အိမ်မွေး ခွေး၊ ကြောင်များတွင် ဖြစ်ပွားတတ်သော သားအိမ်ပြည်တည်နာ

အိမ်မွေး ခွေး၊ ကြောင်များတွင် ဖြစ်ပွားတတ်သော သားအိမ်ပြည်တည်နာ
November 30, 2016 Asian Fame

10:38 am
အိမ်မွေး ခွေး၊ ကြောင်များတွင် ဖြစ်ပွားတတ်သော သားအိမ်ပြည်တည်နာ

dr-khin-san-maw

မြို့ပြတွင် ဆေးခန်းထိုင်ရသော အလုပ်သည် ”ခွေးကလေး ဝမ်းသွားလို့”၊ ”ကြောင်ကလေးသန်ထလို့” ဟူသော သေးသေးမွှားမွှား ကိစ္စများသာ မဟုတ်ကြသည့်အ ပြင် တစ်ခါလာလည်း အမွေးထူထူ ငတိလေးများ၏တင်ပါးထဲသို့ ဆေး ထိုးလိုက်၊ နှစ်ခါလာလည်း အမွေးထူထူငတိလေးများ၏ တင်ပါးထဲသို့ ဆေးထိုးပေးလိုက်သည့်အလုပ် ချည်းသက်သက် မဟုတ်ကြချေ။

ရံဖန်ရံခါတွင် လွယ်မယောင် နှင့်ခက်ပြီး တိမ်မယောင်နှင့်နက်ကြ သည်လည်းရှိသည်။ လွန်ခဲ့သည့် နှစ်ပေါင်းများစွာကနှင့်မတူတော့ ဘဲ အိမ်မွေးတိရစ္ဆာန်ပိုင်ရှင်တို့၏ အသိအမြင် ဗဟုသုတြ<ွကယ်ဝလာ သည့်အလျောက် စနစ်တကျ ပြုစုစောင့်ရှောက်သည့် နည်းလမ်းများကို သိမြင်လာကြပြီး လက်တွေ့လုပ် ဆောင်နိုင်ကြသဖြင့် အိမ်မွေးတိရစ္ဆာန်တို့၏ သက်တမ်းများလည်း ပိုမိုရှည်လျားစွာ နေနိုင်လာ ကြပါသည်။

အိမ်မွေးတိရစ္ဆာန်များကို မွေးမြူသည့်အခါ အထီးမွေးမည်လား၊ အမမွေးမည်လား၊ မျိုးဆက်ပြန့်ပွား လိုသည်လား၊ သားမစပ်ဘဲ တစ် ကောင်တည်းမွေးလိုသလား စသော ရွေးချယ်မှုများ ရှိလာသည်။ အထီး ကိုသာ မွေးမြူသူများထက် အမကို မွေးမြူသောပိုင်ရှင်များသည် ပို၍ ကရိကထများလှသည်။ တိရစ္ဆာန် အမများတွင် မြိုင်ထခြင်း (Oestr-ous Cycle) ရှိနေသောကြောင့် ကြိုတင်စဉ်းစားရပေသည်။ အိမ်မွေး တိရစ္ဆာန်အမများကို မွေးမြူသူများအနေဖြင့် ကိုယ်တွေ့ ကြုံဖူးသည်ဖြစ်စေ၊ တစ်ဆင့်စကား နှင့်ဖြစ်စေ ကြားဖူးနားဝရှိနေသော ရောဂါအမည်တစ်ခု ရှိနေပါသည်။ ထိုရောဂါမှာ ‘သားအိမ်ပြည်တည်နာ’ ပင်ဖြစ်ပါသည်။

