အာလူးပူပူများ

အာလူးပူပူများ
September 1, 2016 Asian Fame

5:39 pm
အာလူးပူပူများ

သိုးဆောင်း အင်္ဂလိပ်တို့က   ”အာလူးပူပူတွေကို လက်ထဲမှာ ကြာကြာ မထားနဲ့” ဟု ဆိုလေ့ရှိ သည်။ ပူလောင်သော ပြဿနာ များကို မိမိထံတွင် ကြာကြာလက်ခံ မထားနှင့်ဟုဆိုလိုခြင်းဖြစ်သည်။ အာလူးပူပူများ မိမိလက်ထဲသို့ ရောက်လာလျှင် လုပ်စရာနည်း လမ်းနှစ်ခု သာ ရှိသည်။ အာလူး များကို မိမိ၏ လက်ထဲ၌ပင် အေး အောင်လုပ်မည်လော၊ သို့တည်း မဟုတ် သူတစ်ပါးထံ ပစ်ပေးလိုက် မည်လော။

ယခင်အစိုးရ လက်ထက်မှ ယခုလက်ရှိ အစိုးရ လက်ခံခဲ့ရ သော အာလူးပူပူ သုံးလုံးရှိသည်။ ယင်းတို့မှာ မြစ်ဆုံကိစ္စ၊ ငြိမ်းချမ်း ရေး လုပ်ငန်းစဉ်နှင့် ရခိုင်ကိစ္စတို့ ဖြစ်သည်။ ယင်းအာလူးပူပူ သုံးလုံး စလုံးကို လက်ရှိအစိုးရက လက်ခံ ခဲ့ရပြီးနောက် မိမိလက်ထဲ၌ပင်   အေးအောင်ဖြေရှင်းရန် ကြိုးစားမှု များကို တွေ့ရသဖြင့် ပြေလည်နိုင် မည့် အလားအလာရှိသည်၊ မရှိ သည့် အပထား၊ ပြဿနာကို ရင် ဆိုင်ဖြေရှင်းဝံ့သည့် သတ္တိရှိခြင်းက ပင် ချီးကျူးခံထိုက်သည်ဟု ထင်ပါ ၏။

မြစ်ဆုံကိစ္စသည် အကိုင်အ တွယ် မတတ်လျှင် ကြားညပ်မည့် ကိစ္စဖြစ်ရာ လက်ပံတောင်း ကိစ္စ တွင် သင်ခန်းစာရခဲ့ပြီးဖြစ်သည်နှင့် အညီ ပြန်လည် သုံးသပ်ရေး ကော် မရှင်ဖွဲ့စည်းပေးလိုက်ခြင်းဖြင့် အာ လူးပူပူကို လက်အိတ်စွပ်၍ ကိုင် တွယ်ခဲ့ကြောင်း တွေ့ရပါ၏။ ယင်း ကော်မရှင် အနေဖြင့် မည်သည့် ကောက်ချက်ထွက်လာမည်ကို တော့ မသိနိုင်သေးပါ။ သို့သော် လည်း နည်းပညာသဘောအရ ဆက် မလုပ်သင့်ဟု မှတ်ချက်ထွက် လာလျှင်ပင် နိုင်ငံရေးသဘော၊ သံ တမန်ရေး သဘောအရ သစ်စိမ်း ချိုး ချိုး၍ မကောင်းတတ်သည့် အ တွက် နှစ်ဦးနှစ်ဖက် ရှူသာရှိုက် သာ မျက်နှာမပျက်စေနိုင်သည့် နည်းလမ်းမျိုးကို ရှာကြံမှသာ နိုင်ငံ ၏ ရေရှည်အကျိုးစီးပွား ကို မြော်   မြင်ရာကျလိမ့်မည်ထင်သည်။ တစ် ဖက်နိုင်ငံကလည်း လက်ရှိအစိုးရ လက်ထက်၌ ဆက်ဆံရေး ပိုမိုတိုးတက်စေရန် လိုလားနေပုံရ သဖြင့် မြစ်ဆုံကို မလွှတ်တမ်းဆုပ်ကိုင် ကာ ပြဿနာကို ဆက်လက်ထွေး ပိုက်ထားမည့်အစား ပို၍အကျိုး ကျေးဇူးများသော အခြားပြေလည် မည့် နည်းလမ်းကို လက်ခံရန် ဖြစ် နိုင်ဖွယ်ရှိပါသည်။

