သြော်…ဘ၀…ဘ၀…ဘ၀

သြော်…ဘ၀…ဘ၀…ဘ၀
August 14, 2018 AsianFame MediaGroup
သြော်…ဘ၀…ဘ၀…ဘ၀

‘စာရေးဆရာ’ ဆိုသော ဥာဏ်အထူးရသည့် အထက်တန်းစားသတ္တ ဝါတို့ စတင်တွေ့ဖူးခဲ့သည်မှာ…. ကျွန်တော် ၈/၉ နှစ်အရွယ်က ဖြစ် ပါသည်။ ကျွန်တော်တို့ ရပ်ကွက်မှာ အစိုးရရုပ်ရှင်မြှင့်တင်ရေး စတူဒီယို ခြံကြီးနှင့် ဆက်လျက်ဖြစ်ရာ ကျွန် တော်တို့ ရပ်ကွက်ထဲတွင် ရုပ်ရှင်နှင့် ဆက်နွှယ်နေသော ပုဂ္ဂိုလ်အချို့ လည်း နေထိုင်ကြသည်။ ရုပ်ရှင်ရိုက် ကူးရာ ရိုက်ကွင်း Location တစ်ခု အဖြစ်လည်း ကျွန်တော်တို့ ရပ်ကွက် က ရံဖန်ရံခါအသုံးတော်ခံရသည်။ ကျောင်းပိတ်ရက်ဖြစ်လျှင် ကျွန်တော် သည် ရိုက်ကွင်းထဲသို့ အဖော်အ ပေါင်းများနှင့်အတူ ယောင်ပေ ယောင်ပေ ဟိုငေးသည်မောနှင့် ရောက် ရောက်နေတတ်ခဲ့ပါသည်။

ကျွန်တော်၏ ဖခင်မှာ ဈေး သည်ဖြစ်သော်လည်း ရပ်ကွက်ထဲရှိ ရုပ်ရှင်ဒါရိုက်တာတစ်ဦးနှင့် ရင်းနှီး သောကြောင့် တစ်ခါတစ်ခါ ရုပ်ရှင် လောကထဲ မျက်စိလည်ပြီး ရောက် သွားခဲ့ရာ တစ်နေ့ ၅ ကျပ်စား ဇာတ် ရံ Extra အဖြစ် ရုပ်ရှင်သုံးလေးကား ထဲမှာ ပါဝင်သရုပ်ဆောင်ခဲ့ဖူးသည်။ သို့သော် အဖေ့ရုပ်ရှင်ဖိုးမှာ သန်စွမ်း ကြီးထွားခြင်းမရှိ၍ ထင်ရှားသော ဇာတ်ပို့ဇာတ်ရံဘဝသို့ ရောက်မသွား ခဲ့ရရှာချေ။

ထိုစဉ်က ရိုက်ကွင်းထဲရှိ ရုပ်ရှင် သမားများကြားတွင် ‘စာရေးဆရာ …စာရေးဆရာ’ဟု ခေါ်သံကြားရ ၍ အခေါ်ခံရသူကို ကျွန်တော်လှမ်း ကြည့်လိုက်မိပါသည်။ အခေါ်ခံရသူ မှာ အသက် ၄ဝ ခန့် စုတ်ဖွားဖွား ပေတူးတူး၊ ကျွဲကော်ကိုင်းမျက်မှန်ထူ ကြီးတပ်လျက်သားဖြင့် ကွမ်းယာတွေ ပလုတ်ပလောင်းဝါးနေသူ၊ မှုန်တေ တေ မျက်နှာထားနှင့် ပုဂ္ဂိုလ်ဖြစ်နေ သည်။ အရက်ခိုးဝေနေသော မျက် လုံးများလည်းရှိသည်။ ထိုခေတ်က ”ပုံစံကိုက်” typical စာရေးဆရာ ဒီဇိုင်း ဖြစ်သည်။ (စာရေးဆရာတိုင်း ကို မဆိုလို။ ထိုခေတ်က စာရေးဆရာ အချို့မှာ ဟိုတယ်တွေ၊ ဧည့်ခံပွဲတွေ မှာ အာဆွတ်ရုံလောက်သာ သောက် ကြပြီး ခံ့ခံ့တည်တည်၊ သန့်သန့်ကြည် ကြည်နေတတ်ကြသူများဖြစ်ကြောင်း နောက်ပိုင်းတွင် သိလာရပါသည်။) အမှန်က ရိုက်ကွင်းထဲက ‘စာရေး ဆရာ’ဆိုသူမှာ ‘ဇာတ်ညွှန်းရေးဆရာ’ သာဖြစ်သည်။) မြန်မာ့ဓလေ့က တစ် မျိုးရယ်။ ဇာတ်ညွှန်းရေးဆရာကို လည်း စာရေးဆရာခေါ်သည်။ ဇာတ် သဘင်ထဲက ပြဇာတ်ရေးသူ၊ သီချင်းရေးသူကိုလည်း စာရေး ဆရာပဲခေါ်ကြသည်။

