YBS ဘယ်လဲ ဘာလဲ

YBS ဘယ်လဲ ဘာလဲ
January 18, 2017 Asian Fame

11:19 am
YBS ဘယ်လဲ ဘာလဲ

PC1

Popular Choice ဆိုသည်က ပေါ်ပြူလာနယူးစ်၏ ရွေးချယ်မှုဟူသည်ထက် တစ်ပတ်အတွင်းဖြစ်ခဲ့သော ထူးခြားမှုများအနက် အများပြည်သူ စာဖတ်သူတို့အတွက် အရေးပါသော၊ အများပြည်သူအပေါ် အသက်ရောက်ဆုံး ဖြစ်စေသော အကောင်းအဆိုးတစ်စုံတစ်ရာကို လုပ်ဆောင်ခဲ့သော လူပုဂ္ဂိုလ်ဖြစ်စေ၊ အဖြစ်အပျက်တစ်ခုခုကိုဖြစ်စေ၊ တီထွင်ဆန်းသစ်မှု သို့မဟုတ် လူသုံးကုန်ပစ္စည်းတစ်ခုခုကိုဖြစ်စေ ပေါ်ပြူလာအဖြစ်ဆုံးဟု ယူဆသည့်အကြောင်းကို ရွေးချယ်တင်ဆက်ခြင်းဖြစ်ပါသည်။

တစ်ပတ်အတွင်း ဖြစ်ပွားခဲ့သည်တို့မှ ကောက်နုတ်တင်ဆက်ခြင်းဖြစ်ရာ စာဖတ်သူတို့၏ အကြိုက်နှင့် ကွဲလွဲကောင်း ကွဲလွဲနိုင်သော်လည်း ထိုကွဲလွဲမှုသည်ပင် မတူညီသော အမြင်များကို သုံးသပ်နိုင်သည်ဖြစ်၍ အသိဥာဏ်နှင့် ရှုထောင့်များသုံးသပ်နိုင်မှု ပိုမိုကျယ်ပြန့်လာစေရန်လည်း ရည်ရွယ်ပါသည်။ အထူးသဖြင့်မူ ပေါ်ပြူလာနယူးစ်၏ စာဖတ်ပရိသတ်တို့အတွက် ရင်းနှီးရ သောအချိန်နှင့် ငွေကြေးအကျိုးမဲ့ မဖြစ်စေဘဲ တစ်ပတ်အတွင်း ထူးခြားမှုတို့ကို သိမ်းဆည်းမှတ်တမ်းပြုနိုင်ရန် ဖော်ပြခြင်းဖြစ်ပါသည်။

ရန်ကုန်တိုင်းဒေသကြီး အစိုးရက စတင်ပြောင်းလဲ ဆောင်ရွက်လိုက်သည့် YBS ကားစနစ်ကား ဝေဖန်သံအဖန်ဖန်ကြားတွင် ပြောင်းလဲမှုသက်တမ်း ၂ ရက် ကျော်ခဲ့ ပြီဖြစ်သည်။ နေ့စဉ်ခရီးသည် ၅ သန်းခန့်ကို လိုရာခရီးပို့ဆောင်ပေးနေသည့် သယ်ယူပို့ဆောင်ရေး စနစ်တစ်ခု ဖြစ်သည်နှင့်အညီ ပြောင်းလဲလိုက်သည့် ကိစ္စမှာ လည်း ခရီးသည်များ အားလုံးအ ပေါ်တွင် တိုက်ရိုက် သက်ရောက်မှုရှိခဲ့သည်။ မထသအဖွဲ့ကြီးကို စတင်ဖျက်သိမ်းပြီဟုဆိုသောအချိန်တွင် ရန်ကုန်တိုင်း ပြည်သူလူ ထုအားလုံးနီးပါး သောင်းသောင်းဖျဖျ ကြိုဆိုထောက်ခံခဲ့ကြသည်။