ငြိမ်းချမ်းရေးလုပ်ငန်းစဉ်က တော့ အာလူးပူပူများထဲတွင် အပူ ဆုံး ဖြစ်လောက်သည်။ ရှုပ်ထွေး သလောက် ခက်ခဲသည်။ နက်ရှိုင်း သည်။ သို့သော် ပြဿနာအားလုံး ၏ အရင်းအမြစ်ဟုဆိုနိုင်သည်။ ထို့ကြောင့် အပူဆုံးအာလူးကို တာ ဝန်အရှိဆုံးသော အကြီးအကဲက ကိုယ်တိုင်ခံယူ၍ ကိုင်တွယ်ဖြေရှင်း ရန်ကြိုးပမ်းလျက်ရှိသည်ကို တွေ့ရ သည်။ မည်မျှအောင်မြင်မည်ဆို သည်ကား မည်သူမျှ မပြောနို င်။ နှစ်ပေါင်းခြောက်ဆယ်ကျော် စွဲကပ် ခဲ့သည့် ရောဂါဆိုးကြီးကို ရက်ပိုင်း၊ လပိုင်း၊ နှစ်ပိုင်းမျှဖြင့် ပြေလည် အောင် ဖြေရှင်းနိုင်မည်ဟု ယူဆ လျှင် ဆင်ခြင်တုံဥာဏ် နည်းပါးရာ ကျလိမ့်မည်။ ပြီးခဲ့သည့်အစိုးရလက် ထက်က ငါးနှစ်မျှ တွန်းခဲ့ရာတွင် အရွေ့တစ်ခုတော့   ရွေ့ခဲ့သည်။ ယင်းမတိုင်မီ တပ်မတော်အစိုးရ လက်ထက်ကလည်း အတိုင်းအ တာတစ်ခုအထိ သေနတ်သံများ စဲသွားအောင် လုပ်နိုင်ခဲ့သည်။ သို့ သော် အပြီးသတ် ပြေလည်အောင် ဖြေရှင်းနိုင်မည့် တာရှည်ခံသော ငြိမ်းချမ်းရေးအတွက် ခရီး ကတော့ ရှေ့ဆက် စရာများစွာ ရှိပါသေး သည်။ အဖွဲ့အားလုံး မဟုတ်လျှင် ပင် အားလုံးနီးပါး တစ်ခန်းတည်း ထိုင်၍ အတူတကွ ဆွေးနွေးနိုင် သည့်အဆင့် သို့ ရောက်လာခြင်းက အားရဖွယ်ကောင်းသည်ဟု ဆိုနိုင် ပါသည်။ အခြားတစ်ဖက်၌လည်း ကွဲပြား ခြားနားသော ရပ်တည်ချက် အကျိုးစီးပွား၊ ရှေ့လုပ်ငန်းအစီအ စဉ်၊ ကျောထောက်နောက်ခံ၊  အ ဆက်အသွယ်၊ ဝင်ငွေအရင်းအမြစ်၊ လူမျိုး၊ ဘာသာ၊ ဓလေ့ထုံးစံ၊ သမိုင်းကြောင်းကွဲပြားသော အုပ် စုများစွာနှင့် ထိတွေ့၍ အဖြေရှာရ ခြင်းဖြစ်သည့်အတွက် စိန်ခေါ်မှု များလွန်းလှသောကိစ္စ ဖြစ်သည်။ ထို့အပြင် အဖွဲ့အားလုံးလိုလိုက အိမ်နီးချင်းနိုင်ငံများနှင့် ထိစပ် သည့် နယ်မြေများတွင် လှုပ်ရှားနေ ကြရာ နယ်နိမိတ်တစ်ဖက်မှ တရား ဝင်၊ တရားမဝင် အဆက်အသွယ် များနှင့် ဆက်ဆံရေးအနေအထား တို့က မတူကြပေ။ ခြံစည်းရိုးပြင်ပ ၌ ရေသောက်မြစ်ရှိနေသော အ ပင်ဆိုသည်က နုတ်ရခက်လှသည်။ သို့ဖြစ်ရာ အားထုတ်မှုအတွက်ကား အမှတ်ပြည့်ရထိုက်ပါသည်။ ရလဒ် ကတော့ အချိန်တိုအတွင်း ကြီးကြီး မားမား ရနိုင်ဦးမည်မဟုတ်။ ”လေ မလာ ကြာတိုင်းကောင်း၊ လှေသူ ကြီးကို လှေသားထောင်း”ဆိုသကဲ့ သို့ ”အရေးတော်ပုံ-ကြာပါစေ” ချင်သူများလည်း ရှိကောင်း ရှိနေ ဦးမည် ဖြစ်သည်။ စစ်ပွဲလည်း မဟုတ်၊ ငြိမ်းချမ်းရေးအပြည့်လည်း မဟုတ်သည့် ဟိုမရောက် သည် မရောက် စပ်ကြားအခြေအနေတွင် မှုံမှိုင်းနေဆဲ နိုင်ငံရေး ရာသီဥတုကို အမှီပြု၍ အကျိုးရှိနေသူများက လည်း ကြာစေချင်ကြလိမ့် မည်။ ပြည်သူနှင့် နိုင်ငံအတွက်ကတော့ မြန်လေ ကောင်းလေဖြစ်ပါ၏။

