သားဆက်ခြားစီမံချက် ရန်ကုန်နှင့်ပဲခူးတွင် အရှိန်မြှင့်

Share

ရန်ကုန်၊ စက်တင်ဘာ ၇
သားဆက်ခြားရေး စီမံချက်ကို ရန်ကုန်တိုင်းဒေသကြီးနှင့် ပဲခူးတိုင်းဒေသကြီး တို့တွင် အရှိန်အဟုန်မြှင့် ဆောင်ရွက်နေကြောင်း ကျန်းမာရေး ဝန်ကြီးဌာန၊ မိခင်နှင့် ကလေး ကျန်းမာရေးဌာနမှ သိရ သည်။
”ဒီစီမံချက်ရဲ့ သဘောက ကလေးတစ်ယောက်နဲ့ တစ်ယောက် ခြားဖို့ပါ။ တိုးတက်လာတဲ့ လူဦးရေကို လျှော့ချဖို့ မဟုတ်ဘူး။ နောက် ရည်ရွယ်ချက်တစ်ခုက ကိုယ်ဝန် ပျက်ကျမှု လျော့နည်းစေဖို့လည်း ပါတယ်။ ထောင်စုနှစ် ရည်မှန်းချက်ပန်းတိုင်ကို အကောင်အထည် ဖော်ဆောင်နေတာပါ” ဟု မိခင်နှင့် ကလေးကျန်းမာရေး ဌာနမှ တာဝန်ရှိသူတစ်ဦးက ပြောသည်။
မိခင်နှင့် ငါးနှစ်အောက်ကလေး သေဆုံးနှုန်းလျှော့ချရေး အစီအစဉ်များထဲမှ သားဆက်ခြားရေးစီမံချက် အပြင် ကိုယ်ဝန်ဆောင် စောင့်ရှောက်ခြင်း၊ ကျွမ်းကျင်သားဖွား ဆရာမများနှင့် သားဖွားခြင်း၊ အရေးပေါ် သားဖွားခြင်းများကို ယခုနှစ်တွင် ရန်ကုန်တိုင်းဒေသကြီးနှင့် ပဲခူးတိုင်း ဒေသကြီးအတွင်းရှိ ကိုယ်ဝန်ဆောင် မိခင်များအား သင်တန်းပေးခြင်း စသည့်လုပ်ငန်းများ လုပ်ဆောင်နေ ကြောင်း သိရသည်။
”လုပ်ငန်းစဉ်တွေ အများကြီးထဲမှာမှ သားဆက်ခြားတာကို အဓိကလုပ်နေတယ်။ သားဆက်ခြားနည်း  IUD ထည့်ဖို့ သင်တန်းပေးတယ်။ ခုလို လုပ်ဆောင်ခြင်းက ကျေး လက်၊ အောက်ခြေအထိ ရောက်တယ်ဆိုတော့ ထိရောက်မှု ရှိပါတယ်”ဟု အထက်ပါပုဂ္ဂိုလ်က ဆက်လက်ပြောသည်။
အဆိုပါလုပ်ငန်းများကို ၂ဝဝ၂ ခုနှစ်ကတည်းက တိုင်းနှင့် ပြည်နယ် အသီးသီးတွင် အလှည့်ကျပုံစံဖြင့် စတင်လုပ်ကိုင်ခဲ့ပြီး စတင်စဉ်က စီမံချက်မြို့နယ်များသာ ဆောင် ရွက်နိုင်ခဲ့ပြီး ယခုအခါ မြို့နယ်အနှံ့ကျယ် ပြန့်စွာ လုပ်ဆောင်သွားမည်ဖြစ် ကြောင်း သိရသည်။
မိခင်သေဆုံးနှုန်းနှင့် ငါးနှစ် အောက်ကလေး သေဆုံးနှုန်းကို ၂ဝ၁၅ ခုနှစ်တွင် မိခင် ၁၃ဝ နှင့် ငါးနှစ်အောက်ကလေး ၄၃ ဒသမ ၃ ဦး လျော့ကျစေရန်အတွက် လုပ်ငန်းစီမံ ချက်များ ရေးဆွဲကာ အကောင်အထည် ဖော်ဆောင်ရွက်လျက် ရှိကြောင်း ကျန်းမာရေးဝန်ကြီးဌာန၊ မိခင်နှင့်ကလေး ကျန်းမာရေးဌာနမှ သိရသည်။
အဆိုပါ ဆောင်ရွက်မှုများအပြင် လိုအပ်သည့် နည်းဥပဒေ များ ထုတ်ပြန်နိုင်ရေးအတွက် ညှိ နှိုင်းဆောင်ရွက်မှုများလည်း ပြုလုပ်လျက်ရှိကြောင်း ၄င်းက ဆက်လက်ပြော သည်။
လက်ရှိ လုပ်ငန်းစီမံချက်များ ဆောင်ရွက်ရာ၌ လိုအပ်သည့် ကျန်းမာရေး အသုံးစရိတ်များ ရရှိရေးအတွက် ကမ္ဘာ့ကျန်းမာရေး အဖွဲ့၊ ကုလသမဂ္ဂလူဦးရေ ရန်ပုံငွေအဖွဲ့၊ ကုလသမဂ္ဂကလေးများ ရန်ပုံငွေအဖွဲ့တို့နှင့် ပူးပေါင်း ဆောင်ရွက်လျက်ရှိကြောင်း သိရသည်။

ချစ်ဆုဆွေ

Share
ဆက်နွယ်သည့် သတင်းများ