မြန်မာနိုင်ငံအမျိုးသားလူ့အခွင့်အရေးကော်မရှင်မှ အဖွဲ့ဝင်တစ်ဦးဖြစ်သည့် ဦးယုလွင်အောင် နှင့် တွေ့ဆုံမေးမြန်းခြင်း

မြန်မာနိုင်ငံအမျိုးသားလူ့အခွင့်အရေးကော်မရှင်မှ အဖွဲ့ဝင်တစ်ဦးဖြစ်သည့် ဦးယုလွင်အောင် နှင့် တွေ့ဆုံမေးမြန်းခြင်း
October 27, 2016 Asian Fame

5:22 am
မြန်မာနိုင်ငံအမျိုးသားလူ့အခွင့်အရေးကော်မရှင်မှ အဖွဲ့ဝင်တစ်ဦးဖြစ်သည့် ဦးယုလွင်အောင် နှင့် တွေ့ဆုံမေးမြန်းခြင်း
In Interview

မြန်မာနိုင်ငံအမျိုးသားလူ့အခွင့်အရေးကော်မရှင်မှ အဖွဲ့ဝင်တစ်ဦးဖြစ်သည့် ဦးယုလွင်အောင် နှင့် တွေ့ဆုံမေးမြန်းခြင်း

u-yu-lwin-aung-copy

မင်းသုအောင် မေးမြန်းသည်။

အင်းဝအပ်ချုပ်ဆိုင်အမှုကိစ္စနှင့်ပတ်သက်၍ ဝေဖန်မှုပေါင်းများစွာ ပေါ်ထွက်လာခဲ့ပြီးသည့်နောက်တွင် မြန်မာနိုင်ငံ အမျိုးသားလူ့အခွင့် အရေးကော်မရှင်မှ အဖွဲ့ဝင်လေးဦးအား မြန်မာနိုင်ငံ အမျိုးသားလူ့အခွင့်အရေး ကော်မရှင် ဥပဒေပုဒ်မ ၁၇ ပါ ပြဋ္ဌာန်းချက်အရ   နိုင်ငံတော်သမ္မတ၏ ခွင့်ပြုချက်ဖြင့် ယင်းတို့ ၏ သဘောဆန္ဒအလျောက် ရာထူးမှ နုတ်ထွက်ခွင့်ပြုခဲ့သည်။ ထို့ကြောင့် မူလက ဥက္က ဋ္ဌနှင့် ဒုဥက္ကဋ္ဌ အပါအဝင် အဖွဲ့ဝင် ၁၁ ဦးရှိသော မြန်မာနိုင်ငံ အမျိုးသားလူ့အခွင့်အရေးကော်မရှင်သည် ယခုအခါ ဥက္ကဋ္ဌနှင့် ဒုဥက္ကဋ္ဌ အပါအဝင် အဖွဲ့ ဝင် ၇ ဦးမျှသာ ကျန်ရှိတော့၏။ ထိုမျှသော အဖွဲ့ဝင်ဦးရေနှင့် တာဝန်ကိစ္စများကို အရှိန်မပျက် ဆက်လက်ဆောင် ရွက်နိုင်ပါမည်လော။ တာဝန်ခွဲဝေမှုကို မည်သို့ပြုလုပ် ကြသနည်း။ မည်သို့သောအခက်အခဲများကိုရင်ဆိုင်ကြုံတွေ့နေရသနည်း။

 အဆိုပါ မေးခွန်းများကို မြန်မာနိုင်ငံအမျိုးသားလူ့အခွင့် အရေးကော်မရှင်မှ အဖွဲ့ဝင်တစ်ဦးဖြစ်သည့် ဦးယုလွင်အောင်အား တွေ့ ဆုံမေးမြန်းထားပါသည်။

