ကို ယ် တို င် ထူေ ထာ င် ကြ ရ မ ည့် တာ ဝ န်

ကို ယ် တို င် ထူေ ထာ င် ကြ ရ မ ည့် တာ ဝ န်
July 6, 2016 Asian Fame

6:31 am
ကို ယ် တို င် ထူေ ထာ င် ကြ ရ မ ည့် တာ ဝ န်

Untitled-3

စာအုပ်စာပေ လူ့မိတ်ဆွေ၊ စာပေမြင့် မှ လူမျိုးမြင့်မည်၊ စာပေပျောက်က လူမျိုး ပျောက်မည်၊ အလိမ္မာ စာမှာရှိသည်၊ စာပေ ၏တန်ဖိုး အဖိုးမဖြတ်နိုင် စသည့် ဝေါဟာ ရများသည် မြန်မာပြည်သူများကြား နှစ် ပေါင်းများစွာ လက်ခံမှတ်ယူထားသော အယူအဆများ ဖြစ်ပါသည်။ စာဖတ်ခြင်း နည်းကို ပညာရှင်အမျိုးမျိုးတို့ ညွှန်ပြခဲ့ ကြပြီး ဂမ္ဘီသာရပျို့လာ ရှင်မဟာရဋ္ဌသာရ ၏ ‘သု၊ စိ၊ ပု၊ ဘာ၊ ဝိ၊ လိ၊ သိ၊ ဓာ၊ အက္ခ ရာစွဲသုံး၊ ဤရှစ်လုံးကို၊ သီကုံးပန်းသွင်၊ နေ့တိုင်းဆင်လော့၊ စာသင်ပျိုနု၊ အခြေပြု တို့’ ဟူသောသြဝါဒသည် မြန်မာ့စာပေသမိုင်း စာပေဖတ်ရှုနည်း လမ်းညွှန်မှု များတွင် တန်ဖိုးအရှိဆုံး တိုက်တွန်းမှုအဖြစ် သတ်မှတ်နိုင်ပါသည်။ နိုင်ငံတစ်နိုင်ငံ၏ ဖွံ့ဖြိုးတိုးတက်မှု အခြေခံအကြောင်းတရား များတွင် နိုင်ငံသူ/ နိုင်ငံသားများ၏ စာပေဖတ်ရှုလေ့လာမှု အလေ့အထသည် လည်း အရေးပါသောအချက်တစ်ချက်ဖြစ် သည်။ စာပေဖတ်ရှုမှုကြောင့် အသိဥာဏ်ပညာ၊ ဆင်ခြင်နားလည်နိုင်စွမ်းနှင့် ဝေဖန် ပိုင်းခြားနိုင်မှုများ မြင့်မားတိုးတက်လာမှု နှင့်အညီ လူ့ကျင့်ဝတ်၊ စည်းမျဉ်းစည်းကမ်း ဥပဒေများအပေါ် လေးစားလိုက်နာနိုင် မှုများ ပိုမိုထွန်းကားလာနိုင်သော သဘော ရှိပါသည်။

