တာဟီရာ ရင်ပြင်နီမှ ကတ္တီပါလမ်း

Share

အရှေ့အလယ်ပိုင်း ရေးရာ ကျွမ်းကျင်သူ ပညာရှင်တစ်ဦးက အီဂျစ်နိုင်ငံ၏ ဒီမိုကရေစီ ပြုပြင် ပြောင်းလဲရေးဆိုင်ရာအလားအလာ များနှင့်ပတ်သက်၍ ဤသို့ ကောက် ချက်ချခဲ့ဖူး၏။  ”ကမ္ဘာ့ မီဒီယာလောကဟာ တာဟီရာ ရင်ပြင်ပေါ်က လူထု လှုပ်ရှားမှုတွေလောက်ပဲ အာရုံစိုက်ပြီး အီဂျစ်ဒီမိုကရေစီ ပြုပြင်ပြောင်းလဲရေးရဲ့ အလား အလာ ကို အကဲ ဖြတ်နေကြတာပါ။ လက်ရှိ လူထု လှုပ်ရှားမှုနောက်ကွယ်က အချက် အချာ ကျတဲ့နေရာမှာ အီဂျစ်စစ် တပ်က ဘယ်သဘောထားနဲ့ ဘယ်လို ပါဝင်နေတယ် ဆိုတာ ကို သုံးသပ်လေ့လာဖို့ မေ့လျော့နေခဲ့ ကြတယ်။ အီဂျစ်နိုင်ငံရေးလောက မှာ မူဘာရက်ရှိသည်ဖြစ်စေ၊ မရှိ သည်ဖြစ်စေ စစ်တပ်ကတော့အဓိက ကျတဲ့ အဆုံးအဖြတ်တွေ မှာ အရေး ပါတဲ့နေရာက ဆက်လက် ပါဝင်နေ ဦးမှာပါပဲ။ ဒါကြောင့်လည်း မူဘာ ရက်ကိုဖြုတ်ချတဲ့ အရေးအခင်းမှာ အီဂျစ် စစ်တပ်က လူထုနဲ့လက်တွဲခဲ့ တာပေါ့။ ဒါရဲ့ အကျိုးဆက်အဖြစ် မူဘာရက် ပြုတ်ကျပြီး နောက်ပိုင်း မှာ လက်နက်ကိုင်တပ်ဖွဲ့များ၏ အမြင့်ဆုံး စစ်ဦးစီးကောင်စီ (Supreme Council of Armed Force) က    နိုင်ငံတော် အာဏာကို သိမ်းပိုက်ရယူနိုင်ခဲ့တာ ဖြစ်တယ်။ ဒီလို အနေအထားတွေ အောက်မှာ အီဂျစ်ဒီမိုကရေစီ ပြုပြင်ပြောင်းလဲ ရေးရဲ့ အလားအလာဟာ ထင်သ   လောက် လွယ်ကူချောမွေ့နိုင်စရာ မရှိပါဘူး။” သို့ဖြင့် အာဏာသိမ်းပိုက် ထားသည့် စစ်ဦးစီးကောင်စီက တည်ရှိဆဲ ဖွဲ့စည်းပုံအခြေခံဥပဒေ ဖျက်သိမ်းကြောင်း ကြေ ညာလိုက် သည့်အခါ လွှတ်တော်နှစ်ရပ်သည် လည်း အလိုအလျောက် ရပ်ဆိုင်း သွားခဲ့ရ၏။ တစ်ချိန်တည်းတွင် စစ်ဦးစီးကောင်စီက ပြုတ်ကျသွား သော ယခင် အစိုးရ အဖွဲ့နေရာ တွင် အိမ်စောင့်အစိုးရအဖြစ် အစား ထိုးဝင်ရောက် နေရာယူခဲ့သည်။ သို့တိုင် အိမ်စောင့် အစိုးရအဖွဲ့ တွင် ပါဝင်သည့် ဝန်ကြီးအများစု