ခါးအောက်ပိုင်းပစ်တဲ့ လေသေနတ်ကွင်း

ခါးအောက်ပိုင်းပစ်တဲ့ လေသေနတ်ကွင်း
September 14, 2016 Asian Fame

5:39 pm
ခါးအောက်ပိုင်းပစ်တဲ့ လေသေနတ်ကွင်း

    Popular Choice  ဆိုသည်က ပေါ်ပြူလာနယူးစ်၏ ရွေးချယ်မှုဟူသည်ထက် တစ်ပတ်အတွင်းဖြစ်ခဲ့သော ထူးခြားမှုများအနက်  အများပြည်သူ စာဖတ်သူတို့အတွက် အရေးပါသော၊ အများပြည်သူအပေါ် အသက်ရောက်ဆုံး ဖြစ်စေသော အကောင်းအဆိုး တစ်စုံ တစ်ရာ  ကို လုပ်ဆောင်ခဲ့သော လူပုဂ္ဂိုလ်ဖြစ်စေ၊ အဖြစ်အပျက်တစ်ခုခုကိုဖြစ်စေ၊ တီထွင်ဆန်းသစ်မှု သို့မဟုတ် လူသုံးကုန် ပစ္စည်းတစ် ခုခုကိုဖြစ်စေ ပေါ်ပြူလာ အဖြစ်ဆုံးဟု ယူဆသည့်အကြောင်းကို ရွေးချယ်တင်ဆက်ခြင်းဖြစ်ပါသည်။တစ်ပတ် အတွင်း ဖြစ်ပွား ခဲ့သည် တို့မှ ကောက်နုတ်တင်ဆက်ခြင်းဖြစ်ရာ စာဖတ်သူတို့၏ အကြိုက်နှင့် ကွဲလွဲကောင်း ကွဲလွဲနိုင်သော်လည်း ထိုကွဲလွဲမှုသည်ပင်မတူ ညီသောအမြင်များ ကို သုံးသပ်နိုင် သည်ဖြစ်၍ အသိညဏ်နှင့် ရှုထောင့်များသုံးသပ်နိုင်မှု ပိုမိုကျယ်ပြန့်လာစေရန်လည်း ရည်ရွယ် ပါသည် ။အထူးသဖြင့်မူ ပေါ်ပြူလာနယူးစ်၏ စာဖတ် ပရိသတ်တို့ အတွက် ရင်းနှီး ရ သောအချိန်နှင့် ငွေကြေးအကျိုးမဲ့ မဖြစ်စေဘဲ တစ်ပတ် အတွင်း ထူးခြားမှု တို့ကို သိမ်းဆည်းမှတ်တမ်းပြုနိုင်ရန် ဖော်ပြခြင်းဖြစ်ပါသည်။

ဤရက်ပိုင်းအတွင်းမှာပင် ဖြစ်ပါ သည်။

ရုပ်ရှင်မင်းသမီးငယ်အချို့ အမျိုးသားလူရွှင်တော်များအသွင် လုပ်၍ ကသောအငြိမ့်တစ်ခု။ ရုပ်သံလိုင်းတစ်ခုမှ တိုက် ရိုက် ထုတ် လွှင့်ခြင်းဖြစ်ရာ ဟာသ ကြိုက် သော မြန်မာ ပရိသတ်များဖြစ်သည်က တစ် ကြောင်း၊ မင်းသမီးများလူရွှင်တော်လုပ် ခြင်းကြောင့် အမြင် ဆန်းခြင်းကြောင့်တစ် ကြောင်း စောင့်မျှော် အားပေးကြ၏။ သို့ သော် မြန်မာ့ ရိုးရာ အငြိမ့်ကို မြန်မာမိန်းကလေးများက ထိုသို့ကပြသည့် တိုင်  တီဗီကို အလန့်တကြား ထပိတ်လိုက်ရသည်ဟု ဆိုကြသည်။ အကြောင်းမူကား ခါးအောက် ပိုင်းပြက်လုံးများကို တစ် တစ်ခွခွကျယ်ကျယ်လောင်လောင်ပြက်နေသောကြောင့် ပင်။ ထို့အတွက်လည်း လောကသားများ ထဲမှပင် ဝေဖန်ကြသည် ကို ဖေ့စ် ဘွတ်ခ် တွင် မြင်တွေ့ ခဲ့ရသည်။

