လွတ်လပ်စွာ ပြောဆိုခွင့်နှင့် ၆၆ (ဃ) အန္တရာယ်

လွတ်လပ်စွာ ပြောဆိုခွင့်နှင့် ၆၆ (ဃ) အန္တရာယ်
December 14, 2016 Asian Fame

3:36 am
လွတ်လပ်စွာ ပြောဆိုခွင့်နှင့် ၆၆ (ဃ) အန္တရာယ်

66

ယခုနှစ်အတွင်း အများပြည်သူတို့ စိတ်အဝင်စားဆုံးနှင့် အထင်ရှားဆုံး ဥပဒေပုဒ်မမှာ ဆက်သွယ်ရေးဥပဒေပုဒ်မ ၆၆ (ဃ) ပင်ဖြစ်သည်။ ယင်း ပုဒ်မကို ပယ်ဖျက်ပေးရန် သော်လည်း ကောင်း၊ ပြင်ဆင်ပေးရန်သော်လည်းကောင်း၊ လိုအပ်သည့် အချက်များနှင့် နည်းဥပဒေကို ရေးဆွဲ ပေးရန် သော်လည်းကောင်း ဝေဖန်မှုများတောင်းဆိုမှုများ ပေါ်ပေါက်လာခဲ့သလို၊ နိုင်ငံ တော်အကြီးအကဲများကို အသရေဖျက် အပုပ်ချသူတို့အား ပုဒ်မ ၆၆ (ဃ) ဖြင့်ပင် စေတနာ့ဝန်ထမ်း တရားစွဲပေးလျက်ရှိသည့် ကွန်ရက်တစ်ခုပင် ပေါ်ပေါက်လာခဲ့သည်။ ထို့ကြောင့် ၂ဝ၁၆ တစ်နှစ်တာအတွင်း လူအများစိတ်ဝင်စားမှု အရှိဆုံးဖြစ်သည့် ဆက်သွယ်ရေးဥပဒေပုဒ်မ ၆၆ (ဃ) နှင့်ပတ်သက်၍ တစ်နှစ်တာ ပြန်လည်သုံးသပ်၍ ပြည့် ပြည့်စုံစုံတင်ပြလိုက်ရပါကြောင်း။

၆၆(ဃ)ဟု လူသိများလာသော ဥပဒေသည် ၂ဝ၁၃ ခုနှစ်၊ အောက် တိုဘာလ ၈ ရက်နေ့တွင် ပြဋ္ဌာန်းလိုက်သော ဆက်သွယ်ရေး ဥပဒေ၏ အပိုဒ်ခွဲတစ်ခုဖြစ်သည်။ အဆိုပါဥပဒေပါ အခန်း ၁၈ ပြစ်မှုနှင့် ပြစ်ဒဏ်များ အခန်း အပိုဒ် ၆၆(ဃ)တွင် ”ဆက်သွယ်ရေး ကွန်ရက်တစ်ခုခုကို အသုံးပြု၍ ပုဂ္ဂိုလ်တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရားတားဆီးကန့်ကွက်ခြင်း၊ အသေရေဖျက်ခြင်း၊ နှောင့် ယှက်ခြင်း၊ မလျော်သြဇာသုံးခြင်း သို့မဟုတ် ခြိမ်းခြောက်ခြင်း”ဟု သတ် မှတ်ထားသည်။ ထို့အပြင် အဆိုပါဥပဒေ၏ အပိုဒ် ၈ဝ(က) တွင် ”ဤ ဥပဒေပါပြစ်မှုများကို ရဲအရေးယူပိုင်ခွင့်ရှိသော ပြစ်မှုများအဖြစ် သတ်မှတ်ရမည်” ဟု ပြဋ္ဌာန်းထားပြန်သည်။ ထိုသတ်မှတ်ချက် ပြဋ္ဌာန်းချက်နှစ်ခု ကြောင့် ၆၆(ဃ) နာမည်ဆိုးဖြင့် ကျော်ကြားလာရခြင်းဖြစ်သည်။

