စိတ်ထားလှဖို့ ပြည်သူ့နီတိကို လေ့လာစို့

ရန်ကုန်လူထု စိတ်ဓာတ်ရေးရာ ပို၍ မြင့်မားလာစေရန်နှင့် စည်းကမ်းပိုရှိ လာစေရန်အတွက် ရန်ကုန်မြို့တော်ဝန် ဦး ဆောင်သည့်အဖွဲ့က ပြည်သူ့နီတိဖြင့်ဖော် ဆောင်သွားရန် ကြိုးပမ်းတော့မည်ဟု သိရ သည်။ ရန်ကုန်တိုင်းဒေသကြီးအတွင်းက အ ခြေခံပညာစာသင်သားတို့မှ တစ်ဆင့်ဟု မြို့တော်ဝန်က ပြောသည်။

ကနဦး ခြေလှမ်းတစ်ရပ်အနေဖြင့် ကျောင်းသားအရွယ် လူငယ်များ၌ ပြည် သူ့နီတိအလေ့အကျင့်ကောင်းများ ရရှိစေ ရေးအတွက် ပြုစုပြီးစီးသွားသည့် ပြည်သူ့ နီတိသင်ရိုးညွှန်းတမ်းကို ဖြန့်ဝေခြင်း၊ ဖတ် ရှုမှတ်သားစေခြင်း၊ မှတ်သားမှုကို ဖြေဆို ခိုင်းခြင်းအစရှိသည့် နည်းလမ်းများဖြင့် တစ်ဆင့်ချင်း ဆောင်ရွက်မည်ဟု သူကဆို သည်။ ရန်ကုန်မြို့တော်ဝန် ဦးမောင်မောင် စိုးက ”မြို့နယ်ပေါင်း ၄၅ မြို့နယ်မှာ မြို့ နယ်အဆင့် ပြိုင်ပွဲတွေ လုပ်မယ်။ ပြီးရင် ဗဟိုအဆင့် ဒီလိုလုပ်မယ်”ဟု ပြောသည်။ သူက ကလေးငယ်များမှ တစ်ဆင့် ကြိုးပမ်းမှုက ပို၍ ထိရောက်သည်ဟုဆို သည်။ မြို့တော်ဝန်ပြောသည့် မြို့နယ်အ ဆင့် ပြိုင်ပွဲများကို ၂ဝ၁၆ ခုနှစ် ဒီဇင်ဘာ နောက်ဆုံးပတ်၊ ဗဟိုအဆင့် ပြိုင်ပွဲများကို ၂ဝ၁၇ ခုနှစ် ဇန်နဝါရီလ ဒုတိယပတ်ထဲတွင် လုပ်မည်ဖြစ်သည်။ ပြိုင်ပွဲများသည် အခြေ ခံမူလတန်းအဆင့်၊ အလယ်တန်းအဆင့် နှင့် အထက်တန်းအဆင့် အားလုံးတို့တွင် ဖြစ်သည်ဟု မြို့တော်ဝန်က ရှင်းပြသည်။ ထိုသို့ လုပ်ဆောင်နိုင်ရန်အတွက် စာ ပေပညာရှင်များဖြစ်သည့် ဆရာကြီးမင်းယု ဝေ၊ ဆရာကြီး ဂုဏ်ထူး ဦးသိန်းနိုင်၊ ဆရာ ကောင်းသန့်၊ ဆရာဟိန်းလတ်တို့က သင် ရိုးညွှန်းတမ်းများကို ရေးဆွဲပေးခဲ့သည်ဟု မြို့တော်ဝန်ထံမှ သိရသည်။