►ဦးယုလွင်အောင်ခင်ဗျာ။ အဖွဲ့ဝင် ၄ ဦး နုတ်ထွက်သွားတဲ့ မြန်မာ နိုင်ငံ လူ့အခွင့်အရေးကော်မရှင် အဖွဲ့ရဲ့ လက်ရှိေ ဆာင်ရွက်နေမှု အခြေအနေတွေကို သိပါရစေ။

ကော်မရှင် အဖွဲ့ဝင် ၄ ဦး နုတ်ထွက်သွားသော်လည်း ကျန် ကော်မရှင် ၇ ဦးက ယခင် လုပ် ငန်းများကိုပဲ အရှိန်မပျက် ဆက် လက်ဆောင်ရွက်နေပါတယ်။

►အရင်တုန်းက အဖွဲ့ဝင်က ၁၁ ဦး၊ အခု ၇ ဦးပဲ ရှိတော့တဲ့အတွက် လက်ရှိလုပ်နေရတဲ့ အလုပ်နဲ့ရှိတဲ့  သူနဲ့ သဟဇာတ   ဖြစ်ရဲ့လား ခင် ဗျား။

သာမန်အားဖြင့် စဉ်းစား ကြည့်ရင်ပဲ ၁၁ ယောက်လုပ်တဲ့ အလုပ်ကို ၇ ယောက်လုပ်ရတာ ဆိုတော့ နည်းနည်းတော့ ကသီ တာပေါ့ဗျာ။

အရင်အဖွဲ့ဝင် ၁၁ ဦးရှိစဉ် တုန်းက ဌာန ၅ ခု (လုပ်ငန်း ၅ မျိုး) ကို အောက်ပါအတိုင်း တာ ဝန်ခွဲဝေ ဆောင်ရွက်နေပါတယ်။

၁။ ကော်မရှင် စီမံခန့်ခွဲရေး ကော်မတီ ( EC)။ ဥက္ကဋ္ဌ ဦးဝင်းမြ၊ ဒုဥက္ကဋ္ဌ ဦးစစ်မြိုင်၊ အဖွဲ့ဝင် ဦးယု လွင်အောင်နဲ့ ဦးညွန့်ဆွေတို့ လေး ဦးက တာဝန်ယူကာ မူဝါဒချမှတ် ခြင်း၊ ငွေကြေးဆိုင်ရာ ဆုံးဖြတ် ချက်များ ချမှတ်ခြင်းတို့ကို ဆောင် ရွက်ပြီး လက်တွေ့ အကောင်အ ထည်ဖော်မှုကို ကျွန်တော်ဦးယုလွင် အောင်က တာဝန်ယူဆောင်ရွက် ပါတယ်။

၂။ မူဝါဒနှင့် ဥပဒေရေးရာ။ ဒေါ်သန်းနွဲ့၊ ဦးစိုးဘုန်းမြင့် (၂) ဦး။

၃။ လူ့အခွင့်အရေး လေ့ကျင့် ပညာပေးရေး။ ဦးယုလွင်အောင်၊ ဦးခင်မောင်လေး(၂) ဦး။

၎။ လူ့အခွင့်အရေး ကာကွယ် စောင့်ရှောက်ရေး။ ဦးဇော်ဝင်း၊ ဒေါက်တာဥာဏ်ဇော်၊ ဒေါ်မြမြ (၃) ဦး။

