ပြည်သူတီးတဲ့ တရားစည် ပီပီသသမြည်ပါစေ

ပြည်သူတီးတဲ့ တရားစည် ပီပီသသမြည်ပါစေ
January 19, 2017 Asian Fame

3:53 pm
ပြည်သူတီးတဲ့ တရားစည် ပီပီသသမြည်ပါစေ

Tayar Si-3

ဟစ်တိုင်၊ လူထုအော်သံ၊ ပြည်သူ့အသံ၊ အယ်ဒီတာ့ထံပေးစာ စသည်ဖြင့် ခေါင်းစဉ်အမျိုးမျိုးပေးကာ ပြည်သူတို့၏ ပြဿနာ၊ အခက်အခဲနှင့် နစ်နာမှုများ အတွက် သတင်းစာ၊ ဂျာနယ်များ၌ နေရာပေးဖော်ပြကြသည်။ အဘယ့်ကြောင့်ဆိုသော် ဖွဲ့စည်းပုံအခြေခံဥပဒေအရ ပြည်သူတို့တွင် လွတ်လပ်စွာ ဖော်ထုတ်ပြောဆိုခွင့် ရှိခြင်းကြောင့်နှင့် ထိုအခွင့်အရေးကို စည်းကမ်းနည်းလမ်းတကျ အသုံးပြုရန်လိုအပ်၍ ဖြစ်သည်။ သို့သော် ပြည်သူ့အသံစစ်စစ်ကို မကြားမမြင်သော နားမျက်စိတို့ဖြင့် အလေးဂရုမထားပါက စေတနာသည် ကံ၊ အမှန်တရား ဒဏ်ခတ်ခြင်းကို ခံကြရပါလိမ့်မည်။ ထိုယုံကြည်တန်ဖိုးထားမှုနှင့်ပင် ပေါ်ပြူလာနယူးစ်ဂျာနယ်အနေဖြင့် မြန်မာပြည်သူတို့အတွက် တရားစင်မြင့် ဖွင့်ပေးလိုက်ရခြင်းဖြစ်ပြီး မိမိတို့၏ အမှန်တကယ် နစ်နာမှုများ၊ အဖိနှိပ်ခံရခြင်းများ၊ အဂတိတရားများနှင့် အပစ်ပယ်ခံ တရားမျှတခြင်းတို့အတွက် ကြိုဆိုလက်ကမ်းအပ်ပါသည်။

အညစ်အကြေးအရည်များနှင့် အမှိုက်များအား အများပြည်သူသွားလာနေသော လမ်းမကြီးပေါ်သို့
နေ့စဉ် လာရောက်၍ စည်းကမ်းမဲ့စွာ စွန့်ပစ်နေမှုအား အရေးယူပေးပါရန်

သို့
ဝန်ကြီးချုပ်၊
ပဲခူးတိုင်းဒေသကြီးအစိုးရအဖွဲ့
ပဲခူးမြို့

နေ့စွဲ။ ။ -၁၂-၂ဝ၁၆

အကြောင်းအရာ။ ။ ဈေးဝယ်စင်တာတစ်ခုမှ အညစ်အကြေး အရည်များနှင့် အမှိုက်များ အား အများပြည်သူသွားလာနေသော လမ်းမ ကြီးပေါ်သို့ နေ့စဉ်လာရောက်၍ စည်းကမ်းမဲ့ စွာ စွန့်ပစ်နေမှုအား အရေးယူပေးပါရန်နှင့် ¤င်း ဈေးဝယ်စင်တာတစ်ခုတွင် ကိုယ်ပိုင် အမှိုက်သိမ်းယာဉ်ထားရှိစေရန် ညွှန်ကြားချက် ထုတ်ပြန်ပေးပါရန်။

