ရခိုင်ပြည်နယ်ဆိုင်ရာ အကြံပေးကော်မရှင်ဥက္ကဋ္ဌ ကိုဖီအာနန်၏ သတင်းစာရှင်းလင်းပွဲမိန့်ခွန်း အပြည့်အစုံ

ရခိုင်ပြည်နယ်ဆိုင်ရာ အကြံပေးကော်မရှင်ဥက္ကဋ္ဌ ကိုဖီအာနန်၏ သတင်းစာရှင်းလင်းပွဲမိန့်ခွန်း အပြည့်အစုံ
December 7, 2016 Asian Fame

7:10 am
ရခိုင်ပြည်နယ်ဆိုင်ရာ အကြံပေးကော်မရှင်ဥက္ကဋ္ဌ ကိုဖီအာနန်၏ သတင်းစာရှင်းလင်းပွဲမိန့်ခွန်း အပြည့်အစုံ

kofi

ကျွန်တော်တို့ဟာ စက်တင်ဘာလကစပြီး ရခိုင်ပြည်နယ်က လူငယ်အုပ်စုတွေ၊ ရပ်ရွာလူကြီးတွေ၊ လွှတ်တော်ကိုယ်စားလှယ် တွေ၊ အမျိုးသမီးအစုအဖွဲ့တွေ၊ ကျွန်တော်တို့ကော်မရှင်ကို ဖွဲ့စည်းတာဝန်ပေးခဲ့တဲ့ နိုင်ငံတော်အစိုးရအဖွဲ့ဝင်များစတဲ့ လူ ပုဂ္ဂိုလ်၊ အဖွဲ့အစည်းအများအပြားနဲ့ တွေ့ဆုံခဲ့ပါတယ်။

တွေ့ဆုံဆွေးနွေးရာမှာ ရခိုင်ဒေသက အသိုက်အဝန်းအသီးသီးအကြား ပြန်လည်သင့်မြတ်ရေး၊ လွတ်လပ်စွာ သွားလာခွင့်၊ နိုင်ငံသားစိစစ်ရေးလုပ်ငန်းစဉ်နဲ့ ရခိုင်ပြည်နယ်ရဲ့စီးပွားရေး လူမှုရေး ဖွံ့ဖြိုးမှုတွေကို အဓိကဆွေးနွေးခဲ့တာဖြစ်ပါတယ်။ ပြည် နယ်ရဲ့ ယဉ်ကျေးမြှု<ွကယ်ဝလှတဲ့ ရှေးဟောင်းအမွေအနှစ်များကို ထိန်းသိမ်းဖို့နဲ့ စောင့်ရှောက်ဖို့ကိုလည်း ဆွေးနွေးဖြစ်ပါတယ်။ ဒီကိစ္စရပ်တွေကို ကျွန်တော်တို့ သမ္မတကြီးနဲ့လည်း ဆွေးနွေးခဲ့ပြီး ယနေ့မနက်ပိုင်း နိုင်ငံတော်အတိုင်ပင်ခံပုဂ္ဂိုလ်၊ တပ်မ တော်ကာကွယ်ရေးဦးစီးချုပ်တို့နဲ့ တွေ့ဆုံရာမှာလည်း ဆွေးနွေးခဲ့ပါတယ်။

ဒီနေရာမှာ ကော်မရှင်ရဲ့လုပ်ငန်းတာဝန်ကို သတိမူနိုင်စေဖို့ ထပ်မံသတိပေးပြောပြလိုပါတယ်။ ကော်မရှင်ရဲ့လုပ်ငန်းတာဝန် က ရခိုင်ပြည်နယ်မှာ ပြန်လည်သင့်မြတ်ရေး အားပေးမြှင့်တင်နိုင်ဖို့၊ ဒေသခံအဖွဲ့အစည်းတွေ အားကောင်းစေဖို့၊ ဖွံ့ဖြိုးမှုတိုး တက်ရရှိစေဖို့၊ ပဋိပက္ခများကို ဖြေရှင်းဖို့၊ လူသားချင်း စာနာထောက်ထားမှု အကူအညီတွေပေးဖို့ ဘယ်လိုအားပေး မြှင့်တင်နိုင် မယ်ဆိုတဲ့ နည်းလမ်းတွေကို နိုင်ငံတော်အစိုးရထံ အကြံပြုချက်များ တင်ပြပေးဖို့ ဖြစ်ပါတယ်။ ရခိုင်ပြည်နယ်မြောက်ပိုင်းမှာ မကြာသေးခင်ကဖြစ်ပွားခဲ့တဲ့ အကြမ်းဖက်မှုတွေကိုကြည့်ရင် ကော်မရှင်ရဲ့ လုပ်ငန်းတာဝန် တွေ အရေးကြီးပုံနဲ့ အဆောတလျင် ချက်ချင်းဆောင်ရွက်ဖို့လိုအပ်ကြောင်း အထင်အရှားတွေ့နိုင်မှာ ဖြစ်ပါတယ်။