၅။ နိုင်ငံတကာ ဆက်ဆံရေး။ ဦးညွန့်ဆွေ၊ ဒေါက်တာ မြင့်ကြည် (၂) ဦး။

    ယခု ၄ ဦး နုတ်ထွက်ပြီး နောက် အောက်ပါအတိုင်း တာဝန် ခွဲဝေ ဆောင်ရွက်လျက်ရှိပါတယ်-

၁။ ကော်မရှင် စီမံခန့်ခွဲရေး ကော်မတီ (EC)။ လက်ရှိအတိုင်း ဆက်လက်ဆောင်ရွက်နေပါတယ်။

၂။ မူဝါဒနှင့် ဥပဒေရေးရာ။ ဦးစိုးဘုန်းမြင့်။

၃။ လူ့အခွင့်အရေး လေ့ကျင့် ပညာပေးရေး။ ဦးခင်မောင်လေး။

၎။ လူ့အခွင့်အရေး ကာကွယ် စောင့်ရှောက်ရေး။ ဦးယုလွင် အောင်၊ ဒေါက်တာ မြင့်ကြည်။

၅။ နိုင်ငံတကာ ဆက်ဆံရေး။ ဦးညွန့်ဆွေ။

►၂ဝ၁၁ ခုနှစ် စက်တင်ဘာလ အ တွင်းက ဖွဲ့စည်းခဲ့တဲ့ မြန်မာနိုင်ငံ အမျိုးသား လူ့အခွင့်အရေး ကော် မရှင်ရယ်၊ နိုင်ငံတော် သမ္မတရုံး ၂ဝ၁၄ ခုနှစ် စက်တင်ဘာ ၂၄ ရက်စွဲနဲ့ ပြန်လည် ဖွဲ့စည်းလိုက်တဲ့ မြန်မာနိုင်ငံ အမျိုးသား လူ့အခွင့် အရေးကော် မရှင်ရယ်၊ ပြီးတော့ လက်ရှိ အဖွဲ့ဝင် ၇ ဦးနဲ့ လုပ်နေတဲ့ ကော်မရှင်၊ ဒီ ၃ ခု ဘာတွေ ကွာ ခြားသွားလဲ၊ ထူးခြားတဲ့ ပြောင်းလဲ မှုတွေကို ပြောပြပါလို့ဆိုရင် ဘယ် အချက်တွေကို အဓိကထား ပြော မလဲခင်ဗျာ။

၂ဝ၁၁ ခုနှစ်က ဖွဲ့စည်းခဲ့တဲ့ ၁၅ ဦးပါ ကော်မရှင်က ပြည် ထောင်စုအစိုးရအဖွဲ့၏ အမိန့် ကြော်ငြာစာ အမှတ် (၃၄/၂ဝ၁၁) နဲ့ နိုင်ငံတော် သမ္မတရဲ့ အာဏာနဲ့ ထုတ်ပြန်၍ ဖွဲ့စည်းပေးခဲ့တာဖြစ် ပါတယ်။ ပါရီ အခြေခံမူအရ ဖွဲ့ စည်းပုံ ဖွဲ့စည်းနည်း သုံးမျိုး ရှိတဲ့
အနက် တတိယနည်းဖြစ်ပါတယ်။ နိုင်ငံတကာမှာလည်း ဒီလို ဖွဲ့စည်း ပေးကြတာတွေရှိပါတယ်။ ၂ဝ၁၄ ခုနှစ် စက်တင်ဘာ ၂၄ ရက်မှာ ဖွဲ့ ပေးတဲ့ ၁၁ ဦးပါ ကော်မရှင်က တော့ ၂၈-၃-၂ဝ၁၄ ရက်နေ့တွင် ပြည်ထောင်စုလွှတ်တော် ဥပဒေ အမှတ် ၂၁အဖြစ် ထုတ်ပြန်ပြ ဋ္ဌာန်း ခဲ့တဲ့ အမျိုးသား လူ့အခွင့်အရေး ကော်မရှင် ဥပဒေနဲ့အညီ နိုင်ငံ တော် သမ္မတရုံးရဲ့ အမိန့်အမှတ်၊ (၂၃/၂ဝ၁၄)ဖြင့် ဖွဲ့စည်းပေးခဲ့ တာ ဖြစ်တဲ့အတွက် ပါရီအခြေခံ မူအရ ဖွဲ့စည်းပုံနည်းလမ်း သုံးမျိုး ထဲက ဒုတိယနည်း ဖြစ်ပါတယ်။ ဒီနည်းက ပါရီအခြေခံမူအရ ပိုမို ခိုင်မာတဲ့ ဖွဲ့စည်းမှုဖြစ်ပါတယ်။ အဖွဲ့ဝင် ၄ ဦး နုတ်ထွက်သွားပြီး နောက် လက်ရှိ ၇ ဦးသာ ကျန်ရှိတဲ့ ကော်မရှင်ကတော့ မူလ ၁၁ ဦးပါ အဖွဲ့နဲ့ ထူးခြားပြောင်းလဲမှု မရှိပါ ဘူး။ ကော်မရှင်ဥပဒေပါ ပြဋ္ဌာန်း ချက်များအတိုင်း တာဝန်နဲ့ လုပ် ပိုင်ခွင့်တွေ အားလုံးအတူတူပါပဲ။ ယခင် နှစ်ယောက်စီ လုပ်နေရတဲ့ အလုပ်ကို တစ်ယောက်စီက ခွဲဝေ တာဝန်ယူရတော့ နည်းနည်း အ ချိန် လိုအပ်မှုတွေ ရှိလာတာပါပဲ။