ယနေ့ကမ္ဘာပေါ်တွင် ဖွံ့ဖြိုးတိုးတက်မှု နှုန်း မြန်ဆန်မြင့်မားနေသော နိုင်ငံအများ စုရှိ ပြည်သူများသည် စာပေဖတ်ရှုမှုအလေ့ အထကောင်းများ ရှိနေသည်ကို လေ့လာ တွေ့ရှိနိုင်ပါသည်။ ပြည်သူများ စာပေ ဖတ်ရှုခြင်းကြောင့် စာအုပ်စာပေများ ထုတ်ဝေရသည့် လုပ်ငန်းနယ်ပယ်သည် လည်း ကြီးမားကျယ်ပြန့်လျက်ရှိပြီး အလုပ် အကိုင် အခွင့်အလမ်းများလည်း ရရှိနေကြ သည်။ ၂ဝ၁၅ ခုနှစ်တွင် စာအုပ်စာပေ ပုံနှိပ်ထုတ်ဝေသည့် အကြီးမားဆုံးလုပ်ငန်း ကြီး ၅၇ ခုရှိကြောင်း http://www.pub­lish­ers­weekly.com က ထုတ်ပြန်ထားပါသည်။ အဆိုပါပုံနှိပ်ထုတ်ဝေမှုလုပ်ငန်းကြီး ၅၇ ခုမှာ အင်္ဂလန်၊ ကနေဒါ၊ နယ်သာ လန်၊ ဂျာမနီ၊ တရုတ်၊ ပြင်သစ်၊ စပိန်၊ အီတလီ၊ ဂျပန်၊ ဆွီဒင်၊ တောင်ကိုရီးယား၊ ဘယ်လ်ဂျီယံ၊ ဖင်လန်၊ ဆိုက်ပရပ်စ်၊ ရုရှားနှင့် ဘရာဇီးနိုင်ငံများမှ ဖြစ်ပါသည်။ ၂ဝ၁၅ ခုနှစ်အတွင်း ယင်းလုပ်ငန်းကြီး ၅၇ခုထဲမှ ဝင်ငွေအများဆုံးရရှိသော ထုတ် ဝေသည့်လုပ်ငန်းမှာ ဏနမျေသည ဖြစ်ပြီး အင်္ဂလန်နိုင်ငံမှ ဖြစ်ပါသည်။ ကမ္ဘာပေါ်တွင် ပုံနှိပ်ထုတ်ဝေမှုများကို အောင်မြင်စွာ ဆောင်ရွက်နိုင်သော နိုင်ငံအများစုမှာ ဥရောပနိုင်ငံများဖြစ်ကြောင်း တွေ့ရှိရပြီး အာရှတိုက်မှ တရုတ်၊ ဂျပန်နှင့် တောင်
ကိုရီးယားနိုင်ငံ ၃ နိုင်ငံလောက်သာ ကမ္ဘာ့ အဆင့်နှင့် ရင်ပေါင်တန်းပြီး စာအုပ်စာပေ များကို ကျယ်ကျယ်ပြန့်ပြန့် ထုတ်ဝေနိုင် ကြောင်း တွေ့ရှိရပါသည်။ စာအုပ်ထုတ် ဝေမှုနှင့် စာပေဖတ်ရှုမှုသည် တိုက်ရိုက် ဆက်နွှယ်နေသဖြင့် စာအုပ်စာပေထုတ်ဝေမှု အချိုးအစားပမာဏသည် နိုင်ငံတစ်နိုင်ငံ၏ စာပေဖတ်ရှုမှုနှင့် နိုင်ငံသူ/နိုင်ငံသားများ ၏ အတွေးအခေါ်အယူအဆများ တိုးတက် ထွန်းကားမှုအခြေအနေများကို ယေဘုယျ သုံးသပ်နိုင်သောအနေအထား ဖြစ်ပါသည်။ စာအုပ်စာပေထုတ်ဝေမှု အများဆုံးနိုင်ငံ များကို လေ့လာကြည့်ပါက ဖွံ့ဖြိုးတိုးတက် ပြီးသော နိုင်ငံအများစုပါဝင်နေသည်ကိုလည်း အထင်အရှားတွေ့ရှိကြရမည် ဖြစ်ပါသည်။