‘သားအိမ်ပြည်တည်နာ’ သည် အိမ်မွေးခွေးနှင့် အိမ်မွေးကြောင်တို့မှာ တွေ့ရများသော ရောဂါတစ်ခုဖြစ်သည်။ အခြားနိုင်ငံများတွင် သားအိမ်ပြည်တည်နာကို ကြောင် များမှာထက် ခွေးများမှာ ပိုမိုဖြစ်ပွားတတ်ကြောင်း တွေ့ရှိရသည်။ အချို့ခွေးအမျိုးအစားများသည် အခြားခွေးအမျိုးအစားများထက် သားအိမ်ပြည်တည်နာ ပိုမိုဖြစ်လွယ် ကြပေသည်။ ထိုခွေး အမျိုးအစားများမှာ Rottweilers, Golden Retrievers, Catties, Saint Bernards, Chow Chows, Miniature Schnauzers, IrishTerriers, Leonbergers, Airedale Terriers, Cavalier King Charles Spaniels, Bernese Mountain Dogs နှင့် English Cocker Spaniels တို့ဖြစ်ကြသည်။ မြန်မာနိုင်ငံတွင် အိမ်မွေးခွေး နှင့် အိမ်မွေးကြောင်များမှာ သား အိမ်ပြည်တည်နာကို တွေ့ရများပေ သည်။ သားအိမ်ပြည်တည်နာ ရောဂါသည် အိမ်မွေးတိရစ္ဆာန်များ ဖြစ်ကြသည့် ခွေးနှင့် ကြောင်တို့၏ အသက်အန္တရာယ်ကို ခြိမ်းခြောက် နိုင်သော ပြဿနာတစ်ရပ် ဖြစ်ပါသည်။

‘သားအိမ်ပြည်တည်နာ’ ဆို သည်မှာ အိမ်မွေးတိရစ္ဆာန်အမတို့ ၏ သားအိမ်နှစ်ဖက်အတွင်း၌ ပြည် ရည်များ စုဝေးလာခြင်းကို ခေါ်ပါသည်။ ခွေးနှင့် ကြောင်အမတို့၏ ခန္ဓာကိုယ်အတွင်းမှ ပရိုဂျက်စတီး ရုန်းဟော်မုန်းသည် ပုံမှန်ဇီဝကမ္မ ဗေဒဖြစ်စဉ်အရ သားအိမ်အတွင်းရှိ ဂလင်းများ၏ ကြီးထွားမှုနှင့် အ ရည်စစ်ထုတ်မှုလုပ်ငန်းများ ဆောင် ရွက်ရန် လှုံ့ဆော်ပေးသည်။ ထို့ ကြောင့် ပရိုဂျက်စတီရုန်းဟော်မုန်းများလာလေ သားအိမ်ဂလင်းများ နှင့် သားအိမ်လိုဏ်ခေါင်းအတွင်းတွင် အရည်များ စုဝေးလာလေ ဖြစ်တတ်ပါသည်။ ပရိုဂျက် စတီရုန်းဟော်မုန်း ပမာဏအများဆုံးဖြစ်သော ကာလတွင် သားအိမ်လိုဏ်ခေါင်းအ တွင်းအရည်များ လာရောက်စုဝေး နေပြီး အမအင်္ဂါမှ ဘက်တီးရီးယား များဝင်ရောက်လာသောအခါ သား အိမ်ပြည်တည်နာ (Pyometra) ဖြစ်လာပါသည်။

သားအိမ်ပြည်တည်နာတွင် အပွင့်ပုံစံ (Open Type) နှင့် အပိတ် ပုံစံ (Close Type) ဟူ၍ နှစ်မျိုးရှိပါသည်။ အပွင့်ပုံစံမှာ အမအင်္ဂါမှ သွေးရောင်အနည်းငယ်ရောသော ပြည်ရည်များကျနေတတ်သော ပုံစံ ဖြစ်သည်။ အပိတ်ပုံစံမှာမူ သားအိမ်ခေါင်းပိတ်နေပြီး မည်သည့်အရည်မှကျဆင်းခြင်းမရှိပေ။ အပိတ် ပုံစံ သားအိမ်ပြည်တည်နာသည် ရောဂါအခြေအနေ ပိုမိုဆိုးရွားတတ် ပါသည်။ ရောဂါဖြစ်နေသော တိရစ္ဆာန် သည် အစာနည်းနည်းသာ စားသည်။ သို့မဟုတ် လုံးဝမစားဘဲနေ မည်။ မလှုပ်ရှားလိုခြင်း၊ အသက်ရှူနှုန်းမြန်ခြင်း၊ ရေများများသောက်ခြင်း၊ ဆီးများများသွားခြင်း၊ အော့အန်ခြင်း၊ ဝမ်းဗိုက်ကိုကိုင်လျှင် နာ ကျင်သောလက္ခဏာပြခြင်း၊ နာကျင် သောကြောင့် ရန်လိုခြင်း စသည် တို့ကို တွေ့ရမည်။ ရောဂါဖြစ်စတွင် အဖျားတက်သော်လည်း နောက်ပိုင်း၌ သာမန် ကိုယ်အပူချိန်ထက် အနည်းငယ် လျော့နည်းနေတတ်သည်။ အဖျား တက်ခြင်းကို ၂ဝ ရာခိုင်နှုန်းသော Case များမှာသာ တွေ့ရတတ်သည်။ အပွင့်ပုံစံဖြစ်လျှင် အမအင်္ဂါမှ သွေးရောင်ရောသော ပြည်ရည်များ ကျလာမည်။ အပိတ်ပုံစံတွင် သားအိမ်ကိုစမ်းသပ်ကြည့်ပါက အရွယ်အစားကြီးမားနေသည်ကို တွေ့ရ မည်။ ခန္ဓာကိုယ်မှ ရေဓာတ်ဆုံးရှုံးမှုထင်ရှားသည်။ သားအိမ်ပြည်တည်နာကို မကုသပါက တိရစ္ဆာန်သည် အထွေထွေအားနည်းခြင်းဖြစ်လာပြီး ကောင်းစွာမရပ်နိုင်တော့ပေ။