ပြည်သူ့နီတိ

ပြည်သူ့နီတိဆိုသည်ကို ပညာရေးဝန် ကြီးဌာနက ထုတ်ထားသည့် မြန်မာအဘိ ဓာန်တွင် ပြည်သူများ လိုက်နာဆောင်ရွက် ရန် ကျင့်သုံးရန် ကျင့်ဝတ်ဟု အဓိပ္ပာယ်ဖွင့် ဆိုသည်။ ပညာရှင်အချို့ကမူ ပြည်သူတို့၏ အကျိုးစီးပွားကို တိုးပွားအောင်ဆောင်ရွက် ခြင်းဟု ဆိုကြသည်။ မည်သို့ပင်ဆိုစေကာမူ ပြည်သူ့နီတိ သည် လူ့ကျင့်ဝတ်တစ်ခုဖြစ်သည်။ လူ တိုင်းဆောင်ရွက်သင့်သည့် အချက်တို့ကို ကောက်နုတ်ဖော်ပြထားသည့် စာအုပ်ဖြစ်သည်။ပြည်သူ့နီတိက မျက်မှောက်ခေတ် တွင် မြင်တွေ့ ကြုံနေရသည့် စည်းကမ်းမဲ့ မှုများ၊ ရက်စက်ကြမ်းကြုတ်မှုများ၊ ပုဂ္ဂိုလ် ရေးဆိုင်ရာ ချိုးနှိမ်တိုက်ခိုက်မှုများ၊ အတ္တ ကြီးမှုများ၊ ပတ်ဝန်းကျင် အနှောင့်အယှက် ပေးသူများ၊ ကိုယ်ကျိုးသက်သက် အချောင် စီးပွားဖြစ်လိုသူများ အစရှိသည့် နိုင်ငံကြီး သားများ၏ ဂုဏ်အင်္ဂါနှင့် ဆန့်ကျင်နေ သည့် အချက်တို့ကို ယင်းက ဖြေဖျောက် ပေးနိုင်သည့် စွမ်းအားရှိသည်။ ယင်းအပြင် ယဉ်ကျေးလိမ္မာခြင်း၊ အများအကျိုးဆောင် ရွက်လိုခြင်း၊ စည်းကမ်းဥပဒေ လိုက်နာ ခြင်း၊ ရိုးသားရဲရင့်စွာ ပြုမူပြောဆိုတတ် ခြင်း၊ ပတ်ဝန်းကျင်ကို ထိန်းသိမ်းစောင့် ရှောက်တတ်ခြင်း တို့ကိုလည်း လုပ်ဆောင် တတ်စေသည်။

နိုင်ငံနှင့် ပြည်သူ့နီတိ

ကျွန်ုပ်တို့နေထိုင်ရာနိုင်ငံသည်သမိုင်း ကြောင်းအရ ယဉ်ကျေးမှုအရ ကမ္ဘာတွင် အောက်ကျနောက်ကျ နိုင်ငံတစ်ခုမဖြစ်ခဲ့ပေ။ နိုင်ငံသားတို့၏ အရည်အချင်းညံ့ဖျင်း မှုကြောင့်မဟုတ်ဘဲ မှားယွင်းသည့် စနစ် ဆိုးကြောင့်သာ နိုင်ငံတကာတွင် မျက်နှာ ငယ်ခဲ့ရသည်။ ကုန်လွန်ခဲ့သည့် နှစ် ၅ဝ ကျော်ကဆိုလျှင် နိုင်ငံသည် အရှေ့တောင် အာရှတွင် ထိပ်တန်းနိုင်ငံ၊ ကမ္ဘာ့အဆင့်မီ တက္ကသိုလ်ရှိရာ နိုင်ငံ၊ စည်းကမ်းရှိသည့် နိုင်ငံတစ်ခုဖြစ်ခဲ့သည်။ မြန်မာအများစု သွားရောက် အလုပ်လုပ်ကိုင်နေသော နိုင်ငံများတွင် တစ်နိုင်ငံဖြစ်သည့် စင်ကာ ပူနိုင်ငံမျိုးသည်ပင်လျှင် မြန်မာကို လာ ရောက်လေ့လာခဲ့ရသည်။ ထိုသို့သောအ ချိန်တွင် နိုင်ငံ၌ ပြည်သူ့နီတိသည် နိုင်ငံ တစ်ဝန်း ကျယ်ကျယ်ပြန့်ပြန့် ပျံ့နှံခဲ့သည်။ အထူးသဖြင့် စာသင်ခန်းထဲက တစ်ဆင့်ဖြစ်သည်။ အဆင့် တိုင်း သင် ကြရသည်။

