ရန်ကုန်မြို့သစ် စီမံကိန်းများ စတော့မလား

ရန်ကုန်မြို့သစ် စီမံကိန်းများ စတော့မလား
October 19, 2016 Asian Fame

7:39 am
ရန်ကုန်မြို့သစ် စီမံကိန်းများ စတော့မလား
In Articles

ရန်ကုန်မြို့သစ် စီမံကိန်းများ စတော့မလား

bo-nyein-thar-article-2

အလှမ်းကျယ်လျှင် အချိန်တိုအတွင်း ခရီးရောက်သွားနိုင်ပါ၏။ သို့သော်လည်း အလှမ်းကျယ်ကအလယ်မှာ လပ်သွားတတ်ပါသည်။ အလှမ်းမတော်ပါလျှင် ချော်လဲသွားတတ်ပါသည်။ သတိထားရမည့်ကိစ္စ ဖြစ်ပါသည်။ ညကြည့်မြင်တိုင် တစ်ဖက်ကမ်းတွင် ရန်ကုန်မြို့သစ်စီမံ ကိန်းကို တစ်နှစ်အတွင်းစတင် အကောင်အထည် ဖော်တော့မည်။ သည်ကိစ္စကို ရန်ကုန်တိုင်းဒေသကြီးအစိုးရအဖွဲ့က တိုက်ရိုက်စီစဉ်နေပြီ။ လွှတ်တော်တင်ပြီး အ တည်ပြုလျှင် တင်ဒါ ခေါ်ရုံပဲတဲ့။ ”ယခင် ရန်ကုန်မြို့သစ် စီမံကိန်းတွင် ကုမ္ပဏီသုံးခုကိုသာ တင်ဒါခေါ်၍ ယင်း ကုမ္ပဏီ သုံးခုကမြို့သစ်ကြီးအားအကောင်အထည်ဖော်သွားမည့် ပုံစံရှိကြောင်း၊ ယခုဆိုလျှင် ရန်ကုန်တိုင်းဒေသကြီး ဝန်ကြီးချုပ်က ယခင်ပုံစံအတိုင်း အကောင်အထည် ဖော်မည်မဟုတ်တော့ကြောင်း၊ ရန်ကုန်မြို့သစ်စီမံကိန်းကိုတိုင်း ဒေသကြီးအစိုးရအဖွဲ့က ကြီးကြပ်ကွပ်ကဲမည် ဖြစ်ကြောင်း၊ ကုမ္ပဏီများအား တင်ဒါခေါ်ကာ ယှဉ်ပြိုင် စေမည်ဖြစ်ကြောင်း၊ ယင်းသို့ ဆောင်ရွက်သောအခါ မူလကဝင်ရောက် ယှဉ်ပြိုင်ခဲ့သည့် ကုမ္ပဏီသုံးခုကိုလည်း ပြန်လည် ယှဉ်ပြိုင်စေမည်ဖြစ်ကြောင်း၊ ပြီးမှ ရွေးချယ် ကြမည်ဖြစ်ကြောင်း၊ ဤသည်မှာ နည်းလမ်းကျသော လုပ်ငန်းစဉ်တစ်ခုဖြစ်သည်ဟုလည်း လွှတ်တော်က သုံး သပ်ထားကြောင်း” စသဖြင့် အကြောင်းပေါင်းစုံ သတင်း များ ထွက်လာသည်။ ရန်ကုန်တိုင်းဒေသကြီးအစိုးရက တစ်နှစ်အတွင်း ဦးစားပေးဆောင်ရွက်မည့် လုပ်ငန်းများ အနက် ရန်ကုန်မြို့သစ်စီမံကိန်း၊ မြို့ပတ်ရထားလမ်း စီမံ ကိန်း၊ ဘတ်စ်ကားလိုင်းအသစ် လုပ်မည့်စီမံကိန်း၊ စက်မှု ဇုန်စီမံကိန်း၊ ဆိပ်ကမ်းရွှေ့ပြောင်းမည့်ကိစ္စများနှင့် ကျူး ကျော်ကိစ္စများ ပါဝင်သည်ဟု ပြောကြ၏။ ရန်ကုန်မြို့သစ် စီမံကိန်းမှာ ကြည့်မြင်တိုင်တစ်ဖက်ကမ်းတွင် အကောင် အထည်ဖော်မည်။ ကြည့်မြင်တိုင်တစ်ဖက်ကမ်းရှိ တွံ တေးနှင့် ဆိပ်ကြီးခနောင်တိုမြို့နယ် နှစ်ခုကြားရှိ မြေ ဧကစုစုပေါင်း နှစ်သောင်းကျော် အသုံးချမည်ဖြစ်ကြောင်း သိရ၏။