အထက်ပါအကြောင်းအရာတွင် ပါ သော ခါးအောက်ပိုင်းဟူသည်က မောင် နှင့်နှမ၊ သားနှင့်အမိ အတူယှဉ်တွဲကြည့် ရန်၊ နားထောင်ရန် မသင့်သော ညစ်ညမ်း သဘောကို ပမာပြုခြင်းဟု အများနားလည် ပါလိမ့်မည်။ ခါးအောက်ပိုင်းဆို၍ လိင် သဘော၊ ဆဲဆိုရိုင်း ပျခြင်း သဘောနှင့်ညစ် ညမ်းသဘောများကိုသာမပြောလို။ အထူး သဖြင့် ဤကာလ များ အတွင်း ထင်ထင် ရှားရှား တွင်ကျယ် လာေ သာ ဖေ့စ် ဘွတ်ခ် အင်တာနက်ပေါ်မှ ခါးအောက်ပိုင်း သဘောတရားများလည်း ပါဝင်ပါသည်။

ခါးအထက် မတက်တော့သောလောက

ဤခါးအောက်ပိုင်းသဘောကတော့ ဦးတည်ချက်မတူပါ။ ညစ်ညမ်းသဘော မဟုတ်ဘဲ တစ်ပါးသူတို့၏ အတွင်းရေး သတင်းများ၊ အတိတ်မှအဖြစ်အပျက်များ၊ အားနည်းချက်နှင့် အမှားအယွင်းအပြစ် များကို တကူးတကဖော်ထုတ်ကာ အ နှောင့်အယှက်ပြုခြင်း ဟုဆို ရမည်။ ပို၍ သတိပြုစရာဖြစ်ရသည်က ထိုသို့သောအ ကြောင်းများကို တင်သူကတင်၍ Shareယူဝေမျှခြင်း၊ ထိုအကြောင်းတို့ကို ထမင်း မေ့ ဟင်းမေ့ပမာ ပြောဆိုကြခြင်း၊ တစ်ဦးမှ တစ်ဦး လက်ဆင့်ကမ်း၍ အ ကျယ်တဝင့် ပြောနေကြခြင်း၊ ထိုမျှမက ထိုအဖြစ် အပျက် တို့ကို အမျိုးမျိုးအဖုံဖုံ သုံးသပ်ဝေဖန်ကြ ရင်းမှ ဟိုဘက်သည်ဘက် ဆန့်ကျင်ဘက် အပြိုင်အဆိုင်တိုက်ခိုက် လာကြသည်အထိ ဖြစ်နေခြင်း ပင်ဖြစ် သည် ။ သေချာသည် က ဖျော်ဖြေရေးဟူသောကဏ္ဍများတွင် (ရုပ် ရှင်၊ ဇာတ်သဘင်၊ အငြိမ့်၊ သီချင်း) လည်း ဆဲဆိုခြင်းနှင့် လိင်ကိစ္စ နှစ်ခွထွက်သော ညစ်ညမ်းစကားများ ၊ ပြက်လုံးများ ကို ဖော ဖော သီသီ ထည့်သွင်း သုံးလာသည့်နည်းတူ အင်တာနက် တွင် လည်း ထိုသို့သောစကား များက ဟာသသဖွယ် ၊ ရေးကြီးခွင်ကျယ် ပြောဆိုစရာ အကြောင်းအရာသဖွယ် တွင် ကျယ်နေ သည်ဟု ဆိုရမည် ။ ဤနေရာတွင် အများစု မေ့လျော့သတိမထားမိသည်မှာ ထိုအခြင်းအရာ တို့ ဖြစ်ထွန်းရာနေရာများ သည် အများပြည်သူနှင့် သက် ဆိုင်သော၊ သက်ေ ရာက်ေ စသောနေရာများတွင် ထွန်း ကားနေခြင်းကိုဖြစ်သည်။ အထူးသဖြင့် တော့ ယခုအခါ လူတိုင်းလက်တွင် ရှိနေ သော Facebook တွင် ဖြစ်ပါသည်။