၆၆(ဃ)ပါအချက်အလက်များအပေါ် တိကျသောအဓိပ္ပာယ် ဖွင့်ဆို ချက်များ မရှိချေ။ အသရေဖျက်ခြင်း၊ နှောင့်ယှက်ခြင်းဆိုသည့် စာသား များအတွက် တိကျသော အဓိပ္ပာယ်ဖွင့်ဆိုချက် မရှိသည့်အတွက် မည် သည့် အဆင့်သည် အသရေဖျက်မှုမြောက်သည်၊ မည်သည့်အဆင့်သည် နှောင့်ယှက်မှုမြောက်သည်ကို ခန့်မှန်းရခက်သည့်အတွက် ဒွိဟမျိုးစုံ ဖြစ် ပေါ်လာသည်။ သူငယ်ချင်းအချင်းချင်း လူမှုကွန်ရက်ပေါ်တွင် စကြ နောက်ကြ၊ ဆဲကြဆိုကြရင်း မကျေမနပ်ဖြစ်လာသည့်အခါ အဆိုပါ အချင်းချင်းဆဲထားသော စာသားများက အဆိုပါဥပဒေနှင့် အလွယ်တကူ အကျုံးဝင်နေပြန်သည်။

စွဲဆိုထားသော အမှုများကို လေ့လာကြည့်မည်ဆိုလျှင် တစ်ခုလပ်ဟု ရေးမိသဖြင့်၊ ပိုက်ဆံချေးပြီး ပြန်မပေးသည်ကို လူလိမ်ဟု လူမှုကွန်ရက် ပေါ်တွင် ရေးမိသဖြင့် စသည်ဖြင့် ဘာမဟုတ်သည့် ကိစ္စများအတွက်ပါ အဆိုပါဥပဒေကို အသုံးချတရားစွဲဆိုမှုများ ပြုလုပ်ကြကြောင်း တွေ့ရသည်။ ဘောမဟု လူမှုကွန်ရက်တွင်ရေးမိသဖြင့် ၆၆(ဃ)ဖြင့် တရားစွဲခံ ရဆိုသည့် ပုံစံမျိုးလည်းရှိသည်။ သတင်းဖတ်လိုက်လျှင် ရယ်စရာဟု ထင် စရာရှိသော်လည်း အမှန်တကယ် တရားစွဲခံရသူမှာ အာမခံပေး၍မရဟူ သောအချက်ကြောင့် အချုပ်ထောင်အတွင်း အရင်စံမြန်းရမည်ဖြစ်သည်။ ရပ်ကွက်အတွင်း အချင်းချင်း ခြိမ်းခြောက်ပြောဆိုသော စကားတစ်ခွန်း ဖြစ်သည့် ”ငါ့ကို လာမပြစ်မှားနဲ့၊ ပြစ်မှားလို့ကတော့ အချုပ်ထဲဝင်ပြီး အာ မခံပါမရဖြစ်သွားမယ်”ဆိုသည့် စကားသည် ၆၆ (ဃ)တွင် အမှန်တကယ် အကောင်အထည်ဖော်လို့ရနေသည့် သဘောဖြစ်သည်။

”ကျွန်တော့်ကို အတင်းဖမ်းတယ်ဗျာ၊ ဖုန်းတွေသိမ်းတယ်ဗျာ။ ဖုန်း ထဲမှာ ဘာတွေရှိလဲဆိုတာတောင် မစစ်ဘူး။ ကျွန်တော်နဲ့အတူ အမှုတွဲ နှစ်ယောက် သူတို့ထောင် အချုပ်ထဲမှာ ၁၅ ရက်လောက် ဝဲအပေါက်ခံပြီး နေလိုက်ရတယ်” မကြာသေးခင်က ၆၆(ဃ) ဖြင့် တရားစွဲဆိုခံရပြီး ထောင်အချုပ်ကျ ရာမှ အာမခံနှင့်လွတ်မြောက်လာသော ပုသိမ်မြို့နယ် ဒီချုပ်ပါတီ ဒုဥက္ကဋ္ဌ ၏ ပြောစကားများ ဖြစ်သည်။ ၆၆(ဃ)ဖြင့် တရားစွဲခံရသည့် ဖြစ်စဉ်တစ်ခုကို လေ့လာကြည့်မည် ဆိုလျှင် အောက်ဖော်ပြပါပုံတွင် ပြထားသည့်အတိုင်း တွေ့ရမည်ဖြစ်သည်။

