ပါဒသီချင်းသည်

ပါဒသီချင်းသည်
August 7, 2018 AsianFame MediaGroup
ပါဒသီချင်းသည်

မိုးကလေးကလည်း တစိမ့်စိမ့် မို့၊ အားကလည်း အားလပ်ရက်မို့ ပါဒသီချင်းသည်ဆိုတဲ့ ဝတ္ထုကလေး ရေးခဲ့တာကို ပြန်သတိရနေပါတယ်။
ပါဒဧကရီတစ်ပါးအကြောင်း ရေးပေမယ့် ကျွန်တော့်မှာ ပါဒနိုင်ငံ တော်နဲ့ ပတ်သက်ပြီး ဘာစာအုပ်စာ တမ်းမှမရှိ။ ကျွန်တော့်မှာရှိတာက ကြီးကြီးကျယ်ကျယ် ရေးချင်တဲ့စိတ် ပဲရှိတယ်။ ဒီပါဒသီချင်းသည် ဝတ္ထု ရေးချင်စိတ်က ကျွန်တော် ခုနစ်တန်း ကျောင်းသားဘဝက စရှိခဲ့တာ။ ကျွန် တော်တို့ ခုနစ်တန်းတုန်းက အင်္ဂလိပ် စာဘာသာရပ်ကို ‘ရှိုက်စပီးယား ပြ ဇာတ်များ’ ကို သင်ရတယ်။ ကျွန် တော်တို့ရဲ့ အင်္ဂလိပ်ဘာသာပြ ဆရာ က စာသင်အလွန်ကောင်းပါတယ်။ ကျောင်းသင်ခန်းစာအပြင် ဗဟုသုတ စာတွေ အကြောင်းလည်း လိုအပ် ရင် သင်ပြပြောပြတတ်တဲ့ ဆရာပေါ့။

ရှိုတ်စပီးယားပြဇာတ်သင်ဆရာ ဟာ တစ်ခါတော့ ကျွန်တော်တို့ ကျောင်းသားတွေကို ဗဟုသုတအလို့ ငှာ ‘အောဖျူးစ်ပြဇာတ်’အကြောင်း ကို ပြောပြဖူးပါတယ်။ အောဖျူးစ်က ဂရိဒဏ္ဍာရီလာ သရေ့စ်တိုင်းက သီ ချင်းသည် ကောင်မလေးတစ်ယောက် ပါ။ အဲဒီအချိန်ကတည်းက အော ဖျူးစ်နေရာကို ကျွန်တော်နဲ့ ပါဒသီ ချင်းသည်နှင့် အစားထိုးရေးဖွဲ့ကြည့် ဖို့ ကျွန်တော်စိတ်ကူးခဲ့ပါတယ်။

ဒါနဲ့ ဆရာပြောတဲ့ အောဖျူးစ် အကြောင်းကို မှတ်စုစာအုပ်မှာ ရေး မှတ်ပြီး မှတ်စုကို သေသေချာချာ သိမ်းဆည်းထားခဲ့ပါတယ်။ ပါဒယဉ် ကျေးမှုနဲ့ ပတ်သက်ပြီးတော့လည်း ကျွန်တော်ဘာမှမည်မည်ရရ သိသူ မဟုတ်ပါ။ အထောက်အထားဆိုလို့ ပါဒနိုင်ငံတော်ဆိုတဲ့ စာအုပ်ဟောင်း ခပ်ပါးပါးသာရှိတယ်။ ဒါပေမဲ့ အဲဒီ စာအုပ်က ပျောက်သွားတာ ကြာပါ ပြီ။ အဲပျောက်သွားတာဆိုလို့ အော ဖျူးစ်အကြောင်း ရေးမှတ်ထားတဲ့ မှတ်စုစာအုပ်ကလေး ပျောက်သွား ပြီ ဖြစ်ပါတယ်။

သည်တော့ အောဖျူးစ်လည်း ပါဒဧကရီ မဖြစ်တော့ဘူးပေါ့။

(၂)

