစာပေပွဲတော် စာပေပြပွဲနှင့် စာအုပ်ဈေးရောင်း ပွဲတော် မန္တလေးမှာ ကျင်းပ ခဲ့တဲ့သတင်းနဲ့ နိုင်ငံတော် သမ္မတ ကြီးနှင့်ဇနီးလည်း တက်ရောက် ချီးမြှင့်ခဲ့ကြောင်းကို ဖတ်ရပါတယ်။ သမ္မတကြီးက ကလေးစာပေဟာ အမြဲတမ်းရှင်သန် သက်ဝင်နေမည့် စာပေဖြစ်ကြောင်း၊ ထိုကဗျာစာပေ များကြောင့် နိုင်ငံချစ်စိတ်ေ တွ ပေါ်ပေါက်ခဲ့ကာ တိုင်းကျိုးပြည်ကျိုး ထမ်းဆောင်လိုစိတ်တွေ မြင့်တက် လာခဲ့ကြောင်း၊ ယနေ့ကလေးတွေ စာဖတ်လာအောင် စည်း ရုံးဆောင် ရွက်သင့်ကြောင်း၊ ကလေးများ စာ ပေနဲ့ ရင်းနှီးပြီး စာပေဝန်းကျင်မှာ မွေ့လျော်လာအောင် အဖွဲ့အစည်း အသီးသီးက ပူးပေါင်းပါဝင်ပေးကြ စေလိုကြောင်း ပြောကြားခဲ့ပါတယ်။ အနာဂတ်ကလေးများ စာပေဖတ်ရှုခြင်းမှာ မွေ့လျော်လာဖို့အတွက် အလွန်ပီတိဖြစ်စရာ ကြိုးပမ်းအား ထုတ်မှုတစ်ခုပါ။

ကျွန်တော့် အတွေ့အကြုံနှင့် အမြင်

ယခုလို စာအုပ်ပွဲတော်တွေ၊ စာတမ်းဖတ်ပွဲတွေကို နိုင်ငံအဆင့် စီစဉ်ဖော်ထုတ် ကျင်းပပေးနေမှု တွေဟာ အလွန်ကောင်းမြတ်တဲ့ အစဉ်အလာနဲ့ တန်ဖိုးရှိတဲ့ ကြိုး ပမ်းအားထုတ်မှုတွေ ဖြစ်ပါတယ်။ သို့သော်လည်း ဒီလိုကြိုးပမ်းဆောင် ရွက်ပေးမှုဟာ Cultural Heritage  မပျောက်ပျက်ဖို့နဲ့ Reading Habits Promotion  အားကောင်းလာ အောင် တွန်းအားပေးတဲ့ Drives  မျှသာဖြစ်ပါတယ်။ Wisdom Developments  အသိဥာဏ် ဖွံ့ဖြိုးတိုး တက်မှုအတွက် မူဝါဒ Policy နဲ့ လမ်းကြောင်းDirection တော့ မဟုတ်သေးပါဘူး။ ကလေးတွေ နိုင်ငံတကာနဲ့ ရင်ပေါင်တန်းတဲ့  အသိအမြင်ကိုရဖို့ဆိုတာဟာ ဒီနေ့ နိုင်ငံတကာမှာ ဘာဖြစ်နေတယ်ဆို တာကို ချက်ချင်းလ က်ငင်း သို့မ ဟုတ် အမြန်ဆုံးသိရှိနိုင်ကြဖို့က ပိုအရေးကြီးပါတယ်။ ဒီနေ့ ကမ္ဘာ ရဲ့နိုင်ငံရေး စီးပွားရေးနဲ့ လူမှုဆက် ဆံရေး ဖြစ်ပေါ်ပြောင်း လဲနေမှုတွေ ကို သတင်းတစ်ခုအနေနဲ့သာမက ဘဲ နိုင်ငံတကာစာရေးဆရာတွေ၊ ကဏ္ဍအလိုက် ပညာရှင်တွေ၊ သု တေသနပြု ခွဲခြမ်း စိတ်ဖြာသူတွေရဲ့ အတွေးအမြင် စာအုပ်စာစောင် တွေကိုပါ ဖတ်ရှုနိုင်ကြဖို့ဖြစ်ပါ တယ်။ အင်္ဂလိပ်ဘာသာဟာ အဓိ က ဖြစ်သလို အခြားဘာသာတွေကို လည်း လေ့လာစူးစမ်းနိုင်ရပါမယ်။

