ဂယောက်ဂယက် ချောက်အိပ်မက်မှ မနိုးထခဲ့သော ၂ဝ၁၆ မြန်မာ့စီးပွားရေး

ဂယောက်ဂယက် ချောက်အိပ်မက်မှ မနိုးထခဲ့သော ၂ဝ၁၆ မြန်မာ့စီးပွားရေး
December 28, 2016 Asian Fame

11:04 am
ဂယောက်ဂယက် ချောက်အိပ်မက်မှ မနိုးထခဲ့သော ၂ဝ၁၆ မြန်မာ့စီးပွားရေး

economy

မကြာခင် ရက်ပိုင်း ဆိုလျှင် ၂ဝ၁၆ ခုနှစ် ကုန်ဆုံး၍ ၂ဝ၁၇ ခုနှစ်တွင်း သို့ ချင်းနင်း ဝင်ရောက်တော့မည် ဖြစ်သည်။ နှစ်ဟောင်း တစ်နှစ်ပြီး ၍ နှစ်သစ် တစ်ခု သို့ ကူးပြောင်းပါက အတိတ် များကို နှစ်ဟောင်းမှာ ထားလိုသူများ ရှိပေမည်။ သို့သော် တစ်နှစ်လုံးဖြစ်ပေါ် ခဲ့သော နိုင်ငံရေးနှင့် စီးပွားရေး အခြေအနေ များကမူ အရိပ် ကဲ့သို့ လိုက်ပါ လာဦးမည်သာ ဖြစ်သည်။

လတ်တလော အခြေအနေတွင် ဒေါ်လာဈေး မငြိမ်သက်မှုသည် စီးပွားရေး လုပ်ငန်းရှင်များ သာမက သာမန် လူတန်းစားများပါ စိတ်ဝင် စား လာရလောက် အောင်အထိ အတက်အကျ အနိမ့်အမြင့်ကြမ်းလှ သည်။ သို့သော်လည်း ယခင်နှစ် နှစ်စပိုင်းဖြစ်သော ဇန်နဝါရီလ ၁ရက်နေ့ ဗဟိုဘဏ်၏ ရည်ညွှန်း ငွေလဲ လှယ်နှုန်းသည် တစ်ဒေါ်လာလျှင် ၁၃ဝဝ ကျပ် အထိ မြင့်တက်ထားသည်။ ထို့နောက် ကြားလ များဖြစ်သော NLD အစိုးရ တက်လာခါစ လများတွင် ဒေါ်လာဈေးများ ၁၁၆၈ ကျပ်အထိ ကျဆင်းသွားခဲ့ပြီး တရိပ်ရိပ် ပြန်လည်မြင့် တက်လာနေရာမှ နောက်ဆုံး ၁၄ဝဝ ကျပ် ဝန်းကျင် ပေါက်ဈေး ရှိနေသည်ကို တွေ့ရသည်။

ဆောက်လုပ်ရေးကဏ္ဍ ဂယက်

အပြည်ပြည် ဆိုင်ရာ ငွေကြေး ရန်ပုံငွေအဖွဲ့ (IMF) ၏ ထုတ်ပြန်မှုတွင် မြန်မာ့စီးပွားရေး ပထမ ခြောက်လ နှေးကွေးရသည့် အကြောင်း ရင်းများထဲ တွင်  ဆောက်လုပ်ရေး လုပ်ငန်းများ ရပ်ဆိုင်းခံခဲ့ရ ခြင်းက အဓိက အကြောင်းရင်း တစ်ရပ်အဖြစ်ပါနေ သည်ဟုဆိုသည်။

ဧပြီလ ၁ ရက်တွင် NLD အစိုးရ တက်လာပြီး နောက် မေလ ၁၄ ရက်တွင် ရန်ကုန်တိုင်း ဒေသကြီး အစိုးရအဖွဲ့ အသစ်၏ ဝန်ကြီးချုပ် ဦးဖြိုးမင်းသိန်းက ကိုးထပ်နှင့် အထက် အထပ်မြင့် အဆောက်အအုံ စီမံ ကိန်းအားလုံးကို ရပ်နားရန် ညွှန်ကြားခဲ့သည်။ ယင်း ကဲ့ သို့ ဆောက်လုပ်ရေး စီမံကိန်းများ ရာနှင့်ချီ ရပ်နားခဲ့ ရသည့် အတွက် ငွေကြေးနစ်နာမှု များရှိခဲ့ပြီး ဆောက် လုပ်ရေး လုပ်ငန်းခွင် များတွင် လုပ်ကိုင်သည့် အခြေခံ အလုပ်သမား များအထိ နစ်နာမှုများ ဖြစ်ခဲ့ကြသည်။ သို့သော်လည်း နောက်ဆုံးတွင် ပြန်လည် ခွင့်ပြုခဲ့ရ သည် သာဖြစ်သည်။ မူဝါဒတစ်ခုအား ချမှတ်ပြီး မကြာ ခဏ အပြောင်းအလဲ လုပ်တတ်သော သဘောကို တွေ့ရသည်။