အသစ်အသစ်များ စနိုင်လျှင် ကောင်းပါသည်။ အဟောင်းများကိုလည်း ပစ်မထားသင့်ပါ။ ယခင်အစိုးရလက်ထက်တွင်လည်း သည်လိုစီမံကိန်းများ မရှိခဲ့ဘူး လားဟု မေးမည်ဆိုပါက မဟာရန်ကုန် မြို့ပြဖွံ့ဖြိုးရေး မဟာဗျူဟာစီမံကိန်းဆိုသည် မှာ ရှိသည်ပေါ့။ ရန်ကုန် မြို့ကို တိုးချဲ့မည့်စီမံကိန်းပဲ။ ရန်ကုန်အရှေ့ပိုင်း မြို့သစ်၊ ရန်ကုန်အနောက်တောင်ပိုင်း မြို့သစ်၊ သန်လျင်မြို့သစ်၊ ဒလမြို့သစ်၊ ထန်းတပင်မြို့သစ်၊ မှော်ဘီမြို့သစ်၊ လှည်း ကူးမြို့သစ် အစရှိသည်ဖြင့် ဦးစားပေးအလိုက် အသီးသီး လျာထားကြောင်း သိရသည်။ မည်သို့မည်ပုံ အကောင်အ ထည်ဖော်ဖြစ်သွားကြောင်းမူ သတင်းဆက်မရတော့ချေ။

သည်အကြောင်းများ ပြောဖြစ်တော့ အတိတ်မှ ဖြစ်ရပ်များကို ပြန်အမှတ်ရလာ၏။ ယခုတော့လည်း လွမ်းစရာလေးများအဖြစ်ကျန်ရစ်ခဲ့ပြီပဲ။ ယင်းသို့ဆိုလျှင် သူငယ်ချင်းများက ဝေဖန်ကြဦးမည်။ ”မင်းကွာ နောက် ကြောင်းပဲ ပြန်နေတာပဲ။ ရှေ့မှာဘာဖြစ်နိုင် မလဲဆိုတာ မင်းအမြင်လေးတွေ ထည့်ပြောပါဦး”ဟု ဝိုင်းပြောကြလိမ့် မည်။ အသက်ခြောက်ဆယ်ကျော် ပင်စင်စား၍ မိမိအိမ် တွင် ”ကျီစောင့်ကြက်နှင်ဘဝမျိုး”တွင် နေနေတော့ ရှေ့ ဘာဖြစ်မလဲဆိုသည်မှာ မိမိနှင့်မဆိုင်တော့ဟု ထင်သည်။ ”သူတို့ကောင်းမည် ထင်သလိုလုပ်ကြမှာပဲ။ မိမိတို့တုန်း ကလည်း ကောင်းမည်ထင်သလိုလုပ်ခဲ့ကြတာ”ဟု တွေး မိသည်။ မိမိတို့အတွက်မှာမူ ဇာတိဇရာ၊ ဗျာဓိမရဏ ဆိုသလိုရေဝေးသို့ ဘယ်အချိန် လှမ်းရမည်ကိုတွက် ဆနေရသော အချိန်ကာလ။