YBS စနစ် စတင်အသက်ဝင်သည့် ဇန်နဝါရီ ၁၆ ရက်နေ့တွင်မူ ဝေဖန်သူများလည်းရှိသည်။ ဆဲ ဆိုသူများလည်းရှိသည်။ ထောက်ခံသူများလည်း ရှိခဲ့ပြန်သည်။ ယင်းကဲ့သို့ အသံတော်တော်များ များက ဖေ့စ်ဘွတ်ခ် လူမှုကွန်ရက် စာမျက်နှာများပေါ်တွင် သွက်သွက်ညံခဲ့သည်ကို အားလုံးသိရှိပြီးပင် ဖြစ်သည်။ ယခုလည်း ဝေဖန်ဆဲ၊ ထောက်ခံဆဲပင်ဖြစ်သည်။ ထို့အတူ အရွေ့တစ်ခုကို ဝိုင်းဝန်းအင် တိုက်အားတိုက် ကူညီနေသူများလည်းရှိနေဆဲဖြစ်သည်။ ယင်းအ တူ ငြိမ်သက်အသားကျသည့် အ ခြေအနေတစ်ခုကိုကား ရောက်ရှိ ရန်လိုနေဆဲဖြစ်သည်။ သို့ဆိုလျှင် YBS ၏ ၂ ရက် ကျော်အတွင်းအားနည်းချက်၊ အားသာချက်များကို ကြည့်ကြပါ စို့….။

ကောင်းသောအပြောင်းအလဲ ဖြစ်ခဲ့သော်လည်း မူလစတင် အကောင်အထည်ဖော်မှုနှင့် ကြိုတင် ပြင်ဆင်မှုအပိုင်းတွင် အားနည်းခဲ့ သည်ကိုကား သိသာစွာမြင်တွေ့ရ မည်ဖြစ်သည်။ စတင်အကောင်အထည်ဖော်စဉ်က ယာဉ်လိုင်းပေါင်း ၅၉ လိုင်းပြေးဆွဲရန် စီစဉ်ထားသော်လည်း စတင်ပြေးဆွဲသည့်နေ့မှာ ပင် လိုအပ်ချက်အရ နောက်ထပ် ဆယ်လိုင်းထပ်မံ တိုးချဲ့ရမှု၊ ယခင် သတ်မှတ်ထားသောအမှတ် ၅၇ ယာဉ်လိုင်းမှ ကားများ မပြေးဆွဲခဲ့ သည့်အတွက် အခြားအဝေးပြေး ယာဉ်လိုင်းအချို့မှကားများ၊ အခြား အခမဲ့ကြိုပို့ကားများ ပြေးဆွဲပေးခဲ့ ရမှု၊ စတစ်ကာပြောင်းလဲတပ်ဆင် နေမှုကြောင့် ပထမအစရက်တွင် ယာဉ်အစီးရေအပြည့်အစုံ ပြေးဆွဲ ပေး နိုင်ခြင်းမရှိခဲ့မှုများက ကြိုတင် ပြင်ဆင်မှုပိုင်းနှင့် အရန်ပြင်ဆင် ဆောင်ရွက်မှုတွင် အားနည်းခြင်းကို ပေါ်လွင်စေသည်။ ယင်းအခြေအနေများကြောင့် YBS ပထမနေ့တွင် ယာဉ်စီးခရီးသည်များ ယခုကဲ့သို့ အခက်အခဲ များကြုံတွေ့ခဲ့ရသည်။ တိုင်းအစိုးရက မိနစ်ခြားအလိုက် ကားများဆက်တိုက်လွှတ်ပေးရန် စီစဉ်ထားသော်လည်း နာရီ ဝက်ကြာသည်အထိ ကားမလာသော မှတ်တိုင်များ ရှိခဲ့သည်။

