ဘဒ္ဒန္တနာရဒါဘိဝံသ (လှရတနာ)၏’အဖေ့ခြေရာ’ စာအုပ်မိတ်ဆက်

ဘဒ္ဒန္တနာရဒါဘိဝံသ (လှရတနာ)၏’အဖေ့ခြေရာ’ စာအုပ်မိတ်ဆက်
August 2, 2018 Asian Fame Media
ဘဒ္ဒန္တနာရဒါဘိဝံသ (လှရတနာ)၏’အဖေ့ခြေရာ’ စာအုပ်မိတ်ဆက်

ဘဒ္ဒန္တနာရဒါဘိဝံသ (လှရ တနာ) (ပထမကျော်၊ အဂ္ဂမဟာ အကျော်၊ အဋ္ဌကထာ ပြန်အကျော်၊ သ-စ–အ ဓမ္မာစရိယ၊ ပါဠိ ပါရဂူ၊ တိပိဋကဩဝါဒါစရိယ၊ အဂ္ဂမဟာ ဂန္တဝါစက ပဏ္ဍိတ၊ စေတိယင်္ဂဏပဝရသိရီ မဟာဓမ္မဂုရု)ရေးသားပြုစုတဲ့ ‘အဖေ့ ခြေရာ’ စာအုပ်မိတ်ဆက်ပွဲကို ဇူလိုင်လ ၂၀ ရက်နေ့ကှုပှအမေ ဟိုတယ်မှာ ပြုလုပ်ခဲ့ပါတယ်။ အဆိုပါ စာအုပ်မိတ်ဆက်ပွဲမှာ ပါဠိ တက္ကသိုလ် ညောင်တုန်းကျောင်းတိုက် နာယက-စာချ လှရတနာ ဆရာတော် ဘဒ္ဒန္တနာရဒါဘိဝံသ (လှရတနာ)နှင့်တကွ ဗန်းမော် ဆရာတော်ကြီး ဘဒ္ဒန္တကုမာရာဘိဝံသ၊ ဓမ္မဂုဏ်ရည်ဆရာတော် ဘဒ္ဒန္တဝိလာသ[ဝေမိုး(ကျွန်းလှ)]၊ စာကြည့်တိုက်မှူးဆရာတော် ဘဒ္ဒန္တပညာနန္ဒ၊ အဘိဓဇဆရာတော် ဘဒ္ဒန္တရာဇိန္ဒတို့က စာအုပ်နဲ့ ပတ်သက်ပြီး ရှင်းလင်းမိန့်ကြားခဲ့ကြပါတယ်။ ‘အဖေ့ခြေရာ’ စာအုပ်ဟာ ဗုဒ္ဓ ခြေတော်ရာသမိုင်း၊ အဖေ့ခြေရာ လေ့လာနည်း၊ ပူဇော်နည်း၊ အကျိုးကျေးဇူးများ၊ တည်ရာဌာနနဲ့ နိုင်ငံအသီးသီး ခေတ်အဆက်ဆက်မှ ခြေတော်ရာပုံတော်များ စုံလင်စွာပါရှိတဲ့ ဗုဒ္ဓစာပေ ပထမဆုရစာအုပ်တစ်အုပ်ဖြစ်ပါတယ်။

