Horoscope (Unicode)

ပေါ်ပြူလာ ကံကြမ္မာမြင်ကွင်း

Zawgyi ေဖာင့္သို႔ေျပာင္းရန္

Unicode ဖောင့်သို့ပြောင်းရန်

.

မိမိနေ့နံအား ဖုန်းသုံးသူများက လက်ဖြင့် တစ်ချက်ထိပြီးလည်းကောင်း | Computer Userများက Mouse Arrow တင်၍သော်လည်းကောင်း ဖတ်ရှုနိုင်ပါတယ်။

တနင်္ဂနွေ

တနင်္ဂနွေ

ကေသရာဇာခြင်္သေ့မင်းကဲ့သို့ အားမာန်ပြည့်ဝချိန်။

မိမိအကျိုး၊ အများအကျိုးကို ထမ်းဆောင်တတ်သော တာဝန်ကျေပွန်သူဖြစ်နေလိမ့်မည်။ ပရဟိတလုပ်ငန်းအချို့ကို ဖြူစင်သော မေတ္တာဖြင့် လုပ်ခွင့်ရရှိလိမ့်မည်။ ကျန်းမာရေးအတွက် ဝမ်းတွင်း ကလီစာများ စားသုံးခြင်းကို ရှောင်ပါ။

ရှေ့မှာ ချီးကျူးပြီး ကွယ်ရာမှာ ကျိတ်ပြီး ကဲ့ရဲ့တတ်သော စီးပွားပြိုင်ဘက်အချို့ရှိနေလိမ့်မည်။ မည်သူ့ကိုမှ အားမကိုးတတ်ဘဲ မိမိလမ်းကို မိမိ ရွေးချယ်ကာ လျှောက် လှမ်းနေတတ်သည်။

ဆန္ဒကို သိက္ခာဖြင့် ထိန်းသိမ်းမှုကြောင့် ရွေးချယ်မှု မှန်ကန်သွားလိမ့်မည်။ နှစ်ဖက်မိဘ သဘောတူ လက်ခံသော အချစ်ခရီးအနေအထား တည်ဆောက် နိုင်မည်။

၁.၆.၃

နံ့သာရောင်။

ကိုယ်ဝန်ဆောင်ကို ဆေးဝါးနှင့် ငွေလှူပါ။

တနင်္လာ

တနင်္လာ

ဘဝ၏ တေးသံသာများကို နားဆင်ခွင့်ရချိန်။

စိတ်အကြံအစည်မြင့်မားနေလိမ့်မည်။ လတ်တလောမှာ သူတစ်ပါးကိစ္စကိုကြားမှ အာမခံခြင်း၊ ဝင်ရောက်ဖြေရှင်းခြင်းတို့ကို ရှောင်ပါ။ ဘာသာ တရားဆိုင်ရာ အသိထူး၊ အမြင်ထူး ရရှိလိမ့်မည်။ ကျန်းမာစေရန် စိတ်ကို ချမ်းချမ်းသာသာထားပါ။

သိမ်းငှက်တစ်ကောင်ကဲ့သို့ စူးရှထက်မြက်သော အမြင်များ ရှိနေလိမ့်မည်။ လိမ့်နေသော ကျောက်တုံးက ရေညှိမကပ်သောကြောင့် မည်သည့်အလုပ်ကိုပဲ လုပ်လုပ် စွဲစွဲမြဲမြဲ ဇောက်ချလုပ်ကိုင်သင့်သည်။

ချစ်သူက စိတ်သဘောထားမြင့်မြတ်သူ၊ သဘောထားကြီးသူဖြစ်နေလိ့မ်မည်။ သင့်အချစ်ရေးက စိတ်အေးစရာဖြစ်နေလိမ့်မည်။