ထိုခေတ်ထိုကာလကို မီခဲ့ကြသူများ ထဲမှ ဆရာကြီးမောင်သင်းက ဆောင်းပါး တစ်ပုဒ်တွင် ”ဆရာကြီးဦးအုန်းမောင် ရေး သားတဲ့ပြည်သူ့နီတိကို မူလတန်းမှ အ လယ်တန်းအထိ သင်ကြားခဲ့ရပါတယ်။ နံနက် ကျောင်းစတက်တဲ့ အချိန်မှာ သင်ရ တာပါ။ မူလတန်းမှာ ”ပြည်သူ့နီတိ” (Civics) သက်သက်နဲ့ အလယ်တန်းမှာ ”ပြည်သူ့နီတိနှင့် ကျန်းမာခြင်း” (Civics and Hygiene) ဆိုပြီး သင်ကြားရပါတယ်။ ဆရာကြီးရေးတဲ့ မူလတန်း ပြည်သူ့ နီတိအထဲမှာ ပေါင်းသင်းရေးနှင့် ပညာ ရေး၊ စည်းကမ်းသေဝပ်ရေး၊ မကောင်းမှုကို မပြုသင့်ကြောင်း၊ အချိန်မှန်ခြင်း၊ လမ်း၌ ယဉ်ကျေးမှု၊ ကိုယ်ချင်းစာ၊ ဝတ္တရား ရှိသူ၊ ယဉ်ကျေးမှု၊ မိဘစကားနာယူ အပ် ခြင်း၊ တိရစ္ဆာန်များကိုသနားခြင်း၊ ကျောင်း သမဝါယမ၊ သက်ကြီးပူဇော်ပွဲ၊ ငယ်စဉ်က ပညာသင်အပ်ခြင်း၊ ကျောင်းတာဝန်ခွဲဝေ ထမ်းဆောင်ခြင်း၊ ကျေးရွာတာဝန်ခွဲဝေ ထမ်းဆောင်ရေး၊ ခန္ဓာကိုယ်သန့်ရှင်းရေး၊ အဝတ်သန့်ရှင်းရေး၊ ကျန်းမာရေးနှင့် သန့် ရှင်းရေး၊ ယဉ်ကျေးမှုနှင့်သန့်ရှင်းရေး” စ သည်ဖြင့် သင်ကြားခဲ့ရပါတယ်” ဟု ရေး သားထားခဲ့ဖူးသည်ကို ဖတ်ခဲ့ရသည်။ ကိုယ်တိုင်ကြုံတွေ့ဖူးသူများထဲမှ ဆရာဦးဟိန်းလတ်က အလယ်တန်းအ ဆင့်တွင်
”အုပ်ချုပ်ရေးအခန်း”၊ ”ကျန်းမာ ခြင်းပညာ” ဟူ၍ အပိုင်း ၂ ပိုင်း သင်ရ ကြောင်း ပြောပြသည်။ ”အဓိကကတော့ နိုင်ငံကြီးသား ဖြစ် စေဖို့ပါပဲ”ဟု ဆရာက ပြောသည်။

ယင်းကဲ့သို့ ကောင်းမွန်သည့် ပြည်သူ့ နီတိသည် ၁၉၆၃ ခုနှစ်ကစ၍ ယနေ့ထိ တိုင် စာသင်ခန်းထဲသင်ကြားပေးမှုပျောက် ကွယ်သွားသည်ဟု ဆရာကြီးဂုဏ်ထူး ဦးသိန်းနိုင်နှင့် ဆရာဦးဟိန်းလတ်တို့က ဆိုသည်။ ပျောက်ကွယ်ခဲ့ရသည်ကို ပြန်လည်အ သက်သွင်းရန် ပြီးခဲ့သည့် အစိုးရလက် ထက်က စာပေရပ်ဝန်းဆိုင်ရာ ပညာရှင်အ ချို့ ကြိုးပမ်းခဲ့ကြသေးသော်လည်း အ ကြောင်းကြောင်းကြောင့် မဖြစ်ခဲ့။