ကျွန်တော်၏ ဖခင်ကြီးသည် ပေပေတေတေ၊ ညစ်ညစ်တူးတူး (စာ ရေးဆရာအခေါ်ခံ) ဇာတ်ညွှန်းရေး ဆရာကိုကြည့်ပြီး အတော်စိတ်ပျက် သွားပုံရသည်။ နောင်သော် စာရေး ဆရာဖြစ်ရန် ကြိုးစားနေသော ကျွန် တော့်ကို ကြည့်ကာ၊ ဆူဆူပူပူလည်း မလုပ်၊ ထောက်ခံအားပေးခြင်းလည်း မပြုဘဲ ”မင်းဘာသာ စာပဲရေးရေး၊ လင်းတပဲရေးရေး၊ ငါ့အပူမပါဘူး ဟေ့”ဟုသာ ရွဲ့ပြောပြောသည်။ဖခင် ကြီးခမျာ ကျွန်တော်၏ ငတ်ပြတ် ဆင်းရဲသော စာရေးဆရာဘဝကို မြင်တွေ့ခွင့်မရဘဲ စောစောစီးစီးဘဝ တစ်ပါးသို့ ပြောင်းသွား ကွယ်လွန် ရှာခဲ့ပါသည်။ အမေကတော့ စာပေ ဝါသနာပါသူပီပီ ကျွန်တော်ဘယ့်က လောက်မွဲမွဲ ကျွန်တော့်လက်ရာစာ တိုပေစကလေးများ ဖတ်နေရလျှင် ဖရဏာပီတိဂွမ်းဆီထိ။

၁၉၇ဝ ပြည့်နှစ်လောက်တွင် စာနယ် ဇင်းအချို့၌ ကလောင်သွေးခဲ့ ပြီး နောက် ၁၉၇၆ ခုနှစ်တွင် စာပေ လောက သို့ ကျွန်တော်ခြေစုံပစ်ဝင် ရောက်သောကာလ၌ ရန်ကုန်စာပေ လောကသည် လှုပ်လှုပ်ရွရွ ကြက်ပျံ မကျ လှုပ်ရှား ရှင်သန်လျက်ရှိခဲ့ပါ သည်။ ပင်ကိုရေး လုံးချင်းဝတ္ထု၊ ဘာသာပြန်လုံး ချင်းဝတ္ထု ‘ရှဲဒိုး’ လုံးချင်းဝတ္ထုတို့ မိုး ကောင်းနေချိန်ဟု ဆိုနိုင်သည်။ လက်ဖက်ရည်တစ်ခွက် ၂ ကျပ်ခေတ်၊ အစီခံဒူးယားစီးကရက် တစ်လိပ် ၂၅ ပြားခေတ်။ အရက်ဖြူ တစ်ပုလင်း ၄ ကျပ်ခွဲခေတ်ဖြစ်သည်။ အသေးစိတ်ပြောရလျှင် ၇၅ ပြား ရှိပါကသမ္မတ ရုပ်ရှင်ရုံမှာ ရုပ်ရှင် ကြည့်၍ရသည်။ ခြူးတံဆိပ် ဆေး ပေါ့လိပ်တစ်လိပ်မှ ၅ ပြား။ ဗယာ ကြော်သုပ်တစ်ပွဲ ၅ဝ ပြား။