ခရီးသည်ဦးရေနှင့် ယာဉ်အ စီးရေမမျှတသည့်အတွက် ရုံးတက်ရုံးဆင်းချိန်များတွင် ခရီးသည်များ ကြပ်ညပ်စွာ စီးရခြင်း၊ ယခင်ကား တစ်ဆင့်တည်း စီးနင်းရသည့် ခရီး စဉ်များတွင် ယခု ယာဉ်သုံးဆင့်ခန့် ပြောင်းလဲစီးနင်းရခြင်းနှင့် ယင်း အတွက် အချိန်နှင့် ငွေကြေးပိုမို ကုန်ကျခြင်းတို့အပြင် အဆိုးရွားဆုံးအဖြစ် စပယ်ယာနှင့် ယာဉ်အချို့ တို့၏ ယာဉ်စီးခပိုမိုကောက်ခံမှု၊ ရိုင်း ပြစွာပြောဆိုမှု၊ ယာဉ်ပြိုင်မောင်းမှုများ ဆက်လက်ရှိနေခြင်းက ခရီးသည်များအတွက်ကြီးစွာသော အ ဆင်မပြေမှုများ ဖြစ်ခဲ့သည်။ ယခင် မော်တော်ယာဉ်လိုင်း ပေါင်းစုံ ထိန်းသိမ်းကြီးကြပ်မှုကော်မတီ(မထသ)ကို ပြည်သူလူထုက ခါးခါးသီးသီးဖြစ်ခဲ့ခြင်းသည် ယင်းကဲ့သို့ ယာဉ်စီးခပိုမိုတောင်းခံခြင်း နှင့် ရိုင်းပြစွာပြောဆိုဆက်ဆံမှုများကြောင့်ပင် ဖြစ်သည်။ ယင်းကြောင့်လည်း YBS စနစ်ကိုအားလုံးက ထောက်ခံခဲ့ခြင်းဖြစ်သည်။ သို့သော် ယခုထိ ကပ်ပါလာသော စနစ်ဟောင်းမှ စပယ်ယာအချို့၏ အကျင့်ဟောင်းများကို ပြင်ဆင်နိုင်ရေးအတွက် ထိရောက်သော ဆောင်ရွက်မှုမျိုး လိုအပ်နေ သည်ကိုလည်း တွေ့ရှိရပြန်သည်။ မဟုတ်ပါက ‘ပြောင်းသော်ပြောင်း ၏ မထူး’ ဖြစ်သွားနိုင်သောကြောင့် ဖြစ်သည်။

YBS ဒုတိယနေ့တွင်မူ ပထမ နေ့လောက် အခြေအနေမဆိုးတော့ကြောင်း ခန့်မှန်းတွေ့ရှိရပြန်သည်။ သို့သော် ကြိုကြား၊ ကြိုကြားတက်လာသော သတင်းအချက်အလက်များအရ ယာဉ်စီးခပိုတောင်းမှု၊ ရိုင်းပြစွာပြောဆိုမှု၊ ယာဉ်အစီးရေ နည်းပါးမှု၊ ကားကျပ်တည်းစွာစီးရမှုများ ဆက်လက်ရှိနေသေး ကြောင်း သိရသည်။