၁.၉.၃

စိမ်းပြာရောင်။

အိမ်ရှိဘုရားမှာ ဘုရားပွဲထိုးပါ။

အင်္ဂါ

အင်္ဂါ

ကံထက် ဉာဏ်ကို အားကိုးနေချိန်။

အခက်အခဲဖြစ်နေသော မိတ်ဆွေတစ်ဦးကို အကူအညီနှင့် အကြံဉာဏ်ပေးရတတ်သည်။ သူတစ်ပါးကို ကူညီပြီး စေတနာရောင်ပြန်ဟပ်ကာ ကံကောင်းမှုတို့ ကြုံရတတ်သည်။ ကျန်းမာရေးအတွက် ရာသီဥတုနှင့်အညီ ဝတ်စားနေထိုင်သင့်သည်။

စီးပွားဥစ္စာမှန်မှန်တိုးတက်အောင်မြင်လိမ့်မည်။ လုပ်ငန်းနယ်ပယ်သစ်၊ အကြံသစ်တစ်ခုကို လျှို့လျှို့ဝှက်ဝှက် လုပ်ဆောင်နေလိမ့်မည်။

ချစ်တတ်အောင် သင်ကြားပေးမည့် ချစ်သူနှင့် ကြုံရလိမ့်မည်။ အချစ်ကျောင်းတော်ကြီးမှာ နှလုံးသားသင်ခန်းစာများကို သင်ယူခွင့်ရရှိမည်။

၁.၃.၇

အညိုရောင်။

တစ်နေ့တည်း ဘုရား (၃)ဆူဖူးပါ။

ဗုဒ္ဓဟူး

ဗုဒ္ဓဟူး

အောင်မြင်မှု ရေစီးမှာ အလိုက်သင့် မျောပါခွင့်ရရှိချိန်။

လှုပ်ရှားပျော်ရွှင်အောင်မြင်ရပါလိမ့်မည်။ ကံကောင်းပြီးရင်း ကောင်းနေလိမ့်မည်။ သည်းခံတတ်ခြင်းကြောင့် မိသားစု၊ သာယာအေးချမ်း ပျော်ရွှင်မှု ရရှိပါလိမ့်မည် ကျန်းမာစေရန် ကံ၊ စိတ်၊ ဥတု၊ အာဟာရမျှတအောင် နေထိုင်ပါ။

တီထွင်ဖန်တီးတတ်သော ဉာဏ်ပညာစွမ်းကြောင့် အောင်မြင်မှု ကြီးကြီးမားမား ဖန်တီးနိုင်လိမ့်မည်။ စီးပွားရေးအောင်မြင်တိုးတက်မှု၏ သော့ချက်ကို ရှာဖွေတွေ့ရှိလိမ့်မည်။

ချစ်သူနှင့်အတူ ကောင်းမွန်သော အနာဂတ်ကို ဖော်ထုတ်နိုင်လိမ့်မည်။ လှပသော အချစ်အိမ်ကလေးကို တည်ဆောက်ခွင့်ရရှိမည်။

၂.၅.၇

ခဲရောင်။

ခန္ဓာထဲမှ အမြတ်ရအောင် တရားထိုင်ပါ။

ကြာသပတေး

ကြာသပတေး

ဓာတ်လှေကားစီးကာ အတက်ခရီးသွားရချိန်။

သင့်အစွမ်းအစနှင့် အရည်အချင်းများကို အသိအမှတ်ပြု ချီးကျူးခံရလိမ့်မည်။ သာယာချမ်းမြေ့သော မိသားစုဘဝကို တည်ဆောက်နိုင်လိမ့် မည်။ ကျန်းမာရေးအတွက် ရေချိုး၊ ခေါင်းလျှော် ဆင်ခြင်သင့်သည်။

စီးပွားဥစ္စာရှာဖွေရာမှာ ထကြွလုံ့လဝီရိယအပြည့်ရှိနေလိမ့်မည်။ သတိ၊ အသိနှင့် ပြည့်စုံနေပါလိမ့်မည်။ လုပ်ငန်းနယ်ပယ်မှာ မိမိနာမည်ကို မြင့်မြင့်မားမား တည်ဆောက်နေလိမ့်မည်။