လုလု နီနီ ဖွေးဖွေးတို့မှ— ဆက်လက်၍

မူလကတော့ ပုဂ္ဂိုလ်ရေး တိုက်ခိုက်မှု သက်သက်သာဖြစ်သည်။ သို့သော်ထောက် ခံသူများဟု အဓိပ္ပာယ်ရသည့် ဝန်းရံသူ များ ကြောင့် ပင် ဖေ့စ် ဘွတ်ခ် ကောင်း မှုအ ကြောင်းပြု ၍ မော်ဒယ်လုလုအောင်က တော့ ပို၍နာမည်ကျော်ကြားသွားခဲ့သည်။ Sexy Model ဟူသော ရပ်တည်မှုအတိုင်း ကိုယ်ခန္ဓာအလှအပ များကိုတစွန်းတစ ဖော်ပြ၍ ပုရိသများကို ဖမ်းစားနိုင်သော အခြေအနေကို photo shop ဖြင် ပြုပြင် ထားခြင်းဟု အစထုတ် အပြစ်ဆိုရာမှ ဟိုး လေးတေ ကျာ်ကျော် ဖြစ်ခဲ့ခြင်း ပင်။ ထိုအ တွက် တကယ်တမ်း အကျိုးအမြတ် ရှိခဲ့ သူက လုလုအောင်ကိုယ်တိုင်ပင်ဖြစ်သည်။ ပို၍ နာမည်ကြီး လူသိများလာသောအ ကြောင်းကြောင့် ရုပ်သံနှင့် ပုံနှိပ်မီဒီယာ များက လည်း အပြိုင်အဆိုင် ရိုက် ကူးေ ဖာ် ပြ၍ ဈေးကွက်ရှာဖွေခဲ့ကြသည်။ ထို့ကြောင့် သူနှင့်ပတ်သက်၍ ပုဂ္ဂိုလ်ရေး တိုက်ခိုက်မှု မအောင်မြင်ဘဲ သူသည်သာ အောင်ပန်း ဆင်သွား ခဲ့ရသည်။ ထိုလု လုအောင် အရေး တွင်လည်း အထက်တွင်ဆိုခဲ့သလို ဝန်းရံ သူ အပြစ်ဖို့သူ စသည့် အုပ်စုများဖြင့် ပွဲ ကြမ်းခဲ့ကြသည်က အမှန်ဖြစ်၏။

ဒုတိယမြောက်ကံဆိုးသူကတော့ အဆိုတော် နီနီခင်ဇော်ဖြစ်ပြီး သူ၏ အ တိတ်ငယ်စဉ်ကာလ အသက်အရွယ် ကွာ ခြားသော အိမ်ထောင်ရေးကို ရည်ရွယ်ချက် ရှိရှိ အစဖော် တိုက်ခိုက်ခြင်းဖြစ်၏။ ထို ကိစ္စနှင့်ပတ်သက်၍ မည်သူ မှန်သည် မှား သည်ဆိုခြင်းက ယင်းတို့ကိုယ်ရေး ကိုယ် တာပုဂ္ဂလိကကိစ္စဖြစ်၍ အမှန်စင်စစ် မည် သူနှင့်မျှမဆိုင်ပါ။ သို့သော် ထိုအကြောင်း ခြင်းရာကို အမှီပြု၍ ထပ်ဆင့် သတင်းဖွ သူများ၊ ဤအဖြစ်အပျက်ကို အခွင့်ယူကာ စာမျက်နှာများထက် ဈေးကွက်ဝင်အောင် ဖန်တီးခွင့်ရသူများကတော့ အမြတ်ထွက် ပါလိမ့်မည်။ ဤနေရာတွင် အဓိကအားဖြင့် မေးခွန်းထုတ်ရမည်က ဤသို့သောကိစ္စသည် နိုင်ငံရေးလည်းမဟုတ်၊ လူ့အဖွဲ့အ စည်းအတွက် လည်း တစ်စုံတစ်ရာ အကျိုးသက်ရောက်မှု မရှိပါဘဲ အဘယ့်ကြောင့် လူများစွာတို့ အရေးတယူလုပ်ကာ အုတ် အုတ်သဲ သဲ ဖြစ်ရပါသနည်း ဟူ၍ ဖြစ်၏။

အဆိုပါမေးခွန်းအရပင် တစ်ပါးသူ တို့၏ကောင်းခြင်း၊ အရည်အချင်းနှင့် အား သာချက်များကို ဖော်ထုတ်အတုယူ မျှဝေရ မည့်အစား အားနည်းချက်၊ အပြစ်နှင့် အ မှားအယွင်း များကို အထူးစိတ်ဝင်စား ဖော် ထုတ်ကြခြင်းနှင့် ထိုအချက်တို့ကို လူအ များပို၍ စိတ်ဝင် စားကြခြင်းက တိုးတက် လာမှုဆိုသည်ထက် ယိုယွင်းလာသောစိတ် အခြေခံရေချိန် ကို ပြ သနေသကဲ့သို့ပင် ဖြစ် သည်ဟု ကောက်ချက်ချ ရပါလိမ့်မယ်။