အထက်အကြောင်းအရာပါကိစ္စနှင့် ပတ်သက်၍ ပဲခူးမြို့၊ ရန်ကုန်-မန္တလေးလမ်းမကြီး ပေါ်တွင် ဖွင့်လှစ်ထားသော ဈေးဝယ်စင်တာ တစ်ခုမှ ¤င်းတို့ ဃနညအနမ ရှိ စားသောက်ဆိုင် များမှ ထွက်ရှိသောအမှိုက်များနှင့် အညစ်အ ကြေးများကို ပလတ်စတစ်အိတ်အပြာများဖြင့် ထုပ်ပိုး၍ ၂၉ လမ်း လမ်းမပေါ်သို့ နေ့စဉ် စည်းကမ်းမဲ့စွာလာရောက်စွန့်ပစ်နေပါသည်။ ဈေးဝယ်စင်တာတစ်ခုသည် စည်ပင်အမှိုက် သိမ်း ဝန်ထမ်းများအား ပိုက်ဆံပေး၍ နံနက် ၅ နာရီ အချိန်ခန့် လူခြေတိတ်ချိန်တွင် ၂၉ လမ်းပေါ်သို့ တိတ်တဆိတ် လာရောက်စွန့်ပစ် နေသည်မှာ နေ့စဉ်ရက်ဆက်ဖြစ်ပါသည်။ အ မှိုက်သိမ်းစည်ပင်သန့်ရှင်းရေး ဝန်ထမ်းများမှာ လည်း အမှိုက်ထုပ်များနှင့် အမှိုက်ပုံးများအ တွင်းမှ ပြန်လည်ရောင်းစားလို့ရသော ပစ္စည်း များကို မွှေနှောက်ရှာဖွေသောကြောင့် အိတ် များအတွင်းမှ အညစ်အကြေး အရည်များမှာ လမ်းမပေါ်၌ စိုရွှဲကျန်ခဲ့ပါသည်။ အမှိုက်ကား သိမ်းပြီးနောက် အမှိုက်များအား ထပ်မံလာ ရောက်စွန့်ပစ်ကြပါသည်။ ¤င်းထပ်မံစွန့်ပစ် သော အမှိုက်များအား အမှိုက်ကောက်သော သူများမှ ထပ်မံမွှေနှောက်ရှာဖွေပြီး အမှိုက် များအား ပြန့်ကျဲထားခဲ့ကြသောကြောင့် ၂၉ လမ်း၊ လမ်းမပေါ်တွင် အမှိုက်များနှင့်အနံ့ဆိုး ရည်များမှာ ၂၄ နာရီလုံး ဖြစ်နေပါသည်။ ထို့ ကြောင့် ၂၉ လမ်းပတ်ဝန်းကျင်တွင် နေထိုင် သောပြည်သူများမှာ ¤င်းအနံ့ဆိုးများကို နေ့ စဉ်နေ့တိုင်း တစ်နေ့လုံး ရှူရှိုက်နေရပါသည်။ ¤င်းအနံ့ဆိုးများကို နေ့စဉ်ရှူရှိုက်နေကြရ၍ သက်ကြီးရွယ်အိုများ၊ ကလေးသူငယ်များမှာ ကျန်းမာရေးထိခိုက်မှုများ ရှိလာနိုင်ပါသည်။

ပဲခူးမြို့သည် ပဲခူးတိုင်းဒေသကြီး၏ မြို့ တော်ဖြစ်သလို တိုင်းဒေသကြီးအစိုးရရုံးစိုက် ရာ နေရာလည်း ဖြစ်ပါသည်။ ပဲခူးမြို့ ရုံးကြီး ရပ်ကွက်၊ ၂၉ လမ်းဆိုသည်မှာလည်း တိုင်းဒေ သကြီးအစိုးရရုံးတည်ရှိရာနေရာနှင့် အလွန်နီး ကပ်စွာတည်ရှိပါသည်။ ပဲခူးမြို့၏ မြို့လယ် ကောင်အထင်ကရ အဓိကလမ်းမကြီးပေါ်သို့ စည်းကမ်းမဲ့စွာ အညစ်အကြေးအရည်များနှင့် အမှိုက်များအား လာရောက်စွန့်ပစ်သည့်အတွက် ထိုလမ်းမကြီးပေါ်တွင် သွားလာလှုပ်ရှားနေကြ သော အများပြည်သူများနှင့် ကမ္ဘာလှည့် ခရီး သွားများပင်လျှင် ¤င်းအနံ့ဆိုးများကို ရှူရှိုက် နေကြရပါသည်။

သို့ဖြစ်ပါ၍ ပဲခူးမြို့ရဲ့ ကျက်သရေဆောင် နာရီစင်အနီး ရန်ကုန်-မန္တလေးလမ်းမကြီး၊ ပဲခူး မြို့လယ်ကောင် ၂၉ လမ်းမကြီးပေါ်သို့ ဈေး ဝယ်စင်တာတစ်ခု မှ အညစ်အကြေးအရည် များနှင့် အမှိုက်များ ပလတ်စတစ်အပြာထုပ် များ ထုပ်၍ စည်းကမ်းမဲ့စွာ လာရောက်စွန့်ပစ် နေမှုကို အချိန်မီတားဆီးပေးပါရန် ¤င်း ဈေး ဝယ်စင်တာတစ်ခုအား ကိုယ်ပိုင်အမှိုက်သိမ်း ယာဉ်ထားရှိနိုင်ရေးလိုအပ်သလို အရေးယူ ဆောင်ရွက်ပေးပါရန် ၂၉ လမ်း နေ ပြည်သူ များမှတင်ပြတိုင်ကြား အပ်ပါသည်။