အာဏာပိုင်အဖွဲ့အစည်းတစ်ခုခု (သို့မဟုတ်) ပြည်သူတစ်ဦးချင်း တစ်ယောက်ချင်းစီက ၆၆(ဃ)ဖြင့် တရားစွဲဆိုလိုသူကို ရဲစခန်းသို့ ဖမ်း ခိုင်း(သို့) တိုင်ကြားစာ ပို့ရမည်ဖြစ်သည်။ ထိုကဲ့သို့ ရဲစခန်းက ဖမ်းဆီးရန် အမိန့်(သို့မဟုတ်) တိုင်ကြားစာရရှိပါက အတိုင်ခံရသူကို ဖမ်းဆီးနိုင်ခွင့် ရှိသွားပြီဖြစ်သည်။ ရဲကို ဖိအားပေးနိုင်လျှင် ပေးနိုင်သလောက် အတိုင်ခံရ သူအတွက် အဖမ်းခံရဖို့ ပိုနီးစပ်သည့်သဘောလည်းတွေ့ရသည်။ ပြည်သူ အချင်းချင်း တိုင်ကြားရာတွင်လည်း ကာယကံရှင်ကိုယ်တိုင် (သို့မဟုတ်) ကြားခံလူတစ်ဦးဦးက တိုင်ကြားလျှင်လည်း တိုင်ကြားမှုမြောက်ကြောင်း တွေ့ရသည်။

အတိုင်ခံရသူ အဖမ်းခံရပြီဆိုသည်နှင့် ကွန်ပျူတာများ၊ ဖုန်းများကို သက်သေခံပစ္စည်းအဖြစ် သိမ်းဆည်းခံရမည်။ ထို့နောက် ရဲအရေးယူပိုင် ခွင့်ရှိသည့် ဥပဒေဖြစ်သည်နှင့်အညီ တစ်ခါတည်း လက်ထိပ်ခတ် ထောင် အချုပ်ထဲထည့်မည်။ ထိုမှတစ်ဆင့် စီအိုင်ဒီသို့ပို့ကာ သက်သေခံပစ္စည်း များကို စစ်ဆေးမည်။ ထိုသို့ စစ်ဆေးသည်ကို စက်ကြီးထဲထည့်သည်ဟု ခေါ်ကြသည်။ မည်သို့မည်ပုံ စစ်ဆေးသည်ကို မသိနိုင်၊ ပြင်ပပညာရှင် များ၏ အကြံပြုချက်၊ သုံးသပ်ချက်များကိုလည်း မရယူကြောင်း တွေ့ရပြန် သည်။ စီအိုင်ဒီစစ်ချက်များ ပြည့်စုံပြီဆိုလျှင် ပို့ဆောင်ရေးနှင့် ဆက်သွယ် ရေးဝန်ကြီးဌာနကို ဆက်လက်ပို့ဆောင်ပြီး ခွင့်ပြုချက် တောင်းခံသည်။ ဝန်ကြီးဌာနအနေဖြင့် စီအိုင်ဒီစစ်ချက်များကိုသာ အတည်ပြုပြီး ပြန်လည် ခွင့်ပြုသည်ကများသည်။ ဝန်ကြီးဌာန ခွင့်ပြုချက်မရသဖြင့် ခံဝန်ဖြင့် ပြန် လွတ်သော အမှုတစ်မှုသာလေ့လာတွေ့ရှိရပြီး ကျန်အမှုများအားလုံး ပို့ ဆောင်ရေးနှင့် ဆက်သွယ်ရေးဝန်ကြီးဌာနက ခွင့်မပြုသည့် အမှုမရှိဟု ဆိုရမည်။