►အရင်ခေတ်နဲ့ အခုခေတ် ဒီနှစ်ခု မှာ လုပ်ရ၊ ကိုင်ရ၊ စစ်ရ၊ ဆေးရ တာတွေရဲ့ အနေအထား၊ ဘယ် နေရာတွေမှာ သိသိ သာသာ   ပြောင်းလဲသွားလဲ၊ ဘယ်နေရာ တွေမှာတော့ မပြောင်းလဲဘဲ အ ရင်လိုပဲ ဆက်ဖြစ်နေလဲ၊ ကြုံနေရ တဲ့ အနေ အထားကို ပြောပြပေးပါ လားဗျာ။

အရင်ခေတ်ဆိုတာ ပြီးခဲ့တဲ့ ၂ဝ၁၁ ခုနှစ် ဦးသိန်းစိန်အစိုးရ လက်ထက်လို့ဆိုလိုဟန်ရှိပါတယ်။ အခုခေတ်ဆိုတာလည်း ၂ဝ၁၆ ခု နှစ် ဦးထင်ကျော်အစိုးရ လက် ထက်လို့ ဆိုလိုတယ်ထင်ပါတယ်။ အရင် ဦးသိန်းစိန်အစိုးရ လက် ထက်မှာ ကတည်းကိုက စစ်ဆေးမှု များနဲ့ ပတ်သက်လို့ အစပိုင်းမှာ ခက်ခဲမှုတွေ ကြုံတွေ့နေရပေမယ့် တဖြည်းဖြည်း အဆင်ပြေမှုတွေ တိုးတက် လာပါတယ်။ ဥပမာ အ ကျဉ်းထောင်၊ အကျဉ်းစခန်း၊ အ ချုပ်ခန်းတွေ ကြည့်ရှုစစ်ဆေးဖို့ ညှိနှိုင်းရာမှာ အစပိုင်းက အချုပ် ခန်းတွေ ကြည့်ရှုစစ်ဆေးခွင့် မပေး ခဲ့တာတွေ ရှိပါတယ်။ နောက်မှ သာ စစ်ဆေးခွင့်ပြုခဲ့တာပါ။ အစိုး ရနဲ့တော့ တိုက်ရိုက် မသက်ဆိုင် ပါဘူး။ သက်ဆိုင်တဲ့ ဝန်ကြီးဌာန နဲ့ပဲ ဆိုင်တာပါ။ ဒီဘက်ခေတ် ရောက်တော့ တာဝန်ရှိသူ အားလုံး က ကော်မရှင်ရဲ့ လုပ်ငန်းကို ပိုမို ပြီး ကြိုဆိုအားပေးလာတာ တွေ့ ရပါ တယ်။ ဝန်ကြီးဌာနတွေက လည်း ပိုပြီး နားလည်မှုရှိလာပြီး ပူးပေါင်း ဆောင်ရွက်မှုတွေလည်း ပိုမို တိုးတက်လာပါတယ်။ လူ့အ ခွင့် အရေး ချိုးဖောက်မှုတွေကို တိုက်ဖျက်ဖို့ ပိုမို အားပေးကူညီ လာတာကိုလည်း တွေ့ရပါတယ်။