ဒါ့ကြောင့် နိုင်ငံတကာရဲ့ အ ဖြစ်အပျက်တွေကို အချိန်နဲ့တစ် ပြေးညီ ဖော်ညွှန်းပြဆိုနိုင်မယ့် ဘာ သာပြန်အသင်းမျိုး ပေါ်ပေါက်လာ ဖို့ဟာ အထူးအရေးကြီးတယ်လို့ မြင်ပါတယ်။ ဘယ်စာအုပ်ကိုဖတ် သင့်တာကိုပါGuide  လုပ်ပေးဖို့ပါ။လွတ်လပ်ရေးရခါစက နိုင်ငံမှာ ဘာသာပြန်အသင်း (စာပေဗိမာန်) ဆိုတာရှိခဲ့ပြီး နိုင်ငံရဲ့ ပညာရေး ကဏ္ဍက ထူးချွန်ပုဂ္ဂိုလ်တွေ၊ ထိတ် ထိတ်ကြဲ စာရေးဆရာတွေက ဦးစီး ခဲ့တာပါ။ အစိုးရဝန်ကြီးချုပ်လို ပုဂ္ဂိုလ်မျိုးကိုယ်တိုင်က အထူးအား ပေးခဲ့တာပါ။ အဲဒီတုန်းက မြန်မာ နိုင်ငံရဲ့ စာပေကဏ္ဍဟာ သုတရသ စာပေနှစ်မျိုးစလုံးမှာ ကမ္ဘာနဲ့  ရင် ပေါင်တန်းနိုင်ပြီး မြန်မာတွေရဲ့ အတွေးအခေါ် အမြော်အမြင်ဟာ လည်း အာရှမှာ ထိပ်တန်းအဆင့်ရှိ ခဲ့ပါတယ်။ ဒါ့ကြောင့် မျက်မှောက် မြန်မာစာပေ ဖွံ့ဖြိုးတိုးတက်လာ ရေးအတွက် ဘာသာပြန်အသင်း ကြီး ပြန်လည် ဖွဲ့စည်းတည်ထောင် ပြီး ခေတ်မီစာပေတွေကို မြန်မာ တွေအမြန်ဆုံးဖတ်ရှုနိုင်ဖို့ မူဝါဒ မျိုးကို ဆောင်ရွက်သင့်တာပါ။

ပြီးခဲ့တဲ့ အစိုးရ ပြန်ကြားရေး ဌာနဟာ ဒီလိုအသင်းကြီး ပြန်လည် ထူထောင်နိုင်ဖို့၊ လူ့အရင်းအမြစ် တွေမွေးထုတ်ဖို့၊ ဘာသာပြန် နည်း ပညာ စက်ကိရိယာဆန်းတွေ ရရှိ နိုင်ဖို့ ဂျော့ဂ်ျဆိုရော့စ်လို ပုဂ္ဂိုလ်နဲ့ အဖွဲ့အစည်းက စလို့ UNESCO၊ JICA အမေရိကန်နဲ့ စကင်ဒီနေး ဗီးယား နိုင်ငံတွေအထိ သေချာစွာ ရှင်းပြပြီး အကူအညီတွေတောင်းခံ ခဲ့ပါတယ်။

ဘာမှ ဖြစ်ဖြစ်မြောက် မြောက်မရခဲ့ပါဘူး။ မြန်မာကလေး တွေ အနာဂတ်ဖွံ့ဖြိုးတိုးတက်ဖို့အ တွက် ဒီမူဝါဒဟာ ငြိမ်းချမ်းရေးလုပ် ငန်းစဉ် လိုပဲ အထူးအရေးကြီးတယ် လို့ ခံယူပါတယ်။ နောက်ဆယ်နှစ် ခန့်တွင်း နိုင်ငံတကာ ငြိမ်းချမ်းရေး ပြန်လည်ရရှိချိန်မှာ ဖွံ့ဖြိုးတိုးတက် ပြီး လူ့အရင်းအမြစ်တွေက အဆင် သင့်ရှိမနေခဲ့ရင် အမျိုးသား ပြန် လည်သင့်မြတ်ရေး ဘယ်လောက် ရေရှည်ခံနိုင်မယ်ဆိုတာ ကိုလည်း   တွေးကြည့်ကြဖို့ပါ။ ဒါ့ကြောင့် ငြိမ်း ချမ်းရေးနဲ့ အမျိုးသားပြန်လည်သင့် မြတ်ရေးကို ကိုယ့်အားကိုယ်ကိုး ရန်ပုံငွေရှာလုပ်သလိုပဲ စာပေဖွံ့ဖြိုး ရေး အတွက်ကိုလည်း ရန်ပုံငွေ တစ်ခုထူထောင်ပြီး အမြန်ဆုံးလုပ် ဆောင်သင့်တယ်လို့ ထင်ပါတယ်။

နိဂုံး

နောက်ဆုံးတော့လည်း ရုရှား စာရေးဆရာကြီးAlexander Pushkin  ရဲ့ စာပိုဒ်တစ်ပိုဒ်ထဲက စာလုံးအချို့နဲ့ အဆုံးသတ်ချင်ပါ တယ်။ သူက ”ကော့ကေးဆပ် တောင်တန်းသားတို့ရေ… ငါတို့ တုန်းကလည်း လွတ်မြောက်ရေး အတွက် တိုက်ပွဲဝင်ရင်း အသက် တွေကို   ပေးဆပ်ခဲ့ကြတယ်။ မင်း တို့ လက်ထက်မှာလည်း လွတ် မြောက်ရေးအတွက် ဆက်ပြီးတိုက် ပွဲဝင်ပေးကြပါ”တဲ့။ နိုင်ငံ့ကလေး တွေ အတွက် အပြုသဘော ရေး သားပြောဆိုမှုတွေကို လက်ခံပြီး ဆက်လက်ချီတက်ကြပါစို့လား ဗျာ။

ရဲရင့်တင့်ဆွေ

Comments (0)

Leave a reply

Your email address will not be published. Required fields are marked *

*