မှာသမ္မတ မူဘာရက် အစိုးရအဖွဲ့ ဝင် ယခင်ဝန်ကြီးဟောင်းများပင် ဖြစ်ကြ၏။ ထိုအခါ သဘာဝကျစွာ ပင် တာဟီရာ ရင်ပြင်ပေါ်တွင် ဒီ မိုကရေစီရေး ဆန္ဒပြသမားများ   ထောင်နှင့်သောင်းနှင့် ချီကာ ပြန် လည် ရောက်ရှိလာကြပြီး စစ်ဦးစီး ကောင်စီကို ရှုတ်ချကြ၏။ ကောင်စီ ဥက္ကဋ္ဌ ဗိုလ်ချုပ်ကြီး တန်တာဝီ နုတ်ထွက်ပေးရန် တောင်းဆိုဆန္ဒပြ ခဲ့ကြ၏။ သို့ဖြင့်
တာဟီရာ ရင်ပြင် တစ်ဝိုက်တွင် ဆန္ဒပြသမားများနှင့် လုံခြုံရေးအဖွဲ့ဝင်များ၏ အဓိကရုဏ်း တိုက်ပွဲများနောက် တစ်ကြိမ် ထပ်မံ ပေါ်ပေါက်လာခဲ့ ရပြန်သည်။

ယင်းသို့ တာဟီရာ ရင်ပြင် တစ်ဝိုက်တွင် ဆန္ဒပြအဓိကရုဏ်း ဖြစ်မှုများ၊ သွေးထွက်သံယိုဖြစ်ကာ အသက်ပေးကြရမှုများ အကြိမ် ကြိမ် ဖြစ်ပွားပြီးမှ ၂ဝ၁၁ ဒီဇင်ဘာလ တွင် အထွေထွေ ရွေး ကောက်ပွဲကြီးကို ကျင်းပနိုင်ခဲ့ခြင်း ဖြစ်သည်။ ရွေးကောက်ပွဲတွင် မူဆလင် ညီအစ်ကိုများ (Muslim & Brotherhood) အဖွဲ့ကို လိုလား ထောက် ခံသည့် ‘လွတ်လပ်ရေးနှင့် တရားမျှတမှု’ (Freedom and Justic Party) ပါတီက တစ်ပြည် လုံး၌ အပြတ်အသတ် အောင်ပွဲခံ ခဲ့ကြ၏။ သို့တိုင် စစ်ဦးစီး   ကောင်စီ ၏ ပြောရေးဆိုခွင့် ရှိသူက ယခု ရွေးကောက်တင်မြှောက်လိုက်သည့် ကိုယ်စားလှယ်များဖြင့် ဖွဲ့စည်း မည့် ပါလီမန်အနေဖြင့် ဖွဲ့စည်းပုံ အခြေခံ ဥပဒေရေး ဆွဲပြဋ္ဌာန်းခွင့် မရှိ။ ဖွဲ့စည်းပုံ မူကြမ်းရေးဆွဲရေး အဖွဲ့သစ်တစ်ဖွဲ့ကို စစ်ဦးစီးကောင် စီက ဖွဲ့စည်းရေးဆွဲမည် ဖြစ် ကြောင်း ကြေညာလိုက်ရာ တစ်ပြည်လုံး တွင် ကန့်ကွက်ဆန္ဒပြမှုများ ထပ်မံ ပေါ်ပေါက်လာခဲ့ပြန်၏။  မည်သို့ပင်ဖြစ်စေ၊ အခက်အခဲ တိုက်ပွဲများကြားမှပင် နောက်ဆုံး တွင် အီဂျစ်ပါလီမန်မှ ‘လွတ်လပ် ရေးနှင့် တရားမျှ တမှု  ပါတီ’   ခေါင်း   ဆောင် မိုဟာမက်မော်စီ သမ္မတ အဖြစ် ဦးဆောင်ပါဝင်သည့် အစိုးရ အဖွဲ့တစ်ရပ်ကို