ပူးတွဲပါ-
– ၂၉ လမ်းနေ ပြည်သူများ၏ လက်မှတ်ရေးထိုး စာရင်း
– အမှိုက်များ စွန့်ပစ်ထားသည့် ဓာတ်ပုံ
– တည်နေရာပြမြေပုံ
ဦးနိုင်ဝင်းညွန့် (၇/ပခန(နိုင်)၂၄ဝ၅၂၇)
၂၉ လမ်း၊ ရုံးကြီးရပ်ကွက်၊ ပဲခူးမြို့
မိတ္တူကို
-ပဲခူးတိုင်းဒေသကြီးလွှတ်တော်၊ ပဲခူးမြို့။
-ဝန်ကြီး၊ ပဲခူးတိုင်းဒေသကြီး စည်ပင်သာယာ ရေးအဖွဲ့၊ ပဲခူးမြို့။
-ညွှန်ကြားရေးမှူး၊ တိုင်းဒေသကြီး စည်ပင်သာ ယာရေးအဖွဲ့၊ ပဲခူးမြို့။
-အမှုဆောင်အရာရှိ၊ ပဲခူးမြို့နယ် စည်ပင်သာ ယာရေးအဖွဲ့၊ ပဲခူးမြို့။
-ဥက္ကဋ္ဌ၊ ရုံးကြီးရပ်ကွက် အုပ်ချုပ်ရေးမှူးရုံး၊ ပဲခူးမြို့။
-လက်ခံ။

တနင်္သာရီတိုင်းရဲ့ ပညာရေးအပြောင်းအရွှေ့နဲ့ ရာထူးတိုးကို Checking ပြန်လိုက်ပေးပါ

သို့ /
လေးစားအပ်ပါသော
တနင်္သာရီတိုင်းဝန်ကြီးချုပ်
ဒေါက်တာဒေါ်လဲ့လဲ့မော်ရှင့်

တနင်္သာရီတိုင်းရဲ့ ပညာရေးအပြောင်းအရွှေ့ ရာထူးတိုးနဲ့ ပတ်သက်တဲ့ မြို့နယ်၊ ခရိုင်၊ တိုင်းအထိကို ကျေးဇူးပြုပြီး ပြောင်း ရွှေ့ဆရာ၊ ဆရာမတွေအတွက် Checkingပြန်လိုက်ပေးပါရှင်။

ကျွန်မလည်း တစ်ခါတုန်းက ဆရာမ ဖြစ်ခဲ့ဖူးပါတယ်။ အပြောင်းအရွှေ့ရာထူးတိုးအတွက် ငွေမပေးနိုင်လို့ ပြောင်းရွှေ့စာရွက်တွေ ပယ်ဖျက်တာခံခဲ့ရဖူးတယ်။ အဲဒီစနစ်ကို ကျွန်မလက်မ ခံနိုင်တာကြောင့် ဆရာမအလုပ်ကို ကျွန်မသဘောနဲ့ ကျွန်မ နုတ်ထွက်ပြီး ပြည်ပသို့ထွက်သွားတယ်။ ကျွန်မရဲ့ရွေးချယ်မှုကို ကျွန်မ ကျေနပ်ခဲ့တယ်။ အခု ကျွန်မရဲ့ သူငယ်ချင်းတချို့တွေ လုပ်သက်လည်းကြာနေပါပြီ။ အများဆုံး ၇ နှစ်တောင်ရှိနေပါပြီ။ အဲဒါ တောင် ပြောင်းရွှေ့နဲ့ ရာထူးတိုးကို လျှောက်တာ မြို့နယ်ရုံးအထိပဲ စာရွက်ရှိပြီး ခရိုင်ရုံးနဲ့ တိုင်းရုံးအထိ အဲဒီစာရွက်တွေ မရောက် ဘဲ ဖြစ်နေပါတယ်ရှင်။ အကြောင်းရှာလိုက်တော့ နင်ကဘယ်သူနဲ့ လုပ်ထားလို့လဲ။ သူကရော ဘယ်သူ့လူလဲဆိုပြီး အသံတွေ ထွက်လာပါတယ်တဲ့။ နောက်ဆုံးတော့ လာဘ်ထိုးမှုမပါလို့ သူတို့တင်ထားတဲ့ စာရွက်စာတမ်းတွေဟာ မြို့နယ်ရုံးအထိပဲ ရောက်ပြီး ခရိုင်ရုံးနဲ့ တိုင်းရုံးကို ပါမလာတာ ဖြစ်ရပါတယ်ရှင်။ မြို့နယ်ရုံးကတင်ပေးမှ ခရိုင်ရုံးရောက်ပါမယ်။ ခရိုင်ရုံးကတင်ပေးမှ တိုင်းရုံးကို ရောက်ပါမယ်။ တိုင်းရုံးရောက်ပြီးမှ ဆရာ၊ ဆရာမတွေရဲ့အပြောင်း အရွှေ့နဲ့ ရာထူးတိုးကို ရရှိပါမယ် မဟုတ်လား။