ကမ္ဘာပေါ်တွင် စာအုပ်စာပေဖတ်ရှုမှုအခြေအနေကို NOP World Culture Score (TM) က ၂ဝဝ၅ခုနှစ်တွင် စစ်တမ်းတစ်ခုကောက်ယူခဲ့ပါသည်။ အဆိုပါစစ်တမ်း အရ ကမ္ဘာပေါ်တွင်စာဖတ်မှုနှုန်းအမြင့်မားဆုံး ၃ဝ နိုင်ငံကို ထုတ်ပြန်ခဲ့ပါသည်။ သီတင်းတစ်ပတ်လျှင် လူတစ်ဦး၏ စာပေ ဖတ်ရှုမှုမှာ အိန္ဒိယ ၁ဝနာရီ ၇ မိနစ်၊ ထိုင်း ၉ နာရီ ၄ မိနစ်၊ တရုတ် ၈ နာရီ၊ ဖိလစ်ပိုင် ၇ နာရီ ၆ မိနစ်၊ အီဂျစ် ၇ နာရီ ၅ မိနစ်၊ ချက် ၇ နာရီ ၄ မိနစ်၊ ရုရှား ၇ နာရီ ၁ မိနစ်၊ ဆွီဒင် ၆ နာရီ ၉ မိနစ်၊ ပြင်သစ် ၆ နာရီ ၉ မိနစ်၊ ဟန်ဂေရီ ၆ နာရီ ၈ မိနစ်၊ ဆော်ဒီ အာရေဗျ ၆ နာရီ ၈ မိနစ်၊ ဟောင်ကောင် ၆ နာရီ ၇ မိနစ်၊ ပိုလန် ၆ နာရီ ၅ မိနစ်၊ ဗင်နီဇွဲလား ၆ နာရီ ၄ မိနစ်၊ တောင် အာဖရိက ၆ နာရီ ၃ မိနစ်၊ သြစတြေးလျ ၆ နာရီ ၃ မိနစ်၊ အင်ဒိုနီးရှား ၆ နာရီ၊ အာဂျင်တီးနား ၅ နာရီ ၉ မိနစ်၊ တူရကီ ၅ နာရီ ၈ မိနစ်၊ စပိန် ၅ နာရီ ၈ မိနစ်၊ ကနေဒါ ၅ နာရီ ၈ မိနစ်၊ ဂျာမနီ ၅ နာရီ ၇ မိနစ်၊ အမေရိကန်ပြည်ထောင်စု ၅ နာရီ ၆ မိနစ်၊ အီတလီ ၅ နာရီ ၅ မိနစ်၊ အင်္ဂလန် ၅ နာရီ ၃ မိနစ်၊ ဘရာဇီး ၅ နာရီ ၂ မိနစ်၊ ထိုင်ဝမ် ၅ နာရီ၊ ဂျပန် ၄ နာရီ ၁ မိနစ်၊ တောင်ကိုရီးယား ၃ နာရီ ၁ မိနစ် ဖြစ် ကြောင်း ဖော်ပြထားပါသည်။ ယင်းစစ်တမ်း အရ အရှေ့တောင်အာရှနိုင်ငံအများစုမှာ စာပေဖတ်ရှုမှုမြင့်မားသော အနေအထား တွင်ပါဝင်နေပြီး မြန်မာနိုင်ငံအနေဖြင့် စာပေဖတ်ရှုမှု နည်းပါးနေသေးကြောင်း လေ့လာသုံးသပ်နိုင်ပါသည်။

နိုင်ငံတစ်နိုင်ငံ၏ စာပေဖတ်ရှုမှုအနေအထားနှင့် စာအုပ်ထုတ်ဝေမှုပုံစံ၊ စာအုပ်များ၏ဈေးနှုန်း၊ စာပေထုတ်ဝေ နိုင်ခွင့်နှင့် စာပေအပေါ်ထားရှိသည့် ပြည်သူ လူထု၏ စိတ်နေစိတ်ထားသဘောထား အမြင်များ၊ စာပေကို လက်တွေ့အသုံးချမှု ပုံစံများသည် ပြည်သူများ၏ စာပေဖတ်ရှုမှု အလေ့အထနှင့် တိုက်ရိုက်ဆက်နွှယ် ပတ်သက်လျက်ရှိပါသည်။ စာပေဖတ်ရှုမှု သည် မဖြစ်မနေလုပ်ဆောင်ရမည့်အခြေခံ လူမှုဘဝထဲက ကိစ္စတစ်ခုအဖြစ်သိမြင်လာ ရေးသည် စာပေဖတ်ရှုမှု အလေ့အထ အတွက် ပထမခြေလှမ်းတစ်ရပ်ဖြစ်ပါ သည်။ ဒီမိုကရေစီနိုင်ငံထူထောင်ကြရာ တွင် ပြည်သူများ စာပေဖတ်ရှုမှုအလေ့ အထ ထူထောင်ရေးသည် မဖြစ်မနေ ဆောင်ရွက်ကြရမည့်ကိစ္စတစ်ရပ် ဖြစ်ပါ သည်။ စာအုပ်စာပေဖတ်ရှုရေးအတွက် နိုင်ငံသူ၊ နိုင်ငံသားတစ်ဦးချင်းစီ၏ ကိုယ် ပိုင် ခံယူချက်များနှင့် နေ့စဉ်ဘဝများထဲမှ စာပေဖတ်ရှုရန် အချိန်ပေးမှုများသည် အရေးပါသော အကြောင်းတရားများ ဖြစ်ပါသည်။ စာအုပ်စာပေ ဝယ်ယူ၊ ငှားရမ်း ဖတ်ရှုမှုအတွက် ငွေကြေးနှင့်အချိန်သုံးစွဲမှု အပေါ် တန်ဖိုးထားမှုသည်လည်း စာပေ ဖတ်ရှုမှုအလေ့အထအတွက် လိုအပ်ချက် များ ဖြစ်နေပြန်ပါသည်။ ပြည်သူအများစု အနေဖြင့် စာအုပ်စာပေအတွက် ငွေကြေး သုံးစွဲရမှုနှင့် အချိန်ပေးရမှုအပေါ် အလေး အနက်မရှိသော အခြေအနေတစ်ရပ်ဖြစ်တည် နေပါက စာပေဖတ်ရှုမှုအလေ့အထနှင့် ကင်းဝေးနေဦးမည်ဖြစ်သည်။ စာမဖတ်သူ အများစုရှိသောနိုင်ငံသည် ဒီမိုကရေစီစနစ် ထူထောင်ရန်အတွက် အခက်အခဲများ အဟန့်အတားများ မလွဲမသွေရှိနေမည် ဖြစ်သည်။ စာပေဖတ်ရှုမှုနှင့် နိုင်ငံဖွံ့ဖြိုး တိုးတက်မှု၊ လူတစ်ဦးချင်းစီ၏ လူနေမှု ဘဝသာယာကောင်းမွန်မှုတို့သည် တိတိ ကျကျ ထင်ထင်ရှားရှား ပတ်သက်ဆက် နွှယ်နေကြောင်းနားလည်နိုင်ကြရန် အထူးလိုအပ်လှပါသည်။