ဘာတွေ မှားနေလဲ

၆၆(ဃ)နှင့်ပတ်သက်၍ ဘာတွေမှားနေလဲဟု လေ့လာသုံးသပ်မည် ဆိုလျှင် ဆက်သွယ်ရေး ဥပဒေစတင်ဖြစ်တည်ရာ ဦးသိန်းစိန်အစိုးရ လက်ထက် ၂ဝ၁၃ ခုနှစ် ခန့်ကိုပြန်သွားရမည်။ ဦးသိန်းစိန်လက်ထက်က တယ်လီကွန်းကုမ္ပဏီများ စတင်ခွင့်ပြုရန် လိုအပ်လာသောအခါ ဥပဒေ တစ်ရပ် အလျင်စလို လိုအပ်လာသည်။ တယ်လီကွန်းကုမ္ပဏီများကို ဥပဒေအရ ထိန်းကျောင်းနိုင်ရန် တယ်လီကွန်းကုမ္ပဏီများနှင့် စားသုံးသူ နိုင်ငံသူ၊ နိုင်ငံသားများအကြား ဖြစ်ပေါ်လာနိုင်သော တရားမမျှတမှုများ အတွက် ဖြေရှင်းဆောင်ရွက်နိုင်ရန် ဥပဒေတစ်ရပ် အရေးပေါ်လိုအပ် လာသည်။ ထို့အတွက် ဆက်သွယ်ရေးဥပဒေပေါ်ပေါက်လာသည်။ သို့ သော် အဆိုပါပြဋ္ဌာန်းလိုက်သော ဆက်သွယ်ရေးဥပဒေတွင် ယခင်စစ် အစိုးရလက်ထက်က နိုင်ငံရေးသမားများကို နှိပ်ကွပ်ရာတွင် အသုံးပြုခဲ့ သော အီလက်ထရောနစ် ထရန်ဆက်ရှင် ဥပဒေတွင် ပါဝင်သော အချက် အလက်များ ပြစ်ဒဏ်လျော့ပေါ့ပြီး ပြန်လည်ပါဝင်လာခြင်းဖြစ်သည်။ ပြန် လည်ပါဝင်လာသော ပုဒ်မများတွင် ၆၆(ဃ) သည်လည်း တစ်ခုအပါအဝင် ဖြစ်သည်။

ဆက်သွယ်ရေး ဥပဒေအခန်း ၂ အပိုဒ်(ဃ)တွင် ”ဆက်သွယ်ရေး ဝန်ဆောင်မှုလုပ်ငန်းတည်ထောင်လုပ်ကိုင်သူနှင့် အသုံးပြုသူတို့ကို ဥပဒေ နှင့်အညီ အကာအကွယ်ပေးရန်”ဟု အတိအလင်း ပြဋ္ဌာန်းထားသည်။ ဆက်သွယ်ရေးဝန်ဆောင်မှုလုပ်ငန်းများနှင့် စားသုံးသူအကြား ဖြစ်ပေါ် လာမည့် ပြဿနာများအတွက် ကာကွယ်ဖြေရှင်းပေးရန်ဟု ရှင်းရှင်းလင်း လင်း သတ်မှတ်ထားသည်။ သို့သော် ဥပဒေပါ ၆၆(ဃ)ကဲ့သို့သော လိုရာ စွဲသုံးနိုင်သည့် ပုဒ်မများကြောင့် ဥပဒေမူလရည်ရွယ်ချက်နှင့် လွဲချော်နေ သော တရားစွဲဆိုမှုများသာ လေ့လာတွေ့ရှိရသည်။ ဆက်သွယ်ရေးကုမ္ပ ဏီများနှင့် စားသုံးသူအကြား ပြဿနာများအတွက် ဥပဒေသုံးဖြေရှင်းရ သည့်အမှုအခင်းများ မရှိသလောက်ဖြစ်သော်လည်း ဥပဒေမူလ ရည်ရွယ် ချက်နှင့် သွေဖည်နေသော မဆိုင်သော အရေးယူဆောင်ရွက်မှုများ၊ အမှု အခင်းများမှာ ဆက်သွယ်ရေးဥပဒေအမြန်ဆုံးပြင်ဆင်ရေးအဖွဲ့၏ သုတေ သနတွေ့ရှိချက်များအရ ယခင်ဦးသိန်းစိန်အစိုးရလက်ထက်တွင် (၅)မှု၊ ယခုအစိုးရလက်ထက်တွင် (၃၄)မှုခန့်ရှိပြီဖြစ်ကြောင်း လေ့လာတွေ့ရှိသည်။

ဆက်သွယ်ရေးဥပဒေကို ယခင်ဦးသိန်းစိန်အစိုးရလက်ထက် ဆက် သွယ်ရေးနှင့် သတင်းအချက်အလက်နည်းပညာဝန်ကြီးဌာနက တာဝန်ခံ ရေးဆွဲခဲ့ခြင်းဖြစ်သည်။ ယခုအစိုးရလက်ထက်တွင် ပို့ဆောင်ရေးနှင့် ဆက် သွယ်ရေးဝန်ကြီးဌာနဟု ပြင်ဆင်ဖွဲ့စည်းခဲ့သဖြင့် အဆိုပါဝန်ကြီးဌာနက ဆက်လက်တာဝန်ခံရမည်ဟု ယေဘုယျသတ်မှတ်နိုင်သည်။ ဆက်သွယ် ရေးဥပဒေနှင့်ပတ်သက်၍ ဝန်ကြီးဌာန၏ တာဝန်ခံမှုအပိုင်းများနှင့် ပတ် သက်ပြီး ဥပဒေတွင် ပုဒ်မခွဲပေါင်းများစွာပါဝင်သည်။ ၆၆(ဃ)နှင့် ပတ် သက်ပြီး တိုက်ရိုက်သက်ဆိုင်သော တာဝန်ခံမှုအပိုင်းပုဒ်မကို လေ့လာ ကြည့်မည်ဆိုလျှင် ဆက်သွယ်ရေးဥပဒေပါ အခန်း (၁၉)အပိုဒ်(၈ဝ)(ခ) တွင် ”ဤဥပဒေအရ ပြစ်မှုတစ်ခုခုဖြင့် တရားစွဲဆိုရာတွင် ဝန်ကြီးဌာန၏ ကြိုတင်ခွင့်ပြုချက်ရယူရမည်”ဟု အတိအလင်း ပြဋ္ဌာန်းထားသည်။ ထိုသို့ သတ်မှတ်ထားသည်မှာ ဝန်ကြီးဌာနဖြင့် ဆက်သွယ်ရေးဥပဒေအပေါ် တာဝန်ခံပြီး ဖြစ်ပေါ်လာသည့်အမှုအခင်းများအပေါ် ဥပဒေ၏ ရည်ရွယ် ချက်များအပေါ်အခြေတည်ပြီး စိစစ်သုံးသပ်နိုင်ရန် တံခါးမှူးသဖွယ် ခန့် အပ်ထားသော တာဝန်ဖြစ်သည်။ ယခု လက်ရှိအမှု အခင်းဖြစ်စဉ်များကို လေ့လာ တွေ့ရှိချက်များအရ ဝန်ကြီးဌာနအနေ ဖြင့် မိမိလုပ်ပိုင်ခွင့်ကို ပြည့်ပြည့်ဝဝ အသုံးမချပဲ တာဝန်ယူမှု တာဝန်ခံမှု မဲ့နေသည်ဟု ဆိုရမည် ဖြစ် သည်။

၆၆(ဃ)အရ အတိုင်ခံရသူအနေဖြင့် တရားစွဲခံရသည်ဆိုသည်နှင့် တစ်ပြိုင်တည်း အာမခံမရနိုင်သည့် ရဲအရေးယူပိုင်ခွင့်ရှိသည့်ပြစ်မှု ဖြစ် သည်နှင့်အညီ ထောင်အချုပ်ထဲ တစ်ခါတည်းဝင်ရမည်ဖြစ်ည်။ ထိုကဲ့သို့ အရေးယူခံရမည့်ပုံစံမှာလည်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်၏ မိန့်ခွန်းများတွင် ထည့်သွင်းပြောကြားလေ့ရှိသော တရား ရုံးကအပြစ်ရှိသည်ဟု အမိန့်မချမချင်း အပြစ်ရှိသည်ဟု မယူဆရဟူသော စကားနှင့်လည်းဖီလာဆန့်ကျင်နေသည်။ အပြစ်ရှိ ရှိ မရှိရှိ ထောင်ထဲ အရင်ဝင်၊ ထောင်အချုပ်ဖြင့် တရားရင်ဆိုင် ဆိုသည့်ပုံစံမှာ မဖြစ်သင့်သော ပုံစံဖြစ်သည်။ အမှန်တကယ် အပြစ်ရှိသူအတွက် ထောင်အချုပ်ထဲဝင်ရ သည်မှာ ပြဿနာမရှိသော်လည်း အပြစ်မရှိသူအတွက် ထောင်ထဲကြို ဝင်ရသည်မှာ တရားစွဲခံရသူအတွက် အလွန်နစ်နာသည်။ အလုပ်ပျက် သည်၊ နာမည်ပျက်သည်၊ မိသားစုဝင်များပါ ဒုက္ခရောက်ရသည်။