တစ်ခုတော့ ပြောပြချင်ပါသည်။ မြို့သစ်စီမံကိန်းများ အကောင်အထည်ဖော်ရာတွင် မိမိတို့ မှားယွင်းခဲ့ပုံများကို ပြောပြထားလျှင် ရှောင်ကွင်းနိုင်မည်ပေါ့။ မိမိတို့ ရန် ကုန်စည်ပင် ရောက်ခါစကာလတွင် ဒဂုံတောင်၊ ဒဂုံ မြောက်၊ ရွှေပြည်သာ၊ လှိုင်သာယာ စသော မြို့သစ်များ ဘာတစ်ခုမျှ မပေါ်သေးပါ။ ယင်းမြို့သစ်စီမံကိန်းများ အစပြုရန် အကြံဥာဏ်ထုတ် ကြတုန်းသာ ရှိပါသေးသည်။

ယခင် ရန်ကုန်မြို့တော်ဟောင်း၏မြို့ကွက်အနေအ ထားကိုကြည့်လျှင် တောင်မြောက် ဒေါင်လိုက်တန်းနေ သည်။ ယခုတွေ့ရသည့် ဘဲဥပုံလိုလို လေးထောင့်ဆန်ဆန် ပုံမျိုးမဟုတ်သေး။ ရိုးမကြောဆုံးသည့် သိမ်ဂုတ္တရကုန်း အတိုင်းလိုက်၍ မြို့ကိုတည်ထားပုံရသည်။ တစ်ခုခုတော့ တစ်ခုခုပဲ။ ထိုစဉ်က ပညာရှင်များသည်လည်း မြို့ကွက် ကို စတုရန်းကွက်ပမာ အနေအထားကျအောင် စဉ်းစား ကြမည်သာဖြစ်သည်။ ဘာကြောင့် သည်လို တောင် မြောက်ဒေါင်လိုက်တန်းနေရသနည်း။ အဖြေရှာမရ။ထိုစဉ်က မိမိတို့လည်း ငယ်ရွယ်နုနယ်ချိန်။ ”ငါကွ”ဟူသည်မာန်ကလည်း တက်စအချိန်။ ရှည်ရှည်ဝေးဝေး
တွေးမနေတော့။ ”ငါတို့လက်လက်မှာ အရင်ထက်သာ အောင် လုပ်ပြလိုက်ဦးမယ်”ဟု လက်မထောင်ကာ မျက်ခုံးပင့်ကာ ကြွေးကြော်ခဲ့သည်။

လက်တွေ့လုပ်ကြည့်တော့ အခက်အခဲပေါင်းစုံနှင့် ရင်ဆိုင်ရသည်။ ကုန်ကျစရိတ်ကလည်း ဆထက်ထမ်းပိုး တိုးလာသည်။ ထိုစဉ်က ဒဂုံတောင်သို့ လုပ်သက်ရင့် ဝန်ထမ်းတချို့နှင့် ရွှေတိဂုံဘုရား အရှေ့ဘက်မုခ်နေရာကို ရှင်းလင်းစဉ်က ရင်ဆိုင်ခဲ့ရသည့် ကျူးကျော် အိမ်ဆိုင် များကို ဦးစားပေးနေရာချထားသည်။ ဒဂုံမြောက်တွင်မူ ဝန်ထမ်းများကို အကွက်ရိုက်နေရာချထားပေးခဲ့သည်။ ရွှေပြည်သာတွင်လည်း ကျူးကျော်အိမ်ထောင်စုများကို နေရာပေးခြင်းသာများသည်။ လှိုင်သာယာမြို့သစ်ကိုမူ အကောင်အထည်ဖော်ခဲ့သည်မှာ ¤င်းတို့ထက်နည်းနည်း နောက်ကျသည်။