ယင်းတွင် ပြီးခဲ့သည့် ဇန်နဝါရီ လ ၁၆ ရက် (YBS ပထမနေ့)က ပြုလုပ်သော သတင်းစာရှင်းလင်းပွဲတစ်ခုတွင်လည်း ရန်ကုန်တိုင်းဝန် ကြီးချုပ် ဦးဖြိုးမင်းသိန်းက ဘတ်စ် ကားစနစ် ပြောင်းလဲလိုက်ခြင်းအပေါ် ၎င်းကြုံတွေ့နေရသည် အဆင်မပြေမှုများကို ပြန်လည် ပြောကြားခဲ့သည်။ ယင်းတွင် ယာဉ်လိုင်းများအနေဖြင့် မိမိကားမှ ရှာရသည့် ပိုက်ဆံကို မိမိတစ်ဦးတည်းရယူ လိုခြင်းကိစ္စ ဖြေရှင်းနေရကြောင်း ဝန်ကြီးချုပ် ဦးဖြိုးမင်းသိန်းက ထုတ်ဖော်ပြောဆိုခဲ့သည်။ ယင်းအ ပေါ်တွင် YBSမစတင်ခင်ကတည်းက ညှိနှိုင်းဆောင်ရွက်မှုများ၊ ကြို တင်ပြင်ဆင်မှုများ မပြုလုပ်ခဲ့ဘူးလားဟု ဝေဖန်မှုအချို့ကလည်း ပေါ်ထွက်ခဲ့သည်။ ယင်းသတင်း စာရှင်းလင်းပွဲတွင် ဝန်ကြီးချုပ်က ”ခရီးသည်တွေကလည်း ပိုက်ဆံ ပိုပေးရရင် ပေးရပါစေ၊ ကိုယ်လို ချင်တဲ့ခရီးကိုပဲ တိုက်ရိုက်ရောက် ချင်တယ်။ အခုဟာက စနစ်ပြောင်း သွားတဲ့အတွက် ဘယ်ကားစီးရမ လဲ မသိဘူး ဖြစ်နေတယ်။ ဒီအခြေ အနေက တစ်ပတ်လောက်တော့ ဒီလိုမျိုးပဲ။ အသစ်ကို လက်ခံနိုင် အောင်ပေါ့။ စုပေါင်း ဆောင်ရွက် မှုနဲ့။ ပထမဆုံးနေ့မှာ အားလုံး အ ဆင်ချောလိမ့်မယ်လို့  ကျွန်တော် မထင်ဘူး။ ဘာကြောင့်လဲဆိုတော့ ယာဉ်ပိုင်ရှင်ဘက်မှာလည်း အ ခက်အခဲရှိတယ်။ နဂိုမူလ ပုံစံအ တိုင်းပဲ သွားချင်တဲ့ ပုံစံရှိတယ်။ ယာဉ်စီးသူတွေကလည်း အသစ် ဖြစ်သွားတဲ့အတွက် ဒီလုပ်ငန်းနဲ့ ပတ်သက်ပြီး အံဝင်မှုမရှိသေးဘူး။ နောက်တစ်ချက်ကတော့ ကားတွေ တော်တော်ကျပ်တယ်။ ကားလွှတ် ပေးနိုင်တဲ့အချိန်က နည်းနည်းလေး မစိပ်ဘူးဖြစ်နေတယ်။ ဒီအခြေအ နေအပေါ်မှာ အဆင်ပြေအောင် ကျွန်တော်တို့ ဆောင်ရွက်မယ်။ ယာဉ်စီးခကလည်း ကြေညာချက် ထုတ်ပေးမယ်” ဟု ရှင်းလင်း ပြောကြားခဲ့သည်။

ထူးခြားမှုတစ်ခုအနေဖြင့် YBS ပထမနေ့ကတည်းကပင် ရန်ကုန်မြို့ရှိ မှတ်တိုင်များ အားလုံးတွင် တူညီဝတ်စုံဝတ်၍ အခမဲ့ကူညီနေကြသောစေတနာ့ဝန်ထမ်း များ၊ မိမိတို့ စိတ်ဆန္ဒအလျောက် ပါဝင် ကူညီပြေးဆွဲပေးခဲ့ကြသော မော်တော်ယာဉ်ပိုင်ရှင်များ၊ အဝေးပြေးယာဉ်လိုင်းပိုင်ရှင်များ၊ ပရဟိတအဖွဲ့အစည်းများအပြင် YBS Control Center မှ ဒိုင်ခံ တယ်လီဖုန်းဖြင့် တိုင်ကြားမှု၊ မေးမြန်းမှုအပေါင်းကို ဖြေကြားပေးခဲ့ကြသော စေတနာ့ဝန်ထမ်းများကြောင့်လည်း YBS ပထမနေ့နှင့် ဒုတိယနေ့ကား တိုင်းဒေသကြီးအစိုးရနှင့် ခရီးသည်များအတွက် ထိုက်သင့်သလောက် အဆင်ပြေခဲ့သည်ဟု ဆိုရမည်ဖြစ်သည်။