ဒီနေ့လည်း မိုးကလေးတစိမ့်စိမ့် ရှိတာနဲ့ စာအုပ်စင်ရှင်းရင်း ပျောက် နေတဲ့ အောဖျူးစ်မှတ်စုလေး ပြန် တွေ့တယ်။ စာအုပ်က မိုးစိုကြွက် ကိုက်ဖြစ်နေတော့ စာကို အတော် ဖတ်ယူရပါတယ်။ ရေးထားတဲ့ မှတ်စု က

. . . အောဖျူးစ်ပြဇာတ်မှာ ဂရိဒဏ္ဍာရီလာ သရေ့စ်တိုင်းမှ သီ ချင်းသည်အကျော်အမော် ‘အော ဖျူးစ်’အကြောင်းဖြစ်ပါတယ်။ သူ့ရဲ့ စောင်းသံနဲ့ ဗြောသံကြားရလျှင် သက်ရှိသတ္တဝါတွေ မပြောနဲ့ သစ်ပင် တွေ၊ ကျောက်တုံးတွေတောင်ပျောင်း ညွှတ်လာရတယ်လို့ ဆိုပါတယ်။ သူ ဟာ ဂီတနတ်သမီး ‘ကလိုင်ယိုပီ’နဲ့ စောင်းတော်ရှင်နတ်သား ‘အပိုလို’ တို့ရဲ့ သားဖြစ်ပြီး၊ အလှနတ်မယ် ‘ယူ ရီဒီဆီ’နဲ့ အကြောင်းပါတယ်။ ချစ် ကြင်နာကြဆဲမှာပဲ ယူရီဒီဆီ မြွေ ကိုက်ပြီး သေဆုံးသွားတယ်။ အော ဖျူးစ်လည်း သောကကြီးစွာဖြစ်ပြီး ယမမင်းကြီးထံအထိ အယူခံဝင်ကာ၊ သူ့ဇနီးကို ပြန်ပေးဖို့ ဆွတ်ပျံ့ဖွယ် တေးသံတွေနဲ့ တောင်းခံပါတယ်။ ယမမင်းကြီးနဲ့ ငရဲသားတွေအားလုံး သူ့တေးဂီတသံကို ကြည်နူးပြီး သူ တောင်းတဲ့အတိုင်း ယူရီဒီဆီကို ပြန် ပေးလိုက်ပါတယ်။ ဒါပေမဲ့ စည်း ကမ်းချက်တစ်ခုကိုတော့ ယမမင်းက သတ်မှတ်ပေးလိုက်တယ်။ စည်းကမ်း ချက်က သူကရှေ့ကသွားပြီး ယူရီဒီ ဆီက နောက်က လိုက်ရတယ်။ ယူရီ ဒီဆီကို ‘လူတို့ နယ်ပယ်’ မရောက် မချင်းနောက်ကို လှည့်မကြည့်ရလို့ စည်းကမ်းသတ်မှတ်ပေးလိုက်တယ်။

ဒါပေမဲ့ အောဖျူးစ်က ‘လူ့ဘုံ ကမ်းစပ်’အရောက်မှာ အဲဒီစည်းကမ်း ကို ဖျက်လိုက်တယ်။ သူက စိတ်မချ လို့ လှည့်ကြည့်လိုက်တဲ့အခါ …

လှည့်ကြည့်လိုက် …အခါ

လှည့်ကြည့်လိုက်တဲ့အခါ …

လှည့်ကြည့်လိုက်တဲ့အခါ …

မှတ်စုက ဒီအထဲပဲပါတယ်။ ကျန်တာကမိုးထိတဲ့အထဲပါသလား၊ ကြွက်ကိုက်တဲ့အထဲပါသလားဆိုတာ တော့ ဘုရားသည်မှပဲ သိတော့မှာ …။

မိုးကလည်း တစိမ့်စိမ့်ရွာနေဆဲ
ကျွန်တော်ရဲ့ ပါဒသီချင်းသည် လည်း
ခုထိလူ့ဘုံကမ်းစပ်ကို မရောက် နိုင်သေး ။ ။

ကိုငြိမ်း(မန္တလေး)

Comments (0)

Leave a reply

Your email address will not be published. Required fields are marked *

*