မူဝါဒဆိုင်ရာ ဝေဝါးမှု

ယခု၂ဝ၁၆ ခုနှစ် တစ်နှစ်လုံး၏ စီးပွားရေး အခြေ အနေများကို သုံးသပ်မည် ဆိုပါက ၂ဝ၁၅ ခုနှစ် နိုဝင် ဘာလ ၈ ရက်နေ့ တွင် ပြုလုပ်ခဲ့သော ရွေးကောက်ပွဲနှင့် ၄င်း မတိုင်ခင် အခြေအနေမှ စတင်ရမည်ဖြစ်သည်။ အဘယ်ကြောင့် ဆိုသော် မြန်မာ့ စီးပွားရေး တုံ့နှေးမှု အစ သည် ရွေးကောက်ပွဲ မတိုင်ခင်လများမှ စတင်ခဲ့ခြင်း ဖြစ်သည်။ ယခင် သမ္မတဟောင်း ဦးသိန်းစိန် လက်ထက် တွင် မြန်မာ့ စီးပွားရေးသည် ဖွံ့ဖြိုး တိုးတက်မှု အထိုက် အလျောက် ရှိခဲ့သော်လည်း ရွေးကောက်ပွဲ နီးကပ်လာ သည်နှင့် အမျှ အစိုးရသစ် မည်သူ ဖြစ် လာမည်ကို စောင့် ကြည့်ခဲ့ကြသောကြောင့် စီးပွားရေး လုပ်ငန်းအချို့ နား ခဲ့ကြသည်။ အစိုးရသစ် ၏ မူဝါဒကို စောင့်ကြည့်ခဲ့ကြ သည်။ သို့သော်လည်း အစိုးရသစ်သည် ၄င်းတို့၏ စီး ပွားရေးမူဝါဒ များကို လေးလအကြာ ဇူလိုင်လ ၂၉ရက် နေ့တွင် ထုတ်ပြန်ခဲ့သည်။ သို့သော် လည်း စီးပွားရေး လုပ်ငန်းရှင် အများစုကမူ အဆိုပါ မူဝါဒနှင့်ပတ်သက် ၍ အသေးစိတ် အချက်အလက် များကို ပိုမို သိရှိ လို ကြောင်း ဝေဖန်ခဲ့ကြသည်။ အစိုးရ အကူးအပြောင်းကာ လများတွင် ရပ်ဆိုင်းခဲ့သော စီးပွားရေး လုပ်ငန်းများမှာ လည်း ဆက်လက်၍ ရပ်တန့်နေဆဲပင် ဖြစ်ခဲ့သည်။

အစိုးရ၏ စီးပွားရေး ဆိုင်ရာ မူဝါဒများကို လေ့လာ ကြည့်ပါက တိုင်းဒေသကြီးနှင့် ပြည်နယ်များရှိ သယံ ဇာတများ မှန်ကန်စွာ ခွဲဝေ သုံးစွဲခွင့် စသော အချက်များ နှင့် အလုပ်အကိုင် ဖန်တီးရေးကို ပိုမိုအားပေးထား သော မူဝါဒများကို တွေ့ရမည် ဖြစ်သကဲ့သို့ နိုင်ငံပိုင် စီးပွားရေး လုပ်ငန်းများ ပိုမို အောင်မြင်စေရန် ဆောင် ရွက်ခြင်း၊ ပြုပြင်ပြောင်းလဲ လုပ်ကိုင်နိုင်ခြေ ရှိသော လုပ်ငန်းများကို ပုဂ္ဂလိကပိုင် အဖြစ် ပြောင်းလဲ  လုပ် ဆောင်ခြင်းစသော ယခင်အစိုးရ လက်ထက်က လုပ် ကိုင်ခဲ့သော မူဝါဒအတိုင်း ဆက်လက် လုပ်ဆောင်မှု များကို လည်း မြင်တွေ့ရမည် ဖြစ်သည်။ မြန်မာနိုင်ငံ၏ စီးပွားရေး ဆိုင်ရာ ပြဿနာ များစွာ ရှိနေရာ တန်ဖိုးမြှင့် ထုတ်ကုန်များ မထုတ် လုပ်နိုင်ခြင်း၊ ပြည်တွင်း အခြေခံ အဆောက်အအုံ အားနည်းခြင်း၊ ကျွမ်းကျင် လုပ်သား ရှားပါးခြင်း၊ ဥပဒေနှင့် လုပ်ထုံး လုပ်နည်းများ ခိုင်မာမှု မရှိခြင်း၊ ဘဏ်လုပ်ငန်းများ အားနည်းခြင်း၊ ငွေကြေးမူ ဝါဒ ဆိုင်ရာ ပြဿနာများ ရှိနေခြင်းစသော ပြဿနာ များနှင့် တကွ အခက်အခဲ များစွာရှိနေသည်မှာ ငြင်းဆို ၍မရနိုင်ဖြစ်သည်။