လက်ရှိအချိန်ထိ သိရှိရသော သတင်း အချက်အလက်များအရ ရန်ကုန်မြို့တွင် လက်ရှိ YBS ဘတ်စ်ကားစုစုပေါင်း ၃၄၂၂ စီး မောင်းနှင်လျက်ရှိပြီး ယင်းထဲမှ အစီးရေ ၆၈၅ စီးသည် ယာဉ်ဟောင်းများ ဖြစ်သည့်အတွက် ကားဘီးပေါက်ခြင်း၊ စက်ချို့ယွင်းခြင်း စသည့်အခက်အခဲများ ရှိနေကြောင်း၊ ယင်းကြောင့် ယာဉ်အကောင်း ၂၇၃၇ စီး ရှိနေကြောင်း၊ ထို့ကြောင့် အနည်းဆုံးကား အစီး ၁၂ဝ ထပ်မံ လိုအပ်နေကြောင်း သိရှိရသည်။ ယင်းကားယာဉ်လို အပ်ချက်ဖြစ်သည်။

YBS Control Center မှသိရှိ ရသော သတင်းအချက်အလက်များအရ YBS ပထမ တစ်ရက်တည်းတွင် YBS Control Center သို့ ဖုန်းဖြင့် တိုင်ကြားသော ခရီးသည်များ၏ တိုင်ကြားမှု ၅ဝဝ ခန့်ရှိ ကြောင်း သိရသည်။ တိုင်ကြားမှုများနှင့် ပတ်သက်၍ YBS Control Center တွင် ရောက်ရှိနေသော စေတနာ့ဝန် ထမ်းတစ်ဦးဖြစ်သူ ကိုမင်းသူကျော်က ၎င်း၏ဖေ့စ်ဘွတ်ခ်စာမျက်နှာ ပေါ်တွင် ”မထသ ကားသမားတွေ ပညာပြတဲ့ပြဿနာ၊ လုံးဝလိုင်းမ ထွက်တာတို့၊ ထွက်ရင် ခဏပဲထွက်တာတို့၊ Gas မရှိဘူးဆိုတဲ့ အကြောင်းပြချက်နဲ့ ဂိတ်ပြန်သွားတာတို့၊ လူလုံးဝမတင်ဘဲ မြို့ထဲမှာ လျှောက်မောင်းပြနေတာတို့၊ ကားခ ပိုက်ဆံကို တစ်ထောင်ထိတိုးပြီး ကောက်တာတို့၊ သူများလိုင်းတွေမှာ ဝင်ဆွဲနေတာတို့ စသည်ဖြင့် သူတို့ လုပ်နေကြတာတွေ အများကြီးပါပဲ။ ကားမလုံလောက်တဲ့ ပြဿနာ၊ သွားရမယ့်မှတ်တိုင် မသိတဲ့ ပြဿနာ။ ဒါ့အပြင် YBS ကားတွေ ည ၉ နာရီမှ သိမ်းမယ်လို့ သတ်မှတ်ထားပေမယ့် ကားအတော်များများက ညနေ ၆ နာရီနဲ့ ၇ နာရီလောက်မှာ သိမ်းကုန်ကြပါတယ်။ ကားလမ်းတွေလည်း အရင်ကလိုပဲ ကျော်တက်ကြတယ်။ စည်းကမ်း မရှိကြဘူး။ ခရီးသည်တွေကို အော် ငေါက်ကြတယ်။ မှတ်တိုင်တွေမှာ လည်းမရပ်ဘဲ မောင်းချင်သလို မောင်းကြတဲ့အတွက် ခရီးသည်တွေက အရမ်းဒေါသထွက်ပြီး ဝုန်းဝုန်းဒိုင်းဒိုင်း ဖြစ်ကုန်တဲ့အထိပါပဲ”ဟု ပြန်လည် တင်ပြရေးသားထား သည်။

