လူထုအားကို အများကြီး လိုသည်

လူထုအားကို အများကြီး လိုသည်
January 11, 2017 Asian Fame

3:34 pm
လူထုအားကို အများကြီး လိုသည်

editor

အယ်ဒီတာ့ အာဘော်

NLD  အစိုးရတက်လာပြီး ပြည်နယ်နှင့်တိုင်းဒေသကြီးအစိုးရအဖွဲ့များကို ဖွဲ့စည်း ပြီးနောက် ရွေးကောက်ပွဲတွင် ပြည် သူကိုကတိက ဝတ်ပြုထားသည့်အတိုင်း ”ပြောင်းလဲ ချိန်တန်ပြီ” ဟူသောဆောင်ပုဒ်ကိုလက်ကိုင်ပြုကာ ပြုပြင်ပြောင်းလဲရေးလုပ်ငန်းများ ကို နိုင်ငံနှင့် အဝှမ်း ဗဟိုအစိုးရ၏ကြီးကြပ်လမ်းညွှန်မှုဖြင့် အကောင်အထည်ဖော် ဆောင်ရွက်ခဲ့သည်မှာ ၁ဝ လအတွင်းသို့ ချဉ်းနင်းဝင်ရောက် လာခဲ့ပြီ ဖြစ်သည်။

ထိုသို့ အပြောင်းအလဲများကိုဆောင်ရွက်ရာတွင် ကန့်ကွက်မှုများ၊ ဝေဖန်မှုများ၊ ပွတ်တိုက်မှုများ၊ ချီးကျူးထောက်ခံမှုများဖြင့် လှုပ်လှုပ် ရှားရှားအရှိဆုံးအစိုးရအဖွဲ့ ကိုပြပါဆိုလျှင် ရန်ကုန်တိုင်းဒေသကြီးအစိုးရအဖွဲ့ကို ပြရပေလိမ့်မည်။ ရန်ကုန်တိုင်း ဒေသကြီး အစိုးရ အဖွဲ့သည် တာဝန်ယူစအချိန်အခါတွင် အပြောင်းအလဲကိုပြသလို ဇောပြင်းပြကာ အဆောတလျင်ဆောင်ရွက်ခဲ့သဖြင့် သင်္ကြန်မဏ္ဍပ်ကိစ္စ ၊ အထပ်မြင့် အဆောက်အအုံတည်ဆောက်ရေးလုပ်ငန်းများ ရုတ်တရက်ရပ်တန့်လိုက်သည့်ကိစ္စ များတွင် ဝေဖန်မှုများမြင့် တက်ခဲ့သော် လည်း တာဝန်ယူသည့်အချိန်ကြာလာသည်နှင့်အမျှ အသားကျလာကာ နောက်ပိုင်းတွင်ပို၍ တည်တည်ငြိမ်ငြိမ်ရှိလာခဲ့သည်မှာလည်း အမှန်ပင်ဖြစ်သည်။

ရန်ကုန်မြို့လယ်မှ များပြားလှစွာသော လမ်းဘေးဈေးသည်များရှင်းလင်းပြီး  ညဈေးတန်းတည်ဆောက်အကောင်အထည်ဖော်မှု၊ ယာဉ်ကြောရှုပ်ထွေးမှုကို အထောက် အပံ့ဖြစ်စေရန်အတွက် ကွန်တိန်နာယာဉ်ကြီးများအား ညပိုင်းသို့ပြောင်းလဲပြေး ဆွဲ စေမှုများ ကိုကိုင်တွယ်ရာတွင် ယခင်ထက်ပိုမိုတည်တည်ငြိမ်ငြိမ်ရှိလာသည်ကို တွေ့ရသည်။

ယခုအခါတွင်လည်း ယာဉ်လိုင်းပေါင်း ၃ဝဝ ကျော်ဖြင့် ရန်ကုန်မြို့တွင်း ခရီး သည်ပို့ဆောင်ရေးလုပ်ငန်းများကို ဆောင်ရွက်နေ သည့် မော်တော်ယာဉ်လိုင်းပေါင်းစုံ ထိန်းသိမ်းရေးအဖွဲ့ (မထသ)၏ လုပ်ငန်းများကိုရပ်တန့်ကာ ရန်ကုန်တိုင်းဒေသကြီး သယ်ယူပို့ ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ကိုဖွဲ့စည်းပြီး ယာဉ်လိုင်း ပေါင်း ၆ဝ ဖြင့် စနစ်ပြောင်းကာပြေးဆွဲမည်ဟု   ကြေညာလိုက်ြ ခင်းဖြင့် ကြီးမားသော စိန်ခေါ်မှုအသစ်တစ်ခုကို စတင်လိုက်ပြီဖြစ်သည်။