ရခိုင်ပြည်နယ်မြောက်ပိုင်းမှာ မကြာသေးခင်က အကြမ်းဖက်မှုဖြစ်ပွားခဲ့တဲ့ နယ်မြေဒေသတွေနဲ့ တည်ငြိမ်အေးချမ်းမှု မပျက်ပြားခဲ့တဲ့ နယ်မြေဒေသတွေကို လွန်ခဲ့တဲ့ရက်အနည်းငယ်က ကျွန်တော်တို့ သွားရောက်ခဲ့တာကို သိရှိကြပြီးသား ဖြစ်မှာ ပါ။ ကော်မရှင်အနေနဲ့ လူ့အခွင့်အရေးချိုးဖောက်မှုတွေ ဖြစ်ပွားတယ်ဆိုတဲ့သတင်းတွေ ထွက်ပေါ်တာကြောင့် အထူး စိုးရိမ် ပူပန်မှု ရှိပါတယ်။ ကျွန်တော်တို့ တွေ့ဆုံဆွေးနွေးပြောဆိုခဲ့တာတွေ အားလုံးမှာ လုံခြုံရေးလုပ်ငန်းများလုပ်ဆောင်ဖို့ လိုအပ်တဲ့နေရာတိုင်းမှာ အရပ်သားတွေကို အမြဲတစေ အကာအကွယ်ပေးဖို့ လိုအပ်ပါကြောင်း အလေးအနက် ပြောကြားခဲ့ပါတယ်။ လုံခြုံရေးအဖွဲ့များကို လည်း တရားဥပဒေစိုးမိုးရေးကို အပြည့်အဝလိုက်နာပြီး လုပ်ငန်းဆောင်ရွက်ကြဖို့ တိုက်တွန်းပါတယ်။ လုံခြုံရေးလုပ်ငန်းများ လုပ်ဆောင် ရခြင်းကြောင့် ပြည်သူလူထုထံ လူသားချင်းစာနာထောက်ထားရေးအကူအညီများကို အဟန့်အတား မဖြစ်စေဖို့ လည်း ကျွန်တော်တို့ အလေးအနက်ပြောကြားခဲ့ပါတယ်။ လူသားချင်းစာနာရေး လုပ်ငန်းအကူအညီများကို ခွင့်ပြုပေးထား ကြောင်းလည်း ကျွန်တော်တို့ကို အာမခံ ပြောပြထားပါတယ်။ အကူအညီလိုအပ်နေတဲ့ အသိုက်အဝန်းများအားလုံး လိုအပ်တဲ့ အကူအညီကို ရရှိကြလိမ့်မယ်လို့ ယုံကြည် မျှော်လင့်ပါတယ်။

နိဂုံးချုပ်အနေနဲ့ ပြောကြားလိုတာကတော့ လူငယ်မျိုးဆက်သစ်များနဲ့ တွေ့ဆုံရာမှာ လူငယ်တွေရဲ့ ပူးပေါင်းဆောင်ရွက်လိုတဲ့ စိတ်ဓာတ်ကြောင့် စိတ်အားတက်မိပါတယ်။ ရခိုင်ပြည်နယ်မှာရှိတဲ့ အသိုက်အဝန်းအားလုံး၊ အသက်အရွယ်အားလုံးတို့ရဲ့လိုအပ် ချက်တွေ စိုးရိမ်ပူပန်မှုတွေကို သိရှိနိုင်ဖို့၊ နားထောင်ဖို့နဲ့ အားလုံးရဲ့အသံကို ကိုယ်စားပြုနိုင်ဖို့ ကျွန်တော်တို့ ရှိနေပါတယ်။

Comments (0)

Leave a reply

Your email address will not be published. Required fields are marked *

*