ကျည်ကာရှိသည်၊ သတိ
ဒုတိယမြောက်အဖြစ် လူအများစု သတိ မေ့လျော့နေသောအချက်မှာ အထက်ပါ အပြုအမူ အခြင်းအရာများအတွက် ဥပဒေ အကာအကွယ် ရှိနှင့်ပြီးဖြစ်ကြောင်း နှင့် အသုံး ချတတ်သူဆိုပါက မရည်ရွယ် သော်ငြား အမှုအခင်းဖြစ်နိုင်ခြင်းကိုပင်။ အသရေဖျက် မှုပုဒ်မ၅ဝဝအရ –
(၁)    တရားခံသည် စွပ်စွဲချက်တစ်ခုခုကိုပြု ခြင်း(သို့မဟုတ်)ကြေညာခြင်း
(၂)    ထိုသို့စွပ်စွဲချက်သည် လူတစ်ယောက် နှင့်စပ်လျဉ်းခြင်း
(၃)    ယင်းစွပ်စွဲချက်ကို နှုတ်ဖြင့်ဖြစ်စေ၊ စာဖြင့်ဖြစ်စေ၊ အမှတ်အသားဖြင့်ဖြစ် စေထင်ရှားသော ပုံသဏ္ဍာန်ဖြင့်ပြခြင်း
(၄) တရားခံသည် ထိုသူ၏ အသရေကို နစ်နာစေရန်အကြံဖြင့်သော်လည်း ကောင်း၊ နစ်နာစေမည်ဟု သိလျက် နှင့်သော် လည်းကောင်း ပြုသည် ဖြစ် ခြင်းဟူ၍ ပြဋ္ဌာန်း ထားသည်။အကယ်စင်စစ်လေ့လာပါက ဖေ့စ်ဘွတ်ခ်ပေါ်မှ ထိုသို့သောအရေး အ သား ပြော ဆိုမှုများသည် ဥပဒေနှင့် ငြိစွန်းနေပြီ ဖြစ်သည်။ ဥပမာအားဖြင့် ထိုသို့သောသတင်း များကို စတင် ဖြန့်ဝေသူများ ၏ ဖေ့စ် ဘွတ်ခ် အကောင့်များသည် အမည် နာမပရိုဖိုင်အစစ်အမှန်များ မဟုတ်ခြင်းက လည်း ရည်ရွယ်ချက်ကို သိသာစေပါသည်။

ဖေ့စ်ဘွတ်ခ်ဟစ်တိုင်
သို့သော် ဤသို့သောအပြုအမူများက ဖေ့စ်ဘွတ်ခ်တွင် ပိုမိုထွန်းကားလာနေသည် ကို မြင်တွေ့ရပြီး ပုဂ္ဂိုလ်ရေးအားဖြင့် သီး ခြားဖြေရှင်း ရမည့် ကိစ္စများကိုပင် ဖေ့စ် ဘွတ်ခ်ကို ဗဟိုပြုလာသည်က အမှန်ဖြစ် သည်။ သမီးရည်းစားပြဿနာများ၊ အိမ် တွင်းရေး အိမ်ထောင်ရေြး ပဿနာများ၊ အလုပ်ဌာနများအတွင်း မကျေလည်မှုများ၊ပုဂ္ဂိုလ်ရေးမကျေနပ်မှုများနှင့် အပေးအယူ ယုံကြည်မှု ငွေကြေး အရှုပ်အရှင်း များကိုပါ ဖေ့စ်ဘွတ်ခ်တွင် အများပြည်သူသိစေရန် အလျင်စလို တင်ကြခြင်းက အလားအလာမကောင်းေ သာ ရှေ့ရေးဖြစ် ပါသည်။ ဥပမာအားဖြင့် ယခုရက်အတွင်းဖြစ်ပျက်ခဲ့ သော သရုပ်ဆောင်မင်းသမီး အကယ်ဒမီ မေသန်းနုကို တိုင်တန်းသည် ဆိုသော သတ င်းနှင့် ကြော်ငြာ ရိုက်ကူးရန် စရန်ငွေ လက်ခံ ပြီးမှ ပျက်ကွက်ခဲ့သည်ဆိုသော သရုပ်ဆောင် မင်းသမီးဖွေးဖွေးနှင့် ဒါရိုက် တာ စင်ရော်မောင်မောင်တို့၏ ကိစ္စဖြစ် သည်။ တကယ်တော့ ဤပြဿနာများသည် နှစ်ဦးနှစ်ဖက် မျက်နှာ စုံညီ ဖြေရှင်းကြရ မည့် ပုဂ္ဂိုလ်ရေးကိစ္စ များ ဖြစ်သော်လည်း ယခုမှာတော့ လူသိထင်ရှား ဂုဏ်သိက္ခာ ထိခိုက် စရာ ဖြစ်လာကြရသည်။