ယနေ့ကာလနှင့် ပြည်သူ့နီတိ

ပြည်သူ့နီတိကို စာသင်ခန်းထဲ သင် စေချင်သူဆရာကြီးမောင်သင်းက ”ကျောင်း ကထွက်သွားတဲ့ လူငယ်တစ်ယောက်ကို လေ့ကျင့်ပေးလိုက်တဲ့ အရာအားလုံးအနက် ရင်ထဲ၊ ဦးနှောက်ထဲစွဲကျန်ရစ်မယ့် အဓိက အရာကတော့ ပြည်သူ့နီတိပဲဖြစ်ပါတယ်။ ဒီမိုကရေစီဟာ နိုင်ငံကြီးသား စိတ်ထားြ<ွကယ်ဝတဲ့ ပြည်သူပြည်သားကောင်းတွေ နဲ့မှ အောင်အောင်မြင်မြင် ကျင့်သုံးနိုင်မှာ ပါ”ဟု ပွင့်ပွင့်လင်းလင်းဆိုခဲ့သည်။ ဆရာကြီးအဆိုအရဆိုလျှင် ပြည်သူ တွေ စိတ်ထားလှရန် အထူးသဖြင့် နောင် တစ်ခေတ်၏ သားကောင်းများ စိတ်ထား လှရန် ပြည်သူ့နီတိက ယနေ့ခေတ်အတွက် အရေးပါနေသည်။ ပြည်သူ့နီတိလိုလားသူ စာဖတ်ပရိသတ်တစ်ဦးက ”ခေတ်အဆက် ဆက်ဖြစ်ပေါ်နေတဲ့ ပြဿနာပေါင်းစုံဟာ ပြည်သူအချို့ရဲ့ စာရိတ္တနိမ့်ပါးမှုကြောင့်ပါ။ ဒါကြောင့် လူ့ကျင့်ဝတ် လူ့စည်းကမ်း၊ ပြည်သူ့နီတိ၊ လောကနီတိ တို့ကိုပြန်လည် ဖော်ထုတ်ဖို့လိုနေပါပြီ”ဟု ပြော သည်။ ထိုသို့ ဖော်ထုတ်နိုင်ရန် လွှတ်တော်မှ တစ်ဆင့် လွှတ်တော်ကိုယ်စားလှယ်များက အဆိုတင်ခြင်း၊ တိုက်တွန်းခြင်း နည်းလမ်း အစရှိသည်တို့က ပိုမိုသင့်လျော်ကြောင်း ဆရာ ဦးဟိန်းလတ်က အကြံပြု သည်။

ရန်ကုန်မြို့တော်ဝန်လုပ်မည့် ပြည်သူ့နီတိ

စာပေပညာရှင်များဖြစ်သည့် ဆရာ ကြီးမင်းယုဝေ၊ ဆရာကြီး ဂုဏ်ထူး ဦးသိန်း နိုင်၊ ဆရာကောင်းသန့်နှင့် ဆရာဟိန်းလတ် တို့ပြုစုထားသည့် မူလတန်းအဆင့်၊ အ လယ်တန်းအဆင့်၊ အထက်တန်းအဆင့် သင်ရိုးညွှန်းတမ်းများကို ရန်ကုန် ၄၅ မြို့ နယ်အတွင်းက စာသင်ကျောင်းများသို့ မကြာမီ ရက်ပိုင်းအတွင်း ဖြန့်ဝေတော့မည် ဖြစ်သည်။ နိုင်ငံတွင်ပြုစု ပုံနှိပ်ခဲ့ပြီးသည့် ပြည်သူ့နီတိသင်ရိုးညွှန်းတမ်းထဲက ကောက် နုတ်ထားခြင်း မဟုတ်သည့် ယင်းသင်ရိုး ညွှန်းတမ်းတွင် ယနေ့ခေတ်ကို ထင်ဟပ် သည့် ကဗျာ၊ ဝတ္ထုစာစုနှင့် ပုံပြင်များ ပါရှိ သည်ကို တွေ့ရသည်။

