11:06 am
၂ဝ၁၇ နှစ်သစ် အခါသမယတွင် ပြည်ထောင်စု မြန်မာနိုင်ငံသူ၊ နိုင်ငံသား အပေါင်း ဘေးဘယာ ဝေးကွာ၍ ကိုယ်၏ ကျန်းမာခြင်း၊ စိတ်၏ ချမ်းသာချင်းနှင့်ပြည့်စုံကြပါစေ လိုအင်ဆန္ဒများ မတောင့်တဘဲ ပြည့်ဝကြပါစေကြောင်း ဦဦးစွာ နှုတ်ခွန်းဆက် မေတ္တာ ပို့သအပ်ပါသည်။
ဤသို့ဆိုလျှင် ‘ပြည်သူတို့ မတောင့်တဘဲ ပြည့်ဝလိုကြသောဆန္ဒများမှာ အဘယ် နည်း’ ဟု မေးခွန်း ထုတ်စရာဖြစ် လာသည်။ ပြည်သူ တို့ သည် ခေတ်မီ လိုကြသည်။ ပညာရေးတွင် နိုင်ငံတကာ အဆင့်မီ ပညာတတ်များကို မွေးထုတ်ပေးနိုင်သော ခေတ်မီ ပညာရေး စနစ်ဖြစ် လိုကြသည်။ ကျန်းမာရေးတွင်လည်း မြန်မာတစ်နိုင်ငံလုံးကို အကြားအလပ် မကျန်ရလေအောင် လွှမ်းခြုံနိုင်သော ခေတ်မီ ကျန်း မာရေးစောင့် ရှောက် မှုမျိုးကို အလိုရှိကြသည်။ လမ်းပန်း ဆက်သွယ်ရေးနှင့် မြို့ပြများ ကိုလည်း အမြန် ခေတ်မီ ဖွံ့ဖြိုးစေလိုကြသည်။ စီးပွားရေး တွင်လည်း ဒေသတွင်း နိုင်ငံများနှင့် ရင်ပေါင် တန်းနိုင်ရုံမက ကမ္ဘာကို ဝင်ဆံ့သော စီးပွားရေး အခြေခံကောင်းများ၊ ပြည်ပ ရင်းနှီးမြှုပ်နှံမှုများ၊ အလုပ်အကိုင် အခွင့်အလမ်းများဖြင့် ဖြစ်စေလိုကြသည်။ ပြည်သူ့ ဆန္ဒ ဆိုသည်မှာလည်း ထိုအရာများ ပင်ဖြစ်ကြ သည်။ ခြုံ၍ ဆိုရသော် ပြည်သူ တို့သည် ကြီးပွား တိုးတက်လိုကြသည်။
သို့ဖြစ်ရာ အစိုးရ၏ အုပ်ချုပ်ရေး မဏ္ဍိုင်တွင် ပါဝင်ကြသူများက နိုင်ငံခေတ်မီရေး ရေတိုရေရှည် အစီအမံများကို ချမှတ်ဆောင်ရွက်ကြ ရမှာဖြစ်သလို၊ ဥပဒေပြုရေးတွင် ပါဝင် သူများကလည်း ခေတ်နှင့် အံဝင်ခွင်ကျဖြစ်အောင် ဥပဒေများကို အသစ်ပြဋ္ဌာန်းခြင်း ၊ ပြင်ဆင်ခြင်း၊ ဖြည့်စွက်ခြင်း တို့ကို ဆောင်ရွက်ကြ ရတော့မည်ဖြစ်သည်။ အလားတူပင် တရားရေး မဏ္ဍိုင်ကလည်း မတရားမှုများ၊ အနိုင် အထက် ပြုမှုများ၊ လာဘ်ပေး လာဘ်ယူမှု များပပျောက်၍ တရားဥပဒေ စိုးမိုးရေးကို အထောက်အပံ့ဖြစ်စေရန် တော် တည့်မှန် ကန်သော တရားစီရင်ရေး စနစ် ပီပီပြင်ပြင် ဖြစ်ပေါ်လာရေး ဆောင်ရွက် အကောင်အထည် ဖော်ကြရမည်ဖြစ်ရာ အခက်အခဲများ စိန်ခေါ်မှု များစွာ ရှိမည် မှန်သော်လည်း ထိုအခက်အခဲ စိန်ခေါ်မှု များကြားမှပင် အကောင်အထည် ဖော်ကြ ရမည်ဖြစ်သည်။
