ကလေးတို့ရဲ့ ပညာရေး မဝေးစေလို

ကလေးတို့ရဲ့ ပညာရေး မဝေးစေလို
November 30, 2016 Asian Fame

6:11 am
ကလေးတို့ရဲ့ ပညာရေး မဝေးစေလို

education

နိုင်ငံ၏ အခြေခံပညာကဏ္ဍတွင် ကျောင်းထွက်မှုနှုန်း ပိုမိုမြင့်မားလျက်ရှိနေသည့် ပြဿနာနှင့် ရင်ဆိုင်နေရသည်ဟု တာဝန်ရှိသူတို့ လူသိထင်ရှား တရားဝင် ဆက်တိုက်ထုတ်ဖော်ပြောဆိုလာနေသည်ကို တွေ့ရသည်။ ပညာရေး ဝန်ကြီးဌာနအသစ်က ရက် ၁ဝဝ အတွင်း စီမံသွားမည့် အစီအမံများ ထုတ်ပြောစဉ်က တစ်ကြိမ်၊၂ဝ၁၆ ခုနှစ် ဇူလိုင်လ အတွင်းကပြုလုပ်သော ကျောင်း ပြင်ပပညာရေးညီလာခံဖိုရမ်တွင် တစ်ကြိမ် နှင့် ယခုတစ်ခေါက် ပြည်လုံးကျွတ် စာ တတ်မြောက်ရေးလှုပ်ရှားနေသော ကယား ပြည်နယ်သို့ သွားရောက်စဉ်က တစ်ကြိမ် နှင့်စုစုပေါင်း ၃ ကြိမ်တိုင်တိုင်ဖြစ်သည်။ ထုတ်ပြောစဉ်အခါတိုင်း ယင်းပြဿနာ ကို ပညာရေးဝန်ကြီးဌာနဘက်က ဖြေရှင်း ပေးသွားမည်ဆိုသည့် စကားလုံးများက မပါ မဖြစ်ပါနေသည့် စကားလုံးများဖြစ် သည်။ ထိုကဲ့သို့ တာဝန်ရှိသူတို့ ဆက်တိုက် ပြောလာမှုများလာ၍ ပညာရေးအသိုင်းအ ဝိုင်းက ပညာရေးဝန်ကြီးဌာန၏ ဖြေရှင်းပုံ၊ ဖြေရှင်းနည်းကို ကြည့်ချင်၊ မြင်ချင်သွားကြ သည်။

ကျောင်းထွက်နှုန်းတွေက ဘယ်လောက်တောင် ရှိနေလို့လဲ

ကျောင်းပြင်ပ ပညာရေးဆိုင်ရာစစ် တမ်းတစ်ရပ်တွင် ကျောင်းထွက်စောကြသူများ၊ စာသင်ခန်းထဲသို့ ရောက်မလာကြ သည့် ကလေးအရေအတွက်သည် လက်ရှိ တွင် ၂ ဒသမ ၇ သန်းရှိသည်ဟု ဖော်ပြထားသည်။ ထိုပမာဏသည် ကျောင်းနေအရွယ် ကလေးငယ်များဖြစ်သည့် အသက် ၅ နှစ် မှ ၁၆ နှစ်အရွယ်ရှိ ကလေးငယ်အားလုံးကို ဆိုလိုသည်ဟု ယင်းစစ်တမ်းက ဆိုသည်။ ၂ဝ၁၆ ခုနှစ် ဇူလိုင်လအတွင်းက ပြု လုပ်သော ကျောင်းပြင်ပပညာရေး ညီလာ ခံဖိုရမ်၌ ပညာရေးဝန်ကြီး ဒေါက်တာမျိုး သိမ်းကြီးက ကျောင်းအပ်မှုနှုန်း ၉ ဒသမ ၁ သန်းရှိသည့် အနက် ၂ ဒသမ ၇ သန်း သည် ကျောင်းထွက်စောနေ၍ ယင်းပမာဏ ကို ထိန်းသိမ်းရတော့မည်ဟု ပြောခဲ့ရာ ၂ ဒသမ ၇ သန်းကသာ လက်ရှိအခြေအနေ မှန်ဖြစ်သည်ဟု ဆိုရတော့မည်။ နှစ်စဉ် ကျောင်းထွက်နှုန်းကို ကြည့်ပါ လျှင်လည်း ၂ဝ၁ဝ-၂ဝ၁၁ ပညာသင်နှစ်နှင့် ၂ဝ၁၁-၂ဝ၁၂ ပညာသင်နှစ် ထိုတစ်နှစ်အ တွင်း ကျောင်းသား၊ ကျောင်းသူ ခြောက် သိန်းကျော်သည် အခြေခံပညာကျောင်း များကို စွန့်ခွာခဲ့သည်ကို တွေ့ရသည်။ သူငယ်တန်းမှ ပထမတန်းသို့ ကူး ပြောင်းရာတွင် ကျောင်းသားတစ်သိန်းကျော်၊ စတုတ္ထတန်းမှ ပဉ္စမတန်းသို့ ကူးပြောင်းရာ တွင် ကျောင်းသားတစ်သိန်းခွဲကျော်၊ အခြားတန်းစဉ်များ၌ ကျောင်းသားဦးရေ ပျမ်းမျှ ငါးသောင်းကျော်စီ ပမာဏနှင့် ထွက်နေကြခြင်းဖြစ်သည်။

