သင်ခန်းစာယူလျက် အလေးထားဆောင်ရွက်ရန်

သင်ခန်းစာယူလျက် အလေးထားဆောင်ရွက်ရန်
February 1, 2017 Asian Fame

3:08 pm
သင်ခန်းစာယူလျက် အလေးထားဆောင်ရွက်ရန်

အယ်ဒီတာ့ အာဘော်

အမျိုးသားဒီမိုကရေစီအဖွဲ့ချုပ်၏ ဗဟိုဥပဒေအထောက်အကူပြုအဖွဲ့ဝင်ရှေ့နေ ဦးကိုနီ ရန်ကုန်အပြည်ပြည်ဆိုင်ရာလေဆိပ် လူအ များရှေ့တွင် သေနတ်သမား တစ်ဦး ၏လုပ်ကြံခြင်းကို ခံလိုက်ရခြင်းသည် တရားဥပဒေစိုးမိုးရေးနှင့် အများပြည်သူ လုံခြုံရေးကို အလေးပေးကိုင်တွယ်ရန်လိုအပ်နေပြီဖြစ်ကြောင်းနှင့် အရေးကြီးပုဂ္ဂိုလ် တို့၏လုံခြုံရေးကို ခြိမ်းခြောက်နေပြီဖြစ်ကြောင်း အချက်ပေးေ ခါင်းလောင်းထိုးလိုက် ခြင်းပင် ဖြစ်သည်။

ရှေ့နေဦးကိုနီ လုပ်ကြံခံရခြင်းနှင့်ပတ်သက်၍ လူမှုကွန်ရက်သုံးစွဲကြသူအမျိုးမျိုး တို့က ရှုထောင့်အမျိုးမျိုးမှထင်မြင်ချက်အမျိုးမျိုး၊ အယူအဆအမျိုးမျိုး၊ ခံစားချက် အမျိုးမျိုးတို့ကို ရေးသားနေကြသည်ကိုတွေ့ရသည်။ အချို့က ချစ်ခြင်းအားဖြင့် ဝမ်းနည်း စာနာကြောင်းေ ရးကြသည်။ အချို့က မုန်းခြင်းအားဖြင့် ဝမ်းမြောက်ဝမ်းသာပြုကြ သည်။ အချို့က တစ်မူထူးခြား၏။ ဝမ်းသာလျက်နှင့် ဝမ်းနည်း ဟန်ပြုရေးကြသည်။ အချို့ကမူ ဝမ်းနည်းနေပါလျက် ရည်ရွယ်ချက်တစ်မျိုးဖြင့် ဝမ်းသာနေဟန်ရေးကြ ပြန်သည်။ တစ်ချိန်တည်းမှာပင် ပဋိပက္ခတစ်ခုဆီသို့ဦးတည်သွားစေရေးရည်ရွယ်ချက် ရှိရှိ ရေးသားနေသူများလည်း အများအပြားရှိနေရာ လူမှုကွန်ရက်သုံးစွဲကြသူများ အနေဖြင့် သတိရှိကြစေလိုသည်။

အကြောင်းအရာတစ်ခု၊ အခြေအနေတစ်မျိုးတည်းကိုပင် ရှုထောင့်မတူလျှင် အမြင်မတူနိုင်သည်မှာ လောက၏သဘာဝ ပင် ဖြစ် သည်။ ရှုထောင့်တစ်ခုမှမြင်သော အမြင်နှင့် အခြားရှုထောင့်တစ်ခုမှကြည့်သောအမြင်တို့ ထပ်တူမကျနိုင်သည်မှာ မဆန်း၊ ဆန်းနေ သည်မှာ မိမိရှုထောင့်သည်သာ အမှန်ဖြစ်သည်၊ အခြားသူတို့၏ရှု ထောင့်များသည်မမှန်၊ မှန်နေလျှင်လည်း မိမိရှုထောင့်လောက်မမှန် ဟု အယူအဆ ရှိနေကြကုန်သော၊ အခြားတစ်ဖက်နှင့်ယှဉ်လျှင်မိမိဘက်မှအသာရလိုသော လူသား တို့၏အတ္တစိတ်သာလျှင် ဖြစ်သည်။ ယနေ့ကမ္ဘာပေါ်တွင် ဖြစ်ပေါ်နေသော ပဋိပက္ခ များ၏အရင်းအမြစ်သည်လည်း ထိုအရာပင်ဖြစ်သည်။ သေနတ်သမားနှင့် နောက်ကွယ် ကကြိုးကိုင်သူသည် ထိုအရင်းအမြစ်ကို ဆွပေးလိုက်ခြင်းပင်ဖြစ်သည်။

