အိမ်ထောင်ပြုမယ် ဆိုရင် ပရိသတ်တွေကို ကြိုတင်ပြီး အသိပေးမယ်ဝတ်မှုံရွှေရည်

အိမ်ထောင်ပြုမယ် ဆိုရင် ပရိသတ်တွေကို ကြိုတင်ပြီး အသိပေးမယ်ဝတ်မှုံရွှေရည်
September 12, 2018 Asian Fame Media
အိမ်ထောင်ပြုမယ် ဆိုရင် ပရိသတ်တွေကို ကြိုတင်ပြီး အသိပေးမယ်ဝတ်မှုံရွှေရည်

‘တရားလား’ ရုပ်ရှင်ဇာတ်ကား မှာ ပါဝင်သရုပ်ဆောင်မယ့် ဝတ်မှုံရွှေ ရည်က ဒီဇာတ်ကားမှာ သရုပ်ဆောင် အလုပ်တွေ မလုပ်ကိုင်ဖြစ်တာကြာပြီ ဖြစ်တဲ့ အကယ်ဒမီစိုးသူလည်း ပါဝင် မှာ ဖြစ်တဲ့အတွက် ထူးခြားမယ့် ဇာတ်ကားတစ်ကားဖြစ်မယ်လို့ ထင် ကြောင်း ပြောပါတယ်။ ဒီဇာတ်ကား မှာတော့ သူ့ရဲ့ ကာရိုက်တာက ခပ်ကြမ်း ကြမ်းသရုပ်ဆောင်ရမှာဖြစ်ပြီး ဒီလိုကာရိုက်တာမျိုး သရုပ်မဆောင် ရတာကြာပြီလို့လည်း ဆိုပါတယ်။

“ကိုပေါက်စ (စိုးသူ)အမေရိက က ပြန်ပြန်လာချင်းတုန်းကတောင်မှ ကစ်တို့ ဓာတ်ပုံတွေ ရိုက်ကူးဖြစ် တယ်။ ကြော်ငြာတွေ ရိုက်ကူးဖြစ် တယ်။ ရုပ်ရှင်လည်း တွဲရိုက်ချင်ခဲ့ပါတယ်။ ဒါပေမဲ့ အကြောင်း ကြောင်း ကြောင့် မရိုက်ကူးဖြစ်ခဲ့ဘူး။ နှစ်တွေ အများကြီး ကြာပြီးမှ ဒီဇာတ်ကားမှာ ပြန်တွေ့တာပေါ့။ ကိုပေါက်စရဲ့ ပထမဦးဆုံး ဇာတ်ကားမှာပထမဦး ဆုံးအတူတူရိုက်ကူးဖြစ်တယ်ပေါ့။ ပရိသတ် တွေကိုလည်း အားပေးစေ ချင်ပါတယ်”လို့ ပြောပါတယ်။

အနုပညာသက်တမ်းလည်း ကြာလာပြီဖြစ်တဲ့ ဝတ်မှုံရွှေရည်က အခုနောက်ပိုင်းမှာ ဇာတ်လမ်းတွေ တော်တော်ရွေးချယ်ဖြစ်နေပြီး ငြင်း လိုက်တဲ့ဇာတ်ကားတွေလည်း အများ ကြီးပဲ ရှိနေပါတယ်။ အနုပညာ သက်တမ်းကြာလာတာနဲ့အမျှ ရိုက်ကူးခဲ့တဲ့ ဇာတ်လမ်းတွေ၊ ကာရိုက်တာတွေ များနေတဲ့အတွက် စိန်ခေါ်မှုမရှိတဲ့ ဇာတ်ကားတွေဆိုရင် မရိုက်ဖြစ်တော့ ပါဘူး။ ဇာတ်ကားတစ်ကားရိုက်ကူး ပြီဆိုရင်လည်း အရင်တုန်းကထက် ပိုပြီးအချိန်ပေးချင်လာတယ်လို့ ဆိုတဲ့ ဝတ်မှုံရွှေရည်က …
“အလုပ်တစ်ခုလုပ်ရင် သေသေချာချာလေး အချိန်ပေးချင်တယ်။ ကိုယ့်ဘက်က အားထုတ်ချင်တယ်။ အရင်တုန်းကလည်း အားထုတ်ခဲ့ပါ တယ်။ ဒါပေမဲ့ အဲဒီထက်ကို ပိုပြီး တော့ လေးနက်မှုရှိ ပြီးတော့ သေသေ ချာချာ အချိန်ပေးချင်တယ်။ အခု ဆိုရင် ဇာတ်ကားကောင်းရင် ပြီးရော ကြိုက်သလောက်ရိုက်၊ အဲဒီလိုမျိုးပေါ့။ အလုပ်တစ်ခုလုပ်ရင် သေချာလေး စိတ်နှစ်ပြီးတော့လုပ်ချင်တယ်။ ထွက်လာ တဲ့ရလဒ်ကလည်းထူးထူးခြားခြားနဲ့ ထိထိ ရောက်ရောက်လေးဖြစ်စေချင်တယ်။ ဇာတ်ကား ဆိုလည်း ဇာတ်ကားအလျောက် ပရိသတ်တွေ က ဒီဇာတ်ကား လေးက ကြည့်လို့ ကောင်းလိုက်တာ၊ ဘာပဲလုပ်လုပ် အချိန်ပေးပြီး စိတ်နှစ်ပြီးလုပ်ပေးချင် တဲ့စိတ်တော့ ရှိတယ်” လို့ ပြောပါ တယ်။

ညီမဖြစ်သူ နဒီရွှေရည်က အိမ် ထောင် ကျပြီး သားလေးမွေးဖွားလိုက် တဲ့အတွက် ဝတ်မှုံရွှေရည်က အဒေါ် ရာထူးကို ရသွားပါပြီ။ တူလေး ရတဲ့အတွက်လည်း ပျော်နေသလိုမိသားစုတွေအားလုံး ပျော်နေကြ တယ်လို့ ဝတ်မှုံရွှေရည်က ဆိုပါတယ်။ ဝတ်မှုံ ရွှေရည် အနေနဲ့ အခုလတ်တလောမှာ အိမ်ထောင်ပြုတော့မလားဆိုတဲ့ မေး ခွန်းကို ခဏခဏဖြေနေရပါတယ်။ အိမ်ထောင်ပြုမယ်ဆိုရင် ပရိသတ် တွေ ကို ကြိုတင်ပြီးအသိပေးသွားပါ့ မယ်လို့ ဖြေကြားခဲ့ပါတယ်။

ခိုင်ဝေလွင်၊

ဓာတ်ပုံ-မင်းမင်းထွန်း

Comments (0)

Leave a reply

Your email address will not be published. Required fields are marked *

*