နိုင်ငံပေါင်း ၄၂ နိုင်ငံက ပြိုင်ပွဲဝင်တွေကို ဖြတ်ကျော်ပြီး မြန်မာနိုင်ငံအတွက် ဆုတံဆိပ်နှစ်ခုသယ်ဆောင်လာပေးခဲ့ကြတဲ့ Mini Miss Myanmar နေလဝါဝါ နဲ့ ဖြူစင်ဟိန်းထက်

နိုင်ငံပေါင်း ၄၂ နိုင်ငံက ပြိုင်ပွဲဝင်တွေကို ဖြတ်ကျော်ပြီး မြန်မာနိုင်ငံအတွက် ဆုတံဆိပ်နှစ်ခုသယ်ဆောင်လာပေးခဲ့ကြတဲ့ Mini Miss Myanmar နေလဝါဝါ နဲ့ ဖြူစင်ဟိန်းထက်
August 15, 2018 AsianFame MediaGroup
နိုင်ငံပေါင်း ၄၂ နိုင်ငံက ပြိုင်ပွဲဝင်တွေကို ဖြတ်ကျော်ပြီး မြန်မာနိုင်ငံအတွက် ဆုတံဆိပ်နှစ်ခုသယ်ဆောင်လာပေးခဲ့ကြတဲ့ Mini Miss Myanmar နေလဝါဝါ နဲ့ ဖြူစင်ဟိန်းထက်


ဥရောပ၊ အရှေ့အလယ်ပိုင်းနဲ့ အာရှစတဲ့ဒေသတွေရဲ့နိုင်ငံပေါင်း ၄၂ နိုင်ငံကပြိုင်ပွဲ ဝင်ပေါင်း ၁ဝဝ ကျော်ဝင်ရောက်ယှဉ်ပြိုင်ခဲ့ကြတဲ့ Prince and Princess International 2018 ပြိုင်ပွဲကို ထိုင်းနိုင်ငံဖူးခက်မြို့မှာ ပြီးခဲ့တဲ့ ဇူလိုင်လ ၂၅ ရက်နေ့ကနေ ဇူလိုင်လ ၃ဝ ရက်နေ့အထိ ကျင်းပပြုလုပ်ခဲ့ရာမှာတော့ မြန်မာနိုင်ငံကိုယ်စား ပြု Miss တွေနဲ့ Mister တွေ ဆုတံဆိပ်တွေ အတော်များများရရှိခဲ့ကြပြီး Winner ဆုတွေလည်းသိမ်းပိုက်နိုင်ခဲ့ကြပါတယ်။ အဲဒီအထဲမှာမှ မြန်မာပြည်ကိုယ်စားပြု Mini Missလေးနှစ်ဦးကလည်း ဆုတံဆိပ်တွေ အသီးသီးရယူနိုင်ခဲ့ကြပါတယ်။ သူတို့ကတော့ အသက် ၆ နှစ် အရွယ်သာရှိသေးတဲ့ နေလဝါဝါနဲ့ ဖြူစင်ဟိန်း ထက်တို့ပဲ ဖြစ်ပါတယ်။ သူတို့နှစ်ယောက်ဟာ ပြိုင်ပွဲကာလတစ်လျှောက်လုံးမှာလည်း လာ ရောက်ယှဉ်ပြိုင်သူတွေရဲ့ ချစ်ခင်မြတ်နိုးခြင်းကို ခံခဲ့ရသူလေးတွေလည်း ဖြစ်ပါတယ်။

သူတို့နှစ်ဦးရဲ့ ကြိုးစားအားထုတ်မှုတွေကြောင့်ပဲ ဖြူစင်ဟိန်းထက်က တော့ Mini Miss South East Asia ဆုကို ရယူနိုင်ခဲ့ပြီး နေလဝါဝါကတော့ Mini Miss AfriAsia ဆုတွေကို အမိမြန်မာနိုင်ငံတော်အတွက် သိမ်းပိုက်ရ ယူနိုင်ခဲ့ပါတယ်။ နေလဝါဝါရော၊ ဖြူစင်ဟိန်းထက်ရော နှစ်ဦးစလုံးက ဆုတံဆိပ်တွေရယူနိုင်ခဲ့ကြတဲ့အတွက် အလွန်ပျော်ရွှင်ကြည်နူးမိတယ်လို့ဆို ပြီး မြန်မာနိုင်ငံရဲ့ ရန်ကုန်အပြည်ပြည်ဆိုင်ရာ လေဆိပ်ကို အပြုံးပန်းတွေနဲ့ လျှောက်လှမ်းနိုင်ခဲ့ကြပါတယ်။

နေလဝါဝါကတော့ သူက Catwalk တွေ လျှောက်နေရရင် ပျော်ရွှင် တယ်လို့ဆိုပြီး သရုပ်ဆောင်တစ်ဦးလည်း ဖြစ်ချင်တယ်လို့ ပေါ်ပြူလာဂျာနယ်ရဲ့ မေးမြန်းမှုကို ပြန်လည်ဖြေဆိုခဲ့ပါတယ်။ ဖြူစင်ဟိန်းထက်ကလည်း အဲဒီလိုပါပဲ။ Miss လောကမှာ နာမည်ရတဲ့အထိ ကြိုးစားအားထုတ်သွားမယ်လို့ သူတို့လေး တွေရဲ့ အိပ်မက်တွေကို ပေါ်ပြူလာဂျာနယ်ကို ပြောပြပေးခဲ့ပါတယ်။