၂၀၁၀ ပြည့်နှစ်အတွင်းက ပထမအကြိမ်နဲ့ ဒုတိယအကြိမ် ထုတ်ဝေခဲ့ ကာ ၂၀၁၈ခုနှစ် ဇွန်လအတွင်းမှာ တတိယအကြိမ် ထုတ်ဝေဖြန့်ချိခဲ့တဲ့ ဒီစာအုပ်နဲ့ပတ်သက်ပြီး လှရတနာ ဆရာတော် ဘဒ္ဒန္တနာရဒါဘိဝံသက “ပထမနဲ့ ဒုတိယအကြိမ် ထုတ်ဝေစဉ် ကတော့ ဗုဒ္ဓခြေတော်ရာဆိုင်ရာသမိုင်းကြောင်းတွေလောက်ပဲ ဖော်ပြထားပါတယ်။ ဒီစာအုပ်ကို ဗုဒ္ဓစာပေ ပထမဆုရပြီးနောက် သီရိလင်္ကာနိုင်ငံက ဘုရားခြေတော်ရာအစစ်ကို သွားရောက် လေ့လာတဲ့အခါ ပထမတစ်ခေါက်တုန်းကတော့ တနင်္ဂနွေနေ့နဲ့ မတိုက်ဆိုင်တော့ ပုံမှန်ပဲ ပူဇော်ခဲ့ရပါတယ်။ ဒုတိယတစ်ကြိမ် ထပ်ပြီး ပူဇော်တော့ တနင်္ဂနွေနေ့နဲ့ တိုက်ဆိုင်တဲ့အတွက် သီရိ လင်္ကာက ဆရာတော်တွေနဲ့ ဂေါပကတွေက ဘုရားခြေတော်ရာကို ဆွမ်းတော်ပွဲကပ်ရာမှာ ခမ်းခမ်းနားနား စနစ်တကျကပ်တာကို တွေ့ခဲ့ရပါတယ်။ ဘုရားခြေတော်ရာဟာ ပုံမှန် ဝတ်ကျေတန်းကျေ သောက်တော် ရေခွက်လေး၊ ဆွမ်းလေးကပ်တာနဲ့ မပြည့်စုံဘူး၊ သီရိလင်္ကာမှာ ကပ်တဲ့အတိုင်း ခမ်းခမ်းနားနား ဆွမ်းတော်ကပ် ထိုက်တယ်ဆိုတာကို စာပေပရိယတ်နဲ့ ယှဉ်ပြီး လေ့လာသုံးသပ် လိုက်တဲ့အခါမှာလည်း တွေ့လာပါတယ်။ ဒါကြောင့် ခြေတော်ရာ ပူဇော်တဲ့အခါ သီရိလင်္ကာကခြေတော် ရာအစစ်ကို ဆွမ်းတော် ကပ်သလို ၁၀၈ ကွက် စက်လက္ခဏာနည်းအတိုင်း ကပ်သင့်ပါ တယ်။ အဲဒီအကြောင်းကိုလည်း ဒီစာအုပ်ကို တတိယအကြိမ် ထုတ်ဝေတဲ့အခါမှာ ထည့်သွင်းရေးသားထားပါတယ်။ အဲဒီလို ဆွမ်းတော်ကပ်ရခြင်းရဲ့ အကျိုးကျေးဇူး တွေလည်း ဒီစာအုပ်မှာ ပါရှိပါတယ်။ ဒါတွေကတော့ တတိယအကြိမ် ဒီစာအုပ်ရဲ့ ထူးခြားတဲ့အချက်တွေ ဖြစ်ပါတယ်” လို့ မိန့်ကြားပါတယ်။

အဲဒီနောက် ဓမ္မဒါနအလှူရှင် ဦးလှသောင်း + ဒေါ်လဲ့လဲ့ဝင်းတို့က ‘အဖေ့ခြေရာ’စာအုပ်များကို ဗုဒ္ဓသာသနာတော်ဆိုင်ရာ စာကြည့်တိုက်များသို့ လှူဒါန်းရာ စာကြည့်တိုက်မှူးဆရာတော် ဘဒ္ဒန္တ ပညာနန္ဒက လက်ခံရယူခဲ့ပါတယ်။ လှရတနာ ဆရာတော် ဘဒ္ဒန္တနာရဒါဘိဝံသက ‘အဖေ့ခြေရာ’စာအုပ်နဲ့ ဗုဒ္ဓခြေတော်ရာပုံတော်ကို ဇေယျာလူမှုထူးချွန်ပထမအဆင့် အဂ္ဂမဟာ သီရိသု ဓမ္မသိင်္ဂီ ဒေါက်တာဒေါ်နီနီ (ရွှေသံ လွင်ကုမ္ပဏီ) ထံသို့ ချီးမြှင့်ပေးအပ်ခဲ့ပါတယ်။ ‘အဖေ့ခြေရာ’ စာအုပ်ကို တန်ဖိုးကျပ် ၇၀ဝ၀နဲ့ ရွှေကျေးစာပေကနေ တစ်ပြည်လုံးကို ဖြန့်ချိထားပါတယ်။

စုမွန်

Comments (0)

Leave a reply

Your email address will not be published. Required fields are marked *

*