အမေရိကန် စီးပွားရေး ပိတ်ဆို့မှု ပြုသော်လည်း မြန်မာနိုင်ငံ၏ စီးပွားရေး ပြဿနာမှာ နိုင်ငံခြားရင်းနှီး မြှုပ်နှံမှုများ ဝင်ရောက်မှု နည်းနေခြင်း အပြင် ငွေ ဖောင်းပွမှုနှုန်း၊ ပြည်တွင်း အသားတင် ထုတ်လုပ်မှု တန်ဖိုး (GDP) နည်းပါးခြင်း၊ ဘဏ္ဍာရေးနှင့် ကုန် သွယ်ရေး လိုငွေ များ၊ ပြည်ပကို ဆပ်ရန် ကျန်ရှိသော ကြွေးများ၊ ယခင် တပ်မတော် အစိုးရ လက်ထက် တရုတ်နှင့် လက်ခံထားခဲ့သော စီးပွားရေး ဆိုင်ရာ ကိစ္စ များသည်လည်း အစိုးရ အတွက် ဖြေရှင်းရ ခက်နေ ပုံပေါ်သည်။ ထူးခြား ကောင်းမွန်သည့်အ ချက်မှာ အမေရိကန် နိုင်ငံ အနေဖြင့် မြန် မာနိုင်ငံ အပေါ် ချမှတ်ထားသော စီးပွားရေး ပိတ်ဆို့မှု (Sanction) ရုပ်သိမ်းသော အမိန့် ကြေညာစာကို အောက်တိုဘာ ၇ ရက်နေ့တွင် ထုတ်ပြန်လိုက်ခြင်း ဖြစ်သည်။ နိုင်ငံတော် အတိုင်ပင် ခံပုဂ္ဂိုလ် ဒေါ်အောင်ဆန်းစုကြည်၏ အမေရိကန် ခရီးစဉ်နှင့် အတူ ကျောက်စိမ်း၊ ပတ္တမြားအပါအဝင် လက်ဝတ် ရတနာများ တားဆီးပိတ်ဆို့မှု၊ မြန်မာနိုင်ငံ နှင့် ဘဏ်လုပ်ငန်း၊ ငွေကြေးလွှဲပြောင်းမှု လုပ်ငန်း ဆိုင် ရာ ဒဏ်ခတ် ပိတ်ဆို့မှုများ ကိုပါ ရုပ်သိမ်းပေးခဲ့ခြင်း ဖြစ်သည်။

NLD ၏ စီးပွားရေး အကြံပေး မစ္စတာ ရှောင်တာနယ်လ်ကမူ အစိုးရ အနေဖြင့် စီးပွားရေးဖွံ့ ဖြိုးရေး လုပ်ဆောင်ရာတွင် ကိစ္စအတော် များများ သည် ဖြေရှင်းရခက်နေပြီး မည်သည့် အခြေအနေ ကစ၍ ဖြေရှင်းရမည် ဆိုသည်ကို မပြောနိုင်လောက်အောင် ရှုပ်ထွေးနေသည် ဟု ပြောဆိုခဲ့ဖူးသည်။