အခက်အခဲ အမျိုးမျိုးတွေ့ရသည့် အဓိကအကြောင်းရင်းမှာ လုပ်ငန်းစီမံကိန်းများကို မူလက ကြိုတင်စီမံထားသည့်အတိုင်း အကောင်အထည်ဖော်ဆောင်ရွက်ရသည် မဟုတ်ဘဲ အချိန်မဆိုင်းဘဲ အမိန့်အရ တက်သုတ်နှင်ကာ ဆောင်ရွက်ရခြင်းကြောင့် ဖြစ်၏။ အိမ်တွေဆောက်သူ များက ဆောက်၊ လမ်းဖောက်သူက ဖောက်၊ တံတား ဆောက်သူက ဆောက်၊ အဝီစိတွင်း တူးသူကတူး၊ လျှပ် စစ်မီးပေးနိုင်ရန် ဓာတ်တိုင် စိုက်သူကစိုက်၊ ဤသို့ဖြင့် တည်ဆောက်ရေး လုပ်ငန်းခွင်တစ်ခုလုံး ဆူညံပွက်လော ရိုက်နေသည်။ ဖြစ်သလိုလုပ်တော့လည်း လုပ်သလိုတော့ ဖြစ်သွားသည်။ ပုံပန်းတကျတော့မဟုတ်။
မြို့တစ်မြို့ ဆောက်နေသည်နှင့်မတူတော့ဘဲ ရန်သူ့ခံစစ်စခန်းကို တက်ပြီး သိမ်းပိုက်နေသည်နှင့်သာ တူနေသည် မဟုတ် လား။ နောက်ပိုင်းမှ အမှားများကို လိုက်ဖာထေးရသည်။ အချိန်လည်း ကုန်။ လူလည်းပမ်း။ ”စရိတ်ကုန် ဇလုံပွန်း သလို” ဖြစ်သွား၏။ အမှန်ကား မြို့သစ်စီမံကိန်းများ အကောင်အ ထည်ဖော်ရာတွင် အဖွဲ့အစည်းတစ်ခု သို့မဟုတ် တိုင်းပြည်တစ်ပြည်အတွက် စနစ် ဇယားများနှင့် ကိုက်ညီအောင် ဆောင်ရွက်နိုင်ရန် နှင့် လိုအပ်သောအခြေခံဝန်ဆောင်မှုများကို ကြိုတင် စီမံထားရန် အရေးကြီးသည်။ ဗိုလ်လိုပြောရရင်တော့ ”Infrastructure”ပေါ့။ လျှပ်စစ်ဓာတ်အားရရှိရေး၊ သောက်ရေသုံးရေ ရရှိရေး၊ သယ်ယူပို့ဆောင်ရေး စသည်တို့အပြင် အခြေခံအဆောက်အအုံများ၊ သည် ကိစ္စများကို တစ်ဆင့်ချင်းသွား ရန်လိုပါသည်။

ရေကိစ္စတွင်လည်း ပြဿနာတော်တော်တွေ့လိုက် သေးသည်။ ဒဂုံတောင် ဒဂုံမြောက်တွင် ဆားဓာတ် (NaCl) များသည်။ ရေကို သောက်ရေအဖြစ် မသုံးနိုင်။ သုံးရ ရုံပဲ။ လှိုင်သာယာရှိရေများမှာ သံဓာတ်များသည်။ ဂျိုးဖြူမှရေကိုလည်း မပို့နိုင်သေး။ ယင်းသို့ဖြစ်ပြီး နောက်ပိုင်း၌ ရေနှင့်ပတ်သက်၍ ရန်ကုန်မြို့၏ အရှေ့ ဘက် ဒဂုံတောင် ဒဂုံမြောက် နေရာတို့တွင်လည်းကောင်း၊ အနောက်ဘက်ပိုင်းရှိ နေရာတို့တွင်လည်းကောင်း အဝီစိတွင်းများတူးကာ ရေရရှိမှု စမ်းသပ်ထားသော မြေ ပုံတစ်စုံကို မမျှော်လင့်ဘဲ ရှာတွေ့လိုက်၏။ အမှန် တကယ် တန်ဖိုးရှိသော တွေ့ရှိချက်ဖြစ်၏။ အင်္ဂလိပ် ကိုလိုနီခေတ်နှောင်းပိုင်းမှ မြေပုံဖြစ်ဟန်တူ၏။ သည် အတွက်ကြောင့် ကိုရွှေအင်္ဂလိပ်တို့ ရန်ကုန်မြို့ကိုတောင် နှင့် မြောက်ကိုသာ တိုးချဲ့သွားခြင်းပါလားဟု အသိမှန်ရကာ ”ငါကွ။ အစွမ်းပြလိုက်မယ်”ဆိုသော မာန်လည်း တော်တော်ကျသွားသည်။