”သမီးကတော့ အခုလို ပြိုင်ပွဲတွေကနေပြီး မြန်မာကိုယ်စားပြုယှဉ်ပြိုင် မယ်။ ပြီးရင် နိုင်ငံ့ကိုယ်စားပြုအဖြစ် ဆုတံဆိပ်တွေ ရယူနိုင်တဲ့ Miss တစ်ဦး ဖြစ်တဲ့အထိ ကြိုးစားသွားချင်ပါတယ်ရှင့်။ ဆုတွေကတော့ တအားကိုရချင်တယ်။ မော်ဒယ်လ်တအားလုပ်ချင်တယ်။ သမီးတို့နိုင်ငံက ယဉ်ကျေးမှု Talent တွေကို နိုင်ငံတကာမှာချပြချင်ပါတယ်”လို့ ဖြူစင်ဟိန်းထက်က အရွယ်နဲ့မမျှအောင် နိုင်ငံအတွက်ကြိုးစားပြီး ဆုတံဆိပ်တွေရယူပေးချင်တဲ့အကြောင်းကို အားရ ပါးရဆိုပါတယ်။

နေလဝါဝါကတော့ သူ့ရဲ့အိပ်မက်တွေက နာမည်ကျော် Missတစ်ဦး ဖြစ်ချင်တယ်။ နောက်ထပ်သူ့ရဲ့ ပန်းတိုင်အိပ်မက်ကတော့ သရုပ်ဆောင် တစ်ဦးအဖြစ် ရပ်တည်ချင်တယ်ဆိုတာပါပဲ။

”သမီးက Catwalk တွေလျှောက်ပြီးတော့ မော်ဒယ်လ်လုပ်ချင်တယ်။ နောက်ပြီးတော့ သရုပ်ဆောင်ဖြစ်ချင်တယ်။ မင်းသမီးလုပ်ချင်တယ်ရှင့်။ အဲဒါသမီးရဲ့ အိပ်မက်ပါ” လို့ နေလဝါဝါက ပြောပါတယ်။

ဖြူစင်ဟိန်းထက်က လက်ရှိမှာလည်း စန္ဒရားတီးခတ်တာကို သင်ယူနေ ပြီး သူကစန္ဒရားအတီးကျွမ်းကျင် သူတစ်ဦးလည်းဖြစ်ချင်သလို သီချင်းဆိုတာ လည်း ဝါသနာပါတာမို့ ဂီတနဲ့ပတ်သက်ပြီးတော့ အနုပညာလမ်းကြောင်းပေါ် လျှောက်လှမ်းချင်တဲ့ စိတ်ကူးတွေအပြည့်ရှိနေတယ်လို့ ထုတ်ဖော်ပြောပြခဲ့ပါသေးတယ်။

အခုလက်ရှိမှာတော့ Mini Missလေးတွေဖြစ်တဲ့ နေလဝါဝါနဲ့ ဖြူစင် ဟိန်းထက်တို့ဟာ နောက်ထပ်ပြိုင်ပွဲတွေဝင်ရောက်ယှဉ်ပြိုင်ဖို့ရှိလာတဲ့အခါ အဆင်သင့်ဖြစ်နေအောင်အတွက် မြန်မာအကတွေ Talent တွေနဲ့ပတ်သက် ပြီး ကြိုတင်ပြင်ဆင်သင်ယူမှုတွေရှိနေပြီလည်း ဖြစ်ပါတယ်။

Mini Missလေးနှစ်ဦးဟာ အသက်အရွယ်ငယ်သေးပေမယ့်လည်း သူတို့မှာ တိကျတဲ့ကိုယ်ပိုင် စိတ်ကူးအိပ်မက်တွေရှိနေကြတာကိုတွေ့ရတဲ့ အပြင် အမိမြန်မာနိုင်ငံတော်အတွက် ပေးဆပ်ချင်တဲ့ စိတ်ဓာတ်တွေ၊ ဆုတံ ဆိပ်တွေရယူပေးချင်တဲ့ စိတ်ဓာတ်တွေ၊ အရွယ်နဲ့ မမျှအောင်ရည်ရွယ်ချက် ပန်းတိုင်ခိုင်မာမှုတွေကိုလည်း မြင်ခဲ့ကြားခဲ့ရတဲ့အတွက် မြန်မာနိုင်ငံအတွက် အင်မတန်မှကို ဂုဏ်ယူပီတိ ဖြစ်စရာပင်ဖြစ်ပါတော့တယ်။

သတင်း၊ ဓာတ်ပုံ-ထက်လူ

Comments (0)

Leave a reply

Your email address will not be published. Required fields are marked *

*