ရခိုင်ကိစ္စကတော့ အများ(နိုင် ငံတကာ) အမြင်ကောင်းအောင် အလေးထား၍ ကော်မရှင်ကို ဖွဲ့ခဲ့ သည်ဟု ထင်ရသည်။ အဓိကပါဝင် သင့်သူ Stake Holder သုံးဖွဲ့နှင့် ဖွဲ့စည်းထားသည်ကို တွေ့ရသည်။ ရခိုင်တိုင်းရင်းသားများဘက်မှ သုံးယောက်၊ အစ္စလာမ်ဘာသာဝင် များဘက်မှ သုံးယောက်၊ နိုင်ငံ တကာအသိုက်အဝန်းမှ သုံးယောက် စုစုပေါင်း ကိုးယောက်ပါဝင်သည်။ အဖွဲ့ဝင်အားလုံးမှာ သူ့နေရာနှင့် သူ ထင်ရှားကြသည့် ဂုဏ်သရေရှိ လူကြီးမင်းများ ဖြစ်ကြသည်။ ဥက္ကဋ္ဌအဖြစ် ခန့်အပ်ခြင်းခံရသည့် မစ္စတာ ကိုဖီအာနန်ဆိုလျှင် ကုလ သမဂ္ဂအတွင်းရေးမှူးချုပ်အဖြစ် သက်တမ်း ၂ ဆက် စုစုပေါင်း ၁ဝ နှစ်တာဝန်ထမ်းဆောင်ခဲ့သူ၊ ၂ဝဝ၁ ခုနှစ်တွင် ကုလသမဂ္ဂနှင့် အတူ   နိုဘယ်လ်ငြိမ်းချမ်းရေးဆု ရရှိခဲ့သူ၊ ယနေ့ထက်တိုင် ကမ္ဘာ့ငြိမ်းချမ်းရေး နှင့် ပတ်သက်၍ တက်ကြွစွာ လှုပ် ရှားဆောင်ရွက်နေသူဖြစ် သည်။