ထိုသို့စနစ်သစ်ဖြင့် ပြောင်းလဲပြေးဆွဲလိုက်သောကြောင့် ယခင်ကဲ့သို့ ယာဉ် လိုင်းပေါင်းစုံ မြို့တွင်းသို့စုပြုံဝင်မလာတော့သဖြင့် ယာဉ် လမ်းကြောများ သိသိသာသာ ရှင်းလင်းသွားမည်ဖြစ်သည်။ အများပိုင်ယာဉ်လိုင်းများဖြစ်သောကြောင့် အပြိုင် အဆိုင်အလုအယက်   မောင်းစရာမလိုတော့သဖြင့် ယာဉ်မောင်းနှင့် ယာဉ်နောက် လိုက်များစိတ်ဖိစီးမှု မရှိတော့သလို လိုက်ပါစီးနင်းမည့် ပြည်သူများ ပိုမိုလုံခြုံမှုရှိလာခြင်း၊ လူစီးများဝင်ငွေကောင်းသည့် ပင်မလမ်းကြောင်းကြီးများတွင်သာ ယာဉ်လိုင်းများ စုပြုံမနေတော့ဘဲ အခြားလိုအပ် သည့် နေရာများကိုပါ လမ်းကြောင်းကွန်ရက် ချဲ့ထွင် လာနိုင်သဖြင့် ပြည်သူများ ပိုမိုအဆင်ပြေလာခြင်းစသော ကောင်းကျိုးများရှိလာသလို အဆင့်ဆင့်ပြောင်းစီးရသဖြင့် အချိန်ပိုကုန် ငွေပိုကုန်ခြင်း၊ ငွေပေးချေသည့်စနစ် မကောင်းမွန်သေးသည့်အတွက် ဝင်ငွေအပြည့်အဝမရရှိ ဘဲ အဂတိလိုက်စားမှုများ ရှိပြီး အများပိုင်ကုမ္ပဏီများ နစ်နာမှုရှိနိုင်ခြင်း၊ နိုင်ငံတကာတွင်လည်း အများပြည်သူ သယ်ယူပို့ဆောင်ရေးလုပ် ငန်းမှာ အကျိုးအမြတ်ကိုအဓိကမထားဘဲ ဆောင်ရွက်ရ သည့်လုပ်ငန်းမျိုးဖြစ်ရာ အများပိုင်ကုမ္ပဏီများ ရေရှည်ရပ်တည်နိုင်ရေးအတွက် အစိုးရက နည်းအမျိုးမျိုးဖြင့်ဆောင်ရွက်ပေးရခြင်း စသော စိန်ခေါ်မှုများလည်း ရှိနေမည်ဖြစ်သည်။ ပိုမိုကောင်းမွန်ပြီးနိုင်ငံတကာဆန်သော သယ်ယူပို့ဆောင်ရေး စနစ်တစ်ခု ပေါ်ထွန်းလာရေး ပြည်သူလူထုကလည်း ပူးပေါင်းပါဝင်ကြရန်တိုက်တွန်း လိုသည်။

 မော်တော်ယာဉ်ခရီးသည်ပို့ဆောင်ရေးစနစ်အပြောင်းအလဲနှင့်အတူ ဟန်ချက် ညီပြောင်းလဲသင့်သော အခြားတစ်ခုမှာ ရန်ကုန်မြို့ပတ် ရထားစနစ် ပြောင်းလဲရေးနှင့် အဆင့်မြှင့်တင်ရေးပင်ဖြစ်သည်။ သို့မှသာ ခရီးသည်ဝန်အားမျှတပြီး ပိုမိုကောင်းမွန် သောအခြေအနေသို့ ဆိုက်ရောက်လာမည်ဖြစ်ကြောင်း အကြံပြုလိုသည်။

အချုပ်အားဖြင့်ဆိုရသော် နှစ်ရှည်လများအသားကျနေသော စနစ်ဟောင်းတစ်ခု မှ ပိုမိုကောင်းမွန်သောစနစ်တစ်ခုသို့ ကူးပြောင်းရာ တွင် အချိန်လိုသည်၊ ငွေလိုသည်၊ ပြောင်းလဲနိုင်စွမ်းသော ခေါင်းဆောင်လိုသည်၊ တတ်သိပညာရှင်များလိုသည်၊ ကျွမ်းကျင်သူများလို သည်။ အဓိကလိုအပ်ချက်မှာ ကျယ်ပြန့်သောအမြင်၊ မြင့်မားသော အတွေးအခေါ်များဖြင့် ပူးပေါင်းပါဝင်လာမည့် လူထုအားကို အများကြီးလိုသည်။

အယ်ဒီတာ

Comments (0)

Leave a reply

Your email address will not be published. Required fields are marked *

*