အဓိကအားဖြင့် ကာယကံရှင်များ ထက် ဖေ့စ်ဘွတ်ခ် သုံးစွဲသူအများစုမှာ ထို သို့သော ပြဿနာနှင့် အရှုပ်အထွေးအညှီ အဟောက်များ ကိုသာ တကူးတကစောင့် ဆိုင်းနေသ ကဲ့သို့ ဖြစ်နေပြီး ကာယကံရှင် များထက်ပို၍ အရေးတယူပြောဆိုရေးသား သုံးသပ်နေကြသည်က ဓားခုတ်ရာ လက် ဝင်လျှိုနေသည့်အလား။ မီဒီယာ စကား နှင့်ဆို ပါက အဝါရောင် ဂျာနယ်လစ်ဇင်။

ဂုဏ်သိက္ခာကင်းမဲ့ကာ အတင်းအဖျင်းသတင်းများကိုသာ ရေးကြီးခွင်ကျယ် နေရာပေး၍ လူပြိန်းကြိုက် ဆူလွယ်နပ် လွယ် လုပ် တတ်သော အဆင့်အတန်းကို ဆိုလိုပါသည် ။ဤသည်တို့က နောက်ပိုင်းတွင် ဥပ ဒေအခြင်းအရာတို့အရ ကိုင်တွယ်ပါက မလိုလား အပ်သောပြဿနာများ ဖြစ်စေ နိုင်သလို မျက်ကွယ်ပြုသင့်သော၊ ဥပက္ခာ ထား အပ်သော ၊ ပေယျာလကန်ပြုရသည်တို့ ကိုနေရာပေး အရာ သွင်းခြင်းဖြင့် မကောင်း သော အပြုအမူတို့ ပိုမိုကူးစက်စေနိုင်သည် ဆိုခြင်းက လွန်စွာ အရေးကြီးပါသည်။

ပို၍စိုးရိမ်ဖွယ်မှာ အများကြိုက်တတ် သည်တို့မှနေ၍ လူမျိုးရေး အမုန်းတရား များ၊ ပဋိပက္ခများ၊ သတင်းမှားများ၊ ဘာ သာရေး နိုင် ငံရေးသွေးထိုးလှုံ့ဆော်မှုများ သည်လည်း စတင်အခြေပြုတတ်သည်ဖြစ် ရာ သက်ဆိုင်ရာတာဝန်ရှိသူများနှင့် တတ် သိနား လည်သော၊ သြဇာရှိရာပုဂ္ဂိုလ်များ အနေဖြင့် ကြပ်မတ်ကိုင်တွယ်သင့်ကြောင်း အကြံပြု ရတော့ မည်ဖြစ်၏။

သို့မဟုတ်ပါက လူတစ်ယောက် ဖုန်း တစ်လုံး၊ လွတ်လပ်စွာသုံးခွင့်ရှိသောအင်တာနက်ဖေ့စ်ဘွတ်ခ်ဟူသည် ပြုပြင်ပြောင်း လဲရန် အားများစွာလိုနေသော တိုင်းပြည် အတွက် အရေးကြီးသည့် ပြည်သူလူထု၏ အသိညဏ်၊ အချိန်နှင့် စိတ်ခွန်အားများကို တတိတိမှ သိသိသာသာ ဝါးမျိုဖျက်ဆီးကာ အသံကြောင့် သေသောဖား။ သို့မဟုတ် ခါးအောက်ပိုင်း ဟူသည် ညစ်ညမ်းသာမ ကဘဲ လူသား အချင်းချင်း အပြစ်ဖို့ အား နည်းချက်နှင့်အမှားရှာကာ ဇာတ်တူသား စားသော ဟင်္သာကိုးသောင်းကဲ့သို့ ချည်နဲ့ ပြိုပျက်ခြင်း ဘူတာသို့ ဆိုက်လိမ့်မည်ဟု မောင်းနာနာထုလိုက်ရပါတော့သည်။