အဆိုတော်နဲ့ သရုပ်ဆောင်လုပ်ချင်တယ်ဆိုတာ မေမေနဲ့ ဖေဖေတို့ကို ကျေးဇူးဆပ်ချင်လို့ပါ လို့ ဆိုလာတဲ့ Mini Miss ဖြူစင်ဟိန်းထက် နဲ့ နေလဝါဝါ

အဆိုတော်နဲ့ သရုပ်ဆောင်လုပ်ချင်တယ်ဆိုတာ မေမေနဲ့ ဖေဖေတို့ကို ကျေးဇူးဆပ်ချင်လို့ပါ လို့ ဆိုလာတဲ့ Mini Miss ဖြူစင်ဟိန်းထက် နဲ့ နေလဝါဝါ
August 29, 2018 Asian Fame Media
အဆိုတော်နဲ့ သရုပ်ဆောင်လုပ်ချင်တယ်ဆိုတာ မေမေနဲ့ ဖေဖေတို့ကို ကျေးဇူးဆပ်ချင်လို့ပါ လို့ ဆိုလာတဲ့ Mini Miss ဖြူစင်ဟိန်းထက် နဲ့ နေလဝါဝါ

ဥရောပ၊ အရှေ့အလယ်ပိုင်းနဲ့ အာရှစတဲ့ နိုင်ငံပေါင်း ၄၂ နိုင်ငံက ပြိုင်ပွဲဝင်ပေါင်း တစ်ရာကျော် ဝင် ရောက်ယှဉ်ပြိုင်ခဲ့ကြတဲ့ Prince and Princess International 2018ပြိုင်ပွဲကို ထိုင်းနိုင်ငံ ဖူးခက်မြို့မှာ ပြီးခဲ့တဲ့ ဇူလိုင်လ ၂၅ ရက်နေ့ကနေ ဇူလိုင်လ ၃ဝ ရက်နေ့အထိ ကျင်းပပြုလုပ် ခဲ့ရာမှာတော့ မြန်မာနိုင်ငံကိုယ်စားပြု Miss တွေနဲ့ Mister တွေ ဆု တံဆိပ်ေ တွ အတော်များများရရှိခဲ့ကြပြီျးွှငညညနမ ဆုတွေလည်း သိမ်းပိုက်နိုင်ခဲ့ကြပါ တယ်။ အဲဒီအထဲမှာမှ မြန်မာပြည်ကိုယ်စားပြု Mini Miss လေး နှစ်ဦးကလည်း ဆုတံဆိပ်တွေ ရယူနိုင်ခဲ့ကြပါတယ်။ သူတို့ကတော့ အသက် ၆ နှစ်အရွယ်သာရှိ သေးတဲ့ နေလဝါဝါနဲ့ ဖြူစင်ဟိန်းထက်တို့ပဲ ဖြစ်ပါတယ်။ သူတို့နှစ်ယောက်ဟာ ပြိုင်ပွဲကာလတစ်လျှောက်လုံးမှာလည်း လာရောက်ယှဉ်ပြိုင်သူတွေရဲ့ ချစ် ခင်မြတ်နိုးခြင်းတွေကိုခံခဲ့ရသူ တွေလည်း ဖြစ်ပါတယ်။

သူတို့နှစ်ဦးရဲ့ ကြိုးစားအား ထုတ်မှုတွေကြောင့် ဖြူစင်ဟိန်းထက် က Mini Miss South East Asia ဆုကို ရယူနိုင်ခဲ့ပြီး နေလဝါဝါက တော့ Mini Miss AfriAsia ဆုတွေ ကို အမိမြန်မာနိုင်ငံတော်အတွက် သိမ်းပိုက် ရယူနိုင်ခဲ့ပါတယ်။ နေလဝါဝါရော ဖြူစင်ဟိန်းထက်ရော နှစ်ဦး စလုံးက ဆုတံဆိပ်တွေ ရယူနိုင်ခဲ့ကြတဲ့အတွက် အလွန်ပျော်ရွှင်ကြည်နူးမိ တယ်လို့ ဆိုပြီး မြန်မာနိုင်ငံရဲ့ ရန်ကုန် အပြည်ပြည်ဆိုင်ရာ လေဆိပ်ဆီ အပြုံးပန်း တွေနဲ့ လျှောက်လှမ်းနိုင်ခဲ့ ကြပါတယ်။ ရန်ကုန်ကို ပြန်လည် ရောက်ရှိလာခဲ့ကြ တဲ့ Mini Miss လေးနှစ်ဦးနဲ့ ပေါ်ပြူလာတို့ ထပ်မံဆုံ ဖြစ်ချိန်မှာတော့ သူတို့နှစ်ဦးဟာ ကျောင်းတက်တဲ့ တာဝန်ကိုယ်စီနဲ့ စာကြိုးစားနေလျက်ရှိကြပြီး ပြိုင်ပွဲယှဉ်ပြိုင်စဉ် ကာလ တုန်းက နိုင်ငံခြားကသူငယ်ချင်းတွေကိုတော့ လွမ်းမိနေတယ်လို့ ဆိုပါတယ်။ သူတုိ့လေး တွေ ပြိုင်ပွဲကာလမှာ အဓိကတွဲဖက်တဲ့ သူငယ်ချင်းလေးတွေကတော့ ကာဇက်စတန်၊ ဗင်နီဇွဲလားစတဲ့ အရှေ့အလယ်ပိုင်းက Mini Miss လေးတွေနဲ့ အတွဲများခဲ့တာဖြစ်ပါ တယ်။