အကြောင်းအရာတိုင်းကို ရှုထောင့်မှန်၊ အမြင်မှန်ရန်မှာမူကား အရိယာသူ တော်စင်တို့သာ တတ်နိုင်သောအရာဖြစ်သည်။ ပုထုဇဉ်လူသားတို့အဖို့ ခဲယဉ်းလှ မည်မှန်သော်လည်း မိမိအယူအဆ၊ မိမိရှုထောင့်တစ်ခုတည်းသာ အမှန်ဟုစွဲကိုင်ထား ခြင်းမျိုးမှ အခြားသူ၏ အမြင်ခံစားချက်၊ ရှုထောင့်တို့ကို ထည့်သွင်းစဉ်းစားပြီး နှိုင်းနှိုင်းဆဆ ရှုမြင်တတ်သည့် ယဉ်ကျေးသောအလေ့အထမျိုး   မြန်မာ့လူ့အဖွဲ့အစည်း အတွင်း ရှင်သန်လာစေရေးတတ်နိုင်သူတို့က ကြိုးပမ်းထိန်းကျောင်းပေးကြစေလို သည်။

တစ်ဆက်တည်းမှာပင် နိုင်ငံတော်အဆင့်၊ ပြည်နယ်၊ တိုင်းဒေသကြီးအဆင့် အပါအဝင် အဆင့်ဆင့်သော တာဝန်ရှိကြသူ များ၏လုံခြုံရေးကိုအထူးဂရုပြုကြစေလို သည်။ NLD အစိုးရတာဝန်ရှိသူများသည် ပြည်သူ တင်မြှောက်သောအစိုးရဖြစ် သည်  နှင့် အညီ ပြည်သူနှင့်တစ်သားတည်းရှိကြောင်း၊ အခွင့်ထူးခံကြသူများမဟုတ်ကြောင်း ပေါ်လွင်စေရန်အတွက် လူထုကြားသို့ မကြာခဏ ဆိုသလိုထွက်ကာ ပြည်သူများနှင့် တွေ့ဆုံလေ့ရှိကြသည်။ အရေးကြီးပုဂ္ဂိုလ်လုံခြုံရေးတာဝန်ယူရသူများအနေဖြင့် မိမိတို့ လုံခြုံရေးယူ ရသောအရေးကြီးပုဂ္ဂိုလ်သည် ထိုသို့ လူအမြောက်အမြားကြားထဲတွင် ရောက်ရှိနေသောအချိန်သည် ထိန်းချုပ်ရအခက်ဆုံးအချိန်ဖြစ်သ လို တစ်ဖက်လုပ်ကြံ လိုသူများအနေဖြင့်လည်း လုံခြုံရေးဟာကွက်အများဆုံး လုပ်ရကိုင်ရအလွယ်ကူဆုံး အချိန်ဖြစ်ကြောင်း သတိချပ် သင့်ပါသည်။ ချစ်သူခင်သူမည်မျှပင်ရှိစေ မုန်းသူ တစ်ယောက်ရှိလျှင်ပင် မိမိဘက်မှဆုံးရှုံးမှုများ ဖြစ်ပေါ်နိုင်ပါသည်။

အချုပ်အားဖြင့်ဆိုရသော် ဦးကိုနီဖြစ်ရပ်ကို သင်ခန်းစာရယူ၍ အလားတူဖြစ် စဉ်များ ထပ်မံမပေါ်ပေါက်စေရေးနှင့် နိုင်ငံတော်ေ ခါင်းဆောင်များအပါအဝင် အများပြည်သူတို့၏လုံခြုံရေးကို ပိုမိုအလေးပေးဆောင်ရွက်သင့်ပါကြောင်းတိုက်တွန်း အပ်ပါသည်။ အမျိုးသား ဒီမိုကရေစီအဖွဲ့ချုပ်၏ ဗဟိုဥပဒေအထောက်အကူပြု အဖွဲ့ဝင် ရှေ့နေဦးကိုနီ လုပ်ကြံခံရပြီးကွယ်လွန်ခြင်းအတွက် မိသားစုနှင့်ထပ်တူ ဝမ်းနည်းကြေကွဲမိပါကြောင်း အလေးအနက်ဖော်ပြအပ်ပါသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*