ဖွဲ့စည်းနိုင်ခဲ့ပြီ ဖြစ် သည်။ ယင်းသို့ ‘မူဆလင် ညီအစ် ကိုများအဖွဲ့’ ကိုလိုလားသည့် ပါတီ အာဏာရလာခြင်းအပေါ် သဘော  မကျလှသည့် အမေရိကန်က အခြေအနေကို ရွေးကောက်ပွဲသက် တမ်း တစ်ခုစာ ၅ နှစ်ခန့် စောင့် ကြည့်ရင်း ပုံမှန်ဆက်ဆံ သွားမည် ဟု  ဆိုပါသည်။ သို့တိုင် လက်တွေ့ အားဖြင့်မူ  အမေရိကန်တို့ လေ့ ကျင့်ပြုစုပျိုးထောင်ပေးထားသည့် အီဂျစ်စစ်တပ်နှင့်သာ ပိုမို ပူးပေါင်း ဆောင်ရွက်သွား ဖွယ်ရာ အလား အလာ ရှိပေသည်။ ယင်းသို့သော အနေအထားအောက်တွင် သမ္မတ သစ် မော်စီအနေဖြင့် အီဂျစ်စစ်တပ်  အပေါ် နည်းပရိယာယ် ကြွယ်ဝစွာ အထူးသတိ ထား ကိုင်တွယ် ဆက်ဆံသွားရပေလိမ့်မည်။ တာဟီရာ ရင်ပြင်ပေါ်မှစတင်ခဲ့သောဒီမိုကရေ စီပြုပြင်ပြောင်းလဲရေး၏ ကံကြမ္မာ သည် စစ်ဘက် အရပ်ဘက် အသွင် ကူးပြောင်းရေးလုပ်ငန်းစဉ် ချော မွေ့အောင်မြင်ရေး အပေါ်တွင် အဓိက မူတည်ပေလိမ့်မည်။

ပြီးခဲ့သည့် သြဂုတ်လကုန်ပိုင်း မှာပင် ဗိုလ်ချုပ်ကြီး အက်ဘ် ဒယ်လ်ဖာတာအယ်-စီစီ (Abdel Fatah Al-sisi) အား အီဂျစ်တပ် မတော်၏ ကာကွယ်ရေးဦးစီးချုပ် နှင့် ကာကွယ်ရေးဝန်ကြီးအဖြစ် တာဝန်ပေး ခန့်အပ်လိုက်ကြောင်း သမ္မတသစ် မော်စီက ထုတ်ပြန် ကြေညာလိုက်သည်။ ဗိုလ်ချုပ်ကြီး အယ်-စီစီသည် ယခင် စစ်ဦးစီး   ကောင်စီဥက္ကဋ္ဌ ဗိုလ်ချုပ်ကြီး တန်တာဝီ၏နေရာကို လွှဲပြောင်း  ရယူလိုက်ခြင်း ဖြစ်၏။ အသက် ၇၆ နှစ်ရှိပြီဖြစ်သော မာရှယ်တန် တာဝီသည် လွန်ခဲ့သော ဆယ် စုနှစ်   နှစ်ခုကျော်မျှ သမ္မတဟောင်း မူဘာရက် လက်ထက်ကတည်းက ကာကွယ်ရေးဦးစီးချုပ်နှင့် ဝန်ကြီး တာဝန်ထမ်းဆောင်ခဲ့သူ ဖြစ်၏။ ပြောရလျှင် သမ္မတ မူဘာရက် ရာထူးမှ နုတ်ထွက်ပြီးနောက်ပိုင်း အီဂျစ်နိုင်ငံတွင် တာာဝန်အရှိဆုံး အာဏာအရှိဆုံး ပုဂ္ဂိုလ်ကြီးမှာ မာရှယ်တန်တာဝီပင် ဖြစ်သည်။ ယခုအခါ မာရှယ်တန်တာဝီ ရာထူး မှ နုတ်ထွက်ပြီး သမ္မတသစ်၏ စစ်ဘက်အကြံပေး ဖြစ်သွားပြီဆိုသော အခါ အီဂျစ်ဒီမိုကရေစီ ပြုပြင် ပြောင်းလဲရေး လုပ်ငန်းစဉ်မှာအဆင် ပြေချောမွေ့သွားပြီဟုသာ ဆိုရ ပေလိမ့်မည်။ သမ္မတသစ်မော်စီ၏ လှပကြွယ်ဝသည့် နည်းပရိယာယ် အောက်တွင် အီဂျစ်၏ စစ်ဘက် အရပ်ဘက် အသွင်ကူးပြောင်းရေး ခရီးစဉ်မှာ ညင်သာသိမ်မွေ့ စွာ အောင်မြင်သွားခဲ့လေပြီ။

ကာကွယ်ရေးဦးစီးချုပ်သစ် အဖြစ် ခုန်တက်လာသူ အယ်-စီစီ မှာ မည်သူနည်း။ ဗိုလ်ချုပ်ကြီး အယ်-စီစီ မှာ အီဂျစ်တပ်မတော် ထောက်လှမ်းရေး အကြီးအကဲပင် ဖြစ် သည်။  ထိုသို့ ထောက်လှမ်းရေး အကြီးအကဲဘဝမှအယ်-စီစီသည် ကာကွယ်ရေးဦးစီးချုပ် ဖြစ်လာနိုင် ခြင်းမှာ သမ္မတသစ်မော်စီ၏ ပြောင် မြောက်သည့် မဟာဗျူဟာစီမံ ချက်နှင့် ကျွမ်းကျင်လိမ္မာသည့် အခင်းအကျင်းကြောင့်ပင် ဖြစ် သည်။ အချို့သော သတင်းရပ်ကွက် များကမူ ဗိုလ်ချုပ်ကြီး အယ်-စီစီ မှာ ‘မူဆလင်ညီနောင်များအဖွဲ့’ မှ တပ်မတော်ထဲတွင် ရေရှည်မြှုပ်နှံ မွေးမြူလာသူ တစ်ဦးပင်ဖြစ်မည် ဟု ထင်ကြေးပေးကြပါသည်။ သို့ တိုင် အထောက်အထား ခိုင်ခိုင်မာ မာကား မရှိလှ၊ မပြနိုင်ခဲ့ကြပေ။
မာရှယ်တန်တာဝီမှာ ၁၉၆၇ ခုနှစ် အာရပ်-အစ္စရေး စစ်ပွဲကာလ များအတွင်းက ဆိုဗီယက်စစ်သင် တန်း ကျောင်းမှ မွေးထုတ်ပေးခဲ့ သည့် အရာရှိတစ်ဦးဖြစ်၏။   နောက် ပိုင်းတွင် ဒေါ်လာဘီလျံနှင့် ချီသော စစ်ရေးအကူအညီများကို အမေရိကန်တို့ထံမှ လှိုက်လှဲဝမ်း သာစွာ လက်ခံရယူခဲ့သည့်တိုင် မာ ရှယ်တန်တာဝီသည် အီဂျစ်စစ်တပ် အတွင်းမှ အမေရိကန်နှင့် နီးစပ် သူများကို သံသယဖြင့် အမြဲတမ်း စောင့်ကြည့်အကဲခတ်လာခဲ့သူ ဖြစ်ပေသည်။ ယင်းသို့သော အနေ အထားအောက်ကပင် အမေရိကန်   နိုင်ငံ ပင်ဆယ်ဗေးနီး ယားစစ်  တက္ကသိုလ်မှ စစ်ပညာ မဟာဝိဇ္ဇာ ဘွဲ့ရယူခဲ့သူ ဗိုလ်ချုပ်ကြီး အယ်-စီစီကမာရှယ် တန်တာဝီ၏ ရာထူး နေရာကို