အခု ကျွန်မမှာ သက်သေနဲ့ပြဖို့တော့ ဘာမှမရှိပါဘူး။ တနင်္သာ ရီတိုင်းရဲ့ ပညာရေးအပြောင်းအရွှေ့နဲ့ ရာထူးတိုးအတွက်ကိုတော့ ကျွန်မကောင်းကောင်း သိနေပါပြီရှင်။ အဲဒါကြောင့်လည်း အခု သူငယ်ချင်းတွေ ခံစားနေရတဲ့ Feeling ကို ကိုယ်ချင်းစာပြီး အခု စာကို ရေးတာဖြစ်ပါတယ်။ ကျွန်မရဲ့ Post သည် တနင်္သာရီတိုင်း ဝန်းကြီးချုပ်အထိရောက်ချင်မှ ရောက်ပါလိမ့်မည်။ ဒါပေမယ့် ဒီ Post ကို ဟိုလူ Share ဒီလူ Share နဲ့ ဝန်ကြီးချုပ်ဆီရောက်သွားမယ်ဆိုရင် ဆရာ၊ ဆရာမတွေအတွက် ဒီ Post ကို ကျွန်မရေးရကျိုးနပ်ပါတယ်ရှင်။ ကျေးဇူးပြုပြီး တနင်္သာရီတိုင်းရဲ့ ပညာရေးအ ပြောင်းအရွှေ့နဲ့ ရာထူးတိုးကို Checking ပြန်လိုက်ပေးပါဆိုပြီး ဆရာ၊ ဆရာမတွေရဲ့ ကိုယ်စားမေတ္တာရပ်ခံပါရစေရှင်။

တနင်္သာရီတိုင်း ဝန်ကြီးချုပ်ကို လေးနက်စွာ မေတ္တာရပ်ခံသူလေး ကျွန်မ Joyce Sg @ Nway(11.1.2017)

ရွာသာကြီး တိုးဂိတ်မှ ဇာတ်လမ်းတစ်ပုဒ်

ဒီနေ့ ၉-၁-၂ဝ၁၇ မနက် ၁၁ နာရီ ခန့်မှာ ၂ တန်ကုန်ကားတစ်စီး အဆိုပါ Toll ဂိတ်ကို ဖြတ်ဖို့ ရောက်လာပါတယ်။ကားဆရာက ”ညီလေး …ဘယ်လောက်လဲ”လို့ မေးလိုက်ပါတယ်။ ၁ဝဝဝ တဲ့။ ကားဆရာ က ”ဘောင်ချာဖြတ်ပေး ပါ”လို့ တောင်းဆိုလိုက်တယ်။ ဘောင် ချာလာပြတယ်။ ဘောက်ချာပေါ်မှာ ကားနံပါတ်ပဲပါပြီး တန်ချိန်မပါပါ။ အဲဒါနဲ့ ကားဆရာက ကားကိုလမ်း ဘေးထိုးပြီး ဆင်းလာပါတယ်။ ကား ဆရာက ဒီဂိတ်တာဝန်ခံနဲ့ တွေ့ချင်ပါတယ်။ ဘယ်တန်က ဘယ်နှုန်းလဲလို့ ရေးထားတဲ့ ဆိုင်းဘုတ်ကို ပြပါလို့ တောင်းဆိုပါတယ်။