ထိုသို့ နိုင်ငံကို ခေတ်မီရေး ဆောင်ရွက်ရာတွင် အခြေခံအကျဆုံး လိုအပ်ချက်မှာ ဦးဆောင်သူများ၏ အတွေးအခေါ် ခေတ်မီရေးနှင့် ထိုအတွေးအခေါ် ကို အကောင် အထည်ဖော်နိုင် စွမ်းသော စီမံခန့်ခွဲမှု ပညာရှိရေးပင်ဖြစ်သည်။ ထိုအခြေအနေရှိ သူများ ကဦ ဦးဆောင်မှသာ ခေတ်မီရေး လမ်းကြောင်းပေါ် ရောက်ရှိပြီး မှန်ကန်သော စနစ် တစ်ခုတွင် လည်ပတ်နိုင်မည်ဖြစ်သည်။
ဦးဆောင်သူများ သာမက လိုက်ပါ အကောင်အထည် ဖော်ကြရမည့် ပြည်သူ အားလုံးတွင်လည်း ခေတ်မီသော အမြင်၊ ကျယ်ပြန့်သော အတွေး၊ မှန်ကန် မျှတသော အယူအဆ များဖြစ်ပေါ်လာရေး အတွက် ပညာပေး ဆောင်ရွက်မှု များကိုလည်း အချိန်ယူ လေ့ ကျင့်ဆောင် ရွက် ကြရန် လိုအပ်နေသေးသည်။ ထိုသို့ အစိုးရရော ပြည်သူ လူထုပါ ဟန်ချက် ညီညီဆောင်ရွက်နိုင် ပါမှ နိုင်ငံခေတ် မီပြီး ပြည်သူ တို့ကြီးပွား တိုးတက်မည်ဖြစ်သည်။
ဤနေရာတွင် စစ်မှန်သော ကြီးပွား တိုးတက်မှုရရှိရန် လိုအပ်သော အရည်အချင်း များနှင့် ပတ်သက်၍ ပါမောက္ခချုပ် ဆရာတော် ဒေါက် တာ အရှင်နန္ဒမာလာဘိဝံသ၏ မိန့်မှာချက်ကို ကောက်နုတ် ဖော်ပြလိုသည်။ ဆရာတော်ကြီးက ”စစ်မှန်သော တိုးတက်ကြီးပွားမှု ရရှိနိုင် ရန် ယုံကြည်ချက် ခိုင်မာခြင်း၊ ကိုယ်ကျင့်တရား ကောင်းမွန် ခြင်း၊ သုတပညာကျယ်ပြန့်စွာ ဆည်းပူးခြင်း၊ ကိုယ်ကျိုး စွန့်နိုင်ခြင်း၊ အမြော် အမြင် ကြီးမားခြင်း တို့သည် လိုအပ်သော အရည်အချင်းကောင်း များဖြစ်သည်” ဟု နှစ်သစ် မင်္ဂလာသြဝါဒ ကထာတွင် ထည့်သွင်း မိန့်ကြားတော် မူခဲ့သည်။
ဆရာတော် ဘုရားကြီး၏ အဆုံးအမကို ခံယူရင်း ၂ဝ၁၇ ခုနှစ်ကို ပြည်တောင်စု မြန်မာနိုင်ငံသား အားလုံး ကြီးပွား ချမ်းသာသော မင်္ဂလာနှစ်သစ်ဖြစ်အောင် ကြိုးပမ်း အကောင်အထည်ဖော်နိုင်ကြပါစေကြောင်း ဆုမွန်ကောင်းတောင်း ရေးသားဖော်ပြ အပ်ပါသည်။
အယ်ဒီတာ