၆၆(ဃ)နှင့် အရေးယူဆောင်ရွက်သည့် ပုံစံများကို လေ့လာကြည့် မည်ဆိုလျှင် ဟာကွက် ထောက်ကွက်များ အများအပြားရှိနေသည်။ သက် သေခံပစ္စည်းများအပေါ်တွင် မည်ကဲ့သို့ စစ်ဆေးသည်ဆိုသည့် ကိစ္စရပ် များတွင်လည်း မေးခွန်းထုတ်စရာ အများအပြားရှိနေသလို ဝန်ကြီးဌာန၏ ကြိုတင်ခွင့်ပြုချက်ရယူရမည်ဟူသော သတ်မှတ်ချက်အတွက်လည်း မေး ခွန်းထုတ်စရာ အများအပြားရှိနေသည်။ ဆက်သွယ်ရေးဥပဒေပါ ၆၆(ဃ) နှင့်ပတ်သက်သော အဓိကအကျဆုံး အမှားအယွင်းများမှာ တိကျသော အဓိပ္ပာယ်ဖွင့်ဆိုချက်မရှိခြင်း၊ ဥပဒေရည်ရွယ်ချက်ကို အလွဲသုံးခြင်းနှင့် တစ်ဆင့်ခံ တိုင်ကြားနိုင်ခြင်းတို့ဖြစ်သည်။

နည်းပညာအရ ဘာတွေမှားနေလဲ

၆၆(ဃ)ဖြင့် အရေးယူသည့် အမှုအခင်းများကို ပြောတော့မည်ဆို လျှင် နည်းပညာအကြောင်း မဖြစ်မနေပြောဖို့လိုအပ်လာသည်။ အဘယ့် ကြောင့်ဆိုသော် ၆၆ (ဃ)နှင့် တရားစွဲဆိုခံရသော အမှုအခင်းများအားလုံး သည် လူမှုကွန်ရက်ပေါ်တွင် တစ်နည်းအားဖြင့် ဆက်သွယ်ရေးကွန်ရက် ပေါ်တွင် ဖြစ်ပျက်နေသော အဖြစ်အပျက် များဖြစ်နေခြင်းပင်။

ဆက်သွယ်ရေး ဥပဒေပါပုဒ်မ၆၆(ဃ)၏အဖွင့်တွင် ”ဆက်သွယ်ရေး ကွန်ရက်တစ်ခုခုကိုအသုံးပြု၍”ဟု အစပြုထားသည်။ ဆက်သွယ်ရေး ဥပ ဒေပါ အခန်း(၁)၊ ပုဒ်မ(၃)ဃတွင် ဆက်သွယ်ရေးကွန်ရက်ဆိုသည်မှာ ဆက်သွယ်ရေးနည်းပညာတစ်ခုခုကို အသုံးပြုပြီး ကွန်ရက်အထောက်အကူ ပြုပစ္စည်း၊ ဆက်သွယ်ရေးပစ္စည်း၊ ကွန်ပျူတာ၊ ကွန်ပျူတာကဲ့သို့ အလားတူ ပစ္စည်း ယင်းတို့နှင့် တွဲဖက်အသုံးပြုနိုင်သည့်စနစ်နှင့် ပစ္စည်းကို ကြိုးဖြင့် ဖြစ်စေ၊ ကြိုးမဲ့ဖြစ်စေ အချင်းချင်း ချိတ်ဆက်အသုံးပြုသော စနစ်ကိုဆို သည်ဟု အဓိပ္ပာယ်ဖွင့်ဆိုထားသည်။ ဖုန်းတစ်လုံး(သို့မဟုတ်) ကွန်ပျူတာ တစ်လုံးဖြင့် ကွန်ရက်ချိတ်ဆက်ပြီး ၆၆(ဃ)ကို ကျူးလွန်လျှင် အရေးယူခံ ရမည်ဆိုသည့် သဘောပင်ဖြစ်သည်။

