8:20 am
စိုင်းလမင်း
နေပြည်တော်၊ နိုဝင်ဘာ ၂၂
မြန်မာနိုင်ငံ၌ လုပ်ငန်းဆောင်ရွက်ရန် သတ်မှတ်ဗီဇာဖြင့် လာရောက်သည့် နိုင်ငံ တကာမှ ရင်းနှီးမြှုပ်နှံသူများ၊ ကျွမ်းကျင် ပညာရှင်များ အလုပ်သမားများကို နေခွင့် သက်တမ်း ၆ လ သို့မဟုတ် ၁ နှစ်တိုး ခွင့်ပြုပေးသွားမည်ဟု သိရသည်။
မြန်မာနိုင်ငံသို့ စီးပွားရေးလုပ်ငန်းလေ့ လာရန် ပထမဆုံးအကြိမ် လာရောက်သူဖြစ် ပါက နေခွင့်သက်တမ်း ၃ လခွင့်ပြုပြီး ဒုတိယ အကြိမ် လျှောက်ထားခြင်းဖြစ်ပါက နေခွင့် သက်တမ်း (၆) လ၊ လုပ်ငန်းများ အတည်ဖြစ်ပြီး ဆက်လက်လုပ်ကိုင်နေထိုင် ရန် တတိယ အကြိမ် လျှောက်ထားခြင်း ဖြစ်ပါက တစ်ကြိမ်လျှင် နေခွင့်သက်တမ်း အများဆုံး (၁) နှစ်အထိ သတ်မှတ်လုပ်ထုံး လုပ်နည်းနှင့်အညီ အခကြေးငွေကောက်ခံ ၍ ဆောင်ရွက်ပေးလျက်ရှိကြောင်း၊ အစိုးရ သစ်လက်ထက်တွင် ဖြေလျှော့ဆောင်ရွက် ပေးမည့်အစီအစဉ် အဖြစ် မြန်မာနိုင်ငံတွင် လုပ်ငန်းဆောင်ရွက်ရန် သတ်မှတ်ဗီဇာ ဖြင့် လာရောက်သည့် နိုင်ငံတကာမှ ရင်း နှီးမြှုပ်နှံသူများ၊ ကျွမ်းကျင်ပညာ ရှင်များ၊ အလုပ်သမားများအတွက် နေခွင့်သက် တမ်း (၆)လသို့မဟုတ် (၁)နှစ် တိုးခွင့်ပြုပါ ရန် တရားဝင်သက်တမ်းရှိ ကုမ္ပဏီမှတ်ပုံ တင်များ၊Work Permit များဖြင့် သက်ဆိုင် ရာကုမ္ပဏီများမှ တာဝန်ခံလျှောက်ထား တင်ပြလာပါက သတ်မှတ်နှုန်းထား တိုး မြှင့်ကောက် ခံပြီး ဖြေလျှော့ဆောင်ရွက်ပေး သွားရန်ရှိကြောင်း အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီး ဌာနဝန်ကြီး ဦးသိန်းဆွေက နိုဝင်ဘာ နောက်ဆုံးပတ်တွင်ပြုလုပ်သော လွှတ် တော်အစည်းအဝေးတွင် ပြောသည်။
ထို့ပြင် နိုင်ငံခြားသားစီးပွားရေးလုပ် ငန်းရှင်များ၊ ကျွမ်းကျင်ပညာရှင်များ၊ မြန်မာ နိုင်ငံသားဟောင်း နိုင်ငံခြားသားများ ဝင် ထွက်မှု လွယ်ကူစေရေးအတွက် ယခုနှစ် ဇန်နဝါရီလမှစတင်ကာ ပြည်ဝင်ဗီဇာ၁၂မျိုး၊ ပြည်ပြန်ဝင်ခွင့်ဗီဇာ ၃မျိုးသတ်မှတ်ပြီးဆောင် ရွက်ပေးလျက် ရှိကြောင်း ၄င်းက ဆိုသည်။
”ဒီဗီဇာတွေအနက် စီးပွားရေးဗီဇာ၊ အလုပ်သမားဗီဇာ၊ လူမှုရေးဗီဇာ တစ်မျိုး မျိုးနဲ့ ဝင်ရောက်လာတဲ့ နိုင်ငံခြားသားတွေ မြန်မာနိုင်ငံ အတွင်း ဆက်လက်နေထိုင် မယ်ဆိုရင် သူတို့ရရှိထားတဲ့ ဗီဇာအလိုက် သက်ဆိုင်ရာဝန်ကြီးဌာနများရဲ့ ထောက်ခံ ချက်နဲ့ နေခွင့်သက် တမ်း ပြည်ပြန်ဝင်ခွင့် ဗီဇာ သက်တမ်း တိုးမြှင့်လျှောက်ထားနိုင် ပါတယ်”ဟု ၄င်းက ပြောသည်။