မည်သို့ပင်ဖြစ်စေ သိကြားမင်း ဖန်ဆင်းသည့် နွားလားဥသဘကို ပင် အမြီးတိုသည်၊ ချိုကားသည် ဟူ၍ ဝေဖန်မှုနှင့် မကင်းသကဲ့သို့ ဤကော်မရှင် ဖွဲ့စည်းမှု အပေါ်၌ ဟိုမှသည်မှ ထောက်ပြဝေဖန်မှုများ ရှိခဲ့ကြသည်။ ယင်းတို့အနက်မှ ဝေဖန်မှုတစ်ရပ်မှာ ကော်မရှင်၏ အဓိက ပါဝင်သင့်သူ အစုအဖွဲ့များ ခွဲခြား ဖွဲ့စည်းပုံဖြစ်သည်။ မြန်မာ ပြည်သူ အများသိထားကြသည့် အတိုင်း ရခိုင်ကိစ္စမှာ သာမန်လူ့ အဖွဲ့အစည်း နှစ်ရပ်အကြား လူ မျိုးရေး၊ ဘာသာရေးပဋိပက္ခမဟုတ်၊ တရားဝင် ဖြတ်ကျော်ဝင်ရောက် လာမှုများနှင့်လည်း ပတ်သက်ေ သာ ကိစ္စ၊ အမျိုးသားလုံခြုံရေး၊ ပိုင်နက် နယ်မြေတည်တံ့ခိုင်မြဲရေး၊ အချုပ် အခြာအာဏာတည်တံ့ခိုင်မြဲရေး ၊ နိုင်ငံခြားဆက်ဆံရေး   နိုင်ငံသားဖြစ် မှုနှင့် လူဝင်မှုကြီးကြပ်ရေး စသည့် နိုင်ငံတော် အုပ်ချုပ်စီမံခန့်ခွဲရေး တို့နှင့်လည်း ပတ်သက်နေသောကိစ္စ ဖြစ်သည်။ အမှိုက်ကစ ပြာဿဒ် မီးလောင်နိုင်သောကိစ္စလည်း ဖြစ် သည်။

ဤသို့ နိုင်ငံအတွက် အလွန် တရာ အရေးပါသော ကိစ္စမျိုးတွင် အဓိက ပါဝင်သင့်သူ အဖွဲ့ ၃ ဖွဲ့ ၌ သက်ဆိုင်ရာ လူမျိုးရေး၊ဘာသာ ရေး ကိုယ်စားပြု လူ့အဖွဲ့အစည်း နှစ်ရပ်နှင့် တတိယပါတီဖြစ်သည့် နိုင်ငံတကာအသိုက်အဝန်းကို ထည့်သွင်းထားပြီး နိုင်ငံတော်၏အမျိုးသား လုံခြုံရေး၊ နိုင်ငံသားဖြစ် မှု၊ နယ်နိမိတ်ကိစ္စ၊ လူဝင်မှု ကြီး ကြပ်ရေးစသည်တို့တွင် အမှန် တကယ် ကျွမ်းကျင်နားလည်မှုတို့ ကို စုစည်း ၍ နိုင်ငံတော် ကိုယ်စား ပြု အဖွဲ့တစ်ရပ်အဖြစ် အဘယ် ကြောင့် ထည့်သွင်းဖွဲ့စည်းပေး ထားခြင်း မပြုခဲ့သည်မှာ စဉ်းစား စရာဖြစ်နေ သည်။

