အကယ်ဒမီများရှင် ရန်အောင် ချီးကျူးစကားဆိုလိုက်တဲ့ ရုပ်ရှင်ဇာတ်ကား နှစ်ကား

အကယ်ဒမီများရှင် ရန်အောင် ချီးကျူးစကားဆိုလိုက်တဲ့ ရုပ်ရှင်ဇာတ်ကား နှစ်ကား
December 10, 2018 Asian Fame
အကယ်ဒမီများရှင် ရန်အောင် ချီးကျူးစကားဆိုလိုက်တဲ့ ရုပ်ရှင်ဇာတ်ကား နှစ်ကား

ရန်အောင်ဆိုတာ အောင်မြင်မှုရရှိပြီး၊ အောင်မြင်ဆဲ ရုပ်ရှင်မင်းသားကြီးတစ်လက်ပါ။ အချစ်၊ အမုန်း၊ အလွမ်း၊ အဆွေး၊ ဖိုက်တင် ဘာပဲလာလာ ကာရိုက်တာမျိုးစုံကို အံဝင်အောင် သရုပ်ဆောင်နိုင်တယ်။ သူ့ကို ချစ်ကြတဲ့ပရိသတ်တွေက အများကြီး။ အကယ်ဒမီရွှေစင်ရုပ်တုတွေလည်း များစွာပိုင်ဆိုင်ထားသူပါ။ ရန်အောင်နဲ့ တွေ့ဖြစ်တော့ လက်ရှိဟော့ဖြစ်နေတဲ့ ရုပ်ရှင်ဇာတ်ကားတွေအကြောင်း မေးဖြစ်ခဲ့ပါတယ်။ သရုပ်ဆောင်တွေ၊ ဒါရိုက်တာတွေအပေါ် ပရိသတ်တစ်ယောက်အနေနဲ့ရော၊ အနုပညာရှင်တစ်ဦးအနေနဲ့ပါ ဘယ်လိုမြင်သလဲဆိုတာကို မေးဖြစ်တဲ့အခါ ရန်အောင်က…..

“အရမ်းဂုဏ်ယူတာပဲ။ နောက်ပိုင်းမှာ အဲဒီလိုဇာတ်ကားကောင်းကောင်းတွေကို အရသာရှိရှိမကြည့်ရတာကြာပြီလေ။ ‘မီ’ သွားကြည့်ပြီးပြီ။ ‘မုန်းစွဲ’ သွားကြည့်ပြီးပြီ။ ‘မုန်းစွဲ’ကလည်း သူ့ဟာနဲ့သူ ဇာတ်အိမ်က ခိုင်မာပြီးတော့ ပါလာတဲ့သူအားလုံးကလည်းတော်တော်လေးကောင်းတယ်။ အထူးသဖြင့် နေတိုးပေါ့လေ။ နေတိုးကတော်တယ်။ မိတ်ကပ်ကအစပေါ့။ ကျွန်တော် ဘယ်အချိန်များ ဟာသွားမလဲပေါ့လေ။ မှည့်လေးပေါ့လေ။ ကလေးလေးအစစ်မှာက မှည့်လေးပါတယ်။ အဲဒါလေးကို အုပ်ထားတာ။ သူကြီးတဲ့အထိကို အဲဒါလေးကို သယ်လာတယ်ဗျ။ ပရိသတ်တွေ အဲဒါကို မြင်ချင်မှမြင်မယ်။ ကျွန်တော်ကြည့်တာတော့ ပုလင်းနဲ့ ခေါင်းနဲ့ ရိုက်ခွဲတဲ့အချိန်မှာ ဒဏ်ရာတွေကို သယ်လာတယ်။ ရင်ဘတ်က အမှတ်ကို သူရအောင်ထည့်ထားတယ်။ နှစ်ခုက တကယ်ကွဲတယ်။ ပြီးတော့ တရားကို တကယ်ကြည်ကြည်လင်လင်သိသွားတဲ့ ဦးပဉ္စင်းနဲ့ ချစ်စွဲမှာ မရုန်းနိုင်သေးတဲ့ ဦးပဉ္စင်းနဲ့ နှစ်ကိုယ်ကလည်း ကွဲပါတယ်။ ပြီးတော့ ရိုက်ချက်တွေလည်းတော်တော်ကောင်းပါတယ်။ ကိုကျော်ထွန်း(ဒါရိုက်တာ သြရသ)ကိုလည်း ချီးကျူးပါတယ်။ အဲဒီမှာ ပါဝင်တဲ့သူ အားလုံး အားလုံးက တော်ပါတယ်။ ဖွေးဖွေးလည်းတော်တယ်။ မအေးသောင်းလည်းတော်တယ်။ ကျော်ကျော်ဗိုလ်လည်းတော်တယ်။ အဲဒီတော့ ‘မုန်းစွဲ’ က အင်မတန်ကောင်းတဲ့ကားလို့ အစ်ကို သုံးသပ်တာပေါ့လေ။

‘မီ’လည်း သွားကြည့်တယ်။ ‘မီ’ ကတော့ ဒါရိုက်တာကို တော်တော် ချီးကျူးပါတယ်။ ဘာဖြစ်လို့လဲဆိုတော့ တော်ရုံတန်ရုံ စိတ်ဝင်စားမှုမျိုးနဲ့ သူ ဒီဟာကို မတည်လောက်ဘူး။ သူအရိုးထဲက၊ အသားထဲက အင်အားတွေထုတ်ပြီးတော့ ဒီလို ဇာတ်ကြီးကို တည်ထားတာ။ ပြီးတော့ ပီပီပြင်ပြင်လုပ်ထားတယ်။ ပိုင်ဖြိုးသုကလည်း အရမ်းကြိုးစားတာတွေ့ရတယ်။ အဓိကက ဒါရိုက်တာကို ချီးကျူးပါတယ်။ ဒါရိုက်တာက ဒီဟာကို အကောင်းဆုံးဖြစ်အောင်တင်ပြတာပေါ့လေ။ အဲဒါကိုကြိုက်တယ်။ နောက်ပြီး အ၀တ်အစားဆင်ယင်မှုတွေကို အရမ်းသဘောကျတယ်။ ပြီးတော့ ဒီတစ်ကားလုံးကို ကာလာလုပ်ထားတ အရမ်းသဘောကျတယ်။ သူတတ်နိုင်သလောက်ကို တော်တော်လုပ်ထားတာ။ ကျွန်တော်ဆိုလို့ရှိရင် ဒါကြီးကြည့်ပြီးတော့ ဟိုအရင်တုန်းက ‘ရတနာခင်ခင်ကြီး’ တို့ကို ပြန်ရိုက်ချင်တယ်။ ဘာဖြစ်လို့လဲဆိုတော့ ရေနံချောင်းမှာ ရေနံစင်မရှိတော့ဘူးမဟုတ်လား။ အဲဒီခေတ်ကို သူပြန်ဖန်တီးလို့ရတယ်။ ဒီလို Animation မျိုးနဲ့ဆိုရင်လေ” လို့ ပြောပြခဲ့ပါတယ်။

မျိုးမောင်၊ ဓာတ်ပုံ-ဇော်ဝင်းအောင်

Comments (0)

Leave a reply

Your email address will not be published. Required fields are marked *

*