ပြည်သူများ စာပေဖတ်ရှုလေ့လာနိုင်ရေးအတွက် နိုင်ငံတော်အစိုးရအနေဖြင့် နည်းလမ်းအသွယ်သွယ် အသုံးပြုကာ ဖန်တီးထူထောင်ထားသော စာကြည့်တိုက်များရှိနေသလို စာပေဝါသ နာရှင်များ၊ လူမှုရေးအသင်းအဖွဲ့များနှင့် နိုင်ငံတကာမှ ထောက်ပံ့ကူညီမှုများဖြင့် ထူထောင်ထားသော စာကြည့်တိုက်များ နှင့် စာပေဖတ်ရှုနိုင်ရန်စီစဉ်ပေးမှုများလည်း ရှိပြီးသားဖြစ်ပါသည်။ သို့သော် ပြည်သူ အများစုက မိမိတို့၏ ကိုယ်ပိုင်အချိန်များ ကို စာပေဖတ်ရှုမှုဖြင့် မိမိဘဝအနာဂတ် အတွက် ထုဆစ်ပုံဖော်မှုပုံစံကို မရွေးချယ် နိုင်ကြသည့် အနေအထားကို တွေ့မြင်နေရ ပါသည်။ စာပေဖတ်ရှုရေးအတွက် နိုင်ငံ တော်အစိုးရနှင့် လူမှုအဖွဲ့အစည်းများ၏ ဆောင်ရွက်ပေးမှုများအပေါ်တွင် နိုင်ငံရေး အသွင်သဏ္ဌာန်သဘောအရ လုပ်ဆောင် နေခြင်းသာဖြစ်ကြောင်း ရှုမြင်သူက များ နေပေသည်။ လက်တွေ့နယ်ပယ်တွင် စာပေ ဖတ်ရှုခြင်းသည် မိမိတို့၏ကိုယ်ပိုင်ဘဝနှင့် အနာဂတ်အတွက် ပကတိအကျိုး ထိရောက် မှုရှိသော မဖြစ်မနေ ပုံမှန်ဆောင်ရွက် သင့်သော ကိုယ်ရေးကိုယ်တာကိစ္စတစ်ခု အဖြစ် မရှုမြင်နိုင်သေးခြင်းကလည်း စာပေ ဖတ်ရှုမှုအလေ့အထကို အားနည်းစေပြန် ပါသည်။ စာပေဖတ်ရှုခြင်းကို အလေ့ အကျင့်မှ အလေ့အထအဖြစ်ထူထောင်ပြီး နွမ်းပါးနိမ့်ကျနေသောဘဝများမှ လူမှုနယ် ပယ်သစ်များဆီသို့ တင့်တယ်လူရာဝင်စွာ တက်လှမ်းလာနိုင်ကြသော လူမှုဘဝများ စွာသည် ကမ္ဘာမှာတွင်မက မြန်မာနိုင်ငံ တွင်မှာပါ ရှိခဲ့ကြကြောင်းကို ရှုမြင်သုံးသပ် နိုင်ကြရန် အထူးလိုအပ်လှပါသည်။