ထိုမျှမက တတိယပါတီဖြစ် သည့် နိုင်ငံတကာ အသိုက်အဝန်း မှ ပုဂ္ဂိုလ်များက ဤကော်မရှင်တွင် အဓိကလွှမ်းမိုးနိုင်မည့် ဥက္ကဋ္ဌနေ ရာကို ယူထားခဲ့ပြန်သည်။ ဤကိစ္စ တွင် နိုင်ငံတကာမီဒီယာအပါအဝင် နိုင်ငံတကာ အသိုက်အဝန်းဘက် မှ အမြင်နှင့် ပြည်တွင်းမှ တိုင်းရင်း သား အများစု လူမျိုးဘာသာ အား လုံးတို့၏အမြင်မှာ အရှေ့နှင့် အ နောက်ဆိုသလိုခြားနား ဆန့်ကျင် နေသည်မှာ အားလုံးအ သိပင် ဖြစ် ၏။ ထို့ကြောင့် ယခုကော်မရှင်တွင် ဥက္ကဋ္ဌဖြစ်လာသည့် မစ္စတာ ကိုဖီ အာနန်အပါအဝင် ကော်မရှင်အဖွဲ့ ဝင် နိုင်ငံခြားသားများ ၏ မူလအ မြင်စွဲများမှာ မည်မျှအထိ ဘက် လိုက်မှုကင်းစင်ပြီး သမာသမတ် ကျနိုင်ပါသနည်း ဆိုသည်မှာလည်း စဉ်းစားစရာ ဖြစ်နေနို င်သည်။ အ ကြောင်းမှာ မစ္စတာ ကိုဖီအာနန် ကိုယ်တိုင်က အရှေ့အလယ်ပိုင်း ဒေသမှ ဂါနာ နိုင်ငံသားဖြစ်သည်။ သူ၏ အကြံပေးပုဂ္ဂိုလ် ဆိုသူမှာ လည်း ယင်းဒေသရှိ လက်ဘနွန် နိုင်ငံမှ အစ္စလာမ်ဘာသာဝင်ဟု ယူဆရသူ ဖြစ်နေသည်။ ကျန် ပုဂ္ဂိုလ်တစ်ဦးမှာ အနောက် ဥရောပ နယ်သာလန်နိုင်ငံမှ ဖြစ်သည်။ ဤ ဒေသ၏ ကိစ္စများနှင့် ပတ်သက်၍ နိုင်ငံတကာ ကိုယ်စားပြု တတိယ ပါတီတွင် အာရှတိုက် သားများ လည်း မပါဝင်သင့်ပါသလော။ ဥပ မာ ဘင်္ဂလားဒေ့ရ်ှနိုင်ငံမှ တရား မဝင် နယ်စပ်ဖြတ်ကျော်ဝင်ရောက် မှုများနှင့်ပတ်သက်လျှင် အတွေ့အ ကြုံရှိသော အိန္ဒိယနိုင်ငံမှ ဟိန္ဒူ ဘာသာဝင် လူကြီးလူကောင်းတစ်ဦး အရှေ့တိုင်းသား ယဉ်ကျေးမှုနှင့် အမျိုးသားရေး စိတ်ဓာတ်များကို ပိုမိုနားလည်နိုင်သော အရှေ့ မြောက်အာရှဒေသမှ ဂျပန်(သို့ မဟုတ်) ကိုရီးယားလူမျိုး လူကြီး လူကောင်းတစ်ဦးတို့ကို ထည့်သွင်း ဖွဲ့စည်းခြင်း မပြုသင့်ပါသလော။

နိုင်ငံတကာအစုအဖွဲ့နှင့် ပတ် သက်၍ တခုတ်တရ ပြောနေရ သည်မှာ အကြောင်းရှိ၍ဖြစ်သည်။ တစ်ဖက်သုံးဦးစီရှိမည့် ရခိုင်တိုင်း ရင်းသား အစုအဖွဲ့နှင့် အစ္စလာမ် ဘာသာဝင်အစုအဖွဲ့တို့က အချင်း ချင်း အားချင်းညီနေမည်ဆိုလျှင် အဆုံးအဖြတ်မှာ တတိယပါတီဖြစ် သည့် နိုင်ငံတကာ အစုအဖွဲ့က တိမ်းညွတ်မည့်ဘက်၌ အားသာ သွားဖွယ်ရှိသောကြောင့် ဖြစ်သည်။ ယင်းနိုင်ငံတကာ အစုအဖွဲ့မှာ လည်း ဥက္ကဋ္ဌနေရာယူထားသည့် မူလအားသာချက်က ရှိနေပြန် သည်။