မည်သည့် အမှုအခင်းမဆို တိုင်ကြားရာတွင် သက်သေသည် အဓိက အကျဆုံးဖြစ်သည်။ ၆၆(ဃ)နှင့် တိုင်ကြားစာများကို လေ့လာကြည့်မည် ဆိုလျှင်လည်း လူမှုကွန်ရက်ပေါ်တွင် ရေးသားပြောဆိုထားသော စာသား ရုပ်ပုံများကို ပုံရိပ်ဖမ်းယူပြီး စာရွက်နှင့် ပရင့်ထုတ်ကာ သက်သေအဖြစ် ပူးတွဲကာ တိုင်ကြားကြသည်။ ထိုကဲ့သို့ တိုင်ကြားမှုပုံစံသည် နည်းပညာရှု ထောင့်အရ ကြည့်မည်ဆိုလျှင် အလွန်အမင်း မသင့်တော်သော မဖြစ်သင့် သော သက်သေအထောက်အထားများဖြစ်သည်။ အဘယ့်ကြောင့်ဆိုသော် နည်းပညာသည် ထွေပြားသည်။ လုပ်ကြံဖန်တီးနိုင်သည်၊ အတုပြုလုပ်နိုင် သည်၊ မိမိကိုယ်တိုင် မသိလိုက်ဘဲ မိမိ၏ ဖုန်းအတွင်း ကွန်ပျူတာအတွင်း ကွန်ရက်(သို့မဟုတ်) ကြားခံပစ္စည်း တစ်ခုခုမှဝင်ရောက်ပြီး မိမိလုပ်သကဲ့ သို့ ဖန်တီးလုပ်ကြံ နိုင်သည်။

ထင်ရှားသော ပုံစံတစ်ခုကို နမူနာပြရမည်ဆိုလျှင် ယခု မြန်မာနိုင်ငံ တွင် လူသုံးအများဆုံး လူမှုကွန်ရက်ဖြစ်သော Facebbok ပေါ်တွင် လူ
အများစိတ်ဝင်စားနိုင်သော အက်(ပ်)များဖန်တီးပြီး အသုံးပြုသူ၏ အချက်အလက်များကို လိုအပ်သလို ခွင့်ပြုချက်ရယူနိုင်သည်။ သင့်အစား သင်ကဲ့သို့ သင့်စာမျက်နှာပေါ်တွင် တင်ခွင့်ပြုပါဟူသော ခွင့်ပြုချက် တောင်းခံမှု အပါအဝင်ခွင့်ပြုချက် တောင်းခံမှုပေါင်းများစွာပါရှိသည်။ အဆိုပါ ခွင့်ပြု ချက်တောင်းခံမှုများနှင့် ပတ်သက်၍ လိုက်နာသင့်သည့် အချက်အလက် များကို မသိ၊ နားမလည်သူများသည် သူတို့ သိချင်မြင်ချင်သုံးချင်သော အက်(ပ်)အတွက် အလွယ်တကူ ခွင့်ပြုကြမည်သာ။ နည်း ပညာအသုံးချမှု နှင့် ပတ်သက်လျှင် အသိပညာအလွန်နည်းပါးသော အခြေရှိသည့်အား လျော်စွာ ခွင့်ပြုလိုက်လျှင် ဖြစ်ပေါ်လာမည့် အကျိုးသက်ရောက်မှုကို မမှန်းဆတတ်သူ၊ မသိသူ ၉၅ ရာခိုင်နှုန်းခန့် ရှိမည်ဟု ခန့်မှန်းရသည်။ ထိုကဲ့သို့သောနည်းဖြင့် ခွင့်ပြုချက်ရယူပြီး သမ္မတကြီးကို ဆဲဆိုထားသော စာများကို အသုံးပြုသူခွင့်ပြုသူ ကိုယ်တိုင်မသိလိုက်ဘဲ တင်လိုက်မည်ဆို လျှင် ထိုကဲ့သို့ တင်ထားသောပို့စ်များ၊ ပုံများကို ပုံရိပ်ဖမ်းယူပြီး တိုင်ကြား မည်ဆိုလျှင် နည်းပညာအရ မည်သည့်နည်းနှင့်မျှ မဖြစ်သင့်သော သက် သေအထောက်အထားများဟု ဆိုရမည် ဖြစ်သည်။