YBS ဒုတိယနေ့တွင်မူ YBS Control Center သို့ အစိုးရအဖွဲ့ ဝန်ကြီးချုပ်အပါအဝင် တာဝန်ရှိသူများအားလုံး သွားရောက်ခဲ့ပြီးYBS Control Center သို့ တိုင်ကြားလာသော ပြဿနာများအားလုံးကို စစ် ဆေးသွားကြောင်းသိရှိရသည်။ ယင်းကြောင့် အချိန်မီ ပြည်သူလူထု ကြုံတွေ့နေရသော ပြဿနာများ အားလုံးကို တာဝန်ရှိသူများအနေဖြင့် လျင်မြန်စွာဖြေရှင်းပေးနိုင်ရန် အရေးကြီးပြန်သည်။ ထို့ပြင် ရန်ကုန်မြို့ YBS စနစ်အတွက် ယာဉ် စီးရေ ၉ဝဝ ခန့် ထပ်မံလိုအပ်ပြီး ၎င်းကို အစိုးရမှ ကိုယ်တိုင်ဝယ်ယူ ပြေးဆွဲသွားရန် စီစဉ်နေကြောင်းလည်း သတင်းများအရသိရှိရသည်။

အချုပ်ဆိုရသော် ကြိုတင်ပြင် ဆင်မှုအားနည်းခြင်းနှင့် လိုအပ်ချက်ဗရပွနှင့် စတင်ခဲ့သည့်အတွက် အဆင်မပြေမှုများကဖြင့် စစချင်း အဖွင့်တွင် များစွာတွေ့ခဲ့ ရသည်။ သို့သော် အသင်းအဖွဲ့ များ၊ ပြည်သူလူထု အစုစုတို့ ပူး ပေါင်းဆောင်ရွက်မှုဖြင့် YBS ပထမနေ့၊ ဒုတိယနေ့တို့ ကျော်လွန်ခဲ့ပြီဖြစ်သည်။ မည်သို့ပင်ဖြစ်စေ ယခုအချိန်သည် စတင်ခဲ့ပြီးချိန်ဖြစ်သဖြင့် အောင်မြင်အောင် ဆက်လက် ဆောင်ရွက်နိုင်ရန် အားလုံး ပူးပေါင်းရမည့် အချိန်လည်း ဖြစ် သည်။ အပြစ်တင်ခြင်းထက် ထောက်ပြဝေဖန်ခြင်း၊ အပြစ်ပြော ခြင်းထက် အဆင်မပြေမှုများ ချပြ ဆွေးနွေးခြင်းတို့က တိုင်းဒေသကြီး အစိုးရအတွက် ပိုမို၍ လိုအပ် နေမည်မှာ မလွဲပင်ဖြစ်သည်။ ယင်းအတူ တာဝန်ရှိသူများ အနေ ဖြင့်လည်း ပြည်သူလူထု၏ ဝေဖန် ထောက်ပြမှုများအပေါ် ခြုံငုံသုံးသပ်အရေးတယူပြု၍ လိုအပ် သည်များ ပြင်ဆင်ဆောင်ရွက်ကာ ပြည်သူလူထုနှင့် လက်တွဲ၍ အောင်မြင်သည့် စနစ်သစ်တစ်ခုသို့ လျှောက်လှမ်း နိုင်ပါစေကြောင်း ယခုတစ်ပတ် Popular Choice ကဏ္ဍမှ တိုက်တွန်း ရေးသားလိုက်ရပါတော့သည်။

PNews သတင်းအဖွဲ့

Comments (0)

Leave a reply

Your email address will not be published. Required fields are marked *

*