ထို့ကြောင့် ကျွန်တော့်လိုက လောင်သစ်ကလေးအတွက် ဝတ္ထုတို တစ်ပုဒ်ဥာပူဇော်ငွေ ၂ဝ ကျပ်ရ လျှင် ထခုန်မိမတတ် အူမြူးဝမ်းသာ နေပါပြီ။ အရင်းနှီးဆုံး စာပေမိတ် ဆွေသုံးယောက်လောက်ခေါ်ပြီး နီး ရာ ”ဘား”သို့ ဝင်သည်။ အရက်ဖြူ ကို ရေချိန်ကိုက်သောက်ပြီး အမြည်း တစ်ဝစားကြသည်။ (သြော် ..ဟို တုန်းက …ဟိုတုန်းက ရှေးခေတ် ဟောင်း အောက်မေ့ဖွယ်ပ။)

၁၉၇၆ ခုနှစ်ထဲက နေ့ရက်တစ် ရက်။ ရန်ကုန် ၃၃ လမ်း၊ စာပေရပ် ကွက်ထဲမှာ ညနေ ၄ နာရီလောက် လူစည်နေသည်။ စာရေးဆရာတွေ၊ ကဗျာဆရာတွေ၊ ကာတွန်းဆရာတွေ၊ အယ်ဒီတာနှင့် ထုတ်ဝေသူတွေ။ ထို လူအုပ်ထဲမှာ ဘာမှမဟုတ်သော ကဗျာရူးစာရူး လူငယ်တချို့လည်း ထီးကိုင်ဖိနပ်ကိုင်ဘဝများဖြင့် ရော နှောငေးမောနေသည်။

ထိုစဉ် စုတ်ဖွားဖွား ပေတူးတူး ညိုညစ်ညစ်အရပ်ပုပုနှင့် အသက် ၄ဝ ကျော်လောက် လူတစ်ယောက် ၃၃ လမ်းထဲသို့ တရွေ့ရွေ့လှမ်း၍ ဝင်လာသည်။ မျက်နှာက ဖောသွပ် နေပါသည်။ ဗေဒင်မမေးပါနှင့် သူ သည် ယစ်ထုပ်က ဇော်အိုးမှန်း သေ ချာပါသည်။ အသိမိတ်ဆွေစာရေး ဆရာ၊ ကဗျာဆရာတစ်ယောက် ယောက်ကို တွေ့သောအခါ သူက မချိပြုံးပြုံး၍ ချဉ်းကပ်သွား၏။ ပြီး လျှင် အိတ်ကပ်ထဲမှ စာရွက်ခေါက် ကလေးကို ထုတ်၍ ဖြန့်ပြသည်။ စာ ရွက်ကလေးပေါ်မှာ ရေးသားထား သည်က ခပ်တိုတိုအလှူခံလွှာ။

”ကျွန်တော့်ကို ငွေငါးကျပ် လောက် ကူညီပါ”

ထိုခေတ်က စာပေလောက သားအများစုက ငမွဲတွေဖြစ်ကြရာ။ ပေးလှူလိုပါလျက် ငါးကျပ်တောင် မရှိ၍ မချိတင်ကဲ ဝမ်းနည်းစွာ ခေါင်းခါပြကြသည်။ ဘယ်လိုမဆို။ နှစ်ယောက်သုံးယောက်စုပြီး ပေး လိုက်တော့ ငါးကျပ်အပြည့်ရသွား သည်။ ငွေငါးကျပ်ရသည်နှင့် အဲဒီ ပုဂ္ဂိုလ်သည် လာရာလမ်းအတိုင်း တရွေ့ရွေ့ ပြန်လည်ထွက်ခွာသွား တော့သည်။