မူလတန်းအဆင့်တွင် မနောက်ပြောင် မိစေရန် ပညာပေးသည့်ဝတ္ထု၊ အများအ ကျိုးဆောင်ရွက်ကြရန် တွန်းအားပေးသည့် ကဗျာ၊ အလယ်တန်းအဆင့်တွင် ချိုသာစွာ ပြောဆိုတတ်ရန်၊ စည်းကမ်းရှိစေရန်၊ ရဲရင့် ခြင်းနှင့် သတ္တိရှိစေရန်၊ မာန်မာနမထားရန် ပညာပေးလမ်းညွှန်သည့် ကဗျာ၊ ပုံပြင်နှင့် ဝတ္ထုများ၊ အထက်တန်းအဆင့်တွင် လေး နက်သည့် စိတ်ထားများရှိစေရန်၊ အများ အကျိုးဆောင်ရွက်ကြရန်၊ သူတစ်ပါးပစ္စည်း အချောင်မယူတတ်စေရန်၊ စွန့်လွှတ်အနစ် နာခံမှု၏ အကျိုးကျေးဇူးစသည့်အကြောင်း အရာတို့ကို အသားပေးထားသည်။ သင်ရိုးပြုစုသူထဲပါဝင်သည့် ဆရာဦးဟိန်းလတ်က ”မေးခွန်း မေးတဲ့အခါ ပြင်ပကအရာတွေ ပို များမယ်။ သင်ရိုးက နမူနာလေး တွေပြတာ” ဟု ပြောသည်။ ရန်ကုန် မြို့တော်ဝန်က ယနေ့ရန်ကုန်ကို စည်းကမ်းရှိသော ဥပဒေလေးစား လိုက်နာသော ဖွံ့ဖြိုးတိုးတက်သော ရန်ကုန်အဖြစ် ဖော်ဆောင်ချင်သည်ဟု ပြော သည်။ ထို့ကြောင့်လည်း ယခု အစီအစဉ်ကိုလုပ်ရသည်ဟု ပြော သည်။

ပြည်သူ့နီတိနှင့်သာ ရှေ့ဆက်ပါ

အတ္တစိတ်ထားကြီးသူ၊ စာနာ စိတ်မဲ့သူ၊ စည်းကမ်းမလေးစားသူ၊ တာဝန်မသိတတ်သူတို့နှင့် တိုင်း ပြည်ကို ဖော်ဆောင်လျှင် တိုင်း ပြည်က ထိုအတိုင်းဖြစ်သွားသည်။ ထို့ကြောင့် တိုင်းပြည်ကို ထိုသူများ မဟုတ်သည့် သူများနှင့်သာ ထူ ထောင်ရမည်။ လိုက်ပါရမည့် ပြည် သူတို့သည်လည်း အခြေခံလိုက်နာ ရမည့် လူ့ကျင့်ဝတ်တို့အား လိုက် နာဖို့လည်းလိုလိမ့်မည်။ ထိုလူ့ ကျင့်ဝတ်ဖော်ဆောင်ပေးနိုင်မည့် အရာက ပြည်သူ့နီတိမှလွဲ၍ တခြား မရှိ။ အမှိုက်ကို နေရာမရှောင် စွန့်ပစ်တတ်သူ၊ ကွမ်းတံတွေးကို တွေ့ရာနေရာ ထွေးသောသူ၊ ပြည်သူပိုင်ပစ္စည်းများကို ဖျက်ဆီး တတ်သူ၊ သနားညှာတာစိတ် ကင်း သောသူ စသည့် အခြေခံလူ့ကျင့်ဝတ် မှမရှိသူတို့နှင့် စည်းကမ်းပြည့်ဝ သည့် ဒီမိုကရေစီနိုင်ငံကို ဖော် ဆောင်နိုင်မည် မဟုတ်သည်က သေချာသည်။ထိုသို့ဆိုလျှင် နိုင်ငံသွားချင် သည့် လမ်းကြောင်းက ရောက် တော့မည်မဟုတ်။ ထိုသူတို့ လုပ် နေသည်ကို ရှင်းနေရရင်းဖြင့် ပတ် ချာလည် အချိန်ကုန်ရတော့မည် ဖြစ်သည်။

ပေါ်ပြူလာနယူးစ်သတင်းအဖွဲ့