►အင်းဝအပ်ချုပ်ဆိုင် ဖြစ်စဉ်ပြီး နောက်ပိုင်း မြန်မာနိုင်ငံ အမျိုးသား လူ့အခွင့်အရေးကော်မရှင်အပေါ် လူတွေက ယုံကြည် မှု  အထိုက် အ လျောက် လျော့ကျသွားလား။ ဒါမှ မဟုတ်လည်း ယုံကြည်မှုက ဆက် ရှိနေလား။ အမြင်ကို သိပါရစေ။

အင်းဝအပ်ချုပ်ဆိုင်ဖြစ်ပြီး နောက်ပိုင်း ကော်မရှင်အပေါ် လူ တချို့က ယုံကြည်မှု  အထိုက်အ လျောက် လျော့ကျသွားတယ်လို့ ဆိုနိုင်ပါတယ်။ သို့ပေမယ့် ပြည်သူ အားလုံးတော့ မဟုတ်ဘူးလို့ ထင် ပါတယ်။ ယုံကြည်မှုရှိနေဆဲ ပုဂ္ဂိုလ် တွေလည်း ရှိနေဦးမယ်
ထင်ပါ တယ်။ ဘယ်လိုပဲဖြစ်ဖြစ် ကျွန် တော်တို့ ကော်မရှင်အနေနဲ့တော့ မိမိတို့ လုပ်သင့်တဲ့ အလုပ်တွေကို ဥပဒေပါ ပြဋ္ဌာန်းချက် များနဲ့အညီ ဆက်လက် ကြိုးပမ်း လုပ်ဆောင် သွားမှာ ဖြစ်ပါတယ်။ အချိန်ကာ လတစ်ခု ရောက်ပြီ ဆိုရင်တော့ ထိုက်သင့်တဲ့ ယုံကြည် မှုတွေ ပြန် လည် ရရှိလာလိမ့်မယ်လို့ ယုံကြည် ပါတယ်။

►နိုင်ငံရေး အကျဉ်းသားဟောင်း အ ချို့ကတော့ အကျဉ်းထောင် အချို့ လူကျပ်နေတယ်။ အခွင့်အရေးတွေ ဆုံးရှုံးနေတယ် ဆိုပြီ ဝေဖန် မှု တွေ ကတော့ ရှိနေပါတယ်။ ပြီးခဲ့တဲ့ ရက်ပိုင်းက ဆူပူမှုဖြစ်ခဲ့တဲ့ မြင်းခြံ ထောင်ကို မြန်မာနိုင်ငံ လူ့အခွင့် အရေး ကော်မရှင်အဖွဲ့က လည်း သွားစစ်သေးတယ်လို့ သိရတော့ အခွင့်အရေး ချိုးဖောက်မှုတွေ တွေ့ခဲ့ရလားခင်ဗျ။      