နိုင်ငံတော်၏ မက်ခရို စီးပွားရေး အခြေအ နေအရ စုစုပေါင်း ပြည်တွင်း ထုတ်လုပ်မှုနှင့် ဝန်ဆောင်မှု တန်ဖိုး (ဂျီဒီပီ) သည် ခန့်မှန်း ထားသည်ထက် လျော့နည်းနိုင်ပြီး စီးပွား ရေး တိုးတက်မှုနှုန်း သည်လည်း ခန့်မှန်းသည်ထက် လျော့နည်းနိုင်၍ စိုးရိမ် မိကြောင်း နိုင် ငံတော် သမ္မတ ဦးထင်ကျော်က ပြောဆို သေးသည်။

နိုင်ငံခြား ရင်းနှီးမြှုပ်နှံမှု ဘာကြောင့်နည်း

တစ်ဖန် နိုင်ငံခြား ရင်းနှီးမြှုပ်နှံမှုများ ဘက်ကို ကြည့်ပါက ၂ဝ၁၆-၂ဝ၁၇ ဘဏ္ဍာနှစ် အတွင်း ဒီဇင် ဘာလလယ် အထိ မြန်မာနိုင်ငံသို့ လာရောက် လုပ် ကိုင်သော နိုင်ငံခြား ရင်းနှီးမြှုပ်နှံမှုမှာ အမေရိကန် ဒေါ်လာ ၃ ဘီလျံကျော် ရှိခဲ့သော်လည်း ကာလ တူ နှိုင်းယှဉ် ပါက နိုင်ငံခြား ရင်းနှီးမြှုပ်နှံမှု ၁ ဒသမ ၃ ဘီလျံ လျော့နည်းခဲ့သည် ဟု မြန်မာနိုင်ငံ ရင်းနှီးမြှုပ်နှံ မှု ကော်မရှင်က ထုတ်ပြန်ထားသည်။ ဒီဇင်ဘာလ လယ်အထိ မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ခွင့်ပြုပေးခဲ့သော နိုင်ငံခြား ရင်းနှီးမြှုပ်နှံမှု လုပ်ငန်း ပေါင်းမှာ ၇၈ ခုရှိခဲ့ပြီး ရင်းနှီးမြှုပ်နှံမှု တိုးမြှင့်ခြင်း အပါအဝင် စုစုပေါင်း ရင်းနှီးမြှုပ်နှံမှု ပမာဏ အမေ ရိကန်ဒေါ်လာ ၃ ဒသမ ၄၆ဝ ဘီလျံ ရှိခဲ့သည်။ သို့ သော်လည်း ယခင်နှစ် ကာလတူအချိန်က စီးဝင်ခဲ့ သော နိုင်ငံခြား ရင်းနှီးမြှုပ်နှံမှု ပမာဏမှာ ယခုထက် ပိုမိုများ ပြားခဲ့ပြီး ၄ ဒသမ ၉၆ ဘီလျံ ရှိခဲ့သောကြောင့် ယခင်နှစ်ထက် ၁ ဒသမ ၃ ဘီလျံ လျော့နည်းခဲ့ ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ သိရသည်။ လက်ရှိ အစိုးရ အနေဖြင့် ရင်းနှီးမြှုပ်နှံမှုများကို ဖွင့်ပေးထားသည် ဟုသာပြော ဆိုသည်။ ပြင်ပ ရင်းနှီး မြှုပ်နှံမှု များ ကို တာဝန်ခံကာ ဖိတ်ခေါ်ခြင်းမျိုး အား နည်းနေသည်ဟု စီးပွားရေး လုပ်ငန်းရှင် အသိုင်းအ ဝိုင်းက ဆိုသည်။