မည်သည့် အစုအဖွဲ့အသင်း အပင်း၌မဆို ဥက္ကဋ္ဌကိုယ်တိုင်က ကျောသား ရင်သားမခွဲ သမမျှတဖို့၊ ဘက်မလိုက်ဖို့၊ ပြင်ပဖိအားများကို သတ္တိရှိရှိ ကြံ့ကြံ့ခိုင်ခိုင်ဖို့၊ စေ့စပ် ညှိနှိုင်းနိုင်စွမ်းရှိပြီး ခေါင်းဆောင်မှု အရည်အချင်းရှိဖို့ လိုသည်။ ရခိုင် ကော်မရှင် ဥက္ကဋ္ဌ၏ အထက်ပါအ ရည်အသွေး အရည်အချင်းများနှင့် ပတ်သက်၍ သူတထူး၏အားနည်း ချက် အားသာချက်များကို တစ်စုံ တစ်ရာ မှတ်ချက်ပြုရန် ဝန်လေး မိ သည်။ ပုထုဇဉ်တစ်ဦးပီပီ ဘယာ ဂတိ၊ ဆန္ဒာဂတိ စသည်တို့မှ ခြောက် ပြစ်ကင်း သဲလဲစင် လွတ်ကင်းရန် ကား ခဲယဉ်းပေလိမ့်မည်။ အ ကြောင်းစုံကို ပိုမိုသိလိုသူများမှာမူ အီရတ် ပိတ်ဆို့ရေးကာလ ရိက္ခာ နှင့် ရေနံ လဲလှယ်မှုအစီအစဉ် (Food For oil) ၊ ၂ဝဝ၃ ခုနှစ်တွင် ကုလသမဂ္ဂ၏ ခွင့်ပြုချက်မရှိဘဲ အမေရိကန်က အီရတ်ကို ဝင် ရောက်ကျူးကျော်သိမ်းပိုက်မှုနှင့် ၂ဝ၁၄ ခုနှစ် နောက်ပိုင်း ဆီးရီး ယားငြိမ်း ချမ်းရေး ကြိုးပမ်းမှုများကို ရှာဖွေလေ့လာ နိုင်ပါသည်။

မည်သို့ပင်ဖြစ်စေ ရခိုင်ကိစ္စ သည် နိုင်ငံအတွက် အကဲဆတ် သိမ်မွေ့ပြီး အရေးပါသော အ ကြောင်းအရာဖြစ်ရကား၊ ထွက် ပေါ်လာ မည့် မှတ်ချက်များသည် နိုင်ငံရေးအရ သက်ရောက်မှု ပြင်း ထန်နိုင်ဖွယ်ရှိသည်ကို သတိပြုရန် လိုပေလိမ့်မည်။

 နိဂုံးချုပ်ရလျှင် အစိုးရဟူ သည် ပေါ်လာသမျှ နိုင်ငံ့ပြဿနာ များကို ဒိုင်ခံဖြေရှင်းရန် တာဝန် ယူရစမြဲဖြစ်သည်။ ထိုသို့ ဖြေရှင်း ရာ၌ ကိုယ့်နိုင်ငံ၏ ရေတို၊ ရေရှည် အကျိုးစီးပွားများအတွက် အ ကောင်းဆုံးဖြစ်နိုင်မည့် နည်းလမ်း များကို သေချာစဉ်းစား ရွေးချယ် ကာ လက်တွေ့ထိရောက်စွာ ကိုင် တွယ်လုပ်ဆောင်နိုင်ရန်သာ လိုပါ ကြောင်း တိုက်တွန်းတင်ပြလိုက် ရပါ၏။

အလင်းသစ်