မြို့ပတ်ရထားလမ်း စီမံကိန်းကိုလည်းရေးဆွဲနေပြီ ဆို၏။ မဖြစ်မနေ အကောင်အထည်ဖော်သင့်သော လုပ်ငန်းဖြစ်ပါသည်။ ရန်ကုန်မြို့တော်ရှိ ရထားလမ်း များကိုကြည့်။ ကိုလိုနီခေတ်ကတည်းက ရရှိခဲ့သော အမွေအနှစ်ဟုပြောနိုင်၏။ ဘယ်လိုပင်ပြောပြော အင်္ဂ လိပ်တို့ကိုပင် ကျေးဇူးတင်ရဦးမည်။ မိမိလာအိုနိုင်ငံ သို့ အကြောင်းကံသင့်၍ရောက်သည်။ သူတို့က ပြင် သစ်လက်အောက်ခံ ကိုလိုနီဖြစ်ခဲ့ဖူးသည်။ သူတို့တိုင်း ပြည်တွင် ရထားလမ်းမမြင်ဖူးခဲ့။ ဂုတ်သွေးစုပ်၍ ကျွန်ပြုခံရသည်ချင်းအတူတူ မိမိတို့ကသာသည်ဟုြ<ွကားရမလိုတောင်ဖြစ်၏။ မည်သို့ပင်ဖြစ်စေ သူတို့လုပ် ပေးခဲ့သော မီးရထားလမ်းကား ဟိုတုန်းကခေတ်၊ ဟိုတုန်းက ခရီးသွားလာမှုအခြေအနေနှင့် ကိုက်ညီပါ သည်ဟု ပြောရမည် ဖြစ်သော်လည်း ယခုအချိန်တွင် ကားများ ကျပ်တည်းပိတ်ဆို့နေခြင်းမှာ မြို့ပတ်ရထား လမ်းကြောင့်ဟု အပြစ်တင်လျှင်ရမည်ထင်၏။ မြို့ ပတ်ရထားလမ်းသာ သည်လိုမြေပြင်ပေါ်တွင် မထား ဘဲ မိုးပျံမြို့ပတ်ရထားလမ်းဖြစ်ခဲ့လျှင်ဟု စိတ်ကူးယဉ် ကြည့်။ ရထားလမ်းနှင့် ကားလမ်းဆုံသောနေရာများ၌ မြို့ပတ်ရထားလာသဖြင့် ယခုလို မော်တော်ယာဉ်များ တစ်သီတစ်တန်း စောင့်ဆိုင်းနေရခြင်းမျိုးရှိတော့မည် မဟုတ်။ ကားမောင်းသူများဘက်ကလည်း ထိုမြို့ပတ်ရထားများကို ဦးစားပေးနေရခြင်းအား သိပ်မကြည် ဖြူချင်တော့။