သားအိမ်ပြည်တည်နာ ဖြစ်တတ်သော အသက်အရွယ်သည် ပျမ်းမျှအားဖြင့် ၅ နှစ်မှ ၁၄ နှစ် အတွင်း အများဆုံးဖြစ်တတ်သည် ဟု ဆိုသော်လည်း ထို့ထက် ငယ် ရွယ်သောခွေး၊ ကြောင်များမှာ ဖြစ် ပွားတတ်သည်ကို တွေ့ရှိရပါသည်။ အိမ်မွေးတိရစ္ဆာန်ပိုင်ရှင် အများစုသည် မိမိ၏ခွေး၊ ကြောင်အမ တို့ကို မျိုးမပွားအောင်တားဆီးရာ တွင် ခွဲစိတ်ကုသမှုလုပ်ပေးရမည့် အစားသန္ဓေတားဆေးထိုးပြီး တားဆီးသောနည်းလမ်းကို ပိုမိုအသုံးပြု နေကြသောကြောင့် ဖြစ်သည်။ အထူးသဖြင့် ကြောင်မများ သားတောင်းသည့်အချိန်တွင် လူး လှိမ့်ပြီးအော်ဟစ်သော အသံသည် ကလေးငိုသံထက်ပင် ပိုမိုဆိုးရွားပြီး ညဘက်မှာတစ်ညလုံး အော်မြည် နေတတ်သည်။ သားတောင်းသည့် အမူအရာနှင့် အော်မြည်သောအသံကို ပိုင်ရှင်များက သည်းမခံနိုင်သည့် အတွက် ထိုအပြုအမူ ငြိမ်သက်စေ ရန် သန္ဓေတားဆေးထိုးကြခြင်း ဖြစ်သည်။

အခြားအကြောင်းတစ်ခုလည်း ရှိပါသေးသည်။ ယခုခေတ်တွင် အိမ်မွေးကြောင်များကို ထမင်းဟင်းကျန်နှင့် အရိုးအရင်း ကျွေးမှုများ နည်းပါးလာပြီး အာ ဟာရဓာတ်ညီညွတ်မျှတသော ရယ်ဒီမိတ်အစာခြောက်များ၊ အစာအစိုများကိုသန့် ရှင်းသော အစာခွက်များနှင့် စနစ်တကျကျွေးသူများ ပေါများလာ သည့်အလျောက် ကြောင်များ၏ ဖွံ့ဖြိုးကြီးထွားမှုက မြန်ဆန်လာကြသည်။ ကြောင်များ၏ အရွယ် ရောက်ချိန်သည် ပျမ်းမျှအားဖြင့် အသက် ၆ လခန့်ဖြစ်သော်လည်း အာဟာရဓာတ် ပြည့်စုံစွာရရှိနေ သော ကြောင်များ၏အရွယ်ရောက် ချိန်မှာပိုမို၍စောလာသည်။ ဤသို့ ဖြစ်ရခြင်းမှာ အာဟာရဓာတ်ညီ ညွတ်မျှတသောကြောင့် ဟော်မုန်း များ လျင်မြန်စွာဖွံ့ဖြိုးပြီး စောစီးစွာ အရွယ်ရောက်လာခြင်း ကြောင့် ဖြစ်ပါသည်။ အသက် လေးလခန့်တွင် အရွယ်ရောက်ပြီး အသက်ခြောက်လမပြည့်ခင် ကလေးမွေးဖွားပြီးသော ကြောင်များအား ပိုမို တွေ့ရှိလာရခြင်းသည် ဤအချက်ကို သက်သေပြနေသကဲ့ သို့ရှိသည်။ အိမ်မွေးကြောင်အမ များ ရှိသည့် အိမ်၏ပတ်ဝန်းကျင်မှာ ကြောင်ထီး များစွာရှိပါကလည်း ထိုကြောင်မများ အရွယ်ရောက် ချိန်စောတတ်သည်။ ထို့ကြောင့် ကြောင်ပိုင်ရှင်များအနေနှင့် ကြောင်ကောင်ရေ ထိန်းချုပ်ရန်အတွက် သန္ဓေတား ဆေးထိုးသည့် နည်းလမ်းကိုသာ အလွယ်ကူဆုံး၊ အမြန်ဆန်ဆုံး နည်းလမ်းအဖြစ် ရွေးချယ်လာကြ တော့သည်။