“အတွေ့အကြုံတွေ အများကြီး ရခဲ့တယ်ရှင့်။ ဘာလို့လဲဆိုတော့ သူတို့တွေနဲ့က အင်္ဂလိပ်လိုပြောရတာ လေ။ မြန်မာလိုပြောလို့မရဘူးလေ။ အင်္ဂလိပ်စာနဲ့ စကားပြောကိုနောက် ပိုင်းမှာ ကြိုးစားလေ့လာသွားမှာ ဖြစ်ပါတယ်ရှင့်” လို့ နေလဝါဝါကတော့ အမှတ်တရစကား ဆိုပါတယ်။

Mini Miss လေး နှစ်ဦးစလုံးရဲ့ လက်ရှိရည်မှန်း ချက်ကတော့ စာကိုကြိုးစားသင်ယူမှာဖြစ်ပြီး အရွယ် ရောက်ခါကျမှ Miss ပြိုင်ပွဲတွေကိုဆက်လက်ယှဉ်ပြိုင်ဖို့ ရည်ရွယ်ထားကြတယ် လို့ ဆိုပါတယ်။

“ဘာလို့လဲဆိုတော့ တစ်ခါတစ်ခါသွားရောက်ယှဉ်ပြိုင်ရတာ ပိုက်ဆံလည်း တအားကုန်ပါတယ်ရှင့်။ ပြီးတော့ အင်္ဂလိပ် စကားကိုလည်း အများကြီး ပြောချင်တယ်။ အဲဒီအတွက်လည်း ကြိုးစားသွားပါ့ မယ်ရှင့်” လို့ ဖြူစင်ဟိန်းထက်က ပြောပြပေးပါတယ်။

သူတို့နှစ်ဦးစလုံးရဲ့ ဘုံရည်ရွယ် ချက်တွေက တူညီလှပါ တယ်။ နှစ်ယောက်စလုံးက သရုပ်ဆောင်နဲ့ အဆိုတော် ဖြစ်ချင်ကြတာပါပဲ။ ပြီး တော့ အရွယ်ရောက်မယ့်အချိန်ကျမှ Miss ပြိုင်ပွဲကြီးတစ်ခုကို ဝင်ရောက်ယှဉ်ပြိုင်ကြ မယ် ဆိုတဲ့ ရည်ရွယ်ချက်တွေလည်း သူတို့နှစ်ဦးစလုံးဆီမှာ ရှိနေပါတယ်။

“အဆိုတော်နဲ့ သရုပ်ဆောင် လုပ်ချင်တယ်ဆိုတာ မေမေနဲ့ ဖေဖေ တို့ကို ပြန်ကျေးဇူးဆပ်ချင်လို့ပါ။ တကယ်ဖြစ်ခွင့်ရ လာမယ်ဆိုရင် ပျော်မိမှာပါ” လို့ ဖြူစင်ဟိန်းထက်က သူ့ရဲ့ဆန္ဒကို ပြောပြပေးပါတယ်။ နေလဝါဝါကလည်း အဲဒီလိုပါပဲ။ သရုပ်ဆောင်နဲ့ အဆိုတော်သာ ဖြစ်ခွင့်ရလာမယ်ဆိုရင် ပျော်ရွှင်မိမှာ အမှန်ဖြစ်ပြီး လက်ရှိမှာလည်း မြန်မာအကတွေကို လေ့လာသင်ယူနေဖြစ်ပါတယ်။ ဒါ့အပြင် စန္ဒာရားတီးခတ်မှုကို ကြိုက်နှစ်သက်တာမို့ စန္ဒာရား လည်း တီး ဖြစ်မယ်လို့ ဆိုပါတယ်။

ထက်လူ၊

ဓာတ်ပုံ-အောင်ဇော်မင်း

Comments (0)

Leave a reply

Your email address will not be published. Required fields are marked *

*