နည်းပညာအရ အခြားလုပ်ကြံဖန်တီးနိုင်သော နည်းလမ်းပေါင်း များစွာ ရှိနေပြန်သေးသည်။ ကွန်ပျူတာဗိုင်းရပ်စ်များ ထည့်သွင်း လုပ်ကြံ ခြင်း၊ facebook အကောင့်အား ခိုးယူခြင်း၊ facebook အကောင့်တု ပြုလုပ်ခြင်း၊ Email အား ဖောက်ထွင်းခိုးယူခြင်းစသည်ဖြင့် နည်းလမ်း ပေါင်းသောင်းခြောက်ထောင် ရှိနေသေးသည်။ ထိုကဲ့သို့ လုပ်ကြံ ဖန်တီး နိုင်သောအခြေအနေမျိုးစုံရှိနေသည့်ကြားမှ လူမှုကွန်ရက်ပေါ်တွင် ရေးသားထားသော စာသားများ ဓာတ်ပုံများကို ပုံရိပ်ကူးယူပြီး သက်သေအဖြစ် တင်ပြစွဲဆိုသည်မှာ မဖြစ်သင့်ပေ။ အလုပ်ကြံခံရသူ ယခုပုံစံအတိုင်း ၆၆(ဃ)နှင့် အရေးယူခံရမည်ဆိုပါက အလွန်နစ်နာနိုင်ပေသည်။

လွတ်လပ်စွာ ပြောဆိုခွင့်နှင့် ၆၆(ဃ) အန္တရာယ်

၆၆(ဃ)နှင့် ပတ်သက်ပြီး လူပြောသူပြောများလာချိန်တွင် ၆၆(ဃ)နှင့် တရားစွဲဆိုခံရနိုင်သော အနေအထားအပေါ်မှာ ကြောက်ရွံ့ပြီး မရေးရဲ မပြောရဲ၊ မလုပ်ရဲသော ကြောက်ရွံ့မှုများ ဖြစ်တည်လာနေသည်။ ထိုကဲ့သို့ ဖြစ်တည်လာသော အနေအထားသည် နိုင်ငံတော်အတိုင်ပင်ခံ ဒေါ်အောင်ဆန်းစုကြည်ရေးသားသော စာအုပ်ခေါင်းစဉ် တစ်ခုဖြစ်သည့် ကြောက်ရွံ့မှုမှ ရုန်းထွက်လွတ်မြောက်ခြင်း (Freedom From Fear) နှင့် ဆန့်ကျင်စွာ (Fear For Freedom  ) လွတ်လပ်မှုအတွက် ကြောက်ရွံ့နေရသည့်ဘက်ကို ဦးတည်နေသည်။ ဒီမိုကရေစီစနစ်ကို ဖော်ဆောင်နေသော နိုင်ငံအတွက် မဖြစ်သင့်သော မသွားသင့်သောလားရာဖြစ်သည်။

အမြန်ဆုံး ပြုပြင်ပြောင်းလဲရန်တိုက်တွန်းအပ်သော မူရင်းရည်ရွယ် ချက်များနှင့် လွဲမှားစွာ အသုံးပြုနေသော ဥပဒေဖြစ်သည်။ ဥပဒေပြုရေး ကဏ္ဍကို တာဝန်ယူထားသော လွှတ်တော်တွင်လည်း အဓိက တာဝန်ရှိ သလို၊ တာဝန်ခံရမည့် ဝန်ကြီးဌာနအနေဖြင့်လည်း တာဝန်ခံမှု၊ တာဝန်ယူ မှု အပြည့်ရှိရမည်ဖြစ်သည်။ နိုင်ငံသားတစ်ဦးအနေဖြင့်လည်း မတရား သောဥပဒေကို လက်ပိုက်ကြည့်မနေပဲ ကိုယ်နှင့်မဆိုင်သလို လွှတ်မထားဘဲ အမြန်ဆုံး ပြင်ဆင်နိုင်ရန် တောင်းဆိုရမည်ဖြစ်သည်။ ၆၆(ဃ)ကို အစိုးရလည်းသုံး၊ တပ်မတော်လည်းသုံး၊ လွှတ်တော်အမတ်လည်းသုံး၊ ပါတီကလည်းသုံး၊ ပြည်သူများကလည်းသုံး အားလုံး ပျော်ပျော်ကြီးသုံး နေကြမည်ဆိုလျှင် လွတ်လပ်စွာ ပြောဆိုခွင့်လည်း ဆိတ်သုဉ်းပြီး ဒီမို ကရေစီအနှစ်သာရလည်း ဆိတ်သုဉ်းသွားမည်ဖြစ်ကြောင်း အသိပေးရေး သားလိုက်ရပေသည်။

စိုးသီဟ(ပြည်)

Comments (0)

Leave a reply

Your email address will not be published. Required fields are marked *

*