သန္ဓေတားဆေးသည် ဟော်မုန်းဆေးများ ဖြစ်သောကြောင့် ခွေး၊ ကြောင်တို့၏ သားအိမ်ထဲမှ ဟော်မုန်းပမာဏကို တစ်နည်း တစ်ဖုံပြောင်းလဲစေပါသည်။ သန္ဓေ တားဆေးကို ထပ်တလဲလဲထိုးမှု ကြောင့် ဟော်မုန်းပမာဏများပြား လာသည့်အခါ သားအိမ်ထဲမှာ အ ရည်များ စုဝေးများပြားလာသည်။ ထိုဟော်မုန်းသည် သားအိမ်ြ<ွကက် သား၏ ကျုံ့နိုင်ဆန့်နိုင် ညှစ်နိုင် သြော<ွကက်သား၏ လုပ်ငန်းဆောင် တာကို တားဆီးထားသဖြင့် သားအိမ်ထဲမှ အရည်ပမာဏ ပိုမို၍ သာ တိုးလာပေသည်။ ထိုအရည် များထဲသို့ ဘက်တီးရီးယားပိုးများ ဝင်ရောက်လာချိန်တွင် ပြည်အရည် များအဖြစ် ပြောင်းလဲသွားပြီး နောက် သားအိမ်ပြည်တည်နာ ဖြစ်လာတော့သည်။

သားအိမ်ပြည်တည်နာ ဖြစ်လာသောအခါ ကုသသည့် နည်းလမ်းက နှစ်ခုရှိပါသည်။ ကုသရန် အကောင်းဆုံးနည်းလမ်းမှာ သားဥ အိမ်နှင့် သားအိမ်ကို ခွဲစိတ်ဖြတ် တောက် ထုတ်လိုက်ခြင်းပင် ဖြစ် သည်။ နောက်ထပ် နည်းလမ်းတစ် ခုက သားအိမ်ဆေးသည့် နည်းဖြစ်သည်။ ဤနည်းလမ်းမှာ အပွင့်ပုံစံ သားအိမ်ပြည်တည်နာအတွက်သာ သုံး၍ရသည်။ သို့သော် သားအိမ် ပြည်တည်နာ ပြန်ဖြစ်နိုင်သော ကြောင့် ခွဲစိတ်ကုသသည့် နည်းကို ပြန်လည်အသုံးပြုရပါသည်။သားအိမ်ပြည်တည်နာကို ကိုယ်ဝန်ရှိသည်ဟု ထင်တတ်ကြ သည်။ ကိုယ်ဝန်ရှိခြင်းနှင့် သား အိမ်ပြည်တည်နာကို ခွဲခြားနိုင် အောင် ရောဂါလက္ခဏာများနှင့် ခွဲခြားဆန်းစစ်ရသည်။ ဝမ်းဗိုက်ကို စမ်းသပ်ခြင်း၊ သားအိမ်ဝမှ ပြည် ကျ မကျ စစ်ဆေးခြင်းတို့ကို လုပ်ရပါမည်။ အသေချာဆုံးနည်းလမ်းမှာ ဓာတ်မှန်ရိုက်ခြင်း သို့မဟုတ် အာလ်ထရာဆောင်း ရိုက်ခြင်းပင် ဖြစ်သည်။