မြင်းခြံထောင်ကို ပြီးခဲ့တဲ့ အောက်တိုဘာလ ၁၄ ရက်နေ့က စစ်ဆေးမှုတွေ ပြုလုပ်ခဲ့ပါတယ်။ အဲဒီမှာ အောက်တိုဘာ ၁၁ ရက် နေ့ က ဖြစ်ပွားခဲ့တဲ့ ထောင်ဆူပူမှု ဟာ တကယ်တော့ ထောင်ဆူပူမှု မဟုတ်ဘဲ သူတို့ရဲ့ ဆန္ဒကို ထုတ် ဖော်ကြတာပဲဖြစ်ပါတယ်။ နိုင် ကျဉ်းဟောင်းတို့ တင်ပြသလို လူ့ အခွင့်အရေး ထိခိုက်နစ်နာမှုတွေ ရှိနေတာကြောင့်ဖြစ်ပါတယ်။ အ ကျဉ်းထောင် အကျယ်အဝန်းနဲ့ အ ကျဉ်းသားဦးရေ မမျှမတ ဖြစ်နေ တာ အမှန်ပါပဲ။ ဒါ့အပြင် ဆေးကု သမှု အခွင့်အရေးကို ကန့်သတ် ထားတာ၊ ယခင်က အဆင်ပြေနေ
ခဲ့တဲ့ စားသောက်မှုကို လက်ရှိ ထောင်ပိုင်လက်ထက်မှာ မလိုအပ် ဘဲ ကန့်သတ်မှုတွေ ရှိလာတာ။ အခြား စည်းကမ်းချက်တွေကို လည်း မလိုအပ်ဘဲ ကန့်သတ်မှု တွေများတာ စတဲ့ လူ့အခွင့်အရေး ဆိုင်ရာ နစ်နာမှုတွေ တွေ့ရှိရပါ တယ်။ ဒါကြောင့်လည်း သက်ဆိုင် ရာ
ဝန်ကြီးဌာနကို ကျွန်တော်တို့ တွေ့ရှိချက်၊ သုံးသပ်ချက်၊ အကြံ ပြုချက်တွေ ပေးပို့ထားပြီး ဖြစ်ပါ တယ်။ မြန်မာနိုင်ငံ အမျိုးသား လူ့ အခွင့် အရေးကော်မရှင်ရဲ့ Website www.mnhrc.org.mm မှာ လည်း သတင်း ထုတ်ပြန်ချက် ထုတ်ပြန်ပြီး ဖြစ်ပါတယ်။

►ဒီနှစ်မှာတော့ ကုလသမဂ္ဂမှာ မြန် မာနိုင်ငံနဲ့ ပတ်သက်တဲ့ လူ့အခွင့် အရေးကိစ္စကို တင်တာတော့ မရှိ တော့ဘူး။ ဒါဟာ   ပြည်တွင်းမှာ တကယ်ပဲ လူ့အခွင့်အရေး ချိုး ဖောက်မှုတွေ အရင်ကထက် နည်း သွားလို့လား။

ကုလသမဂ္ဂမှာ မြန်မာနိုင်ငံနဲ့ ပတ်သက်တဲ့ လူ့အခွင့်အရေးကိစ္စ တင်ရန် မရှိတော့ဘူး ဆိုတာက တော့ နိုင်ငံရေးအရ ယုံကြည်မှု အပေါ် အခြေခံတယ်လို့ ထင်ပါ တယ်။ ပြည်တွင်းမှာ လူ့အခွင့်အ ရေး ချိုးဖောက်မှုတွေ အရင်က ထက် လျော့သွားတာကြောင့်လို့
တော့ မဆိုနိုင်သေးပါဘူး။ မြင်သာ တဲ့ ချိုးဖောက်မှုတွေရှိနေသလို မမြင်သာတဲ့ မမြင်နိုင်တဲ့ လူ့အခွင့် အရေးချိုးဖောက်မှုတွေဆိုတာ ရှိနေနိုင်ပါသေးတယ်။ ဒါကို ကော် မရှင်ရော၊ အစိုးရရော၊ ပြည်သူ တစ်ရပ်လုံးကပါ ဝိုင်းဝန်း စောင့် ကြည့်ဖြေရှင်းကြမှသာ လျော့နည်း
သွားမယ်လို့ တင်ပြလိုပါတယ်။