ဘတ်စ်ကားလိုင်း အသစ်လုပ်မည်ဆိုသည်။ ပိုမို ကောင်းအောင် ယာဉ်လိုင်းစနစ်ကြီးတစ်ခုလုံး ပြုပြင် ရန်လိုနေပြီ။ စည်းကမ်းမဲ့မောင်းနှင်နေသော မော် တော်ယာဉ်များကို ပြတ်ပြတ်သားသား အရေးယူနိုင် လျှင်ပင် တော်တော်ခရီးရောက်နေပြီ။ တဖန် ရန်ကုန် မြို့ရှိ ဆိပ်ကမ်းကြီးကို ရွှေ့ပြောင်းဦးမည်တဲ့။ ယင်းသို့ ဆောင်ရွက်နိုင်လျှင် ရန်ကုန်မြို့၏ ခန့်ညားထည်ဝါမှု များ ပိုမိုမြင်သာလာမည်။ ရန်ကုန်မြို့သားများအတွက် ပင်လယ်လေကို ဝဝရှုခွင့်ရတော့မည်။ ထို့ပြင် စက်မှု ဇုန်စီမံကိန်းအကောင်အထည်ဖော်ဦးမည်ဟု ကြားရ သည်။ ယင်းအရေးကိစ္စမှာ တော်တော်သတိထားကာ လုပ်ဆောင်ရမည့်သဘောရှိနေသည်။ ယခုပင် စက်မှု ဇုန်များတွင် လုပ်ငန်းကို ပီပီပြင်ပြင်မလုပ်ဘဲ နေရာဦး ထားသူများ ရှိနေသေးသည်။ သူတို့ဘက်ကလည်း လျှပ်စစ်မီး ပုံမှန်မပေးနိုင်သည်ကို အကြောင်းပြသည်။ ထိုကိစ္စများမှာ ငွေရေးကြေးရေးမှ စွမ်းအင်သုံးစွဲမှု ကိစ္စများအထိ ပါလာသည်။ မြို့ပြဆိုင်ရာနိုင်ငံခြားပညာ ရှင်တစ်ဦးက မိမိတို့ ရန်ကုန်မြို့ပတ်ပတ်လည်ရှိ စက်မှု ဇုန်များမှာ မြို့ကို ထပ်မံတိုးချဲ့၍မရအောင် ကန့်သတ် လိုက်သလို ဖြစ်နေကြောင်း ဝေဖန်ဖူးသည်။ သူပြောမှ မြေပုံကို စေ့စေ့စပ်စပ်ပြန်ကြည့်မိတော့ ”ဟုတ်သားပဲ” ဟု ဝန်ခံဖြစ်သည်။

ရန်ကုန်မြို့အတွက် ခေါင်းအခြောက်ရဆုံး ပြဿနာမှာ ကျူးကျော်ကိစ္စများဖြစ်သည်။ ကျူးကျော်ဆိုလျှင် မည်သည့်အရာမျှ မကောင်း။ စည်ပင်မြေသာမက နေ ရာယူ၍ရသော မြေမှန်သမျှ ကျူးကျော်ကြသည်။ တိုင်းပြည်ဆင်းရဲသဖြင့် တောနှင့်မြို့ကွာဟချက်များ လာသည်။ ထိုအချက်ကြောင့် မြို့တွင် လူများအားလုံး လာရောက်စုမိကာ အခက်အခဲပေါင်းစုံ ကြုံရတော့ သည်။ တဖန် ”ကျူးကျော်လမ်းဘေးဆိုင်”ဟူသည့် ခေတ်အဆက်ဆက်က မဖြေရှင်းနိုင်သေးသော ပြဿ နာများလည်းရှိသေး၏။ သည်အကြောင်းများ ရေးပြနေလျှင် ရွာလည်သွားမည်။ အလှမ်းကျယ်လျှင် မြန်မြန်ရောက်သွားနိုင်သည် ဟု ပြောလျှင်ရပါ၏။ သို့ရာတွင် ချော်လဲသွားလျှင် အရှက်ကွဲတတ်ပါသည်။ သို့ဖြစ်၍ အလုပ်ကြီးကြီးလုပ် လုပ်၊ အလုပ်အသေးအမွှားပဲလုပ်လုပ် ဂရုစိုက်ရမည် သာဖြစ်ပါသည်။ ရန်ကုန်မြို့သားစစ်စစ်တစ်ဦးအနေ ဖြင့် တောင်းဆိုရမည်ဆိုလျှင် နှစ်ကာလကြာ အရိုးစွဲနေသော ဤမြို့ကြီး၏ အရင်းခံပြဿနာများကိုလည်း စဉ်းစားဖြေရှင်းပေးကြပါရန် တောင်းပန်လျက် နိဂုံးချုပ်ပါတော့မည်။

ဘိုငြိမ်းသာ

Comments (0)

Leave a reply

Your email address will not be published. Required fields are marked *

*