သားလိုက်ပြီးသား (Breeding ဖြစ်ပြီးသား) ကြောင်ကိုသန္ဓေတား ဆေးထိုးမိပါက အထဲမှသန္ဓေသားများ သေကျေပျက်စီးသွားပြီး ပြည်ရည်များနှင့်အတူ သန္ဓေသား၏ အရိုးစများ၊ အမွေးများ၊ အပိုင်းအစ များပါရှိနေသည်ကို တွေ့ရသည်။ အချို့ ကြောင်များကတော့ ပုံမှန် အတိုင်း သန္ဓေသား ဖွံ့ဖြိုးလာပြီး မွေးသည့်အချိန်မှာ ကလေးအသေများ မွေးတတ်သည်။ အချို့က ကလေးများ အားလုံး အသက်ရှင် နေသော်လည်း ပုံ မှန်အတိုင်း မမွေး နိုင်ဘဲ ဗိုက်ခွဲမွေး ဖွားပေးရသည့် အ ဖြစ်များ ရှိနေပါသည်။ အချို့ပိုင်ရှင်များက မိတ်လိုက် ပြီးသားကြောင်ကို သန္ဓေတားဆေး ထိုးပေးလိုက်လျှင် ဇီးမတင် အောင် ကာကွယ်နိုင်သည်ဟု မှားယွင်းစွာ နားလည် လက်ခံထား တတ်ကြသည်။ အချို့ကတော့ မိတ်လိုက်ပြီးသား ဟုတ် မဟုတ် မသိဘဲ ထိုးပေးမိခြင်း ဖြစ်ပါ သည်။ တိုက်ခန်းနှင့် အလုံပိတ်ပြီး မွေးမြူထားသော ကြောင်များ၏ အပြုအမူကို သေချာစွာ စောင့် ကြည့်ကာ သတိပြု နိုင်သော်လည်း ကြောင်ပိုင်ရှင် အများစု၏ မွေးမြူ ပုံက လွတ်လပ်စွာ လှည့်လည်သွား လာခွင့်ပြုထားသောကြောင့် မိမိ၏ ကြောင်မတစ်ကောင် အရွယ် ရောက်၊ မရောက်ကိုပင် သေချာစွာ မသိနိုင်ခြင်းမျိုး ရှိနိုင်ပါသည်။

သန္ဓေတားဆေး မကြာခဏ ထိုးမှုကြောင့် အသက်ငယ်ရွယ် သော ကြောင်များတွင် သားအိမ် ပြည်တည်နာ ရောဂါဖြစ်ပွားခြင်း ကို တွေ့ရတတ်သည်။ သို့သော် တစ်ကြိမ်တစ်ခါမှ မိတ်လိုက်ဖူး ခြင်းမရှိ၊ သန္ဓေတားဆေးထိုးဖူးခြင်း လည်းမရှိသော အသက်အရွယ် ကြီးရင့်သည့်ကြောင်များ (ဥပမာ အသက် ၇ နှစ်မှ ၁၄ နှစ် အတွင်း) တွင်ပါ သားအိမ်ပြည်တည်နာ ဖြစ် ပွားရခြင်းမှာ ကြောင်၏ခန္ဓာကိုယ် ထဲမှ ဟော်မုန်းပမာဏ အပြောင်း အလဲကြောင့် ဖြစ်ပါသည်။လက်တွေ့ကုသမှု အတွေ့အ ကြုံများအရ သားအိမ်ပြည်တည် နာဟုသိသည်နှင့် တစ်ပြိုင်နက်အ မြန်ဆုံးခွဲစိတ်ကုသခြင်းသည် အိမ် မွေးတိရစ္ဆာန်၏ အသက်ကို ကယ်ဆယ်ရာ ရောက်ပါသည်။ ခွဲစိတ် သောအခါတွင် တွေ့ရသည့် သား အိမ်နှစ်ဖက်သည် အရွယ်အစား အမျိုးမျိုး၊ ပုံစံအမျိုးမျိုး ဖြစ်နေ တတ်သည်။ တချို့က အူအမြှေးပါး များနှင့် ကပ်တွယ်နေခြင်းမျိုးလည်း ရှိသည်။ သားအိမ်ထဲမှ ထွက်လာသော အရည်များက အမျိုးမျိုးအဖုံဖုံ ကွဲ ပြားခြားနားကြသည်။ အချို့က ရေ ကဲ့သို့ အရည်ခပ်ကြည်ကြည်၊ သို့ သော် အနံ့နံသည်။ အချို့က သွေး ရောင်ရောနှောနေသော ပြည်ရည် များဖြစ်ကာ အများစုက ပြည်ရည် များ ဖြစ်ကြသည်။အချို့ပိုင်ရှင်များက မိမိကြောင် ၏ မွေးလမ်းကြောင်းအဝမှ ပြည် ကဲ့သို့ အရည်များကျနေသည်ကို သိသော်လည်း အမှုမဲ့အမှတ်မဲ့ထား မိတတ်သည်။ အချို့က ဆရာဝန် နှင့်မပြဘဲ ဆေးမြီးတိုများနှင့်ကုကြ သည်။ အချို့က ဆေးခန်းလာပြ သော်လည်း ခွဲစိတ်ကုသရမည်ဆို လျှင် နောက်တွန့်သွားတတ်သည်။ မရှုနိုင် မကယ်နိုင် အခြေအနေ ရောက်မှ ခွဲပေးပါ၊ ခွဲပေးပါဟု တစာစာ ပြောကြပေမယ့် ကြောင် က မျက်လုံးသူငယ်အိမ်ပင် မလှုပ် ရှားနိုင်တော့အောင် မျှော်လင့်ချက် ကင်းမဲ့နေလေပြီ။