စာပေဖတ်ရှုမှုအလေ့အထ ထူထောင် ခြင်းတွင် တစ်ဦးချင်းစီ၏ အသိတရားနှင့် ဘဝနေနည်းထိုင်နည်းပုံစံများအပေါ်တွင် များစွာ တည်မှီလျက်ရှိပါသည်။ ယနေ့ ခေတ်ကာလတွင် စာအုပ်စာပေများကို နိုင်ငံ၏ မည်သည့်နေရာဒေသတွင်မဆို အလွယ်တကူ ရှာဖွေဖတ်ရှုနိုင်ရန် အခွင့် အလမ်းများ ရရှိနေကြပြီဖြစ်ပါသည်။ ထိုမျှ သာမက တိုးတက်ပြောင်းလဲလာသော နည်းပညာများအရ လူထုလူတန်းစားမျိုးစုံ အတွက် စာပေပုံစံမျိုးစုံကို အင်တာနက် ပေါ်တွင် လွယ်ကူလျင်မြန်စွာ အဖိုးအခ နည်းနည်း ဈေးနှုန်းချိုသာစွာဖြင့် ဖတ်ရှုနေ နိုင်ကြပြီဖြစ်သည်။ စာပေ ဖတ်ရှုမှုကို မိမိ တို့ မဖြစ်မနေ နေ့စဉ်လုပ်ဆောင်နေကြရ သော လူမှုနေထိုင်မှုပုံစံအတွင်း စီးဝင် လည်ပတ်စေရန် မိဘအုပ်ထိန်းသူများနှင့် နယ်ပယ်အသီးသီးမှ သြဇာတိက္ကမရှိသူများက တိုက်တွန်းနှိုးဆော်ပြီး မိမိတို့၏ လူမှု ပတ်ဝန်းကျင်တွင် စာပေဖတ်ရှုမှု အလေ့ အထလမ်းကြောင်းပေါ်သို့ ရောက်ရှိစေ ရန် လမ်းပြကြရမည်ဖြစ်ပါသည်။ ငယ် ရွယ်စဉ်အချိန်အခါကတည်းက စာပေ ဖတ်ရှုမှုအလေ့အထကို ပြုစုပျိုးထောင်ကြ ရမှာဖြစ်ပြီး စာပေငတ်မွတ်လူ့အဖွဲ့အစည်း တစ်ရပ် ဖြစ်ထွန်းပေါ်ပေါက်လာရေးသည် ကောင်းမွန်သော လူမှုအသိုက်အဝန်းကို စနစ်တကျ ပုံဖော်ရာရောက်ပြန်ပါသည်။ လက်လှမ်းတစ်မီ ရှိနေသော စာအုပ်စာပေ များကို ဖတ်ရှုခြင်းဖြင့် မိမိ၏လက်တွေ့ ဘဝအနာဂတ်များကို ကိုယ်တိုင်ပုံဖော်နိုင် သောအသိများ ဖြစ်ထွန်းပေါ်ပေါက်ရေး သည် အဓိကကျသောကိစ္စရပ်ဖြစ်ပါသည်။ လောကပါလတရားများ ထွန်းကားပြီး အသိÓဏ်ရည်မြင့်မားကာ မျှတသော လူမှုအသိုက်အဝန်းပေါ်ထွန်းလာစေရေး အတွက် မိမိကိုယ်တိုင်သာမက မိမိနှင့်ထိစပ် နေသူများကိုပါ စာပေဖတ်ရှုမှု အလေ့အထ ထွန်းကားပြန့်ပွားစေရေးသည် ကိုယ်တိုင် ထူထောင်ကြရမည့် အဓိကတာဝန်ကြီး တစ်ရပ်ဖြစ်ပါကြောင်း ရေးသားတင်ပြလိုက် ရပါသည်။

မြင့်ကျော် (ဇလွန်)

Comments (0)

Leave a reply

Your email address will not be published. Required fields are marked *

*