ကုန်သွယ်ရေးလိုငွေ

ကုန်သွယ်ရေး အခြေအနေကို ကြည့်မည်ဆိုပါက လည်း ပို့ကုန်လိုအပ်ချက် များပြားနေသည့် အပြင် အဓိက နယ်စပ် ကုန်သွယ်ရေး စခန်းဖြစ်သော မူဆယ်ရှိ ၁ဝ၅ မိုင် ကုန်သွယ်ရေး စခန်းကို နိုဝင်ဘာလ ၂ဝ ရက်နေ့ နံနက်ပိုင်းက လက်နက်ကိုင် ပူးပေါင်းအဖွဲ့ တစ်ခုက ပစ်မှတ်ထား တိုက်ခိုက်ခဲ့သည့် အတွက် ကုန်သွယ်ရေး ရပ်ဆိုင်းလု နီးပါး ဖြစ်ခဲ့ရကာ ပြည်တွင်းပို့ ကုန်များ သောင်တင်မှု များ ဖြစ်ခဲ့ သည်။ ပြည်ပ ပို့ကုန် ထက် ပြည်ပမှတင်သွင်းသော သွင်းကုန်သည် ပို၍ များပြား လာသည်နှင့် အမျှ ကုန်သွယ်ရေး လိုငွေပြမှု လည်း များပြား လာပြီး ပြည်တွင်း ဒေါ်လာ လိုအပ်ချက် မြင့်မားလာသလို မြန်မာကျပ်ငွေ တန်ဖိုးသည်  လည်း ဆက်လက် ကျဆင်းခဲ့ သည်။ အမှန် တကယ် တွင် မြန်မာကျပ်ငွေ တန်ဖိုး ကျဆင်းမှုသည် အ ကြောင်းအရင်းပေါင်းစုံ၍ ဖြစ်လာသည်ဟု ဆိုနိုင် သော်လည်း အဓိက အကြောင်း အရင်းမှာ လိုငွေ များခြင်းနှင့် နိုင်ငံခြား အရန်ငွေ နည်းပါးခြင်းသာ လျှင်ဖြစ်သည်။ ဗဟိုဘဏ်နှင့် အစိုးရသည် ထို သို့သော အခြေ အနေတွင် တိုက်ရိုက် ထိန်း ကျောင်း၍ မရနိုင်သော်လည်း သွယ်ဝိုက်သော နည်းလမ်းဖြင့် ထိန်းကျောင်းနိုင်သည်။ သို့သော် လည်း ဖြေရှင်းရန် နောက်ကျမှုများကြောင့် စီး ပွားရေး လုပ်ငန်းရှင်များအကြား ဝေဖန်စရာ များစွာ ဖြစ်ပေါ်ခဲ့သည်။

တစ်နှစ် အတွင်း ဖြစ်ပေါ်ခဲ့သော နိုင်ငံ့ စီးပွားရေး အခြေအနေသည် အတက်အကျ များ ဖြစ်ပေါ်ခဲ့သော် လည်း တစ်နှစ်လုံး အနေအထား ကို ပြန်လည် ခြုံငုံ ကြည့်မည် ဆိုပါက အကျဘက်တွင် ရှိနေသည်ဟုသာ အားမနာတမ်း ပြောရမည် ဖြစ် သည်။ နိုင်ငံတော် အစိုးရ အနေဖြင့် မြန်မာနိုင်ငံကဲ့သို့ ရှုပ်ထွေးသော နိုင်ငံရေး အခြေအနေ ရှိသည့် နိုင်ငံတွင် တိုင်းရင်းသား အရေး ငြိမ်းချမ်းရေး စသဖြင့် များစွာ လုပ်ကိုင်နေ ရသည့် အ နေအထားကို နိုင်ငံသားတိုင်း နားလည်ကြသည်။  သို့သော်လည်း ပြည့်ဝမ်းကို ပြည့်စေရန် အတွက်  စီး ပွားရေး ဘက်ကို အားစိုက် လုပ်ကိုင်ရန်လည်း လိုအပ် မည်ဖြစ်သည်။ ထို့အပြင် ‘ပြည့်ဝမ်းကိုလည်း မဖောက် ရာ’ ဟူသော စကားကဲ့ သို့ပင် ပြည် တွင်း လုပ်ငန်းရှင်များ လုပ်ရကိုင်ရ ခက်ခဲစေရန် ရှုပ်ထွေးသော လုပ်ငန်းစဉ် များ ချမှတ်ခြင်းနှင့် မူဝါဒများကို  မကြာခဏပြောင်းလဲ ပစ်ခြင်း က လုပ်ငန်းရှင်များကို လက်တွန့်စေမည်ဖြစ် သည်။

ထို့ကြောင့်  ယခု NLD အစိုးရလက်ထက် ပထမ နှစ်တွင် စီးပွားရေးနှင့် ပတ်သက်၍ များစွာ မဖြစ် ထွန်းခဲ့ကြောင်း ထင်ရှားသည် ။ ပြည်သူ တင်မြှောက် သော ပြည်သူ့အစိုးရအနေဖြင့် လာမည့်နှစ်များအတွင်း လက်တွေ့ကျကျ တိုင်းပြည် စီးပွားရေး တိုးတက် အောင် လုပ်ဆောင်နိုင်ပါစေဟုသာ ဆန္ဒပြုလိုက်ရ ပါသည်။

မှူးအိမ်ဇော်

Comments (0)

Leave a reply

Your email address will not be published. Required fields are marked *

*