အချို့ပိုင်ရှင်များက ကြောင်၏ ရှေးဦးလက္ခဏာများကို လုံးဝသတိ မထားမိဘဲ ”ကြောင်က ဗိုက်ကိုလုံးဝအကိုင်မခံဘူး။ ပွေ့ချီမလို့ လုပ်တာ မာန်ဖီတယ်” ဆိုသော စကားနှင့် ဆေးခန်းသို့ ရောက်လာ ကြသည်။ သားအိမ်ပြည်တည်နာ ၏ လက္ခဏာများကြောင့် အရေး ပေါ်ခွဲစိတ်ရသောအခါ ဝမ်းဗိုက်ကို ဖွင့်လိုက်သည်နှင့်တစ်ပြိုင်နက် သားအိမ်နှစ်ဖက် ပေါက်ပြဲကွဲထွက် မှုကြောင့် ဝမ်းဗိုက်ခေါင်းတစ်ခုလုံး ပြည်ရည်များ၊ ကလေးအပိုင်းအစ များ ပြည့်နေပြီး နံစော်ဆိုးရွားနေသည်ကို တွေ့ရ၏။ ထိုအခါမျိုးတွင် သားဥအိမ်နှင့် သားအိမ်နှစ်ဖက်ကို ထုတ်ပစ်ရခြင်း၊ ပေါက်ပြဲနေသော ဒဏ်ရာမှန်သမျှ ချုပ်ပေးရခြင်း၊ ကိုယ်တွင်းခေါင်းထဲမှ အင်္ဂါများကို ပြည်ရည်ကင်းစင်အောင် ဆေး ကြောပေးရခြင်းတို့ကို ဇယ်ဆက်သ လိုလုပ်ပြီး အသက်ကယ်ဆယ်ရပါ သည်။နိုင်ငံရပ်ခြားတွင် ဤကဲ့သို့ အော်ပရေးရှင်းများမလုပ်ခင် ဓာတ်မှန်ရိုက်ခြင်း၊ အာထရာ ဆောင်းရိုက်ခြင်း၊ သွေးစစ်ခြင်း စသော ဓာတ်ခွဲခန်း စမ်းသပ်မှု အမျိုးမျိုးကို ကြိုတင်ပြုလုပ်ပြီး အခြေအနေမကောင်းလျှင် ခွဲစိတ် ကုသမှု မလုပ်ပေးတော့ပါ။ သူတို့ ဆီမှာ သားအိမ်ပြည်တည်နာ ဖြစ် ပွားမှုလည်း ရှားပါသည်။ အဘယ့် ကြောင့်ဆိုသော် သားစပ်မည့် ခွေး၊ ကြောင်တို့မှလွဲ၍ ကျန်သည့် ခွေး၊ ကြောင်တို့ကို ငယ်ရွယ်စဉ်ကတည်းက သင်းကွပ်ခြင်းနှင့် သားအိမ်ထုတ်ခြင်းတို့ကို ပြုလုပ်ထားခြင်း ကြောင့် ဖြစ်သည်။