►အခု တိုင်စာတွေ လာတုန်းပဲလား။ ဘယ်ကိစ္စတွေ အများဆုံးလဲ။

တိုင်ကြားစာတွေကတော့ ခု လည်း လာနေတုန်းပါပဲ။ မြေယာ ကိစ္စတွေက အများဆုံးပါ။ လူ့အ ခွင့်အရေးချိုးဖောက်မှုတွေကို ပြည် သူအများသိရှိနားလည်တိုင်ကြား နိုင်စေဖို့အတွက် ကမ္ဘာ့လူ့အခွင့် အရေး ကြေညာစာတမ်း မြန်မာ ပြည်ကို သရုပ်ဖော်ကာတွန်းေ လး တွေနဲ့ MRTV မှာ သတင်းမကြေ ညာမီ ထုတ်လွှင့်ပေးနေပြီး တိုင် ကြားနိုင်ပါသည်ဆိုတဲ့ ကြေညာ ချက်ကိုလည်း မကြာမကြာ ထုတ် လွှင့်ပေးနေပါတယ်။

►တိုင်စာတွေကို ဘယ်လို စစ်ဆေး နေလဲ။ အကြံပြုပေးနေလဲ။ အရင် တုန်းက တိုင်စာတွေအပေါ် ထူး ခြားတဲ့ ရလဒ်မထွက် ခဲ့တာတွေ ကိုရော ဘယ်လို ဆက်လုပ်သွားဖို့ အစီအစဉ်ရှိပါသလဲခင်ဗျ။

တိုင်ကြားစာတွေကို ဖတ်ရှု စစ်ဆေးသုံးသပ်အကြံပြုဖို့ ကော် မရှင်အဖွဲ့ဝင် ဦးယုလွင်အောင်၊ ဒေါက်တာ မြင့်ကြည်နဲ့ ဦးစိုးဘုန်း   မြင့်တို့ သုံးဦးကို တာဝန်ပေးထား ပါတယ်။ ဒီအဖွဲ့ဟာ နေ့စဉ်နံနက် တိုင်း အစည်းအဝေးထိုင်ပြီး ဝင် ရောက်လာတဲ့ တိုင်ကြားစာတွေ ကို ဖတ်ရှုလေ့လာသုံးသပ်ပြီး ဘယ်လို ဆောင်ရွက်သင့်တယ်ဆိုတာ ဆုံး ဖြတ်ကြပါတယ်။ အပတ်စဉ် သော ကြာနေ့တိုင်းမှာေ တာ့   ကော်မရှင် မျက်နှာစုံညီ အစည်းအဝေ(ယခင် က ၁၁ ယောက်စုံညီပေါ့။ အခု ၇ ယောက်စုံညီပေါ့လေ)ကို တိုင်စာ တွေနဲ့ ပတ်သက် လို့ ဆောင်ရွက် ထားရှိမှုတွေကို တင်ပြပါတယ်။ အရေးကြီးတိုင်စာများ ရှိရင်လည်း အဲဒီစုံညီအစည်းအဝေးရဲ့ ဆုံးဖြတ် ချက်အရ ဆက်လက် ဆောင်ရွက် ပါတယ်။ အလျင်အမြန် ဆုံးဖြတ် ရမယ့် ကိစ္စပေါ်လာရင်တော့ သောကြာနေ့ထိ မစောင့်ဘဲ အ ရေးပေါ် စုံညီအစည်းအဝေး ခေါ် ပြီး တိုင်ပင်ညှိနှိုင်း ဆုံးဖြတ်ပါ  တယ်။ ဒါတွေဟာ အခုပြန်လည် ဖွဲ့စည်းလိုက်တဲ့ တိုင်ကြားစာစိစစ် ရေး အဖွဲ့ရဲ့ ဆောင်ရွက်ချက်တွေ ဖြစ်ပါတယ်။ အရင်က မပြီးပြတ် သေးတဲ့ အမှုတွဲတွေကိုလည်း အဖွဲ့သစ်က အမြန်ပြီးပြတ်အောင်
ဆောင်ရွက်နေပါတယ်။

Comments (0)

Leave a reply

Your email address will not be published. Required fields are marked *

*