အခြေခံအကြောင်းအရင်းများက
သိပ်အများကြီးမရှိပါ

ကျောင်းထွက်မှုနှုန်း များရခြင်းသည် တိုင်းပြည်ဆင်းရဲမွဲတေမှု၊ ပြည်သူလူထု ဆင်းရဲမွဲတေမှုနှင့် သွားလာရခက်ခဲမှု စသည့် အချက် သုံးချက်အပေါ်ကိုသာ အများဆုံး အခြေခံသည်။ ကျောင်းထွက်နှုန်း များခြင်းကပင် မူလဇာစ်မြစ်ဖြစ်ရာ လူမှုဘဝ မပြည့်စုံမှုကို ပြန်သွားသည်။ ထို့ကြောင့် နိုင်ငံက ပညာ တတ်သူနည်းပြီး ရှေ့မဆက်နိုင်ဖြစ်နေ ကြောင်း ရန်ကုန်တက္ကသိုလ် မြန်မာစာဌာန တွဲဖက်ပါမောက္ခ ဦးညွန့်သောင်းက သုံးသပ်သည်။ ”တချို့ဆိုရင် ပညာအရမ်းသင်ချင်တာ ဒါပေမယ့် ကျောင်းမရှိဘူး”ဟု သူကဆိုသည်။ နိုင်ငံတွင် မသင်မနေရ မူလတန်း၊ အခမဲ့ပညာရေးစနစ် စသည်တို့လုပ်ဆောင် နေသော်လည်း လူမှုစီးပွားမပြေလည်မှုက လုပ်ဆောင်ပေးမှုတိုင်းကို ကြီးမားသည့် အောင်မြင်မှု မဖြစ်စေခဲ့ဟု နောက်ထပ် ဆရာတစ်ဦးကလည်း သူ့အမြင်ကို ပြော ပြသည်။”အဓိကကတော့ တိုင်းပြည်စီးပွားရေး တိုးတက်ဖို့လိုတယ်၊ နောက်ပြီး အလုပ်အ ကိုင်၊ အိမ်ထောင်ဦးစီးတစ်ယောက်က မိသားစုကို ထောက်ပံ့နိုင်တဲ့ဝင်ငွေရှိရမယ်။ ဒါဆိုရင် အောင်မြင်ပြီ။ ဒါတောင် အကုန်လုံးကို မရဘူးနော်” ဟု သူက ဆက်ပြောသည်။

