လူငယ်တွေအတွက် လူရွှင်တော်သင်တန်းတွေ ဖွင့်လှစ်ချင်တဲ့ ဒါရိုက်တာ မောင်သီ

လူငယ်တွေအတွက် လူရွှင်တော်သင်တန်းတွေ ဖွင့်လှစ်ချင်တဲ့ ဒါရိုက်တာ မောင်သီ
September 10, 2018 Asian Fame Media
လူငယ်တွေအတွက် လူရွှင်တော်သင်တန်းတွေ ဖွင့်လှစ်ချင်တဲ့ ဒါရိုက်တာ မောင်သီ

လူရွှင်တော်အသင်း(ရန်ကုန်)အနေနဲ့ လူငယ်မျိုးဆက်သစ်တွေ အတွက် လူရွှင်တော်သင်တန်းတွေ ဖွင့်လှစ်သွားဖို့ အစီအစဉ်ရှိကြောင်း သိရပါတယ်။ ဝါရင့်လူရွှင်တော်ကြီး တွေကနေ လူငယ်လူရွှင်တော်လေး တွေကို ပြန်လည်သင်ပြပေးတဲ့သင်တန်းမျိုးလေးတွေ ပြုလုပ်သွားမှာဖြစ် ကြောင်း လူရွှင်တော်အသင်း (ရန် ကုန်)ရဲ့ နာယကတစ်ဦးဖြစ်တဲ့ ဒါ ရိုက်တာမောင်သီက ပြောပါတယ်။

“သင်တန်းစစဖွင့်ချင်းကတော့ ၂ လ ၃ လသင်တန်းတော့ မဟုတ်ဘူး ပေါ့။ ၁ လသင်တန်းလောက်ပေါ့။အဲဒီလိုလေးတွေလုပ်ဖို့ ကြံစည်နေ တယ်။ ဒါပေမဲ့ အခုအချိန်ထိတော့ ဖြစ်မလာသေးဘူ။ ဖြစ်လာမှာပါ” လို့ ဒါရိုက်တာမောင်သီကပြောပါတယ်။ ဟာသဆိုတဲ့ ပညာရပ်တစ်ခုကအသက်မွေးဝမ်းကျောင်းရပ်တည်မှုတစ်ခုအထိ ထောက်ပံ့ပေးနိုင်တာ သေချာပါတယ်လို့ သူက ပြောပါ တယ်။

ဒါရိုက်တာမောင်သီအနေနဲ့ လူ ရွှင်တော်တွေကို အခွင့်အလမ်းတွေများစွာပြုလုပ်ပေးခဲ့ပါတယ်။ ဒါ့အ ပြင် လူရွှင်တော်အသင်း (ရန်ကုန်)ကိုလည်း ဖွဲ့စည်းခဲ့ကာ သူ့အနေနဲ့ လည်း နာယကအဖြစ် တာဝန်ထမ်း ဆောင်နေပါတယ်။ လူရွှင်တော် အသင်းအပေါ် သူ့အနေနဲ့ ဖြစ်စေ ချင်တဲ့ ဆန္ဒကိုတော့ …

“စာရေးဆရာဆိုရင်လည်း ဟာ သစာရေးဆရာအနေနဲ့ ဘဝရပ်တည် လို့ ရသလို လူရွှင်တော်တွေ ဆိုရင် လည်း ဟာသတွေပြော ပြက်လုံးတွေ ပြက် ပြဇာတ်တွေက ရုပ်ရှင်တွေ ဝင်ရိုက်၊ ဒီလိုနဲ့မိသားစုတစ်ခု ဘဝ တစ်ခုကို ထောက်ပံ့ပြီးတော့ရပ်တည် နိုင်တယ်လေ။ အဲဒီတော့ အဲဒီပညာ ရပ်နဲ့ အဲဒီလူတွေက ရှိနေဦးမှာပဲ။ သူတို့ရဲ့ဘဝတွေက လူရွှင်တော်မှ မဟုတ်ပါဘူး။ တော်တော်များများ ဘယ်လူမဆို ကိုယ့်ရဲ့ အသက်မွေး ဝမ်းကျောင်းကို လုပ်ကိုင်နေတဲ့အ ချိန်မှာတော့ မိသားစုအရေးကိစ္စ ပြေ လည်တာပေါ့။ ကိုယ်ဒီအလုပ်ကို မ လုပ်နိုင်ဘူး။ ရပ်ပြီဟေ့ဆိုရင်တော့ အနည်းအများတော့ အကုန်လုံးက ဒုက္ခရောက်ကြမှာပဲလေ။ အဲဒီတော့ ကျွန်တော်နဲ့ပတ်သက်ရင်းနှီးတဲ့ အတိုင်းအတာလေးပေါ့။လူရွှင်တော် တွေနဲ့ ပတ်သက်ပြီး ကျွန်တော်ဟာသ ဇာတ်ကားတွေ ရိုက်ကူးခဲ့တယ်၊ ဟာ သအလုပ်တွေ လုပ်ခဲ့တယ်ဆိုတော့ အဲဒီအလွှာလေးတစ်လွှာအတွက်ပဲ တတ်နိုင်သလောက်လေး ကျွန်တော် လုပ်နိုင်တာပေါ့။ အကုန်လုံးကိုတော့လိုက်လုပ်ပေးဖို့ ကျွန်တော်ဘယ်လွယ် လိမ့်မလဲ။ ဒါကြောင့်ရနိုင်သလောက် လေး လုပ်ခဲ့တယ်။ လက်ဆင့်ကမ်း အမွေတွေလည်း ပေးခဲ့တယ်။ လူရွှင် တော်အသင်းတွေ ဖွဲ့ပေးခဲ့တယ်။ အဲ ဒီအခါမှာ ကျွန်တော်လည်းမရှိကော ပြီးသွားတာမျိုးကို မဖြစ်ချင်ဘူး။ နောက်ထပ်မျိုးဆက်သစ် လူရွှင်တော် တွေလက်ထဲကို တာဝန်လွှဲပြောင်းပြီး တော့ သူတို့ကနေ ဆက်လက်ပြီးတော့ထမ်းဆောင်သွားဖို့ အရေးကြီးတယ်။ လူရွှင်တော်လောကကြီးအတွက် ဒီ အဖွဲ့အစည်းက ဆက်လက်ပြီးတော့ ရှင်သန်နေမှလည်း အဓိပ္ပာယ်ရှိမှာ လေ” လို့ ပြောပါတယ်။

လင်းအက္ခရာ

Comments (0)

Leave a reply

Your email address will not be published. Required fields are marked *

*