လွန်ခဲ့သည့် နှစ် ၃ဝ လောက်က ခွေး၊ ကြောင်အမများကို သင်းကွပ်သည့်နည်းလမ်းမှာ သားဥအိမ်နှစ်ဖက်ကို ထုတ်ပစ်ခြင်းသာဖြစ်သည်။ သို့သော် ထိုနည်းလမ်းတွင် သား အိမ်နှစ်ဖက် ကျန်ခဲ့လေရာ ထိုကျန် ရစ်ခဲ့သောသားအိမ်နှစ်ဖက်၌ သား အိမ်ပြည်တည်နာဖြစ်လာနိုင်သော ကြောင့် ယခုနောက်ပိုင်းနည်းလမ်းမှာ သားဥအိမ်နှင့် သားအိမ်နှစ်ဖက်ကို အားလုံးပါအောင် ထုတ်ပစ်ရပါသည်။

အိမ်မွေးခွေး၊ အိမ်မွေးကြောင် ပိုင်ရှင်များအနေနှင့်

-မိမိ၏ခွေး၊ ကြောင်အမများကို မျိုးမပွားစေလိုလျှင် ဆရာဝန်နှင့် တိုင်ပင်ပြီး ခွဲစိတ်ကုသပါ။
– ခေတ္တခဏ သားဆက်ခြားလိုပါ က ဆရာဝန်ထံပြပြီး တိုင်ပင်ပါ။
– မိမိသဘောအတိုင်း သန္ဓေတား ဆေး မထိုးပါနှင့်။
– ခွေး၊ ကြောင်တို့ ဗိုက်ဖောင်းလာ ပြီး ပိန်ချုံးလာလျှင် အမြန်ဆုံး ဆေးခန်းသို့ သွားပြပါ။
– မွေးလမ်းကြောင်းမှ ပြည်ကဲ့သို့ အရည်များ ကျလာလျှင် ချက်ချင်း ဆေးခန်းပြပါ။
– သားအိမ် ပြည်တည်နာသာ ဖြစ် ပါက ခွဲစိတ်ကုသပြီးသည်နှင့် ပြန် လည် ကျန်းမာသွားတတ်သည်။ သားအိမ်ပြည်တည်နာကြောင့် အသည်းထိခိုက်ခြင်း၊ ကျောက်ကပ် ထိခိုက်ခြင်းတို့ ဖြစ်နေလျှင် ခွဲစိတ် ကုသပြီးသော်လည်း အခြေအနေ ဆိုးရွားတတ်ပါသည်။
– မိမိ၏ခွေး၊ ကြောင်အမတို့ကို အမြဲမပြတ် စစ်ဆေးနေပါ။
– ညှီစို့စို့ အနံ့ရလျှင် မည်သည့်နေ ရာမှ ထွက်ပေါ်ကြောင်း စစ်ဆေးပါ။
– အချို့ကြောင်များသည် အမအင်္ဂါ မှ ကျလာသော ပြည်ရည်များကို လျှာနှင့်လျက်ပစ်တတ်သဖြင့် ရုတ် တရက် သတိမပြုမိဘဲ ရှိနေတတ် သည်။
– မျိုးမပွားစေလိုလျှင် သန္ဓေတား ဆေးထိုးသောနည်းလမ်းထက် ခွဲ စိတ်ကုသသည့် နည်းလမ်းကို ရွေး ချယ်ပါ။
– သားဥအိမ်နှင့် သားအိမ်တို့ကို ခွဲစိတ်ဖယ်ရှားသော သားကြော ဖြတ်ခြင်းသည် အသက်ကြီးရင့်ချိန် တွင်ဖြစ်ပွားတတ်သော နို့ကျိတ်ကင်ဆာ(Mammary Gland
Tumor) ဖြစ်ပွားနှုန်းကို ရာခိုင်နှုန်း အတော်များများ လျှော့ချနိုင်ပါ သည်ဟု အကြံပြုလိုပါသည်။

ဒေါက်တာ ခင်စန်းမော်

Comments (0)

Leave a reply

Your email address will not be published. Required fields are marked *

*