ပညာရေးက ဒီလိုတွေလုပ်မယ်လို့ ပြောပြီ

ကျောင်းပြင်ပရောက် ကလေးများ၊ ကျောင်းမှ စောစောစီးစီးထွက်သွားရသူ များနှင့် စာမတတ်သူများ၏အနာဂတ် ပိုမို ကောင်းမွန်လာစေရန်အတွက် အမျိုးသား ပညာရေးဥပဒေကို ပြင်ဆင်သည့် ဥပဒေ ပုဒ်မ(၂၉) ပုဒ်မခွဲ (ခ) နှင့်အညီ ယင်းတို့ကို သင့်လျော်သည့် ပညာသင်ယူခွင့် တစ်ခုခု ပြန်လည်ရရှိစေရန် လိုအပ်သည့် အစီအမံ များထားရှိမည့်စနစ်ကို dk Alternative Education ဟုသတ်မှတ်ပြီး အကောင်အထည် ဖော်သွားမည်ဟု ပညာရေးဝန်ကြီးဌာန ပြည် ထောင်စုဝန်ကြီးက တရားဝင် ပြောဆိုထားသည်။ အသေးစိတ် အစီအစဉ်ထဲတွင် သက် ကြီးစာတတ်မြောက်ရေး၊ လူတိုင်းစာတတ် မြောက်ရေးနှင့် စာဖတ်ရှိန်မြှင့်တင်ရေး၊ စဉ်ဆက်မပြတ် ပညာရေး၊ ဝင်ငွေတိုးပွား ရေးနှင့် အသက်မွေးဝမ်းကျောင်းပညာရေး၊ ကျောင်းပြင်ပရောက် ကလေးများအတွက် ပညာရေး၊ တန်းညှိပညာရေး၊ ရပ်ရွာဖွံ့ဖြိုး တိုးတက်ရေးအစီအစဉ်နှင့် ရပ်ရွာပညာ ပဒေသာဌာန၊ ရှေးဦးကလေးသူငယ် ပြုစု စောင့်ရှောက်ရေးနှင့် အမျိုးသမီးများအ တွက် ပညာရေးအစီအစဉ်၊ ဆက်သွယ်ရေး၊ သတင်းအချက်အလက်နှင့် နည်းပညာအစီ အစဉ်တို့ ပါဝင်သည်ဟု ဝန်ကြီးက ပြောသည်။ လက်ရှိတွင် ပြည်နယ်ထဲ၌ စာတတ်
မြောက်မှုနည်းနေသည့် ကယားပြည်နယ် ကို ပြည်လုံးကျွတ် စာတတ်မြောက်ရန်လုပ် ဆောင်နေပြီး အသက်မွေးဝမ်းကျောင်းသင်တန်းအချို့ကို ဖွင့်လှစ်နေသည်ကို တွေ့ရသည်။

အခက်အခဲတွေ အများကြီးရှိနိုင်ပေမယ့်
ရသလောက်ကို ဆွဲခေါ်ဖို့ လိုတယ်

ပညာရေးဝန်ကြီးဌာန၏ အစီအမံများသည် ကောင်းသည်ဟု ပညာရေးအသိုင်းအဝိုင်းက ချီးကျူးကြသည်။ အကောင်အထည် ဖော်ရန်ငွေကလည်း အမြောက်အမြား လိုမည်၊ သွားချင်သည့် ခရီးရောက်အောင် လူ့စွမ်းအားလည်း ရှိမှဖြစ်မည်ဟု အချို့က ထောက်ပြသည်။ ဌာနတစ်ခုရှိရုံ၊ ဦးရေ သိန်းဂဏန်း ကျော်သည့် ဆရာ၊ ဆရာမများရှိရုံနှင့် မလုံလောက်၊ လိုက်ပါမည့် ပြည်သူကလည်း လိုသည်ဟု လုပ်သက်ရင့်ပညာရေးဝန်ထမ်း တစ်ဦးက ပြောသည်။ ”ကျွန်တော်တို့ ဆင်းရဲလို့ ကလေးကို ကျောင်းထုတ်လိုက်ရတာပါဆိုတဲ့ အကြောင်း ပြချက် ထက်၊ သင်ကွာ ငါတို့ထားမယ်ဆိုတဲ့ ပြောင်းလဲမှုဆိုရင် တော်တော်လေးကောင်း သွားမယ်” ဟု သူက ပြောသည်။ အစိုးရပိုင်းမှလည်း ဘွဲ့ရတစ်ယောက်၊ တက္ကသိုလ်ဝင်တန်းအောင် တစ်ယောက် အလုပ်အကိုင်ရရှိရန် ဖန်တီးပေးမှရမည် ဟု လုပ်သက်ရင့် ပညာရေးဝန်ထမ်းတစ်ဦး က အကြံပြုထားသည်။ ထိုအတိုင်းသာ မဟုတ်ပါက အခြေခံ ပညာကျောင်းများမှ နောက်ထပ်၊ နောက် ထပ် ထွက်ခွာသွားကြမည့် ကလေးငယ်တို့ ၏ စာရင်းကိုသာ ထိုင်ကောက်ရုံမှ တစ်ပါး အခြားမရှိတော့ပြီ။

မင်းသုအောင်

Comments (0)

Leave a reply

Your email address will not be published. Required fields are marked *

*