နှစ်သက်စဖွယ် အပြုံးများနှင့် ညှို့ယူဖမ်းစားတတ်သူလေးနှင့် ကြုံမည်။ ချစ်သူ၏ အချော့အမြူ၊ အနုအဖွဲ့၊ ပလီပလာစကားများကို သာယာနစ်မျောနေမိမည်။

၂.၅.ဝ

အညိုရောင်။

မွေးနံထောင့်မှာ နေ့နံစုံပန်းလှူပါ။

သောကြာ

သောကြာ

ရွှေရောင်တောက်ပနေချိန်။

ကံပွင့်၊ ကံမြင့်နေချိန်မှာ ကိုးကွယ်ယုံကြည်ရာ ဘာသာတရားကို ပိုမိုလုပ်ဆောင်သင့်သည်။ လျှို့ဝှက်သင့်သည်ကို လျှို့ဝှက်ပြီး ပွင့်လင်းသင့်သည်ကို ပွင့်လင်းနေမည်။ ကျန်းမာရေးကောင်းပြီး အများအကျိုးကို သယ်ပိုးနိုင်လိမ့်မည်။

အကြားအမြင် ဗဟုသုတကြွယ်ဝနေလိမ့်မည်။ စီးပွားရေးနယ်ပယ်မှာ မိတ်ဆွေအပေါင်းအသင်း ကျယ်ပြန့်နေလိမ့်မည်။ ပိုမိုတိုးတက်အဆင်ပြေစေရန် ဒေါသနှင့် မာနကို လျှော့ပါ။

ရူပါမလှသော်လည်း ဗျူဟာများသောချစ်သူနှင့် ကြုံမည်။ စကားပြောကောင်းပြီး နှလုံးသားကို အရည်တစိမ့်စိမ့် ပျော်အောင် အရည်ဖျော်နိုင်စွမ်းသူလေးနှင့် ကြုံမည်။ ချစ်သူကို မချစ်ဘဲ မနေနိုင်အောင် ချစ်နေမိမည်။

၂.၅.၉

အုတ်ခဲကျိုးရောင်။

မိတ်ဆွေများကို မိမိနှစ်သက်ရာ စားသောက်ဖွယ်ရာဖြင့် ဒါနပြုပါ။

စနေ

စနေ

ကောင်းကင်ယံမှ ငွေစင်ကြယ်ကို ဆွတ်ခူးနေချိန်။

ကြိုးစားမှုနောက်ကွယ်မှ ကပ်ပါလာသော အောင်မြင်မှုကို အမိအရ ဖမ်းဆုပ်နိုင်လိမ့်မည်။ ကျန်းမာရေးအတွက် ဆေးဝါးသာမက ကိုယ်လက် လှုပ်ရှားမှုကိုပါ စနစ်တကျလုပ်ဆောင်သင့်သည်။

လုပ်ငန်းအတွက် အထောက်အကူပြုစေမည့် ပညာရပ်များကို ဆည်းပူးလေ့လာနေတတ်သည်။ စွန့်စားလှုပ်ရှားမှုများကို ဆည်းပူးလေ့လာနေတတ်သည်။ စွန့်စားလှုပ်ရှားမှုများကို အထူးတလည် စိတ်ဝင်စားနေတတ်သည်။

အချစ်အတွက် စွန့်စားခန်းဖွင့်ရမည့်ကာလပါ။ ရင်တစ်ခုလုံး ပွင့်ထွက်မတတ် ချစ်ရသူအတွက် အဆန်းတကြယ် ကိစ္စတစ်ရပ် ပြုရပါလိမ့်မည်။

၂.၅.၆

မာကျူရီရောင်။

သီလရှင်များကို ဖယောင်းတိုင်လှူပါ။