အရယူသွားနိုင်ခဲ့ခြင်း   ဖြစ်၏။ ဗိုလ်ချုပ်ကြီးအယ်-စီစီသည် သူ၏ရာထူးသက်တမ်း တစ်လျှောက် တွင်ခြေလျင်တပ်ဖွဲ့များစွာကို ဦးစီး တာဝန်ယူကာ စစ်ရေးစွမ်းရည် ပြသနိုင်ခဲ့သူဖြစ်၏။ ထို့ပြင် တပ်မ တော် ထောက်လှမ်းရေးမှူးအဖြစ် ဒေါ်လာဘီလျံနှင့်ချီသည့် စစ်ရေး အကူအညီများကို မိမိတို့အိတ်ထဲသို့ ပြောင်းထည့်နေကြသည့် ဗိုလ်ချုပ် များ၏ လှုပ်ရှားမှုကို မပြတ် စောင့် ကြည့်နေတတ်သူဖြစ်၏။ ထို့ကြောင့် အထက်လွှာမှ ဗိုလ်ချုပ်များက ထောက်လှမ်းရေးမှူး အယ်-စီစီကို မုန်းတီးကြသလောက် အောက်ခြေ တပ်မှူး တပ်သား များက သူ့ကို လေးစားချစ်ခင်ခဲ့ကြ၏။ သို့ဖြင့် သမ္မတသစ်မော်စီသည် ထောက် လှမ်းရေးမှူး အယ်-စီစီနှင့် ကျော ချင်းကပ်ကာ အခွင့်အခါကောင်းကို   စောင့်ကြည့်နေကြ   ခြင်းဖြစ်သည်။

သို့တိုင် အခွင့်အခါမှာ ကြာ ကြာစောင့်စရာ မလိုခဲ့ပါ။ သြဂုတ်လ ၅ ရက်နေ့တွင် ဘာသာရေးအကြမ်း ဖက်သမားတစ်စုက အီဂျစ်နယ်ခြား စောင့်စစ်စခန်းတစ်ခုကို စီးနင်း တိုက်ခိုက်ခဲ့ရာစစ်သည် ၁၆ ဦးမျှ ကျဆုံးပြီး ဒဏ်ရာများစွာ ရရှိခဲ့သဖြင့် အီဂျစ်တပ်မတော်၏ ဂုဏ် သိက္ခာကျဆင်းညှိုးနွမ်းခဲ့ရ၏။ ဤ အကြောင်းအချက်ကို အသုံးချ၍ သမ္မတသစ်မော်စီက ၃ ရက်အတွင်း မှာပင် မာရှယ်တန်တာဝီကို ရာထူး မှ ဂုဏ်သိက္ခာရှိစွာ နုတ်ထွက်စေခဲ့ပြီး အယ်စီစီကို ကာကွယ်ရေး ဦးစီးချုပ် နှင့် ဝန်ကြီးအဖြစ်ခန့် အပ်တာဝန် ပေးလိုက်တော့သည်။ ဤသို့ဖြင့် တာဟီရာ ရင်ပြင်ပေါ်မှ စတင်ခဲ့ သည့် ဒီမိုကရေစီ ပြုပြင်ပြောင်း လဲရေး ဖြစ်စဉ်တွင် အရေးကြီးဆုံး ဆက်ထုံးတစ်ရပ်ဖြစ် သည့် စစ်ဘက် အရပ်ဘက် အသွင်ကူးပြောင်းရေး လုပ်ငန်းစဉ်မှာ ပန်းနုရောင်ကတ္တီပါ ကော်ဇောခင်းသည့်လမ်းအတိုင်း လျှောက်လှမ်းနိုင်စွမ်း ရှိလာပေ တော့မည်။
သန်းစိုးနိုင်
Ref: Al-si si
Newsweek (Aug-12)

Share
ဆက်နွယ်သည့် သတင်းများ