”သူက ဘယ်သူတုံးဗျ”ဟု ကျွန်တော်က စာပေမိတ်ဆွေထံမှာ တီးခေါက်စူးစမ်းကြည့်သည်။

”အဲဒါ ကဗျာဆရာ ကျုံဒါးကျော် မွန်ပဲ”

”အို …ဘုရား …သိကြား ကယ်တော်မူပါ”ဟု ကျွန်တော် ယောင်ယမ်းရေရွတ်မိပါသည်။ ‘ကျုံ ဒါးကျော်မွန်’၏ ကဗျာနှင့် စကားပြေ များကို ကျွန်တော်ဖတ်ဖူးပါသည်။ ဝေါဟာရချွေချွေတာတာနှင့် ကျစ် ကျစ်လျစ်လျစ် ရေးဖွဲ့တတ်သည့် သူ့စာတွေကို ကြိုက်သည်။
ဥပမာအဖြစ် ဖော်ပြရလျှင် ဝတ္ထုတိုတစ်ပုဒ်၏ အဖွင့်ကို ဆရာ ကျုံဒါးက ဤသို့ ဖွင့်သည်။

”ငြိမ့်။ သူမ၏ နာမည်က ငြိမ့်။ သည်ညပန်းခြံမှာ အငြိမ့်ရှိသည်။”

နောက်မှပေါ်လာသော LP ခေါ် ဘာသာစကားကဗျာဆရာ တွေ ဖျားသွားလောက်သော အရေးအ သားဖြစ်သည်။ ဆရာကျုံဒါးသည်ထို နှစ်ကာလတစ်ဝိုက်မှာပဲ မထင်မရှား ကွယ်လွန်သွားရှာသည်။ စာ၊ ကဗျာ ဖန်တီးမှုလှပသော်လည်း ဘဝက မလှရှာ။ သြော် …ဘဝ …ဘဝ …ဘဝ။

ကျွန်တော်လည်း ၁၉၉ဝ ပြည့် နှစ် တစ်ဝိုက်တွင် စာပေလောက၏ အော့ကြောလန်ယစ်ထုပ်ဖြစ်ခဲ့ဖူး သည်။ သို့သော် စာပေအနုပညာကို ကျွန်တော်က တန်ဖိုးထားခဲ့သည်။ ထို့ ကြောင့် လူငယ်ကဗျာဆရာတစ်ဦးက ”ဆရာကြူးက လူသာမူးတာ၊ စာကျ တော့ မမူးဘူး”ဟု မှတ်ချက်ချခဲ့ပါသည်။

ကဗျာဆရာကြီး သစ္စာနီက အလွန်ပါးနပ်လိမ္မာသည်။ ကျွန်တော့် ကို မြင်သည်နှင့် ခါးကြားမှ ပိုက်ဆံ အိတ်ကို ဆွဲထုတ်ကာ ငွေစက္ကူတစ် ရွက်အသင့်ပြင်ထားသည်။ လူချင်း နီးကပ်လာသည်နှင့် ငွေစက္ကူကို လှမ်းပေးပြီး ခပ်မြန်မြန်ကလေး ‘လစ်’ လေတော့သည်။ ဤသို့ ပါးနပ် သဖြင့် ဆရာသစ္စာနီသည် ‘အရစ် လည်း ခံရ၊ ငွေလည်း ကုန်ရသော’ ဘေးဒုက္ခမှ လွတ်ကင်းလေသတည်း။

သြော် …ဘဝ …ဘဝ …ဘဝ …ဘဝ။ မလှပတဲ့ စာ ရေးဆရာတွေရဲ့ ဘဝ။

ကြူးနှစ်

Comments (0)

Leave a reply

Your email address will not be published. Required fields are marked *

*