သူတို့က မရှိဘူးတဲ့။ အဲဒါနဲ့ ကား ဆရာက အစိုးရကခွင့်ပြုထားတဲ့ကောက် ခံခွင့်နှုန်းထားရေးထားတဲ့ စာရွက်ကို ကြည့်ချင်ပါတယ်လို့ တောင်းဆိုပါတယ်။အဲဒီအချိန်မှာ တိုးဂိတ်တာဝန်ခံ ဆိုသူရောက်လာပြီး စည်ပင်က ငါတို့ကို လုပ်ပိုင်ခွင့်ပေးထားတာ၊ မဆောင်ရင် ကားကို ပေးမသွားဘူး ဘယ်ကားမဆို ၂ဝဝဝ ထိ ကောက်လို့ရတယ်လို့ ဆိုပြီး ကားတံခါးကို ဖွင့်ပြီး ကားသော့ကို ယူဖို့ ကြိုးစားပါတယ်။ ”အဘ ဖွင့်ရဲရင်ဖွင့်လိုက် ကျွန် တော်က ရဲကို တိုင်လိုက်မှာနော်” လို့ ကားဆရာက ပြောလိုက်မှ တာဝန်ခံ ဆိုသူ အနောက်ဆုတ်သွားပါတယ်။ အဲဒီချိန်မှာ တိုးဂိတ်က လူ ၃၊ ၄ ယောက်က ကားဆရာကို ဝိုင်းပြီး မိုက် ကြေးခွဲပါတယ်။မင်းက ဘာကောင်လဲ၊ မပေးလို့ရ မလား။ ပိုက်ဆံ ၁ဝဝဝ မပေးရင် ထသတ် တော့မယ့်အတိုင်း စတင်ပြုမူပြီး ကား ဆရာရဲ့ရင်ဘတ်ကို လက်ဖြင့် တွန်းလိုက် ပါတယ်။ကားဆရာက ကိုယ်ထိလက်ရောက် စော်ကားမှုနဲ့ ကျွန်တော် ရဲတိုင်မှာနော် ပြောတော့မှ လက်နဲ့ မထိရဲတော့ဘဲ လက်ညှိုးထိုးပြီး ဝိုင်းပြီးဆဲဆို ကြိမ်း မောင်းပါတယ်။အဲအချိန်မှာ အနီးက ကားဆရာ တစ်ဦးက ဝိုင်းပြီးဖြေရှင်းမှ အဲဒီကားဟာ ၃ဝဝ ကျပ်သာ ဆောင်ရမယ့်ကားဖြစ်တာ သိရပါတော့တယ်။ အကယ်၍သာ ကားဆရာက စော ဒကမတက်ဘဲ ၁ဝဝဝ ကျပ် ဆောင်သွား ပါက ကားတစ်စီးလျှင် ၇ဝဝ ကျပ် ဂိတ် မှ လူတစ်စု အိတ်ကပ်ထဲ ဝင်သွားမှာဖြစ်ပါတယ်။ အဆိုပါဂိတ်ကို တစ်ရက်လျှင် ကုန် ကား အစီး ၁ဝဝဝ ဖြတ်မယ်ဆိုပါစို့။

သူတို့ရဲ့ တစ်ရက်ဝင်ငွေ မနည်းဘူး..

၇ဝဝ X ၁ဝဝဝ= ၇သိန်း
တစ်လ = ၃ဝရက် = ၂၁ဝသိန်း
တစ်နှစ် ၃၆၅ ရက်= ၂၅၅၅ သိန်း

ကုန်ကားဆရာ အခွန်ထမ်းပြည်သူ တွေဆီက တစ်နှစ်ကို ၂၅၅၅ သိန်း ကုပ်သွေးစုပ်ယူသွားတာ ခုမှ သိမိတော့တယ်။ ရန်ကုန်မြို့တော် စည်ပင်သာယာ ရေးကော်မတီအနေနဲ့ အဆိုပါဂိတ်များ မှာ ကောက်ခံမည့်နှုန်းထား (မည်သည့် တန်ချိန်ဆို ဘယ်နှကျပ်နှုန်း)ကိုရေးထား သော အနီရောင်ဆိုင်းဘုတ်များ ရေး သားထားပေးဖို့ ကုန်ကားသမားများ ကိုယ်စား မေတ္တာရပ်ခံမိပါတယ်။

၂ တန် ကုန်ကားဆရာ

(မှတ်ချက်။     ။ ဖော်ပြပါ တင်ပြစာများသည် ကာယကံရှင်များ၏ အာဘော်သာဖြစ်ပြီး ပေါ်ပြူလာနယူးစ်ဂျာနယ်၏ အာဘော် မဟုတ်ပါ။)

Comments (0)

